JW subtitle extractor

Kiara naníi̱.
Ta ta̱yóʼo kúú yiíi̱ ta̱ Shaan.
Se̱ʼendi̱ ta̱ Akil,
sa̱kán ku̱a̱ʼa̱nra inka congregación,
nu̱ú xíniñúʼuka na̱ natúʼun xa̱ʼa̱ Ndióxi̱.
Síínní íyondi̱ vitin.
Va̱ʼaní xi̱sakuáʼkura ndi̱ʼi̱.
Ndákaʼanníi̱ xa̱ʼa̱ra.
Ta̱ Shaan xíʼin yi̱ʼi̱,
loʼoní káʼa̱n xíʼin táʼanndi̱.
Ndákanixi̱níi̱ ña̱....
va̱ása va̱ʼaka kítáʼanndi̱.
Xi̱kuni̱ ka̱ʼi̱n xíʼinra xa̱ʼa̱ ña̱ ndóʼi̱,
soo va̱ása níkivi.
Nda̱a̱ tá ku̱a̱ʼa̱n ta̱ Akil,
va̱ása va̱ʼa íyoi̱ xíʼin ñá Kiara.
Ndiʼi tiempo sáa̱ñá.
Kúni̱i̱ ná kusi̱í loʼo iniñá,
nda̱a̱ táki̱ʼva xi̱kusi̱í-iniñá tá ni̱xi̱yo ta̱ Akil xíʼinndi̱.
Va̱ása kúni̱i̱ ka̱ʼi̱n ña̱yóʼo,
soo,
va̱ása va̱ʼa kítáʼankandi̱.
Nda̱a̱ ta̱ Akil xíto ña̱yóʼo.
Ta, ¿á kivi keʼíi̱ iin pregunta xíʼinndó?
¿Á su̱ví na̱ kánitáʼan kúúndó?
Chi va̱ása va̱ʼa íyondó túvii̱.
Va̱ʼaní, va̱ʼaníva, va̱ʼaníva íyondi̱, ¿á su̱ví saá?
Míí ña̱ nda̱a̱ va̱ʼava íyondi̱.
Soo su̱ví ña̱ nda̱a̱ kúúña.
U̱vi̱ saándi̱ xi̱xinindi̱ ña̱ nda̱a̱.
Ña̱ nu̱ú kúú ña̱ ni̱ka̱ʼa̱n xíʼin táʼanndi̱ xa̱ʼa̱ ña̱ ndóʼondi̱.
Xi̱kunda̱a̱-inindi̱,
ña̱ tá kǒo káʼa̱n xíʼin táʼanndi̱,
va̱ása va̱ʼa kundoondi̱.
Xi̱niñúʼu kamaní ndasaviíndi̱ ku̱a̱chi yóʼo.
Ka̱ʼvindi̱ ña̱ káʼa̱n Romanos 12:10:
“To̱ʼó koondó xíʼin táʼanndó,
ta chinúundó yichi̱ nu̱ú táʼanndó xíʼin ña̱yóʼo”.
Ni̱ka̱ʼa̱nndi̱ xa̱ʼa̱ ta̱ Abrahán xíʼin ñá Sara.
Na̱ yiví ku̱a̱chi xi̱kuu na̱yóʼo,
soo ndiʼi tiempo xi̱ ixato̱ʼó xíʼin táʼanna.
Xi̱xiniso̱ʼona ña̱ xi̱ka̱ʼa̱n xíʼin táʼanna,
ta xi̱na̱ʼa̱na ña̱ kúni̱ táʼanna.
Ni̱ka̱ʼi̱n xíʼin ñá Kiara:
“Kúnivai̱ nasa̱mai̱”.
Ta ña̱ ndixava xi̱kunii̱ nasa̱mai̱,
chi kúʼvi̱ní-inii̱ xíniñá.
Yi̱ʼi̱ ni̱ka̱ʼi̱n xíʼin ta̱ Shaan,
ña̱ u̱vi̱ saándi̱ xíniñúʼu nasa̱ma.
Ta ña̱kán kúú ña̱ ke̱ʼéndi̱.
Tá ni̱ya̱ʼa yo̱o̱,
u̱vi̱ saándi̱ ki̱xáʼandi̱ kúúndi̱ precursor.
Ta xa̱a̱ ku̱a̱ʼá ña̱ʼa xi̱natúʼunndi̱ vitin.
Ku̱a̱ʼáníka ña̱ʼa xínii̱ xa̱ʼa̱ ñá Kiara vitin.
Ta̱ Abrahán xíʼin ñá Sara,
na̱ yiví ku̱a̱chi xi̱kuuna,
ta saátu ndi̱ʼi̱.
Ndiʼi tiempo koo tu̱ndóʼo nu̱úndi̱.
Soo chíka̱a̱ndi̱ ndeé
ña̱ va̱ʼa keʼéndi̱ ña̱ káʼa̱n tu̱ʼun Ndióxi̱,
ta ña̱yóʼo chíndeétáʼanní xíʼinndi̱.
Vitin va̱ʼaníka kítáʼanndi̱.

¿Ndáaña keʼún ña va̱ʼaka kutáʼún xíʼin ñá síʼún á yiíún?