JW subtitle extractor

Li avie ta jloʼiltatik
echʼel kʼusi skʼan xal,
bu to kʼalal smakoj
xchiʼuk kʼu yuʼun tukʼ skʼan
xkakʼ jbatik ta stojolal Jeova.
¿Kʼusi chanop?
¿Mi oy van junuk krixchano ti xuʼ slajesbe
skʼoplal li kʼusitik muʼyuk tukʼ chichʼ pasele?
Kʼalal chalbeik skʼoplal politikae
muʼyuk chkakʼ ta koʼontontik,
pe kʼalal jaʼ oy kʼusi muʼyuk
tukʼ chpasbat li kutsʼ kalaltike,
xuʼ van oy kʼusi chlik
jpastik yoʼ jpakbetik skʼoplal.
Li krixchanoetike chʼakajtik ta skoj li politikae.
Apokalipsis kapitulo 8 kʼalal ta 13 chal ti ta
slajebal kʼakʼale chlik-o kʼop ta skoj li politikae
xchiʼuk ti chichʼik sujel li
krixchanoetik yoʼ stikʼ sbaike.
Tsots skʼoplal ti xiuk jakʼbe jbatike:
«¿Kʼu yelan chkaʼi kʼalal chalik ti tskʼan
tslajesik li kʼusitik muʼyuk tukʼ chichʼ pasele?».
Li voʼotike jaʼ ta jkʼan ta jchanbetik
li kʼusi la spas li Jesukristoe.
Jaʼ noʼox Jesus xuʼ slajesbe
skʼoplal li kʼusitik muʼyuk tukʼe.
Ta skoj ti kʼux ta yoʼonton krixchanoetike,
la smakʼlin, la xpoxta, la xchaʼkuxes li animaetike
xchiʼuk kʼot ta oʼontonal li kʼusi laj yale.
Muʼyuk buchʼu tsale yuʼun
ti lajuk stikʼ sba ta politikae.
Ti oyuk ta yoʼontone, och ta ajvalil ti jechuke.
Li Satanase ta sjunul yoʼonton laj
yalbe Jesus ti chakʼbe skotol li mukʼtik
lumetik ta balumil mi ichʼat ta mukʼ junuk veltae,
pe li Jesuse la spʼaj ta jyalel,
yuʼun snaʼoj ti jaʼ sventainoj li balumile.
Li judioetik eke tskʼan ox tstikʼik
ta ajvalil, pe muʼyuk bu la skʼan.
Yan velta xtoke laj yichʼ jakʼbel mi
persa skʼan tojbel patan li Romae,
pe muʼyuk bu laj yal mi tana o mi moʼoj.
Muʼyuk skʼan x-och ta ajvalil ta spʼejel balumil
o ta junuk jteklum o ti skontrain li ajvaliletike.
¿Mi mu snaʼ kʼuxi tskolta o mi
muʼyuk ta yoʼonton li krixchanoetike?
¡Moʼoj!
Yuʼun la xkʼuxubin skotol li krixchanoetike.
Jamal laj yakʼ ta ilel ti mu snaʼ xtʼujvane.
Li Jesuse jaʼ laj yakʼ ta yoʼonton yalbel skʼoplal
li lekil aʼyejetik ta sventa Ajvalilal yuʼun Diose,
yuʼun snaʼoj ti jaʼ ta slajes li vokoliletike.
¿Kʼusi la snop ta stojolal ajvaliletik
li Jesuse xchiʼuk kʼusi xuʼ jchantik?
Kalbetik skʼoplal yan velta kʼalal
laj yichʼ jakʼbel sventa li patane.
Jsaʼtik Markos 12:15-17:
¿Kʼusitik ti jaʼ «yuʼun Sesare»?
Ta Romanos 13:1-7, li jtakbol
Pabloe laj yal ti jaʼ li stojel patane,
li buchʼu tskʼan oy kʼusi tojbele,
li buchʼu tskʼan xiʼtaele
xchiʼuk li buchʼu tskʼan ichʼel ta mukʼe.
Li Jesus laj onoʼox yal ti oy
kʼusi skʼan akʼbel sutel li Sesare.
Li ajvaliletik ta Romae jaʼ spasojik li takʼine,
vaʼun sta-o ti skʼanik sutel jutebuke.
Jech xtok, jaʼ tstunesik
sventa li kʼusitik chtun ta jteklume.
Li Jesuse snaʼoj lek taje.
Li kʼusitik mas tsots skʼoplal oy
kuʼuntike jaʼ yakʼojbutik li Jeovae.
Jech kʼuchaʼal koʼontontik,
jnopbentik, kipaltik xchiʼuk jkuxlejaltik.
Taje mu sta-o ti xkakʼbetik li Sesare,
yuʼun maʼuk yakʼojbutik.
Jaʼ noʼox chkakʼbetik Jeova
kʼalal chkakʼ jkuxlejaltik ta stojolale
xchiʼuk jaʼ jech chkakʼbetik yil ti jkʼanojtike.
Ta Markos 12:30, xi laj yal li Jesuse:
Li Jeovae skʼan ti jkʼantik ta sjunul kipaltik,
ta kʼusitik jnaʼtik spasel xchiʼuk
li ta kʼusitik ta jkʼan ta jpastike.
Mi jech ta jpastike, chkakʼ jbatik ta
stojolal li Ajvalil stʼujoj, ti jaʼ li Jesuse.
¿Kʼuxi chkakʼ jbatik ta stojolal Ajvalilal
yuʼun Dios kʼalal chkichʼtik kontrainele?
Kʼalal slajeb xa ox akʼobal kuxul li
Jesuse oy kʼusi laj yal ti jaʼ tskoltautike.
Mateo kapitulo 26, chal ti ‹te tal
epal krixchanoetik ti yichʼoj tal yespadaik
xchiʼuk steʼik› yoʼ stsakik li Jesuse.
Li Pedroe la snit lokʼel yespada,
‹la syayijesbe smoso li mero
bankilal palee, la xtuchʼbe xchikin›.
Li Juane chal ti ‹Malko sbi li mosoile›.
Li Lukase chal ti Jesuse la xpoxtabe li xchikine.
Muʼyuk bu x-ilin ta stojolal
li buchʼutik kʼot tsakvanikuke.
Maʼuk noʼox, yuʼun xi to laj
yalbe Pedro ta Mateo 26:52:
Akʼo mi chpojvan ox li Pedroe,
muʼyuk lek laj yil li Jesuse.
¿Kʼu yuʼun?
Jaʼ ti muʼyuk onoʼox bu la stikʼ sba ta politikae.
Kʼalal echʼ xa ox jun chibuk ora tsakbile,
xi jamal laj yalbe li
Poncio Pilato ta Juan 18:36:
Li Jesuse maʼuk tʼuje yuʼun
krixchanoetik yoʼ x-och ta Ajvalil,
muʼyuk chtun yuʼun ti xkoltaat ta soltaroetike.
¿Mi jaʼ li kʼusi laj yakʼ ta aʼiele?
Xi to laj yal ta Juan 18:36:
¿Kʼu yelan chkiltik li kʼusitik sventa politikae?
Muʼyuk bu ta jtikʼ jbatik mi jaʼuk ta jkontraintik.
Li krixchanoetike mu xaʼibeik smelolal taje.
Junantike chalik ti mi muʼyuk
la lek chkiltik junuk jpolitikoe
jaʼ la ta skoj ti oy buchʼu yan lek chkiltike.
Ta sjabilaltik 1950 li stestigotak
Jeova ta República del Congoe
laj yichʼik pakʼtael ti jaʼik jkomunistaetike.
Pe ta sjabilaltik 1970 laj yichʼik
nutsel yuʼun jun ajvalil ti jaʼ jkomunistae.
Li ta lum taje oy xa van ta 30 jabil laj
yichʼik tsakel lek sbiik yuʼun ajvalil
yoʼ jamal xichʼik ta mukʼ
Dios li stestigotak Jeovae.
Kʼalal muʼyuk ta jtikʼ jbatik ta spasel
li kʼusitik tspas li krixchanoetike,
junantike chalik ti xuʼ noʼox la xkaʼitike,
pe junantike chalik ti xibal la jbatike.
Pe mu jechuk, mu koʼoluk ti muʼyuk
ta jtikʼ jbatik xchiʼuk ti xuʼ noʼox xkaʼitike.
Li voʼotike oy ta koʼontontik ti
kʼu yelan chaʼi sba li krixchanoetike.
Jech kʼuchaʼal la skolta krixchanoetik
li Jesuse jaʼ jech ta jpastik ek.
Jtos ti kʼu yelan chijkoltavane
jaʼ kʼalal chkalbetik skʼoplal ti jaʼ noʼox li
Ajvalilal yuʼun Dios xuʼ slajes ti muʼyuk tukʼilale.
Li kʼusi oy ta koʼontontike jaʼ
ti sjel yoʼonton li krixchanoetike,
maʼuk ti jeltik kʼu yelan
ch-ajvalilaj li jpolitikoetike.
Yuʼun li vokolil oy ta balumile
jaʼ ta skoj ti muʼyuk lek stalelal li krixchanoetike.
¿Kʼu yuʼun xuʼ xkaltik ti lek koʼontontik li
stestigoutik Jeovae, ti muʼyuk xibal jbatike?
Yuʼun ta jchʼuntik li mantaletike,
ta jkolta jbatik li ta jparajetike xchiʼuk
chkakʼ ta koʼontontik stojel li patane.
Akʼo mi muʼyuk buchʼu ta jtʼujtik sventa
x-och ta ajvalil o ti lek chkiltik junuk partidoe,
muʼyuk ta jkontraintik o chkalbetik
yantik ti akʼo mu spasik votare.
Muʼyuk bu chkaltik ti lek tajek jtosuk mantale
o ti ta jpastik kampanyaetik
xchiʼuk ti chij-och kaʼitik ta ajvalile,
akʼo mi jech muʼyuk ta jchopol
kʼoptatik li buchʼutik tskʼan ch-ochike
o li kʼusitik chal tspasike,
jech xtok muʼyuk ta jpastik
marcha sventa oyuk kʼusi xichʼ jelel.
Muʼyuk ta jpastik saludar li vanderae,
pe muʼyuk ta jchikʼtik o ta jtubtatik
o ta jchopol kʼoptatik li jteklum ti jaʼ svanderaile.
Muʼyuk ta jkʼejintatik li imno nasionale,
pe muʼyuk ta xkalbetik yantik ti mu skʼejintaike
o ti oy xa kʼusitik ta jpastik yoʼ
xilik ti muʼyuk ta jpastik saludare.
Muʼyuk chijbat ta paskʼop mi jaʼuk ta
jtsaktik ta kʼop li krixchanoetik ta jparajetike.
Jaʼ xkaltik, muʼyuk bu ta jtikʼ jbatik o ta
jkontraintik li kʼusitik tspas li jpolitikoetike,
mi jsetʼuk jech ta jnoptik.
Ta jpʼel chaʼpʼel noʼox kʼope jaʼ
ti muʼyuk bu ta jtikʼ jbatik jotukale.
Pe ¿kʼusi ta jpastik mi oy kʼusi tskʼanbutik
ajvalil ti skontrainoj li smantaltak Kristoe?
Oy jun lekil beiltasel ta Vivlia.
¿Mi xvul to ta ajolik
kʼusi chal Echos 5:28, 29?
«Jaʼ skʼan ta jchʼunbekutik smantal kʼuchaʼal
ajvalil li Diose, maʼuk li krixchanoetike».
Maʼuk ti muʼyuk chkichʼtik ta mukʼ li ajvaliletike,
yuʼun jnaʼojtik ti mas to
skʼan xkichʼtik ta mukʼ li Diose.
Mi oy kʼusi laj yal ajvaliletik akʼo jpastik o mu
jpastik ti skontrainoj li smantaltak Jeovae,
muʼyuk chopol chil Jeova mi
muʼyuk la jchʼuntik li kʼusi chalike.
Xuʼ van oy buchʼu xi chale:
«Pe mi muʼyuk la jchʼuntike
xuʼ skontrainutik li ajvaliletike».
Jech onoʼox laj yal Jesus ta Mateo 24:9
Li ta Apokalipsis 2:10,
li Jesuse mas to jamal
laj yal ti junantik yajtsʼaklomtake
—maʼuk skotolik— ta xichʼik tikʼel ta chukel.
Muʼyuk bu chijchibaj mi muʼyuk xkichʼtik chukele,
pe mi laje, muʼyuk chijchibaj xtok.
Taje tsvules ta joltik ti ta smilal xa
noʼox kermanotaktik ochemik ta chukel
ta skoj ti muʼyuk bu stikʼoj sbaik
ta spasel li kʼusi tspas li krixchanoetike.
Ta jpastik orasion ta stojolalik,
ep sbalil chkiltik li stukʼil yoʼontonike.
Ep sbalil chil li Jeova eke.
Mi kuchem yuʼunike, xuʼ xkuch kuʼuntik ek.
¿Kʼu yuʼun jech chkaltik?
Xi laj Pablo ta Efesios 3:13:
Kʼalal la stsʼiba skarta li
Pabloe te chukbil ta Roma.
¿Kʼu yuʼun laj yalbe j-efesioetik
ti jaʼ yichʼobilik ta mukʼ li svokoltake?
Jaʼ sventa xakʼbe yil ti ep tajek
sbalil ti jaʼik yajtsʼaklomtak Kristoe,
ti skʼan tukʼ xakʼ sbaik
akʼo mi snuptanik prevaetike.
Ti muʼyukuk kuch yuʼune,
¿kʼusi van la snop li ermanoetike?
Jaʼ ti muʼyuk sbalil li xchʼunel yoʼontone,
ti chtun ta stojolal Diose xchiʼuk
ti spatoj yoʼonton li ta Ajvalilale.
Ep tajek sbalil laj yilik li yajtsʼaklomtak
Kristo ti kuch yuʼun li Pabloe.
Jamal laj yakʼ ta ilel ti ep sbalil
ti tukʼ chkakʼ jbatik ta stojolal li Diose.
Li kermanotaktik ti tikʼajtik ta chukel avie,
xchʼunojik ti melel li spatobil koʼontontike
xchiʼuk ti oy ta melel li Ajvalilal yuʼun Diose,
ti jaʼ li buchʼu ch-akʼbatik li
kuxlejal sbatel osil ta jun balumil ti
oy jun oʼontonal xchiʼuk ti jmoj xa oyutike.

David Schafer: ¿Kʼusi skʼan xal, bu to kʼalal smakoj xchiʼuk kʼu yuʼun skʼan tukʼ xkakʼ jbatik ta stojolal Dios?