JW subtitle extractor

Դասեր՝ «Դիտարանից»։ Չեզոք մնա այս պառակտված աշխարհում

Video Other languages Share text Share link Show times

Լինելով ֆինանսների մասնագետ՝ ես պետք է լավ տեղեկացված լինեմ։
Որպես քրիստոնյա՝ նույնպես պետք է լավ տեղեկացված լինեմ։
Քաղաքականության մեջ որևէ մեկի կողմը դիրք չբռնելը դժվար է,
քանի որ մենք լավատեղյակ ենք հասարակության խնդիրներին։
Փոքր տարիքից շատ եմ սիրում ֆուտբոլը։
Մեծացել եմ աղքատ թաղամասում, որտեղ
զվարճանալու համար մենք ֆուտբոլ էինք խաղում։
Մի լրագրող կար, որի նյութերը շատ էի հավանում։
Նա ներկայացնում էր կուսակցությունների
թե՛ դրական, և թե՛ բացասական կողմերը։
Սակայն մի անգամ, երբ նա միայն բացասական
բաներ խոսեց մի կուսակցության մասին, դա ինձ դուր չեկավ։
Ես ապրում եմ քաղաքի կենտրոնում,
որտեղ բողոքի մեծ ցույցեր են լինում։
Այստեղ ապրող մարդիկ շատ են հետաքրքրված քաղաքականությամբ։
Նրանք հստակ դիրքորոշում ունեն։
Ու թեև գիտեմ, որ պետք է չեզոք մնամ,
սակայն սրտումս՝ գաղտնի կերպով արդարացնում եմ ցուցարարներին։
Արտաքուստ ես շատ հանգիստ էի.
ո՛չ գոռում էի, ո՛չ էլ տեղից ցատկում,
սակայն ներքուստ ասում էի. «Առա՛ջ, պիտի հաղթենք»։
Ինձ դուր էր գալիս ամբոխի աշխուժությունը,
և հպարտությունը, որ քո թիմը ամենաշատ հաղթանակներն ունի։
Ինքս ինձ արդարացնում էի.
«Ես ստեղծված եմ Աստծու պատկերով,
իսկ Եհովան արդար Աստված է»։
Արդարության զգացումս էր խոսում իմ փոխարեն։
Կարծում էի՝ չեզոքությունը գործերից է
միայն երևում, ոչ թե զգացմունքներից։
2016 թվականի ապրիլի «Դիտարանում»
չեզոքության վերաբերյալ հետաքրքիր հոդված կար։
Չեզոք լինել նշանակում է քեզ ուրիշներից ավելի լավը չհամարել,
քանի որ «Աստծու աչքին բոլոր մարդիկ հավասար են»։
Հոդվածն ուսումնասիրելուց հետո հասկացա,
որ ես չեզոք չեմ և որ պետք է փոփոխություններ անեմ։
Նորից կարդացի հոդվածը, աղոթեցի Եհովային.
նրան ասացի, որ կարծես Նա էր անձամբ խոսում ինձ հետ։
Այդ հոդվածը իսկապես հասավ սրտիս։
Հիշում եմ՝ այդ երեկո երեք անգամ կարդացի այն։
Ես ապշել էի. հասկացա, որ ներքուստ շատ էի հեռացել
այն անձնավորությունից, որ Աստված ուզում է՝ լինեմ։
Հոդվածում նշված երկրորդ իրավիճակը
զանգվածային լրատվամիջոցների հետ էր կապված։
Այնտեղ նույնիսկ առաջարկ էր արվում սահմանափակել
քաղաքականության վերաբերյալ լուրեր լսելը։
Այնտեղ մի միտք էր ասվում, որը հասավ սրտիս.
«Թեև ցույցերին չենք մասնակցի,
բայց արդյո՞ք նրանց հետ կլինենք սրտով»։
Այո՛, ես նրանց հետ էի։
Այդ հոդվածում կային արտահայտություններ,
որոնք հենց ինձ համար էին գրված։
Դադարեցի լուրերին այդ աստիճան հետևել։
Պե՛տք է այդպես վարվեի։
Դա ինձ օգնեց, որ աշխատավայրում
ուրիշների հետ խոսելիս ինքնատիրապետում ունենամ։
Երբ աշխատակիցներս սկսում էին լուրերից խոսել,
ես ասելիք չէի ունենում, քանի որ
լուրերից անտեղյակ էի, ոչինչ չգիտեի։
Երբ ասում էին. «Տեսե՞լ ես այսինչը
կամ այնինչը այս կամ այն բանն է ասել»,
ասում էի՝ ո՛չ, չեմ տեսել, և այդպիսով զրույցն ավարտվում էր։
Հոդվածում մեջբերված էր Հռոմեացիներ 10։12-ը.
«Տերը մեկն է ամենքի համար», և
«ոչ մի խտրություն չկա հրեայի և հույնի միջև»։
Եհովայի համար կարևոր չէ՝
իմ երկիրը 5, թե 6 անգամ է դարձել գավաթակիր,
հաղթել, թե պարտվել է աշխարհի առաջնությանը։
Եհովայի համար բոլոր մարդիկ հավասար են։
Թուղթ ու գրիչ վերցրի և գրի առա այն
չորս հիմնական մտքերը, որ նշված էին հոդվածում՝
չորս միտք, որոնք կօգնեն մեզ չեզոք մնալ։
Այդ գրառումը պահում եմ պայուսակիս մեջ,
որ աշխատավայրում պետք եղած ժամանակ կարդամ։
Սիրում եմ ֆուտբոլ նայել, հավես է։
Հիմա էլ եմ ֆուտբոլ նայում,
նաև Բեթելի ընկերներիս հետ խաղում եմ,
բայց շատ ջանքեր եմ թափել, որ փոխվեմ։
Կամաց-կամաց վերաբերմունքս փոխեցի ֆուտբոլի հանդեպ։
Դա ինձ օգնեց չհպարտանալ ու հայրենասեր չդառնալ։
Հոդվածից սովորեցի քաղաքականության
վերաբերյալ տեսակետներ չարտահայտել,
նույնիսկ սրտումս։
Եթե ես համոզված եմ, որ
Աստծու Թագավորությունն է ամեն բան լուծելու,
ու որ ոչ մի կառավարություն չի կարող համեմատվել դրա հետ,
ապա ինքնաբերաբար չեզոք կլինեմ։
Բայց հարկավոր է միշտ զգոն լինել։
Հատկապես սիրում եմ ուսումնասիրել
առօրյա խնդիրներին վերաբերող հոդվածները։
Դրանք օգնում են, որ Աստվածաշունչը դիտեմ որպես հայելի՝
տեսնեմ թերի կողմերս և փոխվեմ։
Հոդվածում տրված խորհուրդներին հետևելը
և փոփոխություններ անելը
ինձ օգնեցին համոզվածությամբ ասել ուրիշներին,
որ միայն Աստծու Թագավորությունը
կարող է լուծել մարդկության խնդիրները։