JW subtitle extractor

Xa̱ʼa̱ ña̱ kúi̱ maestra ña̱ finanza,
xíniñúʼu kunda̱a̱ va̱ʼa inii̱ xa̱ʼa̱ ña̱ kúu
ta saátu xa̱ʼa̱ ña̱ káʼvii̱ tu̱ʼun Ndióxi̱ xíniñúʼu keʼíi̱ña.
Íxayo̱ʼvi̱níña ña̱ kǒo kundiku̱nyó iin partido político.
Íxayo̱ʼvi̱níña xíʼinyó chi kúnda̱a̱-iniyó xa̱ʼa̱ ndiʼi ña̱ ndóʼo na̱ yiví.
Tá loʼoví kútói̱ kusíkíi̱ futbol.
Iin ñuu ña̱ ndáʼviní ni̱xi̱yoi̱ ta xi̱kusi̱í-inindi̱ tá xi̱sisikíndi̱ pelota.
Xi̱kutói̱ kuniso̱ʼi̱ ña̱ xi̱ka̱ʼa̱n iin ta̱ xi̱taxi noticia.
Xi̱ka̱ʼa̱nra ña̱ va̱ʼa ta saátu xi̱ka̱ʼa̱nra ña̱ va̱ása va̱ʼa
xa̱ʼa̱ ndiʼi na̱ partido político.
Soo
tá ki̱xáʼara káʼa̱nra ña̱ va̱ása va̱ʼa xa̱ʼa̱ iinlá ña̱ partido..
va̱ása níkutói̱ ña̱yóʼo.
Mií centro ñuu íyoi̱.
Kán ndátaka ku̱a̱ʼání na̱ yiví ña̱ káʼa̱nna contra na̱ gobierno.
Na̱ yiví na̱ íyo kán, ndíʼi̱ní-inina xa̱ʼa̱ ña̱ política
ta ku̱a̱ʼá ña̱ʼa ndákanixi̱nína xa̱ʼa̱ ña̱yóʼo.
Yi̱ʼi̱ xa̱a̱ xíni̱vai̱ ña̱ xíniñúʼu nda̱kú koo inii̱
soo chi inii̱ inkáchi xi̱ndakanixi̱níi̱ xíʼin na̱ yiví kán.
Va̱ása níxi̱ndavai̱ ni kǒo níxi̱ndaʼyii̱
soo chí inii̱ xi̱ka̱ʼi̱n: “Chika̱a̱ndó ndee̱, kuchiñuvandó”.
Kuití xi̱ndakanixi̱níi̱ xa̱ʼa̱ ña̱ kúsi̱íní-ini na̱ yiví xíʼin xa̱ʼa̱ ña̱ kuchiñu equipoi̱
ta ku̱a̱ʼáka trofeo kuumiíndi̱ nu̱úka inkana.
Xi̱ndakanixi̱ní̱i̱ ña̱ va̱ʼaní kéʼíi̱ ta xi̱ka̱ʼi̱n:
“Táki̱ʼva íyo Ndióxi̱ na̱kuvaʼi̱, chi nda̱kú íyo ña̱ kéʼéra”.
Va̱ása níxi̱kunii̱ koo tu̱ndóʼo ta síín xi̱ndakanixi̱níi̱
tá kúú ña̱ na̱ʼa̱ kuitíyó ña̱ nda̱kú íyo iniyó xíʼin ña̱ kéʼéyó.
Ti̱xin ña̱ “La Atalaya” ña̱ abril ña̱ 2016
va̱xi iin ña̱ chindeétáʼan xíʼinyó ña̱ nda̱kú koo iniyó.
Ña̱ nda̱kú iniyó kǒo kúni̱ kachiña ña̱ va̱ʼaníka miíyó nu̱úka inkana,
chi nu̱ú Jehová inkáchi íyo ndiʼiyó.
Tá sa̱ndíʼii̱ ña̱ ka̱ʼvii̱ artículo yóʼo, ki̱ʼi̱n kuenta ña̱ xíniñúʼu nasa̱mai̱.
Va̱ása ni̱xi̱yo nda̱kú inii̱.
Xa̱ʼa̱ ña̱yóʼo tuku ka̱ʼvii̱ artículo kán.
Ke̱ʼíi̱ oración nu̱ú Jehová
ta ni̱ka̱ʼi̱n xíʼinra ña̱ ku̱nda̱a̱-inii̱ ña̱ miíra káʼa̱n xíʼi̱n ti̱xin artículo yóʼo.
Ña̱ ni̱ka̱ʼa̱n revista yóʼo ni̱xa̱a̱ña nda̱a̱ níma̱i̱.
Ndákaʼíi̱n ña̱ u̱ni̱ yichi̱ ka̱ʼvii̱ artículo yóʼo ñuú kán.
Iin nda̱kanda̱-inii̱.
Ki̱ʼi̱n kuenta ña̱ va̱ása ndákanixi̱níi̱ táki̱ʼva kúni̱ Jehová.
Artículo yóʼo ni̱ka̱ʼa̱ntuña xa̱ʼa̱ noticia xíʼin xa̱ʼa̱ nu̱ú kána ña̱yóʼo.
Iin consejo ña̱ va̱xi nu̱úña káchiña
ña̱ va̱ása va̱ʼa kotoníyó noticia ña̱ káʼa̱n xa̱ʼa̱ ña̱ política.
Íyo inka tu̱ʼun ña̱ ni̱xa̱a̱ nda̱a̱ níma̱i̱.
Ni̱ka̱ʼa̱nña ña̱ ni kǒo kíta miíyó ña̱ ndatakayó ku̱ʼu̱nyó contra na̱ gobierno
soo sana kuni̱vayó keʼéyóña.
Ta ña̱kán kúú ña̱ xi̱ndoʼi̱.
Artículo yóʼo xi̱kuumiíña sava tu̱ʼun ña̱ ni̱ka̱ʼyi̱ xa̱ʼa̱ yi̱ʼi̱.
Xi̱niñúʼu sandákoi̱ ña̱ kotoi̱ ku̱a̱ʼá programa ña̱ noticia.
Ta saáva ke̱ʼíi̱.
Ña̱yóʼo chíndeétáʼan xíʼi̱n
ña̱ va̱ása káʼa̱nkai̱ xa̱ʼa̱ tu̱ndóʼo ña̱ kúú xíʼin na̱ káchíñu xíʼi̱n.
Tá iinna káʼa̱nna xíʼi̱n xa̱ʼa̱ ña̱ ki̱ta nu̱ú noticia,
ni kǒo xínii̱ ndáaña ndakuii̱n chi kǒo níxinii̱ña.
Ni iin ña̱ʼa kǒo níxixinii̱.
Iinna xi̱ka̱ʼa̱n: “¿Xi̱nindó ña̱ ni̱ka̱ʼa̱n na̱ yiví yóʼo, xíʼin ña̱ ni̱ka̱ʼa̱n inkakana?
Ta yi̱ʼi̱ xi̱ka̱ʼi̱n: “Va̱ása, kǒo níxinii̱ña”.
Ta va̱ása níxikaʼa̱nkandi̱.
Ti̱xin artículo yóʼo va̱xi Romanos 10:12.
Kán káʼa̱nña ña̱ iin kuití kúú tátayó ta iin kúú na̱ judío xíʼin na̱ griego nu̱úra.
Nu̱ú Jehová va̱ása ndáyáʼvi
tá ñuui̱ nda̱kiʼinña 5 a 6 campeonato
á ku̱chiñuna á va̱ása níkuchiñuna kusíkína.
Inkáchi íyo ndiʼi na̱ yiví nu̱ú Jehová.
Ti̱xin iin tutu, iin tutu loʼo,
ka̱ʼyíi̱ ku̱mí punto ña̱ ndáyáʼvi ña̱ va̱xi ti̱xin artículo yóʼo.
Ku̱mí kúú ña̱ chindeétáʼan xíʼinyó ña̱ nda̱kú koo iniyó.
Ndiʼi tiempo níʼi̱ña ini bolsai̱
tasaá va̱ʼa káʼvii̱ña nu̱ú káchíñui̱.
Kútóoní kotoi̱ partido ña̱ futbol,
sákusi̱íña-inii̱.
Xítoi̱ña nu̱ú tele.
Ta saátu sísíkíi̱ xíʼin na̱ mogoi̱ na̱ ñúʼu betel.
Soo chíka̱a̱i̱ ndee̱ ña̱ nasamai̱.
Loʼo tá loʼo, ku̱a̱ʼa̱n násama ña̱ ndákanixi̱níi̱ xa̱ʼa̱ futbol.
Ña̱yóʼo chíndeétáʼan xíʼi̱n ña̱ va̱ása ni̱nu kunii̱ xa̱ʼa̱ ñuui̱.
Ti̱xin artículo yóʼo sa̱kuaʼi̱ ña̱ kǒo xíniñúʼu ka̱ʼi̱n xa̱ʼa̱ ña̱ política.
Xíniñúʼu nda̱kú koo inii̱ xíʼin ña̱ ndákanixi̱níi̱ ta saátu xíʼin ña̱ kúnii̱.
Tá kándíxai̱ ña̱ reino Ndióxi̱ kúú ña̱ kivi sandiʼi-xa̱ʼa̱ ndiʼi tu̱ndóʼo
ña̱ íyo vitin va̱ása íxayo̱ʼvi̱ña xíʼi̱n ña̱ nda̱kú koo inii̱.
Xíniñúʼu kiʼinníi̱ kuenta.
Kútóoní ka̱ʼvi tutu ña̱ “La Atalaya”,
ña̱ káʼa̱n xa̱ʼa̱ ña̱ʼa ña̱ kivi chindeétáʼan xíʼi̱n.
Chíndeéña yi̱ʼi̱ ña̱ kotoi̱ Biblia nda̱a̱ táki̱ʼva íyo iin espejo
ña̱ náʼa̱ nu̱úi̱ ndáaña xíniñúʼu nasa̱mai̱.
Ña̱ xi̱ndiku̱i̱n ña̱ va̱xi nu̱ú artículo yóʼo
chi̱ndeétáʼanña xíʼi̱n ña̱ na̱samai̱
ta saátu ña̱ ka̱ʼi̱n xíʼin na̱ yiví ña̱ kándíxai̱ ña̱ iinlá reino Ndióxi̱
kivi sandiʼi-xa̱ʼa̱ tu̱ndóʼo ña̱ íyo nu̱úyó tiempo vitin.

Ña̱ sákuaʼayó ti̱xin Tutu Ña̱ Nátúʼun xíʼinyó: Seamos neutrales en este mundo dividido