JW subtitle extractor

Nha nómi é Kiara,
i nha maridu txoma Shaan.
Ka dura li, nos fidju Akil muda pa djuda na undi ki ten más nisisidadi.
N ka daba kónta modi ki el ta fazeba nos ri.
N ta xinti falta di kel-la.
Gósi sta tudu mutu ketu.
Má más di ki kel-la
N sta xinti ma nu sta fika lonji di kunpanheru.
N tenta pâpia ku el.
Má ka da sértu.
Désdi ki Akil bai,
kuzas entri mi ku Kiara fika difísil.
Gósi kuazi el ka sta ri.
N ta gostaba di odjaba el kontenti
i pa el ri más,
sima kantu Akil ta staba li.
N ka krê setaba kel-la,
má nu sta ta fika lonji di kunpanheru.
Ti Akil repara.
OK,
N pode faze nhos un pergunta?
“Nhos sta dretu?
Pamodi nhos ka sta parse dretu”.
É klaru.
É klaru ki nu sta dretu.
Tudu sta dretu, ka simé?
Sin, nu sta dretu.
Tudu sta dretu.
Nu ka sta nganaba ningen,
talvês nos kabésa.
I pa primeru bês,
nu mostra kunpanheru modi ki nu sta xintiba di verdadi.
Nu sabia ma nu sta baba pa un kaminhu prigozu.
Nu tinha ki fazeba algun kuza faxi.
Nu lé djuntu testu di Romanos 12:10:
‘Nhos ser primeru na da ónra pa kunpanheru.’
Nu pensa sobri Abraon ku Sara.
Es ka éra perfetu,
má es sforsa txeu pa es mostra ónra,
i ses amor pa kunpanheru.
N fla Kiara,
“N sabe ma N pode faze midjór.”
I N krê fazeba,
pamodi N krê-l txeu.
N fla Shaan,
“Nu tenta nos tudu dôs faze nos midjór.”
É kel-la ki nu faze.
Alguns mês dipôs,
nu disidi ser pioneru djuntu.
Gósi ta parse ma nu ten txeu kuza pa pâpia di el.
N xinti sima ki N sta odjaba otus kuza na Kiara.
Sima Abraon ku Sara, nos kazamentu ka éra perfetu.
Nu ta pasa pa prublémas.
Má si nu sforsa pa sigi prinsípius di Bíblia
nu ta vense kes prubléma
i nu ta fika más amigu di kunpanheru.

Modi ki nu pode bira nos kazamentu más fórti