JW subtitle extractor

Nuʼudar profesora ekonomia no nuʼudar ema Kristaun,
haʼu tenke hatene kona-ba mundu nia situasaun.
Susar atu la todan ba sorin kona-ba buat polítiku.
Tanba ita hatene mundu neʼe nia problema sira.
Husi kiʼik kedas haʼu gosta tebe-bola.
Haʼu hela iha bairru neʼebé kiak, no ami gosta halimar bola.
Haʼu gosta lee notísias husi jornalista ida.
Jornál neʼe hatudu sai buat neʼebé diʼak no ladiʼak
kona-ba partidu polítiku sira.
Maibé, bainhira jornál neʼe kritika partidu polítiku ida, haʼu la gosta duni.
Haʼu hela iha sidade laran.
Ema halaʼo demonstrasaun boot sira iha área neʼe.
Ema iha neʼe hatudu interese ba buat polítiku nian.
Sira hola parte iha partidu.
Maski haʼu hatene katak ita tenke mantein neutrál,
maibé iha haʼu-nia laran haʼu konkorda ho demonstrasaun sira-neʼe .
Haʼu la hatudu haʼu-nia sentimentu,
maibé iha haʼu-nia laran haʼu dehan: ‘Tenke manán!’
Haʼu hakarak ekipa neʼebé haʼu gosta hetan susesu.
No haʼu sente orgullu tebes bainhira ekipa neʼe manán prémiu barak.
Haʼu koko atu hanoin: “Jeová kria haʼu tuir ninia ilas,
no Jeová mak Maromak justisa nian.”
Haʼu hanoin barak kona-ba buat polítiku nian.
Haʼu mós hanoin katak atu neutrál tenke liuhusi hahalok.
Livru haklaken husi fulan-Abríl, tinan 2016,
iha informasaun kona-ba mantein neutrál.
Se Ita mak neutrál, Ita la hanoin katak Ita mak diʼak liu fali ema seluk,
tanba ba Jeová “ita hotu hanesan deʼit”.
Depois estuda tiha livru neʼe, haʼu hatene katak haʼu la neutrál.
Entaun haʼu lee fali.
Haʼu halo orasaun ba Jeová
tanba haʼu sente katak Jeová koʼalia mai haʼu liuhusi informasaun neʼe.
Livru neʼe kona duni haʼu-nia laran.
Kalan ida haʼu lee fali informasaun neʼe dala tolu.
Haʼu sente hakfodak.
Haʼu komprende katak haʼu tenke halo mudansa ho haʼu-nia hanoin
atu halo Jeová kontente.
Livru neʼe mós koʼalia kona-ba notísias no jornalista sira.
Neʼe mós anima ita atu la gasta tempu naruk hodi nonton buat polítiku nian.
Iha fraze ida neʼebé kona duni haʼu-nia laran.
Nia dehan: ‘Maski ita la hola parte iha ema neʼebé halo protesta
maibé ita bele iha hanoin hanesan sira’.
Sin, neʼe loos.
Iha fraze balu tan husi livru neʼe kona duni haʼu.
Kuandu haʼu para atu nonton notísias beibeik,
neʼe ajuda haʼu kontrola an bainhira haʼu koʼalia ho kolega serbisu sira.
Bainhira sira koʼalia kona-ba notísias, haʼu la hatete buat ida,
tanba haʼu la nonton.
Haʼu la hatene buat ida.
Kolega serbisu ida dehan: “Ita rona ema neʼe dehan ida-neʼe,
no ema seluk koʼalia sai ida-neʼe ka?”
Haʼu hatete nia: “Lae, haʼu la haree.”
Entaun ami la koʼalia tan.
Livru neʼe temi kona-ba Roma 10, versíkulu 12 neʼebé dehan katak
Jeová mak “Naʼi ida deʼit ba ema hotu”,
no “ema Judeu no ema Gregu hanesan deʼit”.
Ba Jeová, ita hotu mak hanesan.
Ita-nia rai atu manán kompetisaun
ka manán Kopa Mundiál, ba Jeová, neʼe la importante.
Haʼu foti surat-tahan ida, no haʼu hakerek pontu haat husi livru neʼe,
pontu haat neʼebé bele ajuda ita mantein neutrál.
Haʼu rai surat-tahan neʼe iha haʼu-nia pasta laran
hodi bele lee fali iha serbisu-fatin.
Haʼu gosta tebes nonton bola.
Haʼu sei nonton iha televizaun.
Haʼu mós sei joga bola ho haʼu-nia kolega sira iha Betel,
maibé haʼu hakaʼas an atu troka.
Neineik-neineik, haʼu konsege troka haʼu-nia hanoin kona-ba joga bola.
Neʼe ajuda haʼu atu la hatudu orgullu ka hahalok nasionalizmu.
Haʼu aprende husi livru neʼe katak haʼu labele fó sai opiniaun
kona-ba buat polítiku nian.
Haʼu tenke neutrál husi laran.
Se haʼu fiar katak só Maromak nia Ukun deʼit mak bele rezolve problema sira, haʼu sei mantein neutrál.
Maibé haʼu presiza kuidadu beibeik.
Haʼu gosta estuda Livru Haklaken sira,
liuliu informasaun neʼebé ajuda haʼu loroloron.
Neʼe ajuda haʼu atu haree Bíblia nuʼudar espellu
atu halo mudansa ba haʼu-nia an.
Tanba haʼu halo tuir konsellu husi Livru Haklaken no halo mudansa,
haʼu koʼalia ho aten-brani katak só Maromak nia Ukun deʼit
mak bele rezolve problema sira iha mundu neʼe.

Lisaun sira husi Livru Haklaken—Mantein neutrál iha mundu neʼebé la iha unidade