JW subtitle extractor

”Supswan ine nyasiḇa.”—Yoh 17:16.
”Roi ḇefnai fa kowaira ḇar oso ḇa ya iso snaro
komarisen kosaramper Karajan Allah monda.
Snaro dunya ḇeḇarḇor ine
kerower na isyaḇa kwar,
ine nafnai samswen fa kowaira ḇar osoḇa.”
Romawa mkoya, kirine komam vidio oso.
Dawn, Jordan, muken pyan jendela na?
Minggu ine, na mkoryur fa mkofrur PR.
Mkoiso na ḇefrur roi oso,
insama mkofaspar bur supswan ine
ro roi ḇeḇyeḇa ya.
Mamamun naisya ido,
na sisewar ko fa kakso.
Mkomarisen ido mkopanepen.
Yakara samswen kuker pemilu ine,
ḇeawyae romawa babo mkoya.
Au ido, mansei na ḇemenang ya?
Emm, nkokyar nari . . .
ehm . . .
Ooo, fakfuken ya ipyum kaku.
Saksi-Saksi Yahwe nkoine,
nkokyar snar Karajan Allah monda iso
na ḇefrur mnis samswen nakam.
Rupia ri 135.000.
Kasumasa.
Rosai imbe kwoḇes i?
Aya ido, snemuk pamarenta ḇebabo ine
iso ḇepyum kaku ya.
Na nun samswene.
Sifrur na ido,
nari kona roioḇa.
Ḇape ipyum ido, na kona roi nabor syadiwer.
Sima sna roi nabor kwar.
Iso monda sawos ker na.
Nkor ḇefawi nanem sya fa sawos roi ine ro roḇ ine,
isoine, na partai ḇese ya iso ḇemenang ke?
Nari sifur asas sena faro ḇefararur sya ke?
Snemuk ḇebabo risai monda
na sifrur kuker dinas militer ya?
Na mkomarisen fa mkofawi.
Mkorama kawawos kuker
John McGarthy, menteri pendidikan.
Yasmai fafrowes ido,
yamarisen yasouser pdef ḇe Yahwe I.
Ḇape roi yakinfir ya bisa nawyaye kankenem yedi,
kina yesi, roi yamarisen ro ras ḇarpon iyama.
Rariso yawaira ḇar oso ḇa, ro sne yedi kako?
Yohanes . . .
17:14-20.
”Yaḇuk wos ḇena farosi kwar,
inja supswan ine sayinsi,
snar sikada supswan ine nyasiḇa,
imnis raris aya ine kako
supswan ine nya ayaḇa.
Yor fa wunsi bur supswan ineḇa,
imboi insa fadirensi ro ḇarḇorya.
Supswan ine nyasiḇa, imnis aya kako
supswan ine nya ayaḇa.
Fasren si ro napnapesya;
wos bedi kada napnapes rirya.
Imnis raris wawan aya kwar ḇe supswan ine,
rarirya yawansi ḇe supswan ine kako.”
Imnis Yesus i, supswan ine nya si ḇa,
ro sne sena ma ro roi sifur na.
Fafisu risai asas ine ndarirya?
Kirine!
Yasrow kwar mnuk ḇepyum oso.
Wamarisen mam na ke?
Ro Matius 24:33.
Yesus ikofen: ”Rarirya kako
rofyor mkomam roi ḇeḇor nane kam,
mkofawi beri, mḇoi fafisu . . .

Kowaira Ḇar Osoḇa ro Sne ma Roi Kofrur Na