JW subtitle extractor

Dja ki mi é profesóra di ikonomia,
N meste sta informadu dretu.
Tanbê, N ta ntende ma kómu
kristons nu meste sabe kuzê ki sta pasa.
É difísil ka toma un ladu na pulítika.
É txeu difísil.
Pamodi?
Pamodi nu ta odja kes prubléma.
Ami sénpri N gosta di djuga bóla.
Désdi mininu.
N ta moraba na un lugar ki éra
póbri i pa divirti nu ta djugaba bóla.
N ta gostaba txeu di odja
komentáriu di un jornalista.
El ta papiaba di kuzas dretu
i mariadu di tudu kes partidu.
Má óras ki el ta papiaba mal
di un partidu N ka ta fikaba kontenti.
N ta mora na séntru di un sidadi,
pértu di lugar undi ki es ta faze manifestason.
Kes algen di la gosta txeu di pulítika.
Es ta dexa klaru kuzê ki es ta pensa.
Nton, nbóra sénpri N sabe
ma N ka debe mete na pulítika,
déntu mi N ta konkordaba ku kes manifestason.
Pa fóra N ka ta saltaba i nen N ka ta gritaba,
má déntu mi, N ta flaba:
‘Nu bai! Nu ten ki ganha!’
Kel vontadi, kel kláki, kel orgulhu
di ten un ekipa ki ta ganha,
ki ten más vitória, ki ten txeu tasa.
N ta fikaba ta pensa:
“N kriadu sima imaji di Jeová, i Jeová é justu.”
Nton kuzê ki N sta xintiba éra nha sensu di justisa.
N ta atxaba ma ka mete na pulítika
tinha aver ku manera ki N ta faze kuzas,
ka tinha aver ku kuzê ki N ta xintiba.
Na kel Sentinéla di abril di 2016
ten un artigu txeu interesanti sobri kel-li.
Ka mete na asuntus na mundu
siginifika ma bu ka ta
atxa ma bo é más inportanti di ki otus.
Pamodi pa Deus tudu algen é igual.
Kantu N studa kel artigu,
N da kónta ma N tinha ki faze mudansas;
N staba ta mete na asuntus di mundu.
Nton N torna lé kel artigu,
N ora pa Jeová i N fla-l
ma N sabia ma el sta papiaba ku mi.
Kel revista toka-m txeu. El mexe ku mi.
N ta lenbra ma na kel noti N lé kel artigu uns 3 bês.
N fika spantadu.
Pamodi N da kónta ma déntu mi,
N staba lonji di kel ki Jeová kria pa N sérba.
Kel sugundu pontu ki kel artigu ta pâpia di el
é sobri notísias i meius di kumunikason.
La ta fla-nu pa nu toma kudadu
ku kantu ténpu ki nu ta pasa
ta odja notísias sobri pulítika.
Otu frazi ki toka-m txeu foi:
‘Óras ki N ta odja manifestasons,
déntu mi N ta konkorda ku es?’
Sin, é si ki N ta xintiba!
Sin! Txeu frazi di kel artigu
skrebedu mésmu pa mi, pa mi própi.
Kantu N para di odja txeu notísias,
kel-la djuda-m kontrola nha kabésa
óras ki es ta papiaba na nha trabadju.
Pamodi si nhas koléga ta papiaba sobri un notísia,
ami N ka tinha nada pa fla
pamodi N ka odjaba kel notísia.
N ka sabia kuzê ki sta ta pasaba.
Un kolega ta flaba mi:
“Bu odja ma un algen pâpia un
kuza i kel otu algen pâpia otu kuza?”
N ta flaba: “Nau, N ka odja.”
I konbérsu ta paraba la.
Kel artigu ten kel testu di
Romanos kapítlu 10, versíklu 12
ki ta fla ma Jeová é kel
‘Sinhor ki sta riba tudu algen’
ka ta nporta si é gregu ô judeu.
Pa Jeová ka ta nporta si nha país ten 5 tasa, 6 tasa
ô si el perde ô si el ganha un Kópa.
Pa Jeová, tudu algen é igual.
N panha un padás di papel
i N skrebe kes kuatu
manera ki kel artigu ta pâpia di el.
Kuatu manera ki ta djuda-nu
ka mete na asuntus di mundu.
N pô-l déntu di nha bólsa
di trabadju asi pa N podia lé-l sénpri.
N gosta di odja jogu.
É un diverson.
Inda N ta odja-l na tilivizon.
Inda N ta djuda bóla ku nhas amigu li na Betel.
Má N sta ta sforsa pa N muda.
Poku-poku, N sta ta konsigi poi jogu na se lugar.
Kel-li ta djuda-m ivita kel
spritu di nasionalismu i di orgulhu.
N prende na kel artigu ma
N ka debe da opinion sobri pulítika.
I kel-li ten ki kumesa déntu mi.
Si déntu mi N ten sertéza ma Reinu di Deus
é midjór soluson i ka ten otu kuza sima el,
nton ka mete na asuntus
di mundu ta ser un kuza normal pa mi.
Má N ten ki mante sienti.
N gosta txeu di artigu di kel Sentinéla,
prinsipalmenti kes ki ta pâpia
di kuzas ki N pode aplika na nha dia-dia.
Es ta djuda-m odja Bíblia sima un spedju
ki ta mostra-m na undi ki N pode midjora.
Sigi kes konsedju li i faze
kes mudansa ki sta na kel artigu
djuda-m pâpia ku más sertéza
ma é sô Reinu di Deus
ki ta pode rezolve prublémas di mundu.

Kuzas ki nu prende na Sentinéla — Ka bu mete na asuntus di es mundu divididu