JW subtitle extractor

Ta skoj ti chichanubtasvan kʼuxi ta
tunesel takʼine xchiʼuk ti yajtsʼaklomun Kristoe,
skʼan jnaʼ kʼusi yakal chkʼot ta pasel.
Vokol tajek chkaʼi ti mu
xkalbe skʼoplal junuk partidoe.
Jaʼ van ta skoj ti chkil
kʼusi svokol li krixchanoetike.
Ta ta jbikʼtal onoʼox ta jkʼupin futbol .
Abol noʼox sjba li bu lichʼie,
jaʼ xchʼayobil koʼontonkutik li futbole.
Lek chkaʼi xchikintael
kʼusi chal li jun periodistae.
Chal kʼusi lek o kʼusi chopol
tspasik li partido politikoetike.
Pe kʼalal laj yal kʼusi tsnop
ta sventa jun partidoe xchiʼuk ti
la chopol kʼoptae, muʼyuk lek laj kaiʼ.
Ta yutil lek jteklum nakalun.
Ep buchʼutik chkʼot tspasik marcha te.
Li krixchanoetik tee oy tajek ta yoʼontonik
li politikae, tskʼan tajek tsnaʼbeik skʼoplal.
Jnaʼoj onoʼox ti mu stakʼ jtikʼ jbae,
pe ta yutil koʼontone
lek chkaʼi ti tspasik marchae.
Muʼyuk chipʼit o chi-avan,
pe xi chkal ta koʼontone:
«¡Akʼbeik yipal!
¡Skʼan xkuch kuʼuntik!».
Jaʼ xi nopnun yuʼun kʼu
yelan xmuyubajik li yantike,
xchiʼuk ti kʼuyelan
chaʼi sba mi kuch yuʼun li ekipoe
lek chkile xchiʼuk ti x-epaj strofeoike.
Xi toʼox ta jpak jkʼoplale:
«Slokʼol Dios pasbilun, tukʼ li stuke».
Ta skoj ti jkʼanoj li tukʼilale chlik
kal kʼusi ta jnop ta sventa li politikae.
Kaloje jaʼ noʼox venta mi mu
jtikʼ jbatike, maʼuk ti mu stakʼ jnoptike.
«Li Jkʼel osil ta toyol» ta avril ta 2016
laj yalbe skʼoplal ti skʼan tukʼ xkakʼ jbatike.
Ti tukʼ chkakʼ jbatike,
jaʼ skʼan xal ti muʼyuk ta jnoptik
ti mas lekutik kʼuchaʼal yantike,
yuʼun ‹li Jeovae parejo chilutik›.
Kʼalal la jkʼel li revistae,
laj kil ti oy kʼusi skʼan jel ta jkuxlejale.
Muʼyuk tukʼ kakʼoj jba.
Jaʼ yuʼun, la jkʼel yan velta li revistae.
Laj kalbe Jeova ta orasion ti jaʼ
yakal chalbun laj kaʼi li kʼusi la jchane.
Kʼot ta koʼonton li kʼusi chal revistae.
Te van oxibuk velta la jkʼel li vaʼ akʼobale.
Labal sba tajek laj kil.
Laj kakʼ velta ti skʼan jel
li jnopben sventa lek xilun li Diose.
Li revistae chalbe
skʼoplal xtok li notisia chlokʼ
ta television, ta radio o ta yan kʼusitike.
Chal ti skʼan mu masuk jchikintatik
o jkʼeltik li kʼusitik sventa politikae.
Oy to kʼusi kʼot ta koʼonton xtok.
Laj yal ti xuʼ van xlik jnoptik ti lek li kʼusi
tspasike akʼo mi mu xijbat ta spasel marcha.
Taje jaʼ jech kʼot ta jtojolal.
Oy kʼusitik laj yal li revista
ti jaʼ tsʼibabil ta jventa laj kaʼie.
Laj kikta jba ta skʼelel ep notisia.
Vaʼun jaʼ la skoltaun sventa jpajtsan jba
kʼalaluk chiloʼilaj xchiʼuk li jchiʼiltak ta abtele.
Kʼalal chlik yalbeik
skʼoplal kʼusi lokʼ ta notisiae,
muʼyuk kʼusi chkal
ta skoj ti muʼyuk la jkʼele.
Mu jnabe skʼoplal.
Mi oy buchʼu xi la sjakʼe:
«¿Mi la avil li kʼusi laj yal li jun
krixchanoe xchiʼuk ti kʼusi laj yal li yane?»,
xi chkalbee: «Muʼyuk, muʼyuk xkil».
Vaʼun te chlaj li jloʼilkutike.
Li revistae chalbe
skʼoplal Romanos 10:12.
Te chal ti ‹jun noʼox Kajvaltike› xchiʼuk ti
«muʼyuk jelel li judaetik xchiʼuk li jgresiaetike».
Li Jeovae maʼuk tsots skʼoplal
chil mi ep ta velta kuchem yuʼun tajimol
li jlumale o mi kuchem yuʼun li Copa Mundiale.
Skotol krixchanoetik koʼol chil li Jeovae.
Ta uni jkʼol noʼox vun la jtsʼiba
chantos li kʼusi chalbe skʼoplal li revistae.
Taje jaʼ tskoltautik sventa tukʼuk xkakʼ jbatik.
Te xtikʼet kuʼun ta jvolsa
sventa jkʼel kʼalal te oyun ta kabtele.
Lek xkaʼi skʼelel li futbole, ta jkʼupin.
Jech-o ta jkʼel ta tele.
Chitajin-o ta futbol
xchiʼuk li kamigotak ta Betele.
Kakʼoj persa sventa xijel.
Ta kʼunkʼun nop kaʼi ti mu
masuk tsots skʼoplal xkil li futbole.
Taje jaʼ tskoltaun sventa
mu jtoy jba ta skoj li jlumale.
Li ta revistae la jchan
ti mu stakʼ xkalbe skʼoplal politikae.
Skʼan tukʼ xkakʼ jba li ta
jnopben xchiʼuk ta koʼontone.
Mi jchʼunoj ti jaʼ noʼox xuʼ
xchapan vokolil li Ajvalilal yuʼun Diose
xchiʼuk ti mu xkoʼolaj kʼuchaʼal yan ajvalile,
jaʼ tskoltaun sventa tukʼ xkakʼ jba.
Pe skʼan onoʼox jkʼel jba.
Ta jkʼupin xchanel
«Li Jkʼel osil ta toyole», mas to kʼalal
chalbe skʼoplal li kʼusi ta jpas jujun kʼakʼale.
Chakʼ kil ti xkoʼolaj ta jun nen
li Vivliae, te chkil kʼusi skʼan jtukʼibtas.
Kʼalal la jchʼun li tojobtasel chal ta revistae,
jaʼ la skoltaun sventa jpʼeluk
ta koʼonton xkalbe yantik ti jaʼ noʼox
xuʼ slajes vokolil li Ajvalilal yuʼun Diose.

Li kʼusi chakʼ jchantik «Li Jkʼel osil ta toyole»: Mu me jtikʼ jbatik li ta politikae