JW subtitle extractor

Kin kaʼansik finanzas yéetel
u j-jaajkunajen Jéeoba,
le oʼolal kʼaʼabéet in
wojéeltik baʼaxoʼob
chiʼichnakkúuntik
máak teʼ kʼiinoʼobaʼ.
Tumen k-tsʼáaik cuenta baʼaxoʼob
ku aktáantik le máakoʼoboʼ,
le oʼolal jeʼel jáan
k-oksikba tiʼ políticaeʼ.
Desde tin chichnil uts
tin tʼaan in báaxtik fútbol,
como jach óotsil tuʼux líikʼenoʼ
chéen yéetel le fútbol náaysik k-óoloʼ.
Uts tin tʼaan kaʼach baʼax
ku yaʼalik juntúul periodista,
tumen ku yaʼalik
le baʼaxoʼob maʼalobtak
bey xan le baʼaxoʼob kʼaastak
ku beetik le partido politicoʼoboʼ.
Pero ka káaj u jach criticartik
junpʼéel partidoeʼ kʼaas tin wuʼuyilak.
Naatsʼ teʼ kʼíiwik tuʼux kajaʼanenoʼ
ku beetaʼal nukuch protestaʼob.
Le máakoʼob teʼ kaajaʼ ku
defendertikoʼob baʼax ku tuklikoʼob,
jach ku yoksikubaʼob tiʼ política.
Kex in wojel maʼ unaj
k-tsʼáaikba tu favor wa máaxeʼ,
kin tuklik kaʼacheʼ maʼalob
ka beetaʼak le protestaʼoboʼ.
Kex maʼ tin síitʼ mix
tin awat jeʼex u maasileʼ,
pero ichil in tuukuleʼ kin waʼalik:
«¡Dale! ¡Oks le goolo!».
Pʼáat chéen in kʼáat
ka ganarnak in equipo,
ka u ganart u maasil trofeoʼob
beyoʼ ka in presumirt tiʼ u maasil.
Dioseʼ ku beetik baʼax toj
le oʼolal maʼ kʼaas in wilik kaʼach
in apoyartik kex chéen ichil in
tuukul le politicoʼob kin tuklik utsoʼoboʼ.
Maʼ in naʼat kaʼach maʼ maʼalob ka in
apoyart le baʼaloʼobaʼ mix yéetel in tuukul.
«U Pʼíich Tulumil Kanan»
abril tiʼ 2016
tu tsolaj bix k-tsʼáaikba
tu favor u Reino Dios,
Jéeobaeʼ maʼ u kʼáat ka k-tukult
maas maʼaloboʼon tiʼ u maasiliʼ
«Jéeobaeʼ mix
máak jelaʼan u paktik».
Ka tsʼoʼok in xokik
le revistaoʼ orarnajen,
tin tsáaj cuenta Jéeoba tʼanken.
Tin wileʼ kʼaʼabéet
in kʼexik bix in tuukul
tumen maʼ táan in weʼesik wa
chéen u Reino Dios kin apoyartikiʼ.
Jach kʼuch tin puksiʼikʼal le
baʼax tin xokaj teʼ revistaoʼ.
Jatsʼuts tin wilil, kʼajaʼanteneʼ
teʼ áakʼaboʼ kex óoxtéen tin kaʼa xokaj.
Tin tsʼáaj cuentaeʼ jach
maʼ maʼalob bix in tuukuliʼ
tumen maʼ letiʼe baʼax u
kʼáat Jéeobaoʼ ka in beetoʼ.
Le revistaoʼ tu
yaʼalaj ka k-beet lelaʼ:
«Maʼ k-chaʼantik, k-uʼuyik
mix k-xokik le noticiaʼob
teʼ tuʼuxoʼob jach chíikaʼan ku
apoyartikoʼob wa baʼax partidoiloʼ».
Le revistaoʼ tu yaʼalaj: «Maʼ xaaneʼ
techeʼ maʼ ken a jupaba ichiloʼob
chéen baʼaleʼ ichil
a tuukuleʼ ka waʼalik:
‹de acuerdoen yéetel
baʼaxoʼob ku beetkoʼob›
wa ‹kexiʼ ka ganarnakoʼobeʼ›».
¡Bey in tuukul kaʼachoʼ!
Le baʼax tin xokoʼ
jach tu yáanten.
Unaj u jáawal in sen chaʼantik
noticiaʼob. Bey tin beetiloʼ,
leloʼ tu yáanten utiaʼal maʼ in
sen tʼaan tiʼ política tuʼux kin meyajoʼ.
Kéen káajak u tsikbaloʼob yoʼolal
baʼax aʼalaʼab teʼ noticiaʼoboʼ
maʼ tu páajtal in núukik mix
baʼal tumen maʼ tin chaʼantik,
kéen kʼáataʼakten:
«¿Ta wilaj wa baʼax tu yaʼalaj le
máakoʼ yéetel baʼax núukaʼabtiʼ?».
Kin waʼalik: «Maʼ, maʼ tin wiliʼ»
beyoʼ ku xuʼulul le tsikbaloʼ.
Romailoʼob 10:12 ku yaʼalik:
‹Chéen Jéeoba juntúuliliʼ
Yuumtsil yaan tu yóokʼoloʼob
yéetel minaʼan u jelaʼanil
le judíoʼob tiʼ le griegoʼoboʼ›.
Jéeobaeʼ maʼ tu chʼaʼik en cuenta
máax ganartik le campeonato
wa le copa mundialoʼ.
Tumen Jéeobaeʼ
mix máak jelaʼan u paktik.
Le revistaoʼ tu tsolaj cuatro
baʼaloʼob jach kʼaʼanaʼantak
jeʼel u yáantken utiaʼal in weʼesik kin
tsʼáaikinba chéen tu favor u Reino Dios.
Ka tin tsʼíibtaj tiʼ junpʼéel chan juʼun,
beyoʼ mantatsʼ kin bisik tin bulto
utiaʼal in xokik teʼ tuʼux kin meyajoʼ.
Uts tin wich in chaʼantik fútbol,
kin jóoʼsik u súutukil utiaʼal in báaxal
yéetel in amigoʼob way Beteleʼ.
Pero tsʼoʼok in wilik in kʼexik in tuukul,
beoraaʼ kin wilik maʼ in
apoyartik mix junpʼéel equipo.
Leloʼ ku yáantken
utiaʼal maʼ in tuklik
wa maas maʼalob le
luʼumil tuʼux kajaʼanenoʼ.
Tin kanaj maʼ unaj
in tʼaan tiʼ politicaiʼ,
tak yéetel baʼax kin waʼalik
yéetel baʼax kin tuklikeʼ
unaj in weʼesik chéen
u Reino Dios kin apoyartik.
Wa kin confiar de
que chéen u Reino Dios
kun utskíintik le baʼaloʼob kʼaastakoʼ
maas chéen chʼaʼabil ken in
weʼes letiʼe Reino kin apoyartikoʼ.
In xakʼaltik «U Pʼíich Tulumil Kananeʼ»,
ku yáantken in tsʼáa ichil in
kuxtal le baʼaxoʼob kin kanikoʼ.
Le Bibliaoʼ bey junpʼéel néen ku
yáantken in maʼalobkíint in kuxtaleʼ.
In beetik baʼax ku yaʼalik le revistaoʼ,
tsʼoʼok u yáantken utiaʼal
maʼ in sajaktal in kʼaʼayt
chéen u Reino Dios kun utskíintik
tuláakal le talamiloʼob k-aktáantikoʼ.

Bix tu yáantilen U Pʼíich Tulumil Kanan: Koʼox tsʼáaikba tu favor u Reino Dios