JW subtitle extractor

Komarisen kaku fyor komam naek srar yuta ḇebor sya
sun snemuk ḇepyum faro samsyom ḇekaku ine.
Syaran ḇesesya siryur kuker ko
ro minggu ḇe minggu.
Yahwe isya ifrur fasaw fararur ine,
ma ine nafrur fa kosmai aski.
Ḇape mansei ḇefararur fa ḇefasos Refo,
syap ḇeknam ro Refo, ma audio
ḇaido vidio fa nḇuk anan rohani beko ma ḇefnoḇek ko fa
kofrur fararur ḇaḇeḇaryas Karajan ma kobuk farkarkor?
Betel iso moḇ ḇepyum kaku.
Ro diwa snonkaku Kristen ḇemas kwar sya
sfarmyan ro fararur ḇesren ine faro Yahwe I
ma sfararur kayam kuker Yesus
naek ḇyesi, ḇesmai ramrem sya.
Sfararur fa sfasos fandandun
ro naek srar ro supswan ine ḇesiper
ma faro fararur ḇaḇeḇaryas ya.
Kina Betel iso Raryur oso, Yahwe kawasa Ḇyesi
ḇebaptis kwar sḇarek ma sfararur kayamyam.
Inja, simnis roi ḇeḇekofen ro Mazmur 133:1 ya, ḇekofen,
Nkomarisen kaku nkomam sibor sfarmyan ḇe Yahwe
ro oras nakam ma sisewar kaku fa sfarmyan ro Betel.
Mko kako mkona marisen ḇemnis radine ke?
Kosewar fa kosun ro fararur Betel
ima imnis ra kobas kedwa faro roi oso,
iso kofarmyan ḇe Yahwe
kuker nyan ḇepyum syadiwer.
Kaku ḇae, kofandun raryaḇ fa kofrur na ma
komarisen kofarmyan ro moḇ ḇefandun fafnoḇek ya
imnis nyan ḇepyum nabi Yesaya ikofen ro Yesaya 6:8,
Fyor nabi Yesaya ifawi snar nya swaf ḇepyum fa ifarmyan
ḇe Yahwe I kuker nyan ḇepyum syadiwer,
imarisen ifrur na, ḇape ifawi ḇaim moḇ
ḇaido fararur nari ifrur kaku na.
Yesaya ifawi snar Yahwe dor i fa
ifarmyan ḇe I kuker nyan ḇepyum,
ma imarisen ifrur roi risai monda
Yahwe iwan fa ifrur na.
Iso naek srar sya simarisen
sfasnai ro Betel ro supswan ḇesiper.
Rosai ḇedif si fa simarisen sfarmyan ro Betel?
Saswar faro Yahwe, nadif ko fa komarisen
kofrur ḇepon fandun Karajan ya
ḇardibur fandun mankun koḇena.
Imnis ra ḇekofen ro syap Pemberita, ram 295,
”Inema fararur na ḇebuk nasan ḇaido arasai faro si ḇa.
Simarisen monda fa sesyowi Yahwe I,
ma simarisen kuker roi Yahwe fyasos kwar faro si
imnis ra roḇean, rum fa sḇarek, ma kumpan
kermkun faro fandandun sena ro ras-ras.”
Fainda ya isya ke, fyor mkofarmyan
kuker nyan ḇepyum ine?
Ḇemarisen fa ḇefarmyan ro Betel sya
sismai barakas nabor kaku.
Saswar ma ḇaḇeoser nkosmai ro dine ipyum kaku.
Ro dine imnis ra perusahaan ḇero supswan ine na ḇa,
snaro kofararur kayam kuker bati koḇesi.
Snonkaku syakam sna kakara oser ma sifnoḇek yae si.
Iso nkoḇaḇir kaku ro dine.
Imbude na sḇuk fararur ḇe mko fa mkofur na
imḇape ro diwa naek ma srar
ḇekir syadi kwar sya simarisen sifnoḇek mko.
Nun marisen kaku, bisa koso nadi arwo
ma farkarkor Baryas kuker kina Betel sya.
Korower kankarem ḇepyum sena,
nama namnis faro fandun naek srar sya.
Koḇaḇir kaku siswar Yahwe I,
ma kankarem sena na nafnoḇek ko kako.
Ro Betel, kona tuan ḇepyum kaku, Yahwe I.
Oso imnis ra I ḇa, ifrur pyum kaku.
Snar koswar Yahwe I,
inja komarisen kofrur roi ḇepyum kaku ḇe I.
Fyorno ido yakara ker rosai monda sifrur
ro Betel na, sifrur syap na ma sfarem na,
sifrur vidio faro munara kebaktian koḇena,
ma sfarwe na ḇe wos ḇebor na,
ine nafrur fa yasambraḇ kaku.
Yamarisen kaku snar yafawi roi yafrur
ro dine ya iso, insama bisa yasaramper
Yesus Naek ḇyesi iso Raryur Naek Ḇefarkin sya.
Inja rariso insama romawa babo sya
bisa sfarmyan ro Betel?
Sinan yedi sufaduru pyum aya isof ro yaḇa kwar
ma nari yun snemuk ḇepyum
iso yafarmyan ḇe Yahwe I ro oras nakam.
Inja fyor yababo kaker, kina yesi kam
simarisen sḇuk oras nakam fa skoḇaryas,
ine nkofrur na kako fyor nkombran farma.
Ine ifnoḇek aya fa yana kakara ḇepyum
ma yambran pdef ro Yahwe nyan ḇepyum Ḇyena
Yamarisen kaku fa yawasya syap na, ma ro ras oso
Kamam ikofen ḇe aya ”Sai ḇefnai fa wawasya Refo ḇa?”
Imbo fandun fa yawasya Refo,
ḇape yawasya ḇaim Refo ya isof ro ibro.
Inja rofyor yawasya Refo ya isof ro ibro,
ine ifnoḇek aya fa bisa yafadwer kakara yena
snar roi ḇero dori na ima kakaku nairi.
Roi nanekam nafnoḇek aya fa yana
ḇaḇebati ḇepyum kuker Yahwe
ma roi yamarisen ro ras ḇarpon iyama iso
insama bisa yafarmyan pdef ḇe I.
Ro sidang, yana tugas ro ḇar syap na,
tata suara, ma panggung ya kako.
Fararur nanekam nafnoḇek aya fa
yana rari ḇepyum fa yafararur
ma ine kako nḇuk swaf ḇe aya
insama yaḇuk roi ḇepyum ḇe Yahwe I.
Yamarisen yaḇaryas kuker penatua sya.
Inja fyor yaḇaḇir snar, ’na jadi fa yafrur na ḇa’
ḇaido roi ine samswen kaku,
ḇaido nmarḇak kaku ḇe aya.’
Nari penatua sya sfasnai mnuk ro Refo na ḇe aya
ḇefawar kuker rariso Yahwe ifnoḇek Yosua i fa ḇyebri pdef.
Ine ifnoḇek aya kaku insama aya kako fandun fa
yakḇebri fa yafrur mnis roi yaḇeasas kwar ya.
Fyor nkoraḇe Betel, yamam naek srar
ḇefararur ro Betel sya sima simnis aya kako.
Yamarisen kako fa yaso nyan ḇepyum sena
snar rari-rari ḇepyum, sne ḇenaḇye,
sifrur pyum ma sḇebatiyae si.
Sifrur fa yaryaḇ syadi fa yafrur mnis
asas yedi insama yakmnis si.
Insama bisa sfarmyan ro Betel,
roi ono naisya fandun fa sifrur na.
Fandun fa siswar kaku Yahwe ma organisasi Ḇyedi.
Sifasnai na ro kenem sena,
sikenem imnis farkankin bero Refo na.
Fandun kaku fa sfasnai snar siswar kaku
Yahwe ma organisasi Ḇyedi.
Fandun fa sna Yahwe mamam Ḇyedi
faro kenem ya, isoine sikren bur roi ḇesren ḇa na.
Fandun fa sna sneuser ḇesren ro ḇarpon Yahwe I
ma organisasi Ḇyedi, snar ine nari nafrur fa sismai aski ya.
Fandun fa sisansun pyum si
ma famankor sena napyum,
imnis faro snonkaku ḇemarisen
ḇefarmyan ḇe Yahwe I.
Ma kosun sansun ḇeknampu ḇaido ḇefyos
manken’m na ido nfasna kona kaker kakara dunya,
inja na nafrur fa kofararur ro Betel ḇa.
Ḇemarisen fa ḇefararur ro Betel sya,
na siwasya, srower ḇaido smam felem ḇeḇyeḇa
faro snonkaku Kristen sya ḇa.
Isoine pornografi ḇaido mamam sonin
ḇeḇyeḇa, doya ḇeḇyeḇa na,
ḇaido roi nakam ḇefasnai fararur farḇuk na,
aryawin manwen, ḇaido mamamun ya.
Ḇesun ro Betel sya fandun fa
seumur taun ri 19 isof ro 35.
Fyorno ido, ḇesyadi ro taun ri 35 sya na sor si kako.
Fandun fa sna ḇaḇekir sfandun ro Betel,
imnis raris sekir ro fararur teknik ma medis,
fararur penerjemahan, ḇaido bisa sfararur fa
sifrur rum na, imnis ra sekir ro fararur pipa,
listrik, mekanik, ḇaido sesukan.
Bena ḇaḇekir ḇeradinesya
na sor si kako fa sḇuk fararyor sena ḇe Betel.
Insama bisa sfarmyan ro oras nakam ro Betel,
fandun fa siprei ma sna swaruser ḇepyum,
sfararur sambraḇ ma bisa sfararur ro ras nakame.
Fandun fa siwasya pyum, sifas, ma
sawos pyum ro wos sḇukidawos ro moḇ sedi.
Ine na nafnoḇek si fa bisa sawos kuker ḇefararur ro
Betel ḇese sya, insama sismai farkarkor ḇefandun na,
ma insama bisa sfararur pyum ro Betel.
Ḇemarisen ḇefarmyan ro Betel sya
na sfarmyan swaf taun oser.
Ro swaf taun ani, na sismai farkarkor
insama bisa sfarmyan pdef ro Betel ya.
Nkowan manseirirya monda
fa sisun ro farkarkor ḇekaki ḇa
ḇaido siso kursus oso ḇa, insama
sna swaf fa bisa sisun ro Betel.
Nyan ḇepyum mkofasos mankun mko fa
bisa mkofarmyan ro Betel ya iso
kuker mkosun ro fararur perintis ro oras nakam,
isoine mkofarmyan ḇe perintis.
Sfandun ḇepon kaku ya iso naek ḇefarḇuk ḇaim sya.
Ḇape, srar sya kako bisa sḇuk fararyor sena
fa sḇe sukarelawan sementara.
Ḇefarmyan ḇe sukarelawan sementara
ro Betel sya, na sifarkor roi nabor na ḇefnoḇek si fa
sfarmyan ḇe Yahwe I kuker nyan ḇebor ḇese na.
Wamarisen fa wafarmyan ro Betel ido,
formulir rosai monda fandun fa wor ro
Panitia Dinas ro Sidang bedi?
Formulir risuru naisya.
Inja, fandun fa benadi
ma kwara pyum ro mankundau.
Ramnai, wun snemuk fa wor ro penatua sya,
formulir Permohonan untuk
Program Sukarelawan (ḇaido A-19),
neḇefasos faro ḇemarisen ḇefarmyan ro Betel
ro paik riḇeso, ḇaido minggu riḇeso monda.
Ḇaido, bisa wor formulir Permohonan
untuk Menjadi Anggota Ordo Pelayan
Sepenuh Waktu Khusus
Saksi-Saksi Yehuwa Sedunia (ḇaido A-8).
Formulir ine sfasos na faro ḇemarisen
ḇefararur ro Betel ro taun oser ḇaido syadi.
Rofyor Panitia Cabang smam sfandun fararmyan bena ido,
nari sun snemuk fa wafararur ro moḇ oso,
ro Betel ke, ḇaido ro fararur ḇaḇeḇawes ya.
Waser formulir nane ido, na nḇuk swaf
ḇe Au fa wafarmyan ḇe Yahwe I
ma organisasi Ḇyedi roro nyan ḇepyum ḇebor na.
Imbo kaku ḇae, sikam ḇemarisen fa ḇefarmyan
ro Betel sya, sna swaf ḇemnis nakam ḇa.
Ḇape bisa kosambraḇser ḇese sya.
Faro sinan mkoya, fandun fa mkoso
nyan ro sinan ḇesouser faro Yahwe
imnis ra Hana ma Elkana,
ḇemarisen insama roma sesi
bisa sfarmyan ḇe Yahwe kuker nyan ḇepyum.
Mkofnoḇek si fa simarisen sfarmyan ro Betel,
simarisen fa sfarmyan ro oras nakam
roro rari ma wos mkoḇena.
Swaf ya ipyum ido, mkun si fa
smam kantor pusat ro New York, A.S.,
ḇaido mkun si fa simbran farma fa
sakmam Betel ro moḇ mkoḇedi.
Mkofrur rarirya ido bisa
nafnoḇek si fa smam ro mankun si
fararur rosai monda sifrur ro Betel
fa sisaramper fandun Karajan ya.
Penatua sya, bisa sifnoḇek romawa babo
ro sidang ḇesmai swaf ḇepyum sya
fa sifrur nabor syadiwer
ro fararmyan sena ḇe Yahwe
insama bisa sifrur roi sor ro si na.
Yahwe syewar pdef ḇemarisen fa ḇefarmyan ḇe I.
Ro Yesaya fafisu ḇyedi, ikofen,
”Mansei nari yawan ya,
ma mansei na bera faro nko?”
Na mkokarem imnis nabi Yesaya i ke,
”Aya isoine! Wawan aya!”
Nkomarisen nkokofen ḇe mko, insama mkosur pdef ro rur ya
ma mkofarmyan pdef ḇe Yahwe kuker sne ḇesiper.
Inja ro fafisu ḇyedi, imbude na bisa mkofarmyan
ro Betel ḇaido fararur ḇesena
ḇefandun samambraḇ Yahwe ḇyuk kwar ḇe mko,
nakame nun sanandik ḇe snonsnon Ḇyedi.
Mkokyare snar nkoswar kaku mko, snar mkofasnai kwar
mkomarisen fa mkofarmyan ḇe Yahwe pdef.

Swewar Kaku Insama Wafarmyan ro Betel
- 

Swewar Kaku Insama Wafarmyan ro Betel

Komarisen kaku fyor komam naek srar yuta ḇebor sya
sun snemuk ḇepyum faro samsyom ḇekaku ine.
Syaran ḇesesya siryur kuker ko 
ro minggu ḇe minggu.
Yahwe isya ifrur fasaw fararur ine, 
ma ine nafrur fa kosmai aski.
Ḇape mansei ḇefararur fa ḇefasos Refo, 
syap ḇeknam ro Refo, ma audio
ḇaido vidio fa nḇuk anan rohani beko ma ḇefnoḇek ko fa 
kofrur fararur ḇaḇeḇaryas Karajan ma kobuk farkarkor?
Betel iso moḇ ḇepyum kaku.
Ro diwa snonkaku Kristen ḇemas kwar sya
sfarmyan ro fararur ḇesren ine faro Yahwe I
ma sfararur kayam kuker Yesus 
naek ḇyesi, ḇesmai ramrem sya.
Sfararur fa sfasos fandandun
ro naek srar ro supswan ine ḇesiper
ma faro fararur ḇaḇeḇaryas ya.
Kina Betel iso Raryur oso, Yahwe kawasa Ḇyesi
ḇebaptis kwar sḇarek ma sfararur kayamyam.
Inja, simnis roi ḇeḇekofen ro Mazmur 133:1 ya, ḇekofen,
Nkomarisen kaku nkomam sibor sfarmyan ḇe Yahwe
ro oras nakam ma sisewar kaku fa sfarmyan ro Betel.
Mko kako mkona marisen ḇemnis radine ke?
Kosewar fa kosun ro fararur Betel
ima imnis ra kobas kedwa faro roi oso,
iso kofarmyan ḇe Yahwe
kuker nyan ḇepyum syadiwer.
Kaku ḇae, kofandun raryaḇ fa kofrur na ma
komarisen kofarmyan ro moḇ ḇefandun fafnoḇek ya
imnis nyan ḇepyum nabi Yesaya ikofen ro Yesaya 6:8,
Fyor nabi Yesaya ifawi snar nya swaf ḇepyum fa ifarmyan
ḇe Yahwe I kuker nyan ḇepyum syadiwer,
imarisen ifrur na, ḇape ifawi ḇaim moḇ
ḇaido fararur nari ifrur kaku na.
Yesaya ifawi snar Yahwe dor i fa
ifarmyan ḇe I kuker nyan ḇepyum,
ma imarisen ifrur roi risai monda 
Yahwe iwan fa ifrur na.
Iso naek srar sya simarisen
sfasnai ro Betel ro supswan ḇesiper.
Rosai ḇedif si fa simarisen sfarmyan ro Betel?
Saswar faro Yahwe, nadif ko fa komarisen
kofrur ḇepon fandun Karajan ya
ḇardibur fandun mankun koḇena.
Imnis ra ḇekofen ro syap Pemberita, ram 295,
”Inema fararur na ḇebuk nasan ḇaido arasai faro si ḇa.
Simarisen monda fa sesyowi Yahwe I,
ma simarisen kuker roi Yahwe fyasos kwar faro si
imnis ra roḇean, rum fa sḇarek, ma kumpan
kermkun faro fandandun sena ro ras-ras.”
Fainda ya isya ke, fyor mkofarmyan
kuker nyan ḇepyum ine?
Ḇemarisen fa ḇefarmyan ro Betel sya
sismai barakas nabor kaku.
Saswar ma ḇaḇeoser nkosmai ro dine ipyum kaku.
Ro dine imnis ra perusahaan ḇero supswan ine na ḇa,
snaro kofararur kayam kuker bati koḇesi.
Snonkaku syakam sna kakara oser ma sifnoḇek yae si.
Iso nkoḇaḇir kaku ro dine.
Imbude na sḇuk fararur ḇe mko fa mkofur na
imḇape ro diwa naek ma srar
ḇekir syadi kwar sya simarisen sifnoḇek mko.
Nun marisen kaku, bisa koso nadi arwo
ma farkarkor Baryas kuker kina Betel sya.
Korower kankarem ḇepyum sena,
nama namnis faro fandun naek srar sya.
Koḇaḇir kaku siswar Yahwe I,
ma kankarem sena na nafnoḇek ko kako.
Ro Betel, kona tuan ḇepyum kaku, Yahwe I.
Oso imnis ra I ḇa, ifrur pyum kaku.
Snar koswar Yahwe I,
inja komarisen kofrur roi ḇepyum kaku ḇe I.
Fyorno ido yakara ker rosai monda sifrur
ro Betel na, sifrur syap na ma sfarem na,
sifrur vidio faro munara kebaktian koḇena,
ma sfarwe na ḇe wos ḇebor na,
ine nafrur fa yasambraḇ kaku.
Yamarisen kaku snar yafawi roi yafrur 
ro dine ya iso, insama bisa yasaramper
Yesus Naek ḇyesi iso Raryur Naek Ḇefarkin sya.
Inja rariso insama romawa babo sya
bisa sfarmyan ro Betel?
Sinan yedi sufaduru pyum aya isof ro yaḇa kwar 
ma nari yun snemuk ḇepyum
iso yafarmyan ḇe Yahwe I ro oras nakam.
Inja fyor yababo kaker, kina yesi kam 
simarisen sḇuk oras nakam fa skoḇaryas,
ine nkofrur na kako fyor nkombran farma.
Ine ifnoḇek aya fa yana kakara ḇepyum
ma yambran pdef ro Yahwe nyan ḇepyum Ḇyena
Yamarisen kaku fa yawasya syap na, ma ro ras oso
Kamam ikofen ḇe aya ”Sai ḇefnai fa wawasya Refo ḇa?”
Imbo fandun fa yawasya Refo,
ḇape yawasya ḇaim Refo ya isof ro ibro.
Inja rofyor yawasya Refo ya isof ro ibro,
ine ifnoḇek aya fa bisa yafadwer kakara yena
snar roi ḇero dori na ima kakaku nairi.
Roi nanekam nafnoḇek aya fa yana
ḇaḇebati ḇepyum kuker Yahwe
ma roi yamarisen ro ras ḇarpon iyama iso
insama bisa yafarmyan pdef ḇe I.
Ro sidang, yana tugas ro ḇar syap na,
tata suara, ma panggung ya kako.
Fararur nanekam nafnoḇek aya fa
yana rari ḇepyum fa yafararur
ma ine kako nḇuk swaf ḇe aya
insama yaḇuk roi ḇepyum ḇe Yahwe I.
Yamarisen yaḇaryas kuker penatua sya.
Inja fyor yaḇaḇir snar, ’na jadi fa yafrur na ḇa’ 
ḇaido roi ine samswen kaku,
ḇaido nmarḇak kaku ḇe aya.’
Nari penatua sya sfasnai mnuk ro Refo na ḇe aya
ḇefawar kuker rariso Yahwe ifnoḇek Yosua i fa ḇyebri pdef.
Ine ifnoḇek aya kaku insama aya kako fandun fa
yakḇebri fa yafrur mnis roi yaḇeasas kwar ya.
Fyor nkoraḇe Betel, yamam naek srar
ḇefararur ro Betel sya sima simnis aya kako.
Yamarisen kako fa yaso nyan ḇepyum sena
snar rari-rari ḇepyum, sne ḇenaḇye,
sifrur pyum ma sḇebatiyae si.
Sifrur fa yaryaḇ syadi fa yafrur mnis
asas yedi insama yakmnis si.
Insama bisa sfarmyan ro Betel,
roi ono naisya fandun fa sifrur na.
Fandun fa siswar kaku Yahwe ma organisasi Ḇyedi.
Sifasnai na ro kenem sena,
sikenem imnis farkankin bero Refo na.
Fandun kaku fa sfasnai snar siswar kaku
Yahwe ma organisasi Ḇyedi.
Fandun fa sna Yahwe mamam Ḇyedi
faro kenem ya, isoine sikren bur roi ḇesren ḇa na.
Fandun fa sna sneuser ḇesren ro ḇarpon Yahwe I
ma organisasi Ḇyedi, snar ine nari nafrur fa sismai aski ya.
Fandun fa sisansun pyum si
ma famankor sena napyum,
imnis faro snonkaku ḇemarisen 
ḇefarmyan ḇe Yahwe I.
Ma kosun sansun ḇeknampu ḇaido ḇefyos
manken’m na ido nfasna kona kaker kakara dunya,
inja na nafrur fa kofararur ro Betel ḇa.
Ḇemarisen fa ḇefararur ro Betel sya,
na siwasya, srower ḇaido smam felem ḇeḇyeḇa
faro snonkaku Kristen sya ḇa.
Isoine pornografi ḇaido mamam sonin
ḇeḇyeḇa, doya ḇeḇyeḇa na,
ḇaido roi nakam ḇefasnai fararur farḇuk na,
aryawin manwen, ḇaido mamamun ya.
Ḇesun ro Betel sya fandun fa
seumur taun ri 19 isof ro 35.
Fyorno ido, ḇesyadi ro taun ri 35 sya na sor si kako.
Fandun fa sna ḇaḇekir sfandun ro Betel,
imnis raris sekir ro fararur teknik ma medis,
fararur penerjemahan, ḇaido bisa sfararur fa
sifrur rum na, imnis ra sekir ro fararur pipa,
listrik, mekanik, ḇaido sesukan.
Bena ḇaḇekir ḇeradinesya
na sor si kako fa sḇuk fararyor sena ḇe Betel.
Insama bisa sfarmyan ro oras nakam ro Betel,
fandun fa siprei ma sna swaruser ḇepyum,
sfararur sambraḇ ma bisa sfararur ro ras nakame.
Fandun fa siwasya pyum, sifas, ma
sawos pyum ro wos sḇukidawos ro moḇ sedi.
Ine na nafnoḇek si fa bisa sawos kuker ḇefararur ro
Betel ḇese sya, insama sismai farkarkor ḇefandun na,
ma insama bisa sfararur pyum ro Betel.
Ḇemarisen ḇefarmyan ro Betel sya
na sfarmyan swaf taun oser.
Ro swaf taun ani, na sismai farkarkor
insama bisa sfarmyan pdef ro Betel ya.
Nkowan manseirirya monda
fa sisun ro farkarkor ḇekaki ḇa
ḇaido siso kursus oso ḇa, insama
sna swaf fa bisa sisun ro Betel.
Nyan ḇepyum mkofasos mankun mko fa
bisa mkofarmyan ro Betel ya iso
kuker mkosun ro fararur perintis ro oras nakam,
isoine mkofarmyan ḇe perintis.
Sfandun ḇepon kaku ya iso naek ḇefarḇuk ḇaim sya.
Ḇape, srar sya kako bisa sḇuk fararyor sena
fa sḇe sukarelawan sementara.
Ḇefarmyan ḇe sukarelawan sementara
ro Betel sya, na sifarkor roi nabor na ḇefnoḇek si fa
sfarmyan ḇe Yahwe I kuker nyan ḇebor ḇese na.
Wamarisen fa wafarmyan ro Betel ido,
formulir rosai monda fandun fa wor ro 
Panitia Dinas ro Sidang bedi?
Formulir risuru naisya.
Inja, fandun fa benadi
ma kwara pyum ro mankundau.
Ramnai, wun snemuk fa wor ro penatua sya,
formulir Permohonan untuk 
Program Sukarelawan (ḇaido A-19),
neḇefasos faro ḇemarisen ḇefarmyan ro Betel
ro paik riḇeso, ḇaido minggu riḇeso monda.
Ḇaido, bisa wor formulir Permohonan
untuk Menjadi Anggota Ordo Pelayan
Sepenuh Waktu Khusus
Saksi-Saksi Yehuwa Sedunia (ḇaido A-8).
Formulir ine sfasos na faro ḇemarisen
ḇefararur ro Betel ro taun oser ḇaido syadi.
Rofyor Panitia Cabang smam sfandun fararmyan bena ido, 
nari sun snemuk fa wafararur ro moḇ oso,
ro Betel ke, ḇaido ro fararur ḇaḇeḇawes ya.
Waser formulir nane ido, na nḇuk swaf
ḇe Au fa wafarmyan ḇe Yahwe I
ma organisasi Ḇyedi roro nyan ḇepyum ḇebor na.
Imbo kaku ḇae, sikam ḇemarisen fa ḇefarmyan
ro Betel sya, sna swaf ḇemnis nakam ḇa.
Ḇape bisa kosambraḇser ḇese sya.
Faro sinan mkoya, fandun fa mkoso
nyan ro sinan ḇesouser faro Yahwe
imnis ra Hana ma Elkana,
ḇemarisen insama roma sesi
bisa sfarmyan ḇe Yahwe kuker nyan ḇepyum.
Mkofnoḇek si fa simarisen sfarmyan ro Betel,
simarisen fa sfarmyan ro oras nakam
roro rari ma wos mkoḇena.
Swaf ya ipyum ido, mkun si fa
smam kantor pusat ro New York, A.S.,
ḇaido mkun si fa simbran farma fa
sakmam Betel ro moḇ mkoḇedi.
Mkofrur rarirya ido bisa
nafnoḇek si fa smam ro mankun si
fararur rosai monda sifrur ro Betel
fa sisaramper fandun Karajan ya.
Penatua sya, bisa sifnoḇek romawa babo
ro sidang ḇesmai swaf ḇepyum sya
fa sifrur nabor syadiwer
ro fararmyan sena ḇe Yahwe
insama bisa sifrur roi sor ro si na.
Yahwe syewar pdef ḇemarisen fa ḇefarmyan ḇe I.
Ro Yesaya fafisu ḇyedi, ikofen,
”Mansei nari yawan ya,
ma mansei na bera faro nko?”
Na mkokarem imnis nabi Yesaya i ke, 
”Aya isoine! Wawan aya!”
Nkomarisen nkokofen ḇe mko, insama mkosur pdef ro rur ya
ma mkofarmyan pdef ḇe Yahwe kuker sne ḇesiper.
Inja ro fafisu ḇyedi, imbude na bisa mkofarmyan
ro Betel ḇaido fararur ḇesena
ḇefandun samambraḇ Yahwe ḇyuk kwar ḇe mko,
nakame nun sanandik ḇe snonsnon Ḇyedi.
Mkokyare snar nkoswar kaku mko, snar mkofasnai kwar
mkomarisen fa mkofarmyan ḇe Yahwe pdef.


-