JW subtitle extractor

‎Haʼu-nia naran Kiara.
‎Neʼe mak haʼu-nia laʼen,
‎naran Shaan.
‎Ami-nia oan mane Akil foin muda ba kongregasaun seluk
‎neʼebé presiza ajuda.
‎Nia sempre halo ami hamnasa.
‎Maibé agora la hanesan.
‎Agora ami ladún koʼalia.
‎Haʼu mós la sente besik ba haʼu-nia laʼen hanesan uluk.
‎Haʼu koko koʼalia ho nia,
‎maibé nia la interese.
‎Husi tempu neʼebé Akil bá,
‎haʼu no Kiara sai dook malu.
‎Agora nia sériu liu.
‎Haʼu hakarak nia kontente no hamnasa fali,
‎hanesan uluk antes Akil bá.
‎Maibé, realidade mak ami-nia relasaun nuʼudar feen no laʼen
‎sai dook ba beibeik.
‎Akil mós bele nota buat neʼebé akontese.
‎Deskulpa, haʼu bele husu pergunta ida?
‎Apá no Amá diʼak hela ka?
‎Haree hanesan imi la kontente.
‎Sin, ami diʼak hela.
‎Buat hotu diʼak. Loos ka lae?
‎Sin, ami diʼak.
‎Buat hotu diʼak. Sin.
‎Tuir loloos ami iha duni problema,
‎maibé ami nega ida-neʼe.
‎No ba dala primeiru,
‎ami naʼin-rua koʼalia nakloke kona-ba ami-nia sentimentu.
‎Ami hatene katak ami-nia moris kaben nian
‎iha perigu laran.
‎Ami tenke halo buat ruma, lalais.
‎Ami lee hamutuk eskritura ida
‎iha Roma 12:10 neʼebé dehan:
‎“Buka uluk atu hatudu respeitu ba malu.”
‎Ami hanoin kona-ba Abraão no Sara nia ezemplu.
‎Sira la perfeitu,
‎maibé sira hakaʼas an atu hatudu respeitu
‎liuhusi rona no hatudu domin ba malu.
‎Haʼu hatete ba Kiara
‎“haʼu hakarak hadiʼa haʼu-nia hahalok”.
‎No haʼu hakarak tebes,
‎tanba haʼu hadomi nia.
‎Haʼu hatete ba Shaan,
‎“mai ita hakaʼas an”.
‎Entaun ami hakaʼas an duni.
‎Fulan balu liutiha,
‎ami deside atu foti pioneiru hamutuk.
‎Agora, ami iha buat barak atu koʼalia ba malu.
‎Haʼu sente, haʼu foin deskobre buat foun
‎neʼebé haʼu gosta husi Kiara.
‎Hanesan Abraão no Sara,
‎ami-nia moris kaben nian la perfeitu.
‎Ami mós sei hasoru tempu susar.
‎Maibé hodi hakaʼas an aplika Bíblia nia matadalan,
‎ami konsege hakat liu tempu susar neʼe,
‎no sai besik liután ba malu.

Dalan atu hametin moris kaben nian