JW subtitle extractor

Teʼ mesaʼ yaan k-kanik
«¿Baʼaxten k-tsʼáaikba
tu favor u Reino Dios?
¿Baʼax u kʼáat u yaʼale
yéetel bix k-eʼesik?».
Techeʼ ¿bix a wilik?
Chéen juntúul wíinikeʼ
¿jeʼel wa u páajtal u lúuʼsik
le baʼaxoʼob kʼaastakoʼ?
Kéen joʼopʼok u tʼaan le
máakoʼob yoʼolal politicaoʼ
toʼoneʼ chéen k-uʼuyik.
Baʼaleʼ wa ku beetaʼal
baʼax kʼaas tiʼ toʼon
wa tiʼ juntúul k-láakʼtsileʼ,
jeʼel u káajal
k-tsʼáaikba tu favoroʼobeʼ.
U jaajileʼ maʼ tu jaʼakʼal k-óol
k-ilik bix u jatskuba le
máakoʼob yoʼolal politicaoʼ.
Apocalipsis
capítulo 8 tak 13
tu yaʼaleʼ tu tsʼook kʼiinoʼobeʼ
le máakoʼoboʼ yaan u
baʼateloʼob yoʼolal política
yéetel yaan u
túulchʼintkoʼob u maasil
u tsʼáaubaʼob tu favor
wa baʼax partidoil.
Le oʼolal unaj k-tuukul tiʼ lelaʼ:
«¿baʼax kin beetik kéen
káajak u yaʼalik le máakoʼob
baʼax unaj u beetaʼal utiaʼal
u xuʼulsaʼal le kʼasaʼaniloʼ?
Toʼon k-meyajtik Dioseʼ
unaj k-beetik jeʼex Jesuseʼ.
Le ka taal Jesús way luʼumeʼ
jeʼel kaʼach u páajtal u
yutskíintik le baʼaxoʼob kʼaastakoʼ.
Jach ku chʼaʼik
óotsilil tiʼ le máakoʼoboʼ.
Ku páajtal kaʼach
u luʼsik le wiʼijiloʼ,
u tsʼakik le kʼojaʼanoʼoboʼ,
u kuxkíintik le kimenoʼoboʼ
yéetel u yojel bix jeʼel
kʼuchul tu puksiʼikʼal máakeʼ.
Wa u kʼáat kaʼacheʼ
jeʼel u páajtal u beetkuba
juntúul maʼalob politicoeʼ.
Tak Satanás tu yaʼalaj u tsʼáaiktiʼ
tuláakal u reinoiloʼob yóokʼol kaab
wa ku adorartik
kex chéen juntéen.
Baʼaleʼ Jesuseʼ maʼ tu yóotiʼ,
mix tu yaʼalaj wa maʼ utiaʼal
Satanás u reinoiloʼob le luʼumaʼ.
Le judíoʼob xanoʼ tu
yóotoʼob u beetoʼob reyil,
baʼaleʼ láayliʼ maʼ tu yóotiʼ.
Le ka kʼáataʼabtiʼ xan wa
unaj u boʼotaʼal impuestoʼobeʼ,
tu kanáantaj maʼ u
tsʼáaikuba tu favor mix máakiʼ.
Jeʼex k-ilkoʼ maʼ tu yóotaj
u gobernart junpʼéel kaajiʼ,
u beetkuba u nojchil
junpʼéel partidoiʼ
mix u gobernartik
le yóokʼol kaabaʼ.
¿Baʼaxten maʼ tu beetiʼ?
¿Maʼ wa u yaabiltmaj
kaʼach le máakoʼoboʼ?
Letiʼeʼ jach tu chʼaʼaj en cuenta
bix u yuʼubikuba le máakoʼoboʼ,
beyoʼ tu yeʼesaj bix
unaj u beetaʼal baʼax toj
yéetel bix unaj u
yaabiltaʼal u maasil,
baʼaleʼ tu yileʼ le
baʼax maas kʼaʼanaʼanoʼ
letiʼe u kaʼansik tiʼ le máakoʼob
chéen u Reino Dios
jeʼel u luʼsik le kʼasaʼaniloʼ.
¿Baʼax tu kaʼansaj Jesús yoʼolal
bix unaj k-ilik le gobiernoʼoboʼ?
Koʼoneʼex kʼaʼajsik baʼax tu
núukaj le ka kʼáataʼabtiʼ
wa unaj u boʼotaʼal le impuestoʼoboʼ.
Koʼox kaxtik Marcos 12:15 tak 17:
¿Baʼax túun utiaʼal César?
Tiʼ Romailoʼob 13:1 tak7
apóstol Pabloeʼ
tʼaanaj yoʼolal impuesto,
boʼol, tsiikil yéetel
u chʼaʼabal saajkil.
Kʼaʼajaktoʼoneʼ
Jesuseʼ tu yaʼaleʼ
kʼaʼabéet u tsʼaʼabal tiʼ César
le baʼaxoʼob ku kʼáatikoʼ.
¿Baʼax tu yóotaj u yaʼale?
U gobierno Romaeʼ tu beetaj
baʼaloʼob koʼojtak jeʼex le taakʼinoʼ.
Jesuseʼ u yojel kaʼacheʼ le
gobiernooʼ jeʼel u páajtal
u kʼáatik ka suʼutuk
junpʼíit tiʼ le taakʼinaʼ
tumen letiʼe baʼax ku meyajtiʼ
utiaʼal u yáantik le kaajoʼ.
Baʼaleʼ le baʼaxoʼob maas koʼojtak
yaantoʼonoʼ letiʼe puksiʼikʼaloʼ,
le tuukuloʼ, le muukʼoʼ
yéetel le kuxtaloʼ
le baʼaloʼobaʼ
Dios tsʼaamiltoʼon.
Le oʼolaleʼ maʼ tu páajtal k-tsʼáaik
tiʼ César tumen maʼ letiʼ tsʼáatoʼoniʼ.
Le baʼaloʼobaʼ k-tsʼáaik tiʼ
Jéeoba kéen k-eʼes k-yaabiltmaj
yéetel kéen
k-kʼub k-kuxtal tiʼ letiʼoʼ.
Jesuseʼ u yojel lelaʼ
le oʼolal tu yaʼalaj le baʼax
ku chíikpajal tiʼ Marcos 12:30:
Jach beyoʼ
kʼaʼabéet k-yaabiltik Jéeoba yéetel
tuláakal le baʼaxoʼob yaantoʼonoʼ
jeʼex: k-muukʼ, k-tuukul yéetel
baʼaxoʼob k-ojel k-beetoʼ.
Wa k-yaabiltmaj Jéeobaeʼ
k-eʼesik táan k-tsʼáaikba tu tséel
Jesucristo le Rey u yéeymajoʼ.
Le máaxoʼob meyajtik Diosoʼ
¿bix u yeʼeskoʼob ku tsʼáaikubaʼob tu
tséel Jesús le kéen chʼaʼpachtaʼakoʼoboʼ?
Le áakʼab táanil tiʼ u kíimil
Jesusoʼ ku yeʼesiktoʼon bixi.
Mateo capítulo 26 ku yaʼalikeʼ
«kʼuch [...] yaʼabkach máakoʼob u
machmoʼob espadaʼob yéetel cheʼob»
utiaʼal u biskoʼob Jesús.
Pedro túuneʼ
«tu jíilpaytaj u espadaeʼ
ka tu kúulchʼaktaj u xikin u palitsil
le u maas nojchil le sacerdoteʼoboʼ».
Juaneʼ tiaʼaleʼ u kʼaabaʼeʼ Malco.
Lucas xaneʼ tiaʼaleʼ
Jesuseʼ «tu péetsʼkʼabtaj
u xikin le máakoʼ ka tu tsʼakaj».
Jesuseʼ maʼ kʼuuxilnaj
yéetel le máakoʼoboʼ.
Mateo 26:52 ku yeʼesik
baʼax tiaʼalaj tiʼ Pedro:
¿Baʼaxten maʼ maʼalob tu yilil
Jesús le baʼax tu beetaj Pedrooʼ?
Tumen letiʼeʼ maʼ u kʼáat
u yoksikuba tiʼ politicaiʼ.
Bey u chíikbesik le baʼax
tu yaʼalaj tiʼ Poncio Pilatooʼ.
Tiʼ Juan 18:36
Jesuseʼ tu yaʼalaj:
Jeʼex k-ilkoʼ maʼ wíinik
tsʼáa u beet u reyiliʼ
le oʼolal maʼ kʼaʼabéet
soldadoʼob kanáantikiʼ.
¿Baʼax túun tu tsʼáaj
naʼatbil Jesús?
Koʼox tsʼoʼoksik
k-xokik le versículo 36:
¿Bix unaj k-ilik le baʼaxoʼob
yaan yil yéetel politicaoʼ?
Junpuliʼ maʼ unaj k-oksikbaiʼ.
Le máakoʼoboʼ maʼatech u
naʼatkoʼob baʼaxten maʼ k-oksikbaiʼ.
Ku tuklikoʼobeʼ tumen maʼ
t-tsʼáaikba tu tséeloʼobeʼ
tiaʼanoʼon tu favor uláakʼ gobiernoeʼ.
Tu añoil 1950
teʼ República del Congo
le autoridadoʼoboʼ kʼuuxilnajoʼob
yéetel le j-jaajkunajoʼoboʼ
tumen tu tukloʼobeʼ comunistaʼob.
Baʼaleʼ tu añoil 1970
le gobierno comunistaoʼ kʼuuxilnaj
yéeteloʼob tumen maʼ comunistaʼobiʼ.
Baʼaleʼ óoliʼ 30 años kʼaʼamak u
religión le j-jaajkunajoʼob teʼ luʼumilaʼ.
Yaan máakoʼobeʼ tumen
maʼ t-oksikba tiʼ politicaeʼ
ku tuklikoʼobeʼ baʼaliʼ k-kʼáajtiʼ
le baʼaxoʼob ku yúuchloʼ
baʼaleʼ uláakʼoʼobeʼ ku tuklikoʼobeʼ
tiaʼanoʼon tu contraʼobeʼ.
Baʼaleʼ leloʼ maʼ jaajiʼ tumen le
maʼ k-tsʼáaikba tu favor mix máakoʼ
maʼ u kʼáat u yaʼal wa baʼaliʼ k-kʼáajtiʼ
le baʼaxoʼob kʼaastak ku beetaʼaloʼ
¿Baʼaxten k-aʼalik beyoʼ?
Tumen jeʼex Jesuseʼ
toʼoneʼ k-áantik yéetel k-chʼaʼik en
cuenta bix u yuʼubikuba le máakoʼoboʼ.
Junpʼéel bix k-áantkoʼobeʼ
letiʼ kéen tsikbaltiʼob
chéen u gobierno Dios
kéen u xuʼuls tiʼ le baʼaxoʼob
kʼaastak ku yúuchloʼoboʼ.
Toʼoneʼ maʼ táan k-ilik
utskíintik le partido politicoʼoboʼ
baʼaxeʼ táan
k-áantik le máakoʼob
yéetel le Biblia utiaʼal
u yutskíintik u kuxtaloʼoboʼ.
Tumen u maas yaʼabil le
talamiloʼob yaan teʼ kʼiinoʼobaʼ
maʼ yoʼolal politicaiʼ
baʼaxeʼ ku yúuchul tumen tsʼoʼok u
kʼastal bix u kuxtal le máakoʼoboʼ.
¿Baʼaxten k-aʼalikeʼ
utsul máakoʼon
yéetel maʼ t-tsʼáaikba
tu contra le gobiernooʼ?
Tumen k-ilik k-beetik
le baʼaxoʼob ku yaʼalikoʼoboʼ.
K-áantaj teʼ meyajoʼob ku
yaʼalaʼal ka k-beet t-kaajaloʼ
yéetel k-boʼotik
le impuestoʼob ku kʼáataʼaloʼ.
U jaajileʼ maʼatech k-votar
yoʼolal junpʼéel partido político
mix yoʼolal juntúul candidato,
baʼaleʼ maʼatech xan k-máan
aʼal tiʼ u maasil maʼ u binoʼob votar.
U jaajileʼ maʼatech k-oksikba
utiaʼal ka kʼeʼexek le leyoʼoboʼ,
maʼ t-táakpajal tiʼ política utiaʼal
u tsʼaʼabaltoʼon junpʼéel cargoiʼ,
baʼaleʼ maʼatech xan k-tʼaan
tu contra le autoridadoʼ,
tu contra le baʼaxoʼob
ku tuklik u beetkoʼoboʼ
mix t-baʼateltik ka u maas
maʼalobkíint bix u meyajoʼob.
U jaajileʼ maʼ t-saludartik le
banderaoʼ, baʼaleʼ maʼatech k-tóokik,
k-túubik mix tech k-aʼalik baʼal
tiʼ le luʼumil tuʼux u taaloʼ,
kex tiʼ jujunpʼéel luʼumiloʼobeʼ
ku chaʼabal u beetaʼal.
U jaajileʼ maʼ t-kʼayik
le himno nacionaloʼ,
baʼaleʼ maʼatech k-aʼalik
tiʼ u maasil maʼ u beetkoʼob.
U jaajileʼ maʼ t-bin
teʼ baʼateltáambaloʼoboʼ,
baʼaleʼ maʼ xan t-beetik loob tiʼ
le máakoʼob teʼ tuʼux kajaʼanoʼonoʼ.
U jaajileʼ maʼ k-tsʼáaikba tu favor
mix junpʼéel partido político
baʼaleʼ maʼ t-tsʼáaikba tu
contraʼob mix yéetel k-tuukul.
Beyoʼ k-eʼesik tiaʼanoʼon
chéen tu favor u Reino Dios.
¿Baʼax ken k-beet wa le gobiernooʼ
ku kʼáatik ka k-beet baʼaloʼob
ku bin tu contra baʼax
ku kʼáatik Jesucristo?
Yaan junpʼéel teksto
aʼaliktoʼon baʼax unaj k-beetik.
Baʼaxoʼob 5:28 yéetel 29 ku yaʼalik:
«Unaj k-uʼuyik u tʼaan
Dios bey k-gobernanteeʼ,
maʼ u tʼaan chéen máakoʼobiʼ».
K-beetik lelaʼ tumen
k-kʼáat eʼes tsiikil tiʼ Dios
maʼ tumen wa k-kʼáat
bin tu contra le gobiernooʼ.
Le oʼolaleʼ jeʼel baʼaxak
ka u kʼáat le gobiernooʼ,
wa ku bin tu contra baʼax
ku kʼáatik Dios ka k-beeteʼ,
toʼoneʼ maʼ tu páajtal k-beetik
baʼax ku kʼáatik le gobiernooʼ.
Yaan máax jeʼel u yaʼalikeʼ:
«Leloʼ yaan u beetik a pʼektaʼaleʼex
tumen le autoridadoʼoboʼ».
Tiʼ Mateo 24:9 Jesuseʼ u
yaʼalmiliʼ bey kun úuchloʼ.
Ku yaʼalik:
Apocalipsis 2:10
ku yaʼalik xaneʼ
jujuntúuleʼ, maʼ tuláakaliʼ,
yaan u kʼaʼalaloʼob cárcel.
Le oʼolaleʼ wa maʼ t-kʼaʼalal carceleʼ
pues maʼ tu lúubul k-óol ¿máasa?,
baʼaleʼ wa ka kʼaʼalkoʼoneʼ
maʼ xan tu lúubul k-óol.
Bey u beetik le u milesil sukuʼunoʼob
yéetel kiikoʼob tsʼoʼok u kʼaʼalaloʼob
tumen tsʼoʼok u tsʼáaikubaʼob
tu favor u Reino Dios.
Mantatsʼ k-payalchiʼ tu yoʼolaloʼob.
Le bix u chúukpajal u
yóoloʼoboʼ jach ku líiʼsik k-óol.
Jach yaabiltaʼanoʼob tumen Jéeoba.
Le bix u chúukpajal u yóoloʼoboʼ
ku taasiktoʼon nojbeʼenil xan.
¿Baʼaxten?
Koʼox ilik baʼax tu yaʼalaj
Pablo tiʼ le efesoiloʼoboʼ:
Le ka tu tsʼíibtaj lelaʼ
letiʼeʼ kʼalaʼan kaʼach Roma.
¿Baʼaxten tu yaʼalaj Pablo le
baʼaxoʼob ku muʼyajtikoʼoboʼ
yaan u taasik nojbeʼenil
tiʼ le efesoiloʼoboʼ?
Tumen le úuchik u
chúukpajal u yóol Pablooʼ
tu yeʼesajtiʼob jach nojoch
baʼal u meyajtaʼal Dios.
¿Kux túun wa maʼ u
chúukpajal u yóol kaʼacheʼ?
Yaan u tsʼáaik
naʼatbil minaʼan u fe
yéetel mix baʼal u biilal
le Reino mix le kʼaʼaytajoʼ.
Baʼaleʼ úuchik u chúukpajal u yóoleʼ
tu yeʼesaj tiʼ u maasil
bukaʼaj maʼalobil
u tsʼáaikuba máak
tu favor le Reinooʼ.
Tu yeʼesaj xaneʼ jeʼel baʼaxak
ka k-muʼyajt yoʼolal le Reinooʼ
yaan u taasiktoʼon utsil.
Le sukuʼunoʼob
kʼalaʼanoʼob xan teʼ kʼiinoʼobaʼ
ikil u chúukpajal u yóoloʼobeʼ
ku yeʼeskoʼob jach ku creertikoʼob
baʼax ken u beet le Reinooʼ
u yojloʼobeʼ táan u apoyartkoʼob,
maʼ
chéen u gobierno juntúul wíinikiʼ,
baʼaxeʼ junpʼéel
gobierno yaan teʼ kaʼan
jeʼel u tsʼáaiktiʼob
kuxtal minaʼan u xuul
tiʼ junpʼéel yóokʼol kaab
tuʼux kun antal jeetsʼelil.

David Schafer: ¿Baʼax u kʼáat u yaʼal u tsʼáaikuba máak tu favor u Reino Dios?