JW subtitle extractor

Mpampianatse miomba ty fitantanam-bola raho, le mila maharake ze raha miseho.
Faie tsy maintsy manao ty raha takegne amo o Kristianao ka raho.
Sarotse kindraike ty tsy hilitse amo o polotikeo.
Ty anto’e, hita’o iaby ty olagne misy amo o fiaraha-monegneo.
Mbe nikede raho le fa nitea nihisa laboly.
Tanàgne tsy le manao akore loatse ty nisy anay,
le io ty nifihisagne mba nitea’ay.
Misy gazete zay zao tena teako ty magnente vaovao ama’e.
Sady mirehake ty raha raty anoe o antoko polotikeo reke
ro mirehake ty raha soa atao iareo ka.
Faie naho ty raha raty anoe o mpanao polotikeo avao ty raha rehafe o vaovao,
le hejeko ty magnente aze.
An-drova eo ty misy ahy.
Naho fa misy fitokonagne, le ao ty tena anoa o ndatio aze.
Mahay soa ze olagne ara-polotike misy eo iareo .
sady sambe managne ty heve’e ka.
Ndra tie fa haiko tie tsy toko’e hanao polotike tikagne,
le nankasitrake i fitokonagne natao’iareo rey raho tam-poko agne.
Naho nenteagne ivela’e,
le hoe tsy miomba ty atia naho ty aroa raho naho fa nagnente laboly.
Faie naho ty maregne, le nisy ekipa raike nitohagnako avao raho tam-poko ao.
Teako naho mba ie ty mandrese.
Niarake fale amo o ndaty mpagnenteo iaby raho
naho fa i ekipa teakoy ty nahazo i kopỳ.
Hoe avao raho : “Namboaregne mitovy endreke amy Jehovah raho
le i reke tsy miovaova sady tea rare’e.”
Tsy magnahy areke hoe raho ze raha tsapako
naho fa tsy trea amy ty raha ataoko tie
tsy miomba ty atia naho ty aroa raho.
Nisy hevetse mahaliagne miomba izay ty tamy Tilikambo Fiambenagne Avrily 2016.
Rehafegne ao tie o tsy miomba ty atia naho ty aroa zao
le tsy mihevetse ty vata’o ho ambone noho ty hafa
satria “mitovy iaby o ndatio agnatrehan’Andrianagnahare eo.”
Tafara ty nianaragne o Tilikambo iohoe
le nitsapako tie nila niova raho satria niomba ty atia naho ty aroa.
Le nivakieko indraike i Tilikamboy sady nivavake tamy i Jehovah raho tie:
“Tena natao ho ahy ty lahatsoratse toy.”
Tena nanohigne ty foko i fianaragne ignehoe.
Tsiaroko fa nivakieko in-telo farafahatsiampe’e o lahatsoratse iohoe tamy i halegne ignehoe.
Tena nigaga raho.
Nitsapako tie nila nagnova ty fomba fisaignako raho mba hampifaleagne an’Andrianagnahare.
Ty vaovao amy radio ndra amy tele ty raha faharoe nirehafegne tagnate o lahatsoratse iohoe tao.
Rehafe ao fa toko’e hitao tikagne
mba tsy ho liagne amy ty vaovao trea fa manohagne antoko polotike raike.
Nisy fehezanteny nampieretseretse ahy ka ty tao.
Hoe reke: “Maregne fa va’e tsy hitokogne hiarake amo o ndatio tikagne
faie manohagne iareo avao vao tika an-tsaintikagne agne?’
Tena nahakasike ahy zay naho ty fehezanteny maro hafa ao.
Naho fa tsy nagnente vaovao isan-karaza’e sasa raho
le nanjare nahay nifehe tegna tsy hirehake miomba o polotikeo naho fa tam-piasagne agne.
Naho fa mirehake ty vaovao nitrea’e o mpiara-miasa amakò,
le tsy mahita raha horehafegne sasa raho satria tsy nagnente.
Hoe iareo amako: “Nihita’o vao gea i raha hoe izao naho hoe izaoy
le nisy ndaty nitaraigne iaby?”
Le hoe raho: “Oho’o, tsy nitreako zay.”
Le lia’e tampetse eo i rehakey.
Nirehake miomba ty Romanina 10:12 i lahatsoratsey.
Rehafe o andine’eo fa ‘raike avao ty Tompo ambone iareo iaby’
le ‘tsy misy maha sambe hafa o Jiosio naho o Grikeo.’
Tsy raha lahibey amy Jehovah ndra tie ty firenena misy ahike ty mandrese
le ie ty mahazo i kopỳ.
Mitovy iaby o ndatio ty ama’e.
Nisorateko tamy ty taratasy kedekede i hevetse efatse tamy i lahatsoratse ao.
Mirehake miomba ty raha azontikagne atao o hevetse rehoe mba tsy hahavy antikagne hiomba ty atia naho ty aroa.
Nandeseko avao i taratasy, amy izay raho mba afake mamaky aze naho fa am-piasagne agne.
Tea magnente laboly amy tele raho.
Mbe mahafinaritse ahy avao zay amy zao.
Mbe mihisa miarake amy ty namako amy i Betela etoa ka raho
faie nikezake mafe raho mba hiova.
Nivitako avao ty nagnova tsikedetsikede ty fomba fiheverako o labolio.
Nagnampe ahike zay mba tsy hagnambone ndra hanohagne firenena raike.
Nianarako tamo o lahatsoratse iohoe fa tsy toko’e hirehake ty heveko miomba o polotikeo raho.
Tsy toko’e hiomba ty atia naho ty aroa raho ndra tie am-poko ao avao.
Tsy hanao izay raho naho tena mino tie ty fanjakan’Andrianagnahare
avao ty afake mamaha ty olagne mahazo o ndatio.
Toko’e hitao avao raho mba tsy hiomba ty atia naho ty aroa.
Tena teako o lahatsoratse amo o tilikambò,
lohotsie fa ty raha tena mahakasike ty fiaignako isan’andro.
Nagnampe ahy hihevetse ty Baiboly manahake ty hetsoro rey, le nahatreavako ty raha mila hasoaeko.
Naho fa nagnorike ty toro lalagne naho ty soso-kevetse tamo o tilikambo iohoe raho
le nanjare managne herim-po raho naho fa mitory tie
ty Fanjakan’Andrianagnahare avao ty afake mamaha ty olagne mahazo o ndatio.

Fianaragne Boake amy ty Tilikambo Fiambenagne—Ko Manohagne ty Tontolo toy