JW subtitle extractor

Tau matahiti to mâua Juliana riroraa ei hoa.
E ua haamata mâua i te haamatau tau ava‘e a‘enei.
Mea afaro roa mâua Nick.
Ia mâua râ i haere i tera vahi e te tahi mau hoa,
e tei reira atoa to mâua fetii,
mana‘oraa ïa vau: ‘Eaha râ tera?’
Parau atura vau: “E!”
Ua hitimahuta Juliana i to ’u aniraa i to ’na rima.
Oaoa roa mâua.
E ua parare oioi te parau apî!
Ua haapopou pauroa mai te amuiraa, to ’u iho â râ hoa o Natalie.
Mea rahi to ’na mau mana‘o no te faaineine i te faaipoiporaa.
Ineine roa vau i te faanaho i to mâua oroa.
E ere i te ohipa nainai ia faaineine te hoê faaipoiporaa.
Ua horoa pauroa mai te taata i to ratou mana‘o,
o Papa atoa!
E tia ia feruri o vai ta mâua e titau manihini,
maiti i te mau tiare,
te mau faaneheneheraa e to mâua ahu faaipoiporaa!
Mea anaanatae roa.
Ta ’u ïa i mana‘o i te haamataraa.
E ohipa tapihooraa mau â te parau no te faaipoiporaa.
Mea tauturu iho â ïa te mau vahine hoo ahu.
Eiaha râ ia mo‘ehia, e imiraa moni tera na ratou.
Hau atu, e au ra e, aita e ahu faaipoiporaa tura.
E ia hi‘ohia te moni o te ahu ta ’u e oomo hoê noa mahana,
eaha te apî?
Parau mau, oaoa pauroa ratou no ’u.
O vau nei râ, ua teimaha roa ïa!
Ia matou i paraparau i ǒ Juliana,
aita vau i afaro roa.
Mea oaoa maitai Juliana i te haamataraa.
Ia ’u râ i hi‘o atu, ua painu roa o ’na.
Mea ma noa tei paraparau e aita to mâua mana‘o i tâu‘ahia.
E tia râ ia farii, aita atoa mâua i papu eaha mau ta mâua e hinaaro ra.
Parau atura vau, mea au a‘e paha ia rave maa taime no te feruri
mai te aha mau na te faaipoiporaa Kerisetiano.
Ua paraparau mâua ia taeae Grey e taeae Sharp
no nia i to mâua faaipoiporaa i te Piha a te Basileia.
Ua au roa mâua i te mau haamana‘oraa ta raua i horoa mai.
Korinetia 1, 10:31:
“Te amu ra outou, te inu ra aore ra te rave ra i te tahi atu ohipa,
a rave i te mau mea atoa ia hanahana te Atua.”
Ua haamana‘o mai taeae Sharp e oroa pae varua te faaipoiporaa.
Titauhia ïa ia haapao i ta Iehova aratairaa ia faanaho ana‘e i te tereraa o te faaipoiporaa.
Ua faaite mai taeae Grey i te Ioane 1, 2:15, 16:
“Eiaha e nounou i teie nei ao e te mau mea a teie nei ao.”
“Te mau mea atoa hoi a teie nei ao,
oia hoi te hinaaro tia ore o te tino e te hinaaro tia ore o te mata
e te faaiteiteraa ahaaha i ta ’na mau faufaa, . . . no ǒ mai [ïa] i teie nei ao.”
Ua haamana‘o mai taeae Grey
e mea taa ê roa te huru hi‘oraa a to teie nei ao
i ta tatou te mau Kerisetiano.
E riro mâua ei hi‘oraa maitai
ia rave mâua i te mau faaotiraa e tu i to Iehova mana‘o.
Ua maiti raua i te tahi mau vea no nia i te faanahoraa i te faaipoiporaa
ia tere maitai to mâua oroa.
Ua mana‘o vau ia taeae Sharp
ei tavana o to mâua oroa no te tauturu mai ia faanaho i te mau ohipa.
Ua faaitoito mai râ oia ia paraparau na mua mâua Juliana.
Ia matou i haere i te vahi pataraa hoho‘a,
ua hitimahuta vau i te huru faaahaaha e te faaiteite o tera mau faaipoiporaa.
E ere i te oroa tura o te faahanahana i te Atua,
e arearearaa aoaoa râ.
Te na ô ra te Galatia:
“Ta te tino hara e faatupu, oia ïa . . . te taero ava,
te arearearaa ahoahoa e te tahi atu mau mea.”
E ere roa tera ta mâua i hinaaro.
Ma te pure, ua hi‘opoa mâua i te mau vea ta te mau taeae i horoa mai.
Ia pee mâua i te mau aratairaa Bibilia,
eita mâua e pau rahi roa,
e oaoa te taatoaraa
e e faahanahana to mâua oroa faaipoiporaa ia Iehova.
Titauhia râ ia rave i te mau faatanoraa
e ia haapae i te mau ohipa moni rahi ta mâua i opua i te omuaraa ra.
Ua ara atoa mâua ia ore e pee i te mau peu a to teie nei ao.
Ua haamata apî mâua i te mau faaineineraa ma te pee maite i te mau aratairaa a Iehova.
Te faaue ra te Timoteo 1, 2:9
“ia faanehenehe te mau vahine ia ratou i te ahu e tano,
ma te tura e ma te mana‘o paari.”
Aita i ite-oioi-hia mai,
ua roaa mai râ te hoê ahu moni tano noa,
te tura e te nehenehe.
Ua itehia mai te hoê ahu e au no te faaipoiporaa,
o ta ’u atoa râ e nehenehe e omono i muri a‘e.
Ua haere atoa mai tuahine ma e hi‘o e ua tano anei te ahu ta ’u i maiti.
Ua tere te taime.
Ua ani au ia taeae Sharp ia hi‘opoa i te tupu-maite-raa o te oroa faaipoiporaa.
E tae mai nei te taime no te opere i te mau titau-manihini-raa
e no te rave i te mau faanahoraa hopea.
A aratai ai Papa ia ’u ia Nick ra, ua otuitui to ’u mafatu.
Mea haviti mau o Juliana!
I muri a‘e i tera mau faaineineraa atoa,
ua tupu maitai te oroa.
E ua mana to mâua faaipoiporaa i mua i te ture.
Ia mataitai mâua i te mau hoho‘a, e mau taime oaoa ana‘e ïa.
Mea oaoa, ua tupu maitai te oroa faaipoiporaa.
E ia mâua i ite i te vahi tamaaraa tei faanehenehe-maitai-hia,
ua maere roa mâua.
E oroa tura e te tano noa.
Hope te au.
Ua parau mai te mau manihini, aita ’tu ai to mâua oroa faaipoiporaa.
Ua tupu te mau mea atoa mai ta mâua i hinaaro.
E aita i rahi te haamâu‘araa.
Te mea faufaa roa ’‘e,
ua haamata maitai to mâua faaipoiporaa maoti o Iehova.
Oaoa roa vau ua farerei tâua.
Oaoa roa ’toa vau, ta ’u here.
E e oaoa noa tâua ia tuu tâua ia Iehova na mua roa.

Ia faahanahana te oroa faaipoiporaa ia Iehova