JW subtitle extractor

Yo ke pesaa kiese kibeni mutindu bamilio ya bantu ke ndima kieleka!
Bantu mingi ke kumaa bansadi ya Yehowa konso mposo.
Yehowa ke kumisa ngolo kisalu ya kuvukisa bantu,
mpi yo ke pesa beto kiese mingi.
Kansi, banani ta sala kisalu sa na kubasisa Babiblia,
mikanda ya ke tendulaa Biblia,
mikanda ya kuwidikila mpi bavideo sa yo sadisa beto na kimpeve
mpi na kusala kisalu na beto ya kulonga?
Betele ke kisika ya mfunu.
Kuna Bakristu ya kuyela na kimpeve ke sadilaa Yehowa kisalu’a santu
kumosi ti Bakristu ya bo me tulaa mafuta.
Kisalu na bo ke sadisaa bampangi ya ntoto ya mvimba
mpi bo ke pesaa maboko na kisalu ya kulonga.
Dibuta ya Betele ke kimvuka’a bansadi ya Yehowa ya me kudipesaa mpi me bakaa mbotika
yina ke zingaa mpi ke salaa kumosi.
Bo ke monaa kulungana ya mambu yai ya Nkunga 133:1 ke tuba:
Beto ke na kiese ya kumona nde
bampangi mingi me sepelaa kusadila Yehowa mingi
mutindu bo me ndimaka kusala kisalu ya mfunu na Betele.
Keti nge me yindulaa dezia kubaka lukanu’a kusala na Betele?
Kana nge ke sala na Betele,
nge ta vanda ti mabaku mingi ya kusala mingi sambu na Yehowa.
Kusala na Betele ke lombaa kuditambika
mpi kundima kusala konso kisalu yina bo ke pesa nge
na kuwakana ti kikalulu yina profete Yezaya monisaka na Yezaya 6:8
Ntangu Yezaya zabaka nde a vaa ti dibaku ya kusala mingi sa na Yehowa,
a ndimaka na kiese yonso, ata a zabaa mpenza ve kisalu yina yo lombaka nde yandi sala.
A zabaa nde emvitasio yina katukaa na Yehowa,
yo yina a ndimaa kusala mambu yonso yina Yehowa lombaka yandi na kusala.
Bampangi ya Betele ya ntoto ya mvimba ke monisaka kikalulu yai.
Inki ke pusaa mpenza bampangi mingi na kusala na Betele?
Zola sa na Yehowa ke pusaa beto na kutula mambote ya Kimfumu na kisika ya ntete.
Mukanda Prédicateurs, ke tuba mambu yai na lutiti 295:
“Kisalu yai ke kumisaa bo ve bantu ya lukumu to bamvwama.
Lukanu na bo ke vandaka ya kukumisa Yehowa,
mpi bo ke sepelaa ti bangidika yina bo me bakaa sa na bo
mu mbandu madia, kisika ya kulala, mpi mwa mbongo yina bo ke pesaa bo.”
Inki balusakumunu beto ke bakaa sa beto ke salaa kisalu yai?
Bampangi yina me kudipesaa na luzolo yonso sa na kusala na Betele me bakaa balusakumunu mingi.
Yo ke ve bonso kusala na kompani mosi’a nsi-ntoto,
sa awa beto ke salaa konso kilumbu ti bantu yina ke zolaa Yehowa.
Yai mutindu yo ke vaa na Betele.
kansi na Betele ke ti bampangi yina me zaba kusala kisalu yango mbote
mpi bo ta longa nge mutindu ya kusala yo.
yina bampangi ke salaa ntangu beto ke tadilaa mukapu ya kilumbu
to kulonguka ya Nzozulu ya Nkengi.
Yo ke monisaa nde bo ke zolaa Yehowa,
mpi yo ke sadisaa beto na kuzola yandi mingi.
Ke ti mfumu mosi ve yina ke ntima-mbote mpi ke sepelaa ti kisalu na beto bonso yandi,
yo yina beto ke vaa na kiese’a kusadila’ndi na ntima’a mvimba.
mpi ke tinda yo na mabundu, mutindu bo ke sala bavideo ya balukutakanu’a distrike,
mpi mutindu bo ke balula mikanda na bandinga mingi
yo ke pesaa mu kiese mingi.
bisalu yonso ya mu ke salaa na Betele ke pesaa maboko na bampangi ya Kristu.
Inki baleke lenda sala sa na kusala na Betele?
Bibuti na mu longaa mu nde mu fwe tula mambu’a kimpeve na kisika ntete.
Ntangu mu vaa leke, dibuta na beto vaa lutisa ntangu mingi na kisalu ya kusamuna,
ata ntangu mu vaa na konzie.
mpi yo me sadisaa mu na kuvila ve balukanu na mu.
Mu ke zolaa kutanga, mpi kilumbu mosi Papa tubilaa mu nde,
“Sa na nki nge ke tanga ve Bible?”
Ata mu zabaa nde yo ke kima ya mfunu,
na ntangu yina, mu tangaa yo nte ve ya mvimba.
Ntangu mu manisaa kutanga Biblia, yo sobaa mpenza mabanza na mu,
mpi mu bakisaa nde yo ke mpenza kieleka.
Kutanga Bible sadisaa mu na kutanina kinduku na mu ti Yehowa
mpi yo sadisaa mu na kulungisa balukanu ya kimpeve yina mu kuditudilaa.
Na dibundu, mu vaa sadisa na kukabula bazulunalu
mpi mu vaa sala na sonorizasio mpi na estrade.
Mikumba yai sadisaa mu na kuzaba mutindu ya kusala kisalu mbote
mpi yo pesaa mu mabaku ya kusala mingi sa na Yehowa.
Bankuluntu vaa basika mbala mingi ti mu na kisalu’a kusamuna.
Lukanu na mu vaa ya kusala na Betele,
kansi ntangu mu lembaa nitu mpi mu yindulaa nde mu ta lungisa dia ve lukanu yina,
nkuluntu mosi pesaa mu verse mosi ya Bible
yina ke tubila mutindu Yehowa siamisaa Yozue na kuvaa kikesa;
yo sadisaa mu mingi na kuvanda mpi kikesa mpi na kulungisa lukanu na mu.
Ntangu mu kwa tala Betele, mu tubaa nde
bo ke ka bantu bonso beto,
mpi bo ke ti bikalulu mingi ya mbote yina mu fwe landa,
mu mbandu bo ke yambaa bantu mpi bo ke ntima-mbote.
Yo sadisaa mu na kulungisa lukanu na mu sa mu vanda bonso bo.
Beto ke siamisa ve bampangi na kukota na iniversite
to kubaka formasio ya iniversite ti ngindu nde yo ta sadisa bo na kukota na Betele kukonda mpasi.
Mutindu’a kuluta mbote ya kudibongisa sa na kisalu ya Betele
ke kusala kisalu ya kimupasudi-nzila ya ntangu yonso.
Beto ke na mfunu’a ngolo ya bampangi’a babakala yina me kwelaa ve.
Kansi, beto ke siamisa bantu yonso yina ke lungisaa mambu’a bo ke lombaa,
ata bampangi-bankento, na kufulusa formilere sa na kusala ntangu fioti bonso bavolontere.
Kusala ntangu fioti na Betele bonso volontere,
ta sadisa nge na kusadila Yehowa na mitindu ya nkaka.
Kana nge ke zola kufulusa formilere sa na kusala na Betele,
nki formilere nge ta lomba na mpangi mosi ya Komite ya Kisalu ya Dibundu na beno?
Sambu baformilere kele zole,
samba ntete mpi tadila luzingu na nge mbote-mbote.
Na nima, baka lukanu ya kulomba bankuluntu formilere
Demande d’admission comme volontaire (A-19),
yina bo ke pesaka bantu yina ke zola kusala ntangu fioti
mu mbandu mposo mosi to bangonda mingi ya kulandana.
To nge lenda baka lukanu ya kulomba
Demande pour devenir membre de l’ordre international des serviteurs spéciaux à plein temps des Témoins de Jéhovah (A-8).
Formilere yai ke sa na bampangi yina ke zola kusala ntangu mingi
mu mbandu mvula mosi to bamvula mingi.
Kana Komite ya Filiale me ndima nde bo kele ti mfunu ya lusadisu na nge,
bo ta pona kisika yina me fwana sa na nge,
yo vanda na Betele to mbala ya nkaka na kisalu ya kutunga.
Kutinda formilere na nge lenda kangudila nge nzila ya kusadila Yehowa mpi organizasio
nandi na mitindu mingi.
Yo ke masonga nde, bantu ya nkaka yina ke ti kikalulu ya kuditambika,
luzingu na bo ke pesaa bo ve nzila ya kusala na Betele.
Kansi bo le pesa kikesa na bampangi yina ke salaa kisalu yai.
Bibuti, be landa mbandu’a Ana ti Elkana,
yina ndimaa kupesa mwana na bo sa a sadila Yehowa na mutindu ya mfunu.
Be landa kusonga bana na beno ya baleke na kuvanda ti lukanu ya kusala na Betele,
mpi na mbandu na beno mpi na mambu ya mbote ya beno ke tuba,
beno siamisa bo na kuzola kisalu ya ntangu yonso.
Kana mpila,
beno nata bo na kwi tala babiro na beto ya nene na New York, na États-Unis,
to beno nata bo na kwe tala Betele ya insi yina beno ke zingaka.
Baviziti yai le sadisa baleke na kumona bo mosi kisalu yina bo ke salaa na Betele
sa na kunata mambote ya Kimfumu na ntwala.
Bankuluntu, be sadisa baleke ya dibundu na beno yina le sadila Yehowa mingi
na kulungisa mambu ya bo ke lombaa.
Yehowa ke landa kusosa bantu yina ke ndima kusadila yandi mingi
mutindu yandi ke lomba beto.
Mutindu yo salamaa na bilumbu ya Yezaya, a ke yula nde:
“Nani mono ta tinda, mpi nani ta kwenda sambu na beto?”
Keti nge ta pesa mvutu bonso Yezaya yina tubaa:
“Mono yandi yai! Tinda mono!”
Beto ke siamisa beno na kuyela na kimpeve
mpi na kusadila Yehowa na ntima’a mvimba.
Na ntangu’a me fwana,
beno le fwana sa na kusala na Betele to kusala bisalu ya nkaka ya kitoko ya kimpeve yina
ta sadisa beno na kusadila mbote-mbote sante mpi ngolo yina Yehowa me pesaa beno,
sa na kupesa’ndi lukumu.
Beno zaba nde beto ke zolaa beno sa na kikalulu ya mbote ya beno ke monisaa
ntangu beno ke landa kulungisa mambu’a bo ke lombaa sa na kusadila Yehowa.

Mambu Yina Nge Fwete Lungisa Sambu na Kusala na Betele