JW subtitle extractor

‎Tema kawos iso ”Snonkaku Kristen
‎Siwaira Ḇar Oso Ḇa
‎Rosai Knam ya, Rosai Fandun fa Kofrur ya,
‎ma Rosai Ḇefnai ya.”
‎Mkokarapan rosai ḇefnai fa kowaira ḇar oser ḇa?
‎Mansei na ḇepyos ḇaḇenapnapesḇa
‎ḇeḇejadi ro supswan ḇesiper ine?
‎Sia sawos kuker polotik ya ido,
‎imbude kokara nawyae ko ḇa.
‎Ḇape na naḇese fyor snonkaku koswar kaku ya
‎iso ḇesmai ḇaḇenapnapes ḇa ya.
‎Na kokandor ba fyor snonkaku sya
‎sna mamam ḇese kuker polotik ya.
‎Syap Wahyu fasal 8-13
‎ikofen snar ras-ras ḇepupes,
‎polotik iso snonkaku ḇeborsya
‎sawos ker ro ras-ras na,
‎ma fandun fa skinfir.
‎Inja fakfuken ya iso, Rariso mamam koḇena
‎fyor snonkaku sya sawos kuker pamarenta risai
‎na ḇepyos ḇaḇenapnapes ḇa ya?
‎Snonkaku Kristen koine, komarisen fa
‎koso Yesus nyan ḇepyum ḇyena.
‎Yesus imarisen ido, fyor ryo supswan kaker,
‎bisa ipyos ḇaḇenapnapesḇa ya.
‎Iswar kaku snonkaku sya.
‎Snar Yesus nya samambraḇ fa ḇyuk
‎anan faro snonkaku risyaran sya,
‎ḇyuk pararei ḇe ḇeduf sya,
‎ḇyawes snonkaku ḇemar kwar sya,
‎ma roi dawos na bisa kokyar na,
‎bisa ḇyetoko polotik ḇepyum kaku.
‎Kaku ḇae, nya samambraḇ.
‎Setan imarisen ḇyuk ḇe Yesus i
‎”karajan nakam” ro supswan ine
‎fyor Yesus imarisen isyom
‎rarwan rioser monda ḇe i.
‎Ḇape Yesus imewer ifrur na.
‎Snar Karajan bero supswan inekam
‎Setan iso bena na.
‎Snonkaku Yahudi sya simarisen
‎skanow Yesus i ḇe raja sedi,
‎ḇape imewer.
‎Ramnai, ono sisya sifuken ḇe Yesus i fandun fa
‎sḇak som faro pamarenta Romawi ya ke roḇa.
‎Ḇape, Yesus imewer iwaira ḇar oso ḇa.
‎Imewer ḇyepoik ro supswan, faro snonkaku
‎Israel sya, ḇaido ḇyetoko polotik.
‎Ine kyurfasna Yesus iswar snonkaku sya ḇa ke?
‎Nya mamam ḇemnis ḇa ke?
‎Aroḇa!
‎Kofawi snar Yesus iswar kaku ko.
‎Roi ine bisa komam na ro nyan
‎ifrur pyum snonkaku sya.
‎Ifrur roi ḇenapes faro snonkaku syakam.
‎Ḇape faro i, ḇefandun kaku ya iso
‎fyarkor si fa sakfawi kuker Karajan Allah,
‎iso na ḇepyos ḇaḇenapnapesḇa ine isof fyoro-fyoro.
‎Inja faro Yesus i, Rariso mamam koḇena
‎kuker pamarenta ro kirine sya?
‎Bisa kofawi na ro rosai ikofen na
‎rofyor ifuken si kuker ḇaḇyak som ya
‎ro Markus 12:15-17,
‎Rosai monda Kaisar nya na?
‎Ro Roma 13:1-7 ya, Manwawan Paulus ikofenḇair roi ani iso kobak som, ma koḇesyowi ḇesesya.
‎Yesus ikofen kako ”mkoḇak faro kaisar i”.
‎Rosai knam ya?
‎Kaisar, knam ya iso bena papoik ro swaf ani,
‎ifrur roi ḇemaeja na, imnis ra kumpan sarak.
‎Inja Kaisar dor ḇaḇyak som ro kumpan fyasos kwar na.
‎Kuker nyan ine, pamarenta
‎na sfasos roi kawasa sfandun na.
‎Yesus ifawi roi ine.
‎Osower ido, roi ḇemaeja kosmai iso
‎roi ḇeramuma ro Allah,
‎imnis raris sne koḇena, kankenem,
‎swaruser, ma samambraḇ koḇena,
‎inja na kopok kobuk na faro Kaisar ḇaido
‎pamarenta snar nanekam ndramuma ro si ḇa.
‎Fandun fa kobuk nakam ḇe Allah Yahwe I,
‎kuker kofarmyan ḇe I ma koswar I.
‎Yesus ikofen ro Markus 12:30,
‎Inja saswar koḇena faro Allah
‎fandun fa nasiper ḇe I;
‎ḇaḇekir koḇena, samambraḇ koḇena,
‎ma sneḇaḇir koḇena.
‎Snonkaku ḇeswar Allah
‎na isaramper Yesus mamam ḇyedi,
‎Yahwe kyinfir kwar fa ḇyeraja.
‎Ḇape rariso Yesus manfamyan ḇyesi sawoswarek i,
‎fyor snonkaku sya sawos nabor?
‎Mkorama kawos rosai ḇeḇejadi
‎rofyor Yesus isya kaker ro supswan ine.
‎Matius fasal 26 ikofen fyor ”kawasa ḇeba ḇeyun
‎sumber ma karbere” srama fa imbe sfor Yesus i,
‎Petrus ”pyas sumber ḇyedi ma pyerem manfamyan
‎imam ḇeba ya knaram ḇyedi fa imuk”.
‎Ro syap Yohanes, kofawi snar
‎manfamyan ani snoriso Malkhus.
‎Lukas ikofenḇair snar Yesus ḇyuk pararei ḇe i.
‎Mkokara kada, ipyum kaku in!
‎Yesus imsor snonkaku nari ḇefori sya ḇa.
‎Matius 26:52, Yesus ikofen faro Petrus i,
‎Rosai ḇefnai fa Yesus isonek Petrus i?
‎Ḇefnai ya iso, imewer iso ro fararur polotik ya.
‎Yesus ikofenḇair roi ine fyor dawos
‎ro ḇarpon Pontius Pilatus ro roḇ anya.
‎Ro Yohanes 18:36, kowasya,
‎Snaro Yesus Karajan ḇyedi ryama ro snonkaku sya ḇa,
‎Karajan ani fyandun kadawun ro snonkaku sya ḇa.
‎Ḇape rariso kofawi snar ine iso Yesus ikofen ya?
‎Komam ro Yohanes 18:36.
‎Inja snonkaku Kristen koine,
‎rariso mamam koḇena kuker polotik ya?
‎Komewer koso na.
‎Ḇape skara sasar roi ine.
‎Sino skara kosaramper pamarenta snonkaku oso ḇa,
‎mboi kosaramper pamarenta snonkaku ḇesesya.
‎Ro taun 1950 ya, ro Republik Kongo, pamarenta
‎kyursof Saksi-Saksi Yahwe sya ḇe Komunis.
‎Ḇape ro taun 1970 ya, fyor Kongo siso ro ḇar Komunis,
‎pamarenta ḇebabo ya imsor snar sisaramper si ḇa!
‎Kirine, taun samfur rikior syadi kwar, Saksi-Saksi Yahwe
‎seakui si ḇe agama ḇekaku ro Republik Kongo.
‎Ono sisya sḇaḇir snar mamam koḇena
‎nfasnai snar komewer na.
‎Ḇesesya skara snar kopampum pamarenta ya.
‎Mkorama kawos mamam risuru suine.
‎Ḇepon ya, mamam koḇena kuker koso ḇa
‎ma komewer ine ibese kaku.
‎Komewer ine iso fyasnaiḇair,
‎komarisen koso na ḇa.
‎Koma koswar snonkaku ḇesesya, koswar kaku si.
‎Imnis Yesus i, kofnoḇek snonkaku ḇesaḇarar sya
‎kuker kokofenḇair besi
‎snaro Karajan Allah monda
‎na ḇepyos ḇaḇenapnapes ḇa ya.
‎Koma kayin organisasi polotik ya ḇa.
‎Ḇape kuker kofarkor Refo, komarisen
‎kofnoḇek snonkaku sya fa
‎sna rari ma kenem ḇepyum.
‎Nkoḇaḇir ine iso fafnoḇek ḇepyum
‎snaro samswen sismai naiso
‎ro polotik ya monda ḇa ḇape ro kenem kako.
‎Sai ḇefasnaḇair Saksi-Saksi Yahwe sawyae pamarenta ḇa, imboi sifnoḇek pamarenta ya?
‎Kuker kosouser sasoser na.
‎Koso fa kofararur kayam ḇaido fararur ḇese
‎na ḇefnoḇek kawasa ḇebor sya.
‎Kobak som.
‎Kaku ḇae, kokinfir snonkaku oso ro partai ḇa,
‎ḇape kawyaye pemilu ya ḇa
‎ḇaido kodwarek beso sya ḇa.
‎Imbo ḇae, koma kosewar fa
‎kona nasan polotik na ḇa,
‎kosampampum snonkaku bena papoik sya ḇa,
‎roi sfasos na, ḇaido kosewar nyan
‎insama sifrur fararwe.
‎Kokanow bramin faro barbar ya ḇa,
‎ḇape korap barbar ya ḇa,
‎ḇaido konef Negara ḇefrur radia ḇa.
‎Rarirya kako, iba syadi wer ro sup-sup moḇ
‎sismai ḇaḇemkei fa sifrur na kako
‎kodisen dow kebangsaan ya ḇa,
‎ḇape kodwarek snonkaku ḇesesya ḇa
‎ḇaido kofrur roi oso fa kodisen na ḇa.
‎Koma koso fa kodisen ḇa.
‎Kaku ḇae, koso ro mamamun ya ḇa,
‎ḇape ro rum kopakpik ḇa.
‎Inja koma kowaira ḇar osoḇa ro polotik,
‎kopampum polotik ya ḇa, ro kosnesna kako.
‎Inja, ine iso knam ro wos
‎kowaira ḇar osoḇa.
‎Ḇape, rariso fyor sor ko fa kofrur roi ḇeḇese
‎kuker Yesus parenta ḇyena?
‎Koso akurfasna bero Refo ya.
‎Ro Farfyar 5:28, 29.
‎”Inkoso syadi faro Allah ro inkoso snonkaku”.
‎Akurfasna ine danonef Negara ḇa,
‎imbape, ine iso syowi faro Allah.
‎Fyor Negara dor ko fa kofrur roi Allah imewer na,
‎ḇaido dor ko fa kofrur awer roi Allah imarisen na ido,
‎kokyar kaku snar nari Allah imarisen faro roi ine ḇa.
‎Ramnai snonkaku oso ikofen,
‎’Rarirya ido nari mkosmai
‎samswen nabor kuker roi ine.’
‎Yesus danun ḇe ko kwar ro Matius 24:9,
‎Ma Yesus ikofen wer ro Fasasna 2:10
‎snar na manfamyan ḇyesi ḇeḇeso na sisun si ro bui,
‎sikam ḇa, ḇape ḇeḇeso monda.
‎Inja na kokandor ḇa fyor sisun koro bui,
‎ḇape ine ḇyejadi ido na komkak ḇa.
‎Na koswarepen naek srar
‎syaran ma syaran ḇesun ro bui
‎ro swaf taun ḇe taun snar
‎simewer fa siso ro polotik ya.
‎Komanen si kaku!
‎Konadiwarek si!
‎Kokyar snar Yahwe imarisen faro si!
‎Ḇaḇefarmku sena fyor sismai ḇaḇewayam ine
‎kyurḇe marasrisen ḇeba.
‎Sai ḇefnai ya?
‎Paulus fyas faro sidang jemat ro Efesus doḇe,
‎Paulus fyas wos nane fyor isya ro bui bero Roma.
‎Inja rosai knam kandera Paulus ismai nane
‎’idaw ḇaḇye’ ḇe jemat ro Efesus?
‎Snaro fyor ismai wayam raryano, isouser pdef,
‎Paulus fyasna snar koḇesnonkaku Kristen
‎ima syowi ḇeba kaku.
‎Ḇape fyor isusu ido,
‎rosai na smam na?
‎Na smam snar kakyar, fararmyan sena,
‎ma saneraro sena nama roi ḇemaeja ḇa.
‎Ḇape snar Paulus fyarmku pdef,
‎snonkaku ḇesesya bisa smam
‎snar koḇe snonkaku Kristen
‎ima ḇaḇesyowi ḇeba kaku rirya.
‎Rarirya kako, ḇaḇefarmku ro
‎naek srar ḇesun ro bui ine sya
‎fasnai snar sna kakyar ḇeba kaku
‎faro saneraro Allah byeasas kwar na.
‎Simanen kaku fa sisaramper, ḇaḇepapoik
‎ro snonkaku sya ḇa,
‎ḇape ḇaḇepapoik Allah na ḇebuk
‎kankenem fyoro ro supswan ine
‎kuker mamamun ḇa.

David Schafer: Snonkaku Kristen Siwaira Ḇar Osoḇa—Rosai Knam Ya, Rosai Fandun Fa Kofrur Ya, ma Sai Ḇefnai Fa Kowaira Ḇar Osoḇa