JW subtitle extractor

Ei orometua i te pae faaravairaa faufaa, e tia ia ’u ia vai ara i te mau parau apî.
Tatou atoa hoi te mau Kerisetiano.
E ere i te mea ohie ia vai amui ore noa i te pae poritita.
Tei mua noa hoi te mau fifi i to tatou mata.
Mai to ’u nainairaa mai â, mea au roa na ’u te tue popo.
Mea veve matou, tera ïa ta matou hautiraa.
Mea au roa na ’u tera papai vea,
no te mea e faaite o ’na i te vahi maitai e te vahi ino, noa ’tu eaha te pae poritita.
I te hoê râ taime, ua faaino noa o ’na i te hoê pǔpǔ poritita.
Aita roa ’tu vau i afaro.
Faaea vau i te oire, te vahi mau e tupu ai te mau patoiraa poritita.
Tera te puairaa o te taata, te poritita.
Mea etaeta to ratou mana‘o.
Ua ite iho â ïa vau eiaha e amui atu.
I roto râ i to ’u aau, ua turu atu vau i te feia patoi.
Ia hi‘ohia mai, aita vau i huro, i ou‘au‘a hanoa.
I roto râ, te tuô ra vau: ‘Haere!
Ia re tatou!’
Horuhoru roa te aau ia huro te taata, e teoteo roa vau ia upootia ta ’u pǔpǔ tuaro.
Teie ta ’u otoheraa: “Hamanihia vau ia au i to Iehova huru, e Atua parau-tia hoi oia.”
No reira vau e turu ai i tera paeau.
Aita râ e fifi, tei roto noa pai i to ’u aau.
Aita vau i turu tino roa ’tu.
Mea anaanatae roa Te Pare Tiairaa no Eperera 2016.
Te na ôhia ra: Te tiaraa amui ore, o te oreraa ïa e mana‘o e mea maitai a‘e tatou ia vetahi ê.
“No [te Atua], mea aifaito tatou pauroa.”
Ia ’u i haapii i tera tumu parau, taa ’tura ia ’u e tia ia rave i te mau tauiraa.
Aita hoi au e tapea ra i to ’u tiaraa amui ore.
Ua taio faahou vau, e pure atura ia Iehova: ‘O oe tera e parau mai ra.’
Puta roa vau i tera vea.
Haamana‘o ra vau, e toru paha taime to ’u taioraa i te tumu parau i tera po.
Ua hitimahuta vau.
Ua atea ê roa hoi to ’u huru feruriraa i ta Iehova e hinaaro ra.
Te faahiti ra te piti o te mana‘o i te mau ravea haaparareraa parau.
Te parauhia ra ia taotia i te mataitairaa aore ra te taioraa i te mau parau apî taaihia i te poritita.
Teie te tahi atu parau i haaputapû ia ’u: “Eita tatou e apiti atu i te feia orure hau.
Tera râ, e mana‘o anei oe e ua tano . . . ratou?”
No ’u tera parau!
E mau pereota ’tu â i roto i tera tumu parau e au ra e ua papaihia no ’u.
Ua faaea vau i te mataitai rahi roa i te mau parau apî no nia i te poritita.
E ua tauturu mai te reira ia ’u i ta ’u vahi raveraa ohipa.
Ia faahiti mai te mau hoa ohipa i te tahi parau apî,
aita to ’u e mana‘o, no te mea, aita vau i mataitai.
Ia na ôhia mai: “Ua ite oe eaha ta Mea aore ra ta Mea i parau?”
E pahono atu vau: “Aita.
Aita vau i ite.”
Oti ïa parau.
Te faahiti ra Te Pare Tiairaa i te Roma 10:12.
“Hoê ana‘e Fatu i nia i te taata atoa,” o Iehova.
E “aita e taa-ê-raa i rotopu i te ati Iuda e te Heleni.”
Eita Iehova e tâua e ua re to ’u fenua i te haruraa au‘a o te ao nei.
No ’na, mea aifaito tatou pauroa.
Ua papai au i nia i te hoê api parau na mana‘o faufaa e maha o te tumu parau,
te mau mana‘o o te tauturu mai ia tapea i te tiaraa amui ore.
Vaiiho noa vau i tera api i roto i ta ’u pute,
ia nehenehe au e taio faahou i ta ’u vahi raveraa ohipa.
Mea au na ’u ia mataitai te tueraa popo i te afata teata.
No te faaanaanatae noa.
Hauti atoa vau e to ’u mau hoa i te Betela.
Ua tutava râ vau i te taui.
Ma te haere mǎrû noa, ua manuïa vau i te vaiiho i te tueraa popo i to ’na vairaa.
Eita ïa vau e hema i te teoteoraa e te here ai‘a.
Ua haapii mai au, eiaha e horoa i to ’u mana‘o no nia i te poritita.
Ia vai amui ore atoa râ i roto roa i to ’u aau.
Ia tiaturi iho â vau o te Faatereraa arii te ravea hoê roa,
mea ohie a‘e ïa ia tapea i to ’u tiaraa amui ore.
E tia râ ia tutava noa.
Mea au roa na ’u ia haapii i Te Pare Tiairaa, no to ’u iho nei oraraa.
Ua riro te Bibilia ei hi‘o e faaite mai i te mau vahi e tia ia haamaitai.
Maoti te a‘oraa a Te Pare Tiairaa, ua rave au i te mau tauiraa.
Eita vau e haamarirau i te parau,
na te Faatereraa arii ana‘e e faatitiaifaro i te mau fifi o te huitaata nei.

Te mau haapiiraa no roto mai i Te Pare Tiairaa: A tapea i te tiaraa amui ore i roto i te hoê ao amahamaha