JW subtitle extractor

Tyituhambukiswa unene okutala ovanthu ovanyingi-nyingi veli umwe nokuya no motyili. Ovanthu ovityita novityita veli umwe nokuya.
Siovaa uli umwe nokukanyaukisa ovilinga viae. Ya otyo onthwe tyituhambukiswa unene.
Mahi pahe ovalie mavalingi ono Mbimbiliya, nomikanda viapolwa mo Mbimbiliya,
nokuvingalavala opo tupameke oupanga wetu na Huku, atutyivili okulinga nawa otyilinga tyetu tyokwivisa ouhamba wa Huku?
Ovilinga ovio vilingilwa umwe vala mo Mbetele. Mo Mbetele omo tuvasa-mo ovanthu vokwapama motyili, vaundapela kumwe Novakilisitau ovalembulwa.
Ovilinga valinga, vikwatesako ovakwatate mouye auho. Tupu vikwatesako ovilinga viokwivisa.
Ovanthu vaundapa mo Mbetele ovanthu vokwelipakula ku Siovaa, vambatisalwa, vakala mphangwa ike, tupu vaundapela kumwe.
Ngwe veli umwe mweetyi tyipopia onondaka mb’Oviimbo 133:1 yati: Ouuu Tala! Otyiwa, otyiwa ngatyi. Ovakulu nonondenge okukala na vakwavo tyelikwata-po!
Tyituhambukiswa unene okutala ovanthu ovanyingi veli nokuyawisa vali kovilinga viavo, mokulipakula, avakaundapa movilinga vyo Mbetele.
Okuti noove wapanga okukaundapa mo Mbetele? Okuundapa mo Mbetele otyipuka tyimwe tyikwavela onomphitilo mbokuundapela vali unene Siovaa.
Ine wahanda tyokuya okuundapa muno mo Mbetele opo una okukala tyafwapo utavele vala kese tyilinga wamapewa
ngeetyi tyalingile Isaiya, tyivasiwa mu Isaiya 6:8 yati: “
Etyi pakala andyiivi ondaka ya Siovaa, yati: “Olie mandyitumu, olie metwiila-ko?” Ame andyiti: ‘Ame uno! Nthume!’”
Etyi Isaiya anoñgonoka okuti una ovilinga ovinyingi apondola okulingila Siovaa, liwa-liwa etavela namphila ankho ehetyii otyilinga patyi mapewa.
Ankho utyii okuti o Siovaa uli nokumukonga emwavele otyilinga tyimwe otyinene. Pahe ahasoko vali ehimbwe etavela vala.
Ovakwatate vaundapa mono Mbetele mouye auho, navo o ngootyo valinga.
Oityi tyitwavala ovanthu okukaundapa mo Mbetele? Okuhole Siovaa, otyo vapitisila komutwe ovilinga Viouhamba tyipona ovipuka viavo mwene
Omukanda Proclamadores pelo 205 wati:
“Havilinga-ko vivepa omunkhima, vivepa omalumono, mahi etyi vahanda okunkhimaneka Siovaa.” Vetavela vala etyi vamapewa, okulia naapa valala, noumbongo uvekwatesako mwetyi vesuka natyo.
Okuti okukaundapa mombetele kutuka umwe oviwa? Yoo. Ava vaundapa mo Mbetele vena oviwa ovinene.
Ohole newaneno tuna kuno, kaivasiwa konomphangu ononkhwavo, tyelikalela novanthu vo mouye vaundapa motyilinga tyike
mokonda onthwe ononthiki ambuho tuundapa nomapanga etu.
Aveho vasokele kumwe, vaundapela kumwe, ya vesuka na vakwavo.
Ove upondola okupewa otyilinga wehenelinge-ale, mahi muna ovakwatate ovanyingi ovanongo mavekwatesako okulinga nawa otyilinga otyo.
Mo Mbetele omakumbululo ovakwatae vaava mefendelo liokomuhuka, no melilongeso Liomutala Womulavi apameka unene.
alekesa okuti vehole unene Siovaa. Ya omakumbululo avo etukwatesako okukala nohole onene na Siovaa.
Muno mo Mbetele tuna omuhona ukahi vali nawa, Siovaa. Petupu omuhona omukwavo una onthilo nokupandula ngae.
Mokonda yohole tuna na Siovaa, onthwe tuhambukwa unene tulinga atyiho tuvila
Apeho tyina ndyisoka etyi tyikahi nokulingwa mo Mbetele, omikanda vilingwa avitumwa kovilongo ovikwavo,
nonovindiu mbovionge, nokupitiya momalaka omanyingi, tyinthyambukiswa unene.
Otyilinga ndyilinga muno, hatyoko tyinthyambukiswa vali unene, mahi okunoñgonoka okuti ndyikahi nokukwatesako onondenge mba Kilisitu.
Oityi ava vahanda okukaundapa mo Mbetele vesukisa okulinga?
Oityi ovakwatate nonomphange vena okulinga opo vakaundape mo Mbetele?
Ovo tate vankhwatesako okwoovola ovilinga meongano. Etyi ndyimututu ankho tuundapa unene kumwe movilinga viokwivisa
ankho tulinga ngootyo na tyina ndyili mono feliya mbokosikola
Otyo tyankhwatesako okuumbila Siovaa kumwe nombunga yange, andyitwalako okwovola ovilinga meongano.
Ame ndyihole unene okutanga, onthiki imwe tate, amphopila okuti, omokonda yatyi wahatangela Ombimbiliya?
Pomuvo opo ankho ame hinetange Ombimbiliya okupolelela ku Gênesis alo Eholololo.
Etyi namana okutanga Ombimbiliya aiho, onkhalelo ndyisoka aipiluluka. Andyinoñgonoka okuti naina etyi otyo otyili.
Otyo tyankhwatesako okupama motyili, ya otyo otyipuka tyo tete tyankhwatesako okuvasa ovilinga meongano.
Mewaneno ankho ndyiava omikanda, nokuundapa nonomakina mbokuhikisa no kotilimbula.
Ovilinga ovio viandyavela omphitilo yokuundapa vali unene, otyo atyinkhwatesko okulinga atyiho pala Siovaa.
Ovakulu vewaneno apeho ankho vaundapa naame movilinga viokwivisa. Ame ankho nahanda okukaundapa mo Mbetele.
Tyina ankho namakala tyasoka, andyisoko okuti himetyivili okuvasa ovilinga ovio,
omukulu umwe wewanenno andekesa otesitu imwe omu Siovaa avela ondundo Susuwe okukala tyapama
otyo atyinkhwatesako okukala tyapama opo ndyivase etyi ankho napanga, okukaundapa mo Mbetele.
Etyi nakatalela-po Ombetele, andyimono ovakwatate, vaundapa-mo, ankho vekahi vala ngovanthu ovakwavo. Ankho vena ovituwa oviwa ame nahanda okuhetekela.
Vatambula nawa ovanthu, vena ohole, otyo atyipe ondundo yokukaundapa mo Mbetele mokonda naame ankho nahanda okukala ngavo.
Opo ukaundape mo mbelete una ovipuka wesukisa okulinga. Una okuhumba Siovaa neongano liae.
Molekesa okuti umuhole putyina ulinga etyi Ombimbiliya ipopia okala omunthu wapama motyili.
Una okuhumba ovitumino vya Siovaa, olityilika ovipuka viasila nokuhayo wokulihanda,
una okukala nomutima upumphi, uhalukauka-mo, tyihaholekele natyike kovakulu vewaneno.
Una okuvala umwe Tyovakwa-Kilistu naapa wakaenda-enda umwe vala.
Mo mbetele tyihanda okuvala, atuhavale vala ngeetyi tuhanda, okuvala ovipuka vitwiimbilisa novanthu valinga ovipuka viasila.
Una uhoneka opetisau, yokwenda ko Mbetele omunthu wahatale ovipuka viasila, viahaviukile kovakisitau. Nii okuvitanga nii okuvitehelela.
Movipuka ovio mwati, umwe okutala ovipuka vitwala omunthu kouhayo wokulihanda, okutala ovipuka vioumbanda, no vioungangala.
Veihoneka o petisau oyo ovokuna omanima 18 atee vokuna omanima 35.
Pamwe ava valamba-le momanima 35, vena ovilinga vevila okulinga vapondola okwiihanwa aveya okuundapa mo Mbetele
vamwe ovanongo kokuhakula, vamwe ovokutunga, vamwe ovokupangiya omalusi, nokuundapa nonomakina ononene, nokuhonga omavai.
Una una otyilinga evila okulinga upondola okuhoneka o petisau.
Mokonda ovilinga vilingwa mo Mbetele ovinyingi vihanda umwe omunthu una onondunge mbutontha nawa, una umwe ekongoko
womutima upumphi, una ononkhono, utyivila okuundapa onoola ononyingi.
Tyihanda ñgeno utyivila okutanga, utyivila okuhoneka, ya upopia elaka lipopiwa mo Mbetele yomo tyilongo tyenyi.
Opo vakwenyi vetyivile okutomphola noove, etyi upopilwa otyiivi, ya tupu oundapa umwe nawa ohelivete.
Una uhoneka opetisau una okutavela okuundapa enima aliho, menima olio akala nokulongeswa opo etyivile okutwalako movilinga vyo Mbetele.
Namphila ovilinga viatyo viesukisa umwe ounongo, mahi omunthu katiwa nkhele usukisa okweenda monosikola ononene, opo haa eye okuundapa mo Mbetele.
Otyo hatyoko tyihanesa omunthu mo Mbetele. Tyifwika omunthu haa akaundape mo mbetele okulipaka movilinga vioukokoli-ndyila.
Haunene tyihanda vokwahanepele, mahi aveho vana vatamo novahikwena umwe
vapondola okuhoneka o petisau vakaundape mo Mbetele namphila pamwe vahamakala ehimbwe motyilinga otyo.
mahi tyipondola okuvepa omphitilo avakaundapa movilinga ovikwavo vali vieongano.
Ine wetyihanda tyokukaundapa mo Mbetele popia vala novakulu vokomisau yewaneno lienyi.
Mavekwatesako utyivile okuvasa ono petisau mo site yetu jw.org.
Onthwe tuna ono petisau onombali. Pahe oipi-po ove mohoneka? Tete nkhele likwambela, osoko umwe nawa,
otale etyi ove mwene ukahi, pahe okuyo-po ei mohoneka.
Pokukoya ei mohoneka tala umwe nawa, ine wakoya-po A-19, oyo oyauna wahanda okuundapa vala pamwe osimanu ike, okuti hatyo onohanyi umwe.
Okuti hatyo ohoneka o petisau onkhwavo itiwa A-8, oyo ihonekwa na una uhanda umwe okukakala mo Mbetele, alingi umwe wombunga yo Mbetele.
Oyo pahe oyaava vahanda okuundapa enima, okuti hatyo omanima, nomanima.
Ovakulu vokomisau yo Filiyale ovo vatala opi ove mokaundapa, onalupi ovilinga viove mavipu,
Upondola moundapa mo Mbetele, okuti hatyo okaundapa movilinga viokutunga onondywo Mbouhamba.
Honeka vala o petisau yove oitumu, otyo tyipondola okukwavela onomphitilo mbokuundapa movilinga vielikalaila upondola okupewa meongano.
Otyili, haveko pamwe vetyisoka otyipuka otyo tyokulipakula avakaundapa mo Mbetele mavetyivili umwe.
Mahi onthwe tupondola okwavela ondundo ava vetyivila vakaundape. Vohe yovana, hetekelei vakwenyi ankho vehole Huku
okulinga nga Ana na Elekana, velipolele omona wavo opo akalingile vali unene Siovaa.
Kwateseiko ovana venyi vapange umwe okukaundapa mo Mbetele, vepei ondundo vanyingile movilinga viomuvo auho,
tyilinge mweetyi mupopia tyilinge mweetyi mulinga.
Ine wetyivila veeta veya okutala Ombala yonombangi mba Siovaa kuno Nova Yorque,
okuti otyo kwetyivilile opo ovana ovetwala vala Ko Mbetele ilulika ovilinga vyo motyilongo tyenyi.
Okulinga ngootyo tyipondola okukwatesako ovana venyi mwene avelitalela-ko, kovilinga
vili nokulingwa mo Mbetele vipitisa komutwe Ouhamba wa Huku.
Vakulu vomawaneno, kwateseiko ovakwendye mweete vata ombili ovilinga opo vakale novituwa vivetavelesa okuundapa mo Mbetele.
Siovaa na hono una nokwovola olie matumu wahanda okuundapa vali unene movilinga viae.
Ngeetyi alingilea-le pononthiki mba Isaiya, wapula wati: Olie mandyitumu? Olie metwila-ko?
Okuti noove mokumbulula ngomuuli Isaiya watile: Ame une Nthume?
Vakwendye, likwatehilei mupame motyili, amuundapela Huku nohande yenyi aiho.
Okulinga ngootyo opo haa pahe motyivili okuundapela Huku ko Mbetele, okuti hatyo o movilinga ovikwavo vilingwa meongano,
ulingile Huku nononkhono mbove ambuho, omuhilivika tyina nkhele una ekongoko.
Onthwe tumuhole unene, tupandula unene ononkhono muli nokulinga,
mokulipakula muundapela vali unene Siovaa, movilinga viae

Kala Tyafuapo Opo Uundape Mo Mbetele