JW subtitle extractor

Ona o a‘u o se polofesa i mataupu tautupe, e tatau ona ou malamalama lelei i mataupu tau tupe.
E faapena fo‘i le avea ma Kerisiano.
E faigatā ona tatou faaitu‘au i vaega faapolotiki aemaise lava
ua tatou malamalama i le mataupu e faatatau i le solitū.
Talu mai loʻu la‘itiiti e ese lo‘u fiafia i le soka.
Ou te sau mai i se nuu matitiva, ma o le soka o se taaloga matou te fiafia tele ai.
E iai se tusitala ou te fiafia lava e matamata i ana lipoti.
E na te ta‘ua itu lelei ma itu leaga o vaega faaupufai uma.
Ae a ia talanoa loa na o le i itu leaga lava o se vaega faaupufai, ona ou lē fiafia loa lea i ai.
Ou te nofo i le ogatotonu o le taulaga.
O i inā e fai ai solo tetee i le malo ma e to‘atele e auai.
O tagata i ina e fiafia tele i faiga faapolotiki ma e malolosi o latou manatu.
E ui ua ou iloa tatau ona tatou solitū, ae i lo‘u loto o loo o‘u lagolagoina ia solo tetee.
Pe a ou matamata i taaloga, e lē iloa i aʻu gaoioiga o oʻu tapua‘ia se ʻau,ae i lo‘u loto:
ʻTalosia ae malo!’
O loʻu faanaunauga ia manumalo laʻu ʻau, fiafia le ʻau matamata,
fiafia foʻi pe a tele latou manumalo.
E masani ona ou taʻutonu oʻu manatu faapea,
“Sa faia aʻu i le faatusa o Ieova, ae ua na o se Atua.”
Sa malolosi oʻu manatu i mataupu faapolotiki, ona o loʻu uiga faamasinotonu.
Iā aʻu, o le solitū i gaoioiga ae lē o oʻu manatu.
Na ou maua mai i Le Olomatamata o Apreila 2016 se manatu manaia e faatatau i le solitū.
O le solitū e lē uiga atu e sili i tatou i lo isi, auā “e tutusa uma tatou iā Ieova.”
Ina ua uma ona ou suʻesuʻe i le mataupu, na ou iloa ai e manaʻomia na fai suiga,
talu ai ou te leʻi faaalia le solitū.
Na ou toe faitau le mataupu.
Na ou tatalo iā Ieova ma faapea atu, pei lava o loo e fetalai sa‘o mai iā te aʻu.
Sa matuā pāʻia a‘u i lenei mataupu.
Ou te manatua e faatolu ona ou faitaua i lenā afiafi.
Sa matuā faate‘ia ai a‘u.
Na ou iloa ai e mana‘omia ona suia o‘u manatu ina ia faafiafiaina ai Ieova.
O le mea lona lua o loo taʻua i le mataupu e faatatau i tala fou ma faasalalauga.
Na faapea mai, e tatau ona faaitiitia le taimi e matamata ai i tala fou i mataupu faapolotiki.
Sa iai se manatu na uuna‘ia ai a‘u: Tusa pe lē auai i le solo tetee,
ae pe tatau ona ou manatu e saʻo i latou ma talotalo ia manuia le latou tetee?’
Ioe o lenā ua ou aufaatasi ma i latou!
Sa iai nisi manatu na tusia faapitoa mo a‘u.
Ina ua ou lē toe matamata i tala fou,
na fesoasoani tele i le pulea lelei o le auala e talanoa ai i isi i le galuega.
Pe a talanoa le ‘aufaigaluega i se tala fou, e leai sa‘u tala auā ou te leʻi matamata ai ma ou te lē iloa foʻi.
E ono faapea mai se tasi o le ʻaufaigaluega: “Na e matamata i tala fou e faatatau i le mataupu lea,
ma e oso mai fo‘i se isi ma sana tala: ” Na ou faapea atu:
“Leai, te lē iloa,” e uma ai a i inā le talanoaga.
Na ta‘ua i lenā mataupu le Roma 10:12 lea e faapea mai e faatatau iā Ieova,
o ia le “Alii o tagata uma” ma“e leai se eseesega o le Iutaia ma le Eleni.”
E lē tāua iā Ieova le malo po o le faia‘ina, pe tele foʻi ni manumalo a loʻu atunuu i taaloga.
E tutusa tagata uma iā Ieova.
Na ou tusia i se fasi pepa manatu autū e fa mai lenei mataupu,
o nei manatu e fesoasoani i le tausisia pea o le solitū.
Na tuu le fasi pepa i laʻu tamaʻi ato ina ia mafai ona ou faitaua i le galuega.
Ou te fiafia e matamata i taaloga soka
ma o loo oʻu matamata ai pea i le TV ma faaauau ona matou taaalo ai ma aʻu uō i le Peteli,
ae ua ou faia ni taumafaiga e faia ni suiga.
A o faagasolo taimi na mafai ona suia laʻu vaai i taaloga soka.
Sa mafai ai ona oʻu ‘alofia le uiga faamaualuga ma le lotonuu.
Ua oʻu iloa e lē tatau ona faaalia ni manatu i mataupu faapolotiki.
E tatau ona ou solitū i oʻu manatu ma mafaufauga.
Pe a ou talitonu o le Malo o le Atua o le vaifofō sili lea ma e lē faatusa i se isi malo,
o le a pei la le solitū o se uiga masani.
E tatau ona ou solitū pea.
Ese loʻu fiafia e suʻesuʻe mataupu i Le Olomatamata,
aemaise mea mafai ona ou faatatauina.
E fesoasoani ai i le vaai i le Tusi Paia e pei o se faata, ma iloa ai mea e faaleleia.
O le mulimuli i nei fautuaga ma faia suiga manaʻomia,
sa fesoasoani tele iā te aʻu e talanoa ai ma le mautinoa i isi e faatatau i le Malo o le Atua,
o le a foʻia faafitauli uma o tagata.

Lesona Mai Le Olomatamata—Tausisia lo Tatou Solitū i se Lalolagi Fevaevaeaʻi