JW subtitle extractor

Professor risaya, inja yamamker abar ḇebabo na.
Rarirya kako ḇe snonkaku Kristen, imnis min Kristen ḇesesya.
Samswen kaku fa kowaira ḇar oso ro polotik, samswen kaku, snaro kofawi samswen nabor ro moḇ kobarek ya.
Fyor yabaḇa kaker, yamarisen yafnak bola.
Yaḇarek ro moḇ snonkaku sya rum sena
naḇyeḇa kaku, nkomarisen kaku.
Yamarisen yaso abar ro wartawan oso snaro dawos roi ḇepyum
ma ḇeḇyeḇa ro partai polotik na.
Ḇape rofyor dawos roi ḇeḇyeḇa
ro partai polotik oso ido,
yamewer yarower na.
Yaḇarek ro pusat kota,
moḇ sifrur ker demo ḇeba kaku na.
Snonkaku bero diansya simarisen kaku faro polotik ya.
Yafawi fandun fa yawaira ḇar oso ḇa, ḇape ro sne yedi
yamarisen kako faro demo sifrur na.
Kaku ḇae yapoper ḇa ḇaido yar naba ḇa,
ḇape ro sne ya yakofen:
’Fasaw! Becetak gol!’
Yakofen tim yamarisen ya ḇyemenang,
ḇesesya rarirya kako.
Yamarisen fyor tim yamarisen ya ḇyemenang ker.
Randak iwara, yakara:
”Yahwe ifrur aya fa yamnis I. Iso Allah ḇenapes.”
Inja na aya kako yana mamam ḇemnis kuker I.
Faro aya, fandun ya iso kofasnai na ro roi kofrur na,
kowaira ḇar oso ḇa.
Syap Baryas April 2016 ikofenbair
fandun fa kowaira ḇar oso ḇa.
Knam ya iso komam mankun ko
kopyum syadi ro ḇesesya ḇa
snar ”faro Allah, kokam komnis”.
Rofyor yawasya syap ani,
yafawi snar ipyum ya yafrur fararwe.
Yawai ra ḇar oso kwar.
Inja yawasya wer syap ani.
Yaḇenadi ḇe Yahwe I.
Yaḇaḇir snar Yahwe ḇyuk syap anya fa dawos kuker aya.
Roi yawasya ro syap ani nsun kaku ro sne yedi.
Ro mandira ani, yawasya wer syap ani rarwan rikior wer.
Yakandor fafaya ḇa.
Fandun fa yafadwer kakara ayedi
insama imnis Allah kakara Ḇyena.
Roi bese sawos ro syap ani iso kuker abar oso.
Syap ani ikofen beko insama komam awer
ḇaido kowasya awer snar roi sikofenḇair na
ḇewaira ḇe ḇar oso.
Wos ro syap ani ryok radine:
’Wamewer waryur kuker si. Ḇape, na wamarisen
insama sisma bon ḇepyum ke?’
Kaku beri!
Yaryur kwar kuker si.
Wos riḇeso wer naisya ḇekur ḇe aya.
Rofyor yamam berita ḇebor na ḇa kwar ma rosai sawos na,
ine nafnoḇek kaku aya, fandun ḇa fa
yawos faro min ḇefararur ro kantor sya.
Rofyor sawos roi oso ido,
fandun fa yawos roi oso ḇa
snaro yamam na ḇa.
Yafawi na ḇa.
Inja sikofen: ”Wafawi ke mansar ani dawos radine,
ḇesewer ikofen radia?”
Yakarem: ”Yafawi ḇa. Yamam na ḇa,”
awawos na namnai beri.
Syap anya dawos Roma 10:12
ḇekofen snar Allah oser ani
irya Manseren faro kawasa kam.
Faro Yahwe I, negara ayedi ḇyemenang rarwan
ririm ro Piala Dunia ke women ke samswen noḇa.
Snar Yahwe myam kokam komnis.
Yun kertas oso fa yafas roi ḇefandun rifiak
sawos ro syap anya.
Roi rifiak ine iso ḇebuk swarapepen ḇe aya
fa yawaira ḇar oso ḇa.
Ramnai, yarir i ro dompet yedi,
insama ido bisa yawasyaker na ro kantor.
Yamarisen kaku fyor yamam sepak bola.
Yamam kaker na ro Telefisi.
Yafnak kako bola ro Betel.
Ḇape mamam ma marisen yena
kuker farfnak bola ibese kwar.
Kirine, yamanen tim oso wer ḇa.
Ine nafnoḇek aya fa yawaira ḇar oso ḇa.
Yafarkor ro syap Baryas fa yaso ro polotik ya ḇa
ro kakara ma sne yedi.
Yakyar Karajan Allah iso ḇepyum kaku
ma pamarenta snonkaku noḇa
ḇemnis ra Karajan Allah,
na yawaira ḇar oso ḇa.
Fandun fa yasasor aya.
Yamarisen bisa yafarkor ro syap Baryas,
ḇepon ya roi bisa yafrur ro kenem yedi.
Refo imnis fanin ḇefasnaiḇair
roi fandun fa yafrur mnis na.
Snaro yaso mnis akurfasnai
ma ananun ro syap anya,
bisa yawos kuker kakyar snar Karajan Allah monda
bisa ḇefrur mnis samswen ro snonkaku syakam.

Kofarkor ro Baryas—Kowaira Ḇe Dunya Ḇesisyeyae Ine ḇa