JW subtitle extractor

Osapi yetu yati: Ovakilisitau Kavelipake Mopulitika: Otyo tyihangununa-tyi?
Tyakutikinya-tyi?
Omokonda Yatyi Tuaholovonena Okuhelipake Mopulitika?
Oityi ove usoka?
Okuti no ove una okulipaka mopulitika?
Okuti pena ou utyivila okumanako ovivi mouye uno?
Tyina tuiva ovanthu vapopia konthele yopulitika,
tupondola okusoka okuti evi vekahi nokupopia vitupu etyi mavitulingi.
Mahi tyina vetu valingwa onya, tyipondola okutuihama unene.
Katyituhuvisa tyina tutala ovanthu vena omalusoke elikalaila konthele yopulitika.
Eholololo 8-13 ipopia okuti kononthiki mbahulilila,
ovanthu mavapopi ovatumini iya ovanthu
mavahindilwa opo vahule nthele imwe yovatumini.
Mahi tuna okulipula okuti: Oityi ame ndyihole okupopia ine okulinga tyina ovanthu vapopia etyi ovatumini vekahi nokulinga?
Onthue Vakilisitau tuna okulandula ongeleka ya Kilisitu.
Etyi Sesusi ali pano pohi, ankho upondola okumanako ovivi aviho vilingwa novanthu.
Ankho una okankhenda novanthu.
Iya mokonda Sesusi ankho utyivila okuavela okulia ovanthu komahuviso,
nokuhakula ovanthu, nokututilisa vokuankhia,
iya ankho upopia monkhalelo ihika komitima viovanthu,
ñgeno wakalele onkhalamutwe yopulitika ikahi nawa.
Tyotyili ñgeno wakalele umwe onkhalamutwe yopulitika.
Satanasi wemutile mandyikuavela “omauhamba
aeho omouye” inkha ufenda ku ame.
Mahi Sesusi ehetavela.
Tupu, Sesusi katile Satanasi utupu omauhamba oo.
Iya puetyi ovanthu vahandele alinge ohamba yavo, ketavelele.
Konyima omunthu umwe emupulu
inkha ovanthu vena okufeta elilimu komutumini wo Loma.
Sesusi pokuemukumbulula kelipakele mopulitika.
Kakalele omutumini wouye, nii kelipakele mopulitika.
Otyo tyilekesa okuti ankho Sesusi kesukile, ine ankho utupu etyi apondola okupopia?
Ankho wesuka umwe!
Sesusi ankho wesuka vali unene natyo tyipona etyi tusoka.
Mokonda Sesusi ankho utupu okapungulula,
wetulongesa oityi tyihangununa okukala omuviuki.
Otyipuka ankho alongesa ovanthu, Ouhamba wa Huku,
maumaneko ovivi aviho.
Oityi Sesusi alingile nonthue tuna okulinga konthele yovatumini?
Tutalei oityi Sesusi apopia etyi vemupula inkha una okufeta elilimu.
Tyikahi mu Maluku 12:15-17, yati:
Ovipi ovipuka vya Sesale?
Momukanda Ova Loma 13:1-7, apositolu Paulu wati:
omalilimu, nonthilo, nehumbilo.
Tupu, tala okuti, Sesusi wati, “fetei ku Sesale ovipuka vya Sesale.”
Otyo tyilekesa-tyi?
Sesale enyina litumbulwa omutumini pononthiki opo,
ankho ulingila ovanthu ovipuka vikahi nawa ngetyi onombongo mbovivela.
Mokonda yotyo, Sesale inkha una okuveita vemukondolele onombongo mbumwe.
Otyo ankho tyikuatesako ovatumini.
Otyipuka otyo Sesusi nae inkha utyii.
Tyihe otyo vala, nonthue tutyii okuti ovipuka oviwa tuna, ngetyi omutima wetu,
nomuenyo wetu, nounongo wokusoka,
nononkhono, tuevipewa na Huku.
Ovipuka ovio katupondola okuviavela Sesale mokonda Sesale
ine ovatumini havoko vetuavela-vio.
Ovipuka ovio tuviavela Huku tyina tulipakula kwe, atumuhumbu.
Konthele yokuhumba Huku, Sesusi momukanda wa Maluku 12:30 wati:
Ohole tukondolela Huku yafuapo.
Yakutikinya olutu luetu aluho, nounongo auho,
nononkhono mbetu ambuho.
Vana vehole Huku vakuatesako Sesusi,
mokonda oe Siovaa alulika opo akale Ohamba.
Mahi, oñgeni ovalongwa va Sesusi valingile etyi ovanthu vatyitukilapo Ouhamba wa Huku?
Ekumbululo tulivasa muetyi tyaendele
motyinthiki tyahulililako tyomuenyo wa Sesusi pano pohi.
Hinangela okuti mu Mateusi okapitulu 26 kati,
etyi ‘ovanthu ovanyingi vamaneka omitunga novimuti”
veya okukuata Sesusi, Petulu ‘apolo-mo omutunga,
autukila omupika womunene-nakwa wavilapo, emutete okutwi.’
Omukanda wa Suau upopia okuti, enyina liomupika o Maluku.
Luka nae wati, Sesusi akuate okutwi kwae emuhakula.
Sesusi ankho kanumanene ovanthu vana vokueya okumukuata.
Ngetyi tyipopia Mateusi 26:52, Sesusi apopila Petulu okuti:
Omokonda yatyi Sesusi, aviyulile Petulu etyi alinga?
Omokonda ankho kahande okulipaka mopulitika.
Sesusi wetyihangununa etyi konyima apopia na Pilatu motyinthiki tyatyo otyo.
Mu Suau 18:36, tutanga-mo okuti:
Yoo, mokonda Ouhamba wa Sesusi kawatukile movanthu,
ankho kawesukisile okuamenwa novanthu.
Oñgeni tutyii okuti otyo ankho Sesusi ahanda okupopia?
Tehelela nawa onondaka mbahulililako mu Suau 18:36:
Ngotyo, onthue Vakilisitau, oñgeni tutala ovipuka vielikuata nopulitika?
Onthue katulipake-mo.
Tyina tuti katulipake mopulitika ha aveho vetyii.
Vamwe vasoka okuti mokonda katukuatesako omutumini umwe,
opo ngotyo tuna okukuatesako omutumini omukuavo.
Mo 1950, ko Congo, ovatumini vahungile Onombangi mba Siovaa okuti
vahongaiya ovanthu okuhetavela kovatumini.
Mahi menima 1970 muapakwa outumini utiwa Comunista, ovatumini avetunumanena mokonda vetyimona okuti onthue katulipake mopulitika!
Pahe, palambale omanima ehungi po 30, Onombangi mba Siovaa ko Congo kavatyilikwa vali novatumini okufenda Siovaa.
Vamwe vasoka okuti tyina tuhelipake mopulitika ngotyo katuesukile netyi tyikahi nokumoneka mouye,
iya ovakuavo vasoka okuti tuyele ovatumini.
Pahe matupopi konthele yovipuka ovio vivali.
Tyotete: Okuhelipake mopulitika tyelikalela nokuhesuku.
Tyina uhesuku notyipuka tyimwe,
‘kutyipake momutima, iya kutyihambukilwa.’
Tyotyili onthue tusuka unene novanthu, netyi velitehelela.
Nga Sesusi, tuovola okukuatesako
vana vamona ononkhumbi atuveavela etyi vesukisa,
iya na tyina tuvepopila okuti Ouhamba wa Huku
oo vala mauya okumanako ovivi aviho.
Tyina tulongesa ovanthu Ondaka ya Huku,
tulinga ononkhono mbokuvekuatesako vapilulule omienyo viavo,
katuvelongesa o pulitika.
Iya onthue tutavela okuti okulingila Huku,
otyo vala tyipondola okukuatesako ovanthu vakale nomuenyo omuwa,
mokonda ovatumini kavetyivili okumanako ovivi.
Mahi omokonda yatyi tupopila okuti onombangi mba Siovaa
kaveyele ovatumini, mahi vevekuatesako?
Onthue tutavela ovitumino, tukuatesako ovanthu potyilongo tukala
tyina tuliava pala okulinga ovilinga vimwe viitwa novatumini,
nokufeta omalilimu.
Tyotyili onthue katumange tyina ovanthu vaholovona ovatumini,
tupu katuhindila ovanthu vahakamange.
Onthue katupopi omapita ovatumini, ine okuhinda onondyaya,
mokupopia omapita onkhalelo vatumina,
ine okupopia okuti omutumini umwe apolwe koutumini.
Tyotyili onthue katuhilivika epandela,
nii okuyoka epandela ine okupopia omapita ovilimbo vili mepandela,
alo umwe kovilongo vina ovanthu vayekwa vapopia etyi vahanda.
Tyotyili, onthue katuimbi o inu,
iya tupu katuovola okutyilika ovanthu veiimba,
katuhindi onondyaya mokonda yokuhaimbi o inu.
Onthue katulipake-po vala.
Tyotyili onthue katuipaa ovanthu movilwa,
ine okuluisa ovanthu potyilongo tukala.
Ngotyo, tyina onthue tuhelipake mopulitika,
tupu katupopi omapita vokulipaka mopulitika alo umwe momutima.
Okulinga ngotyo, okuhelipake mopulitika.
Onthue katuovola okuyemba nthele imwe.
Mahi, oityi tuna okulinga tyina ovatumini vetuita okulinga otyipuka
Sesusi ati katupondola okutyilinga?
Mombimbiliya muna onondonga mbupopia konthele yotyo.
Tyipondola wasoka ku etyi tyikahi momukanda Ovilinga 5:28, 29 yati,
“Huku oe omutumini tuna okutavela tyipona ovanthu.”
Otyo katyilekesa okuti tutupu onthilo novatumini,
mahi tuna ehumbilo navo.
Inkha ovatumini vetuita okulinga otyipuka tyimwe Huku ailika,
ine vetupopila okuti katupondola okutavela otyitumino tya Huku,
opo onthue tuna okutavela ku Huku.
Vamwe vapondola okuti: ‘Otyipuka otyo tyipondola
okunumanesa ovatumini, okala notyitateka.’
Sesusi mu Mateusi 24:9, wetyipopile-ale etyi ati:
Iya tupu momukanda Eholololo 2:10,
Sesusi wapopia okuti vamwe povalongwa vae
mavapakwa mokaleya, mahi ha aveho.
Ngotyo onthue katunumana inkha katupakwa mokaleya,
iya tupu katusoyo inkha tupakwa mokaleya.
Tusokei kovakuatate no nomphange ovanyingi-nyingi vapakwa mokaleya,
mokonda yokuhelipake mopulitika.
Tupandula etyi vekahi nokulinga.
Tuveitilako.
Tutyii okuti Siovaa wahambukwa netyi vekahi nokulinga.
Mokonda vekahi nokukoleleya,
otyo tyilekesa okuti atuho tukahi nokufinda.
Ñgeni ngotyo?
Paulu wahonekelele ewaneno lyo Efesu okuti:
Paulu wahonekele onondaka ombo etyi ankho ekahi mokaleya ko Loma.
Omonkhalelo patyi ononkhumbi mba Paulu
ankho “mbuetela omunkhima” ova Efesu?
Omokonda tyina ankho akoleleya ukahi nokulekesa kewaneno okuti
okukala Omukilisitau elao limwe enene.
Inkha Paulu wayekeleko ñgeno ankho tyakala ñgeni?
Ñgeno ankho tyakala ngatyina ovilinga viavo,
nekevelelo liavo Mouhamba wa Huku vihena esilivilo.
Mokonda Paulu wakoleleyile, ovanthu ovakuavo avetyimono okuti
okukala Ovakilisitau tyakolela unene.
Otyo tyilekesa okuti okutualako okukala omukuatyili
tyesukisa okulinga ononkhono.
Tyelifwa notyo, hono tyina ovakuatate vetu no nomphange
vapakwa movikaleya avakoleleya,
valekesa okuti Ouhamba wa Huku owotyotyili.
Vena ehambu liokukalelapo Ouhamba wa Huku
mauveavela omuenyo uhapu, mouye umwe uhena ovilwa.

David Schafer: Ovakilisitau Kavelipake Mopulitika: Otyo tyihangununa-tyi? Tyakutikinya-tyi? Omokonda Yatyi Tuaholovonena Okuhelipake Mopulitika?