JW subtitle extractor

Mampatsaratsara mahita iro olo antapitrisany manompo Jehovah.
Mbala misy olo vaovao andrivony koa isaka herin̈iandra.
Atsika ravoravo fotony ataony Jehovah mandroso malaky be asa fitorian̈a io.
Fa izikoa atsika tihanan̈a finoan̈a matanjaka ndreky tihifandray tsarabe amy Jehovah
baka io hahavita tsarabe asa fitorian̈a,
atsika mila Baiboly, boky ndreky gazety, avio rakipeo ndreky video.
Kanefa aia ahazahoantsika iro io?
Amy Betela.
Misy Kristianin̈y matotro man̈ano fanompoan̈a masin̈y niny Jehovah miaraka amy rahalahiny Kristy ao.
Iro mikarakara raha jiaby ilainy rahalahy jiaby erantany,
sady man̈ampy iro hahavita tsarabe asa fitorian̈a.
Iro jiaby an̈isany fianakavian̈any Betela io panompony Jehovah vita batisa aby.
Iro miaraka mipetraka ndreky miaraka miasa marikitry.
Ke ten̈a hiain̈andro tsarabe raha volan̈iny Salamo 133:1 ty
Ten̈a miavaka asa atao amy Betela ao,
ke ravoravo zahay fa maro be olo nifen̈y nampitombo fanompoan̈andro Jehovah,
baka iro hahavita han̈ano fanompoan̈a araiky io.
Asa anao efa mba nieritreritry hiasa amy Betela an̈y?
Izikoa anao miasa amy Betela, zen̈y hahavy anao hahavita tsarabe hampitombo fanompoanao Jehovah.
Olo hanompo amy Betela koa mila von̈ono hahafoe ten̈a
ndreky pare fo han̈ano zay raha han̈irahan̈a izy,
karaha toetsain̈iny paminan̈y Isaia, hita aminy Isaia 6:8 ty
Isaia koa fa naharen̈y izy mbala afaka man̈ano raha maro amy fanompoan̈a Jehovah,
izy efa von̈ono edy, ndray tsy hainy tsarabe ino raha han̈irahan̈a izy io.
Hainy Isaia fa baka amy Jehovah tombontsoa io,
ke izy von̈ono fo han̈ano zay raha han̈irahany izy.
Mira zen̈y koa toetsain̈y anan̈any fianakavian̈any Betela erantany.
Ino ma ten̈a mandrisiky olo maro hanompo amy Betela?
Fitiavan̈a Jehovah.
Zen̈y mandrisiky atsika han̈ano erakany vitantsika hanohan̈a Fanjakan̈any Zan̈ahary
fa tsy han̈ano raha tiantsika fo.
Karaha ty koran̈iny boky Pitory, amy pazy 295:
“Tsy manjary malaza na pan̈arivo baka amy zen̈y iro, fa tihan̈amia voninahitry Jehovah,
ke iro afapô aminy hanin̈y ndreky tran̈o, baka io vola fan̈ampian̈a hely ikarakarandro raha ilaindro.”
Misy hatsaran̈a ma azondro olo manompo amy Betela zen̈y?
Ia, ten̈a maro hatsaran̈a azonolo nanoloten̈a antsitrapo hanompo amy Betela.
Tsy karaha miasa amy donia ty foeky miasa amy Betela.
Namanao olo jiaby fiasan̈a araiky aminao,
sady olo jiaby ao mifankatia ndreky miray sain̈y tsarabe.
Olo jiaby mitovy tanjon̈o aby ndreky mifan̈ampy.
Karaha zen̈y raha hitanao amy Betela ato.
Anao mety hirahin̈y han̈ano asa tsiary nataonao,
fa izy fo misy rahalahy ndreky ranabavy maro efa mahay asa io, irahin̈y hampianatra anao.
Na amy fandinihan̈a teny vakin̈y isanandra na amy fianaran̈a Tilikambo ataony fianakavian̈any Betela,
ten̈a man̈amia angovo fan̈azavan̈a amiandro rahalahy ndreky ranabavy aby io.
Hitanao fa iro ten̈a tia Jehovah, ke man̈ampy anao hahaitia Jehovah fo koa.
Amy Betela eto raha jiaby ataonao niny Jehovah aby.
Tsisy patron tsara mandilatra Jehovah.
Aia anao mahita patron mahay mankasitraka ndreky mikarakara anao mare, ambaka Jehovah?
Ke von̈ono han̈amia izy ny ten̈a tsara.
Gaga zaho koa fa mandiniky asa maro atao amy Betela eto.
An̈isanizen̈y fan̈aboahan̈a bokintsika aby io ndreky fandifasan̈a izio,
fan̈anovan̈a video aby ampiasain̈y amy fivoriambentsika aby io,
baka io mandika raha maro amy volan̈a isankarazany.
Mahatsiaro sambatra mare zaho, fotony haiko fa asa ataoko eto manohan̈a panompo atokisan̈a ndreky mahadiniky raha.
Zen̈y baka iraka Jesosy.
Ke akory tokony hataony tanora araiky tihanompo amy Betela?
Ry olobeko nampianatra zaho fa fifandraisan̈a amy Jehovah raha ten̈a maventy.
Zaho koa fa vakansy, fanompoan̈a fo raha ten̈a andanianay fotoan̈a.
Nan̈ampy fianakavian̈anay harikitry Jehovah fo raha zen̈y,
ndreky nan̈ampy zaho hahay ino raha ten̈a hataoko amy fiain̈ananaka,
fa tsy ho rikian̈a amy raha hafa.
Zaho farandraha tia mamaky boky eky,
ke ho Papako: “Nan̈ino anao tsy mamaky Baiboly?”
Haiko ndraiky raha zen̈y raha mila ataoko,
fa zaho fo mbala tsiary nahavita namaky izio firaka amy farany.
Zaho koa fa nahavita namaky zio, niova mare toetsain̈inaka, ke zaho resy lahatra fa ten̈a fahamarin̈ana ty.
Famakiako Baiboly in̈y nan̈ampy zaho hifantoko amy fifandraisako amy Jehovah
ndreky amy tanjon̈onaka amy fanompoan̈a Jehovah.
Amy fivorian̈a, zaho man̈ampy amy fandrasan̈a gazety, fikarakaran̈a sono, ndreky lampihazo.
Andraikitrinaka zen̈y nampianatra zaho hiasa mare ndreky nandrisiky zaho hampitombo fanompoako Jehovah.
Iro antipan̈ahy aby io matetiky miaraka manompo aminaka.
Zaho baka tihanompo amy Betela.
Ke zaho koa fa misy raha tsapako tsy ho vitako na raha sarotro aminaka,
na tanjon̈o hitako karaha tsy ho takako,
nisy antipan̈ahy nan̈aboaka andininy amy Baiboly mivolan̈a fa Jehovah nankahery Josoa, baka izy hisy korazy.
Nampisy korazy zaho mare raha zen̈y, ke tafara tatỳ amy zay zaho nanjary manompo amy Betela.
Ke zaho koa fa nitsidiky Betela in̈y, hitako fa iro amy Betela ao karaha olo jiaby fo,
baka io toetrindro maro tsara, ke zaho mba tiako karaha zen̈y.
Iro tia mandray vahiny sady mazava troko.
Ke zen̈y nan̈ampy zaho mare hanakatra tanjon̈onaka, baka zaho hanjary karaha iro.
Misy fepetra takin̈y aminolo tihanompo amy Betela.
Anao mila ten̈a tia Jehovah ndreky fandaminan̈anany,
ke mila miain̈y mifan̈araka amy fitsipikiny Baiboly.
Tokony ho hitanolo fa anao olo ten̈a tia raha arapan̈ahy.
Anao mila man̈aja fitsipiky Jehovah momba fitondranten̈a,
tsy man̈ano fahalotoan̈a ndreky tsy mijangajanga.
Anao koa mila manan̈a eritreritry madio manoloan̈a Jehovah.
Zen̈y hahavy anao hilamintsain̈y ndreky ho ravoravo, fotony tsisy raha asitrikinao antipan̈ahy.
Baka io mila hita amy sanjinao fo fa anao olo manompo Jehovah,
ndray tsy lera fivorian̈a ndreky fitorian̈a.
Betelita tsy tokony hisikiny lamba manafintohin̈y olo,
na lamba misariky sain̈inolo mare,
na lamba ahitan̈a toetsain̈inolo tsy manompo Jehovah.
Olo mameno demandiny Betela tsy tokony hitandren̈y,
na hamaky ndreky hizaha raha tsy mety amy Kristianin̈y.
An̈isanizen̈y sary vetaveta, lamoziky tsy manjary, sababo,
baka io karazan̈a fangalan̈a diandian̈a jiaby misy fitondranten̈a maloto,
man̈aboaka asany demony ndreky olo kafiry.
Olo 19-35 taon̈o mahazo mameno demandiny Betela.
Fa misy ndraiky olo efa mandilatra 35 taon̈o,
fa iro manan̈a fahaizan̈a manokan̈a momba fahasalaman̈a,
na fandikanteny
na fan̈oren̈ana,
na plombier,
na elektrisite,
na mandrafitry.
Mbala mety mandefa demandy amy Betela koa iro.
Izikoa anao tihanompo manontolo andra amy Betela,
anao mila salama sain̈y
ndreky salama arapihetsehampo,
matanjaka, baka io mahavita miasa lera maro.
Anao mila mahay mamaky, manoratra,
ndreky mahay volan̈a ten̈a fampiasain̈y amy sampan̈a, amy tany misy anao.
Zen̈y han̈ampy anao hahay hikoran̈a aminolo miaraka miasa aminao amy Betela,
amy fiofan̈ana mila ataonao, ndreky hiaro anao lera anao man̈ano asanao.
Anao koa mila von̈ono hanompo ao taon̈o araiky farany hely,
amy zen̈y anao mahazo fampiofan̈ana ilain̈y hanohizan̈a asanao amy Betela.
Misy olo sasany mieritreritry fa mila mianatra aminy iniversite
na man̈ano fiofan̈ana manokan̈a antsendriky iro,
amy zen̈y malakilaky voakaiky hanompo amy Betela.
Fa zahay tsy mandrisiky anaro han̈ano zen̈y.
Fomba ten̈a tsara hioman̈ana amy fanompoan̈a amy Betela,
fan̈anovan̈a pisava lalan̈a maharitry.
Rahalahy tsy manambady ten̈a tadiavin̈y.
Ndray zen̈y, olo jiaby mahafeno fepetra, an̈isanizen̈y ranabavy,
hampirisihin̈y han̈ano piasa antsitrapo tsy maharitry antsendriky.
Fotony izikoa anao miasa antsitrapo amy Betela
ho afaka ianatra raha hafa mety han̈ampy anao hanompo Jehovah bebe ndraiky.
Izikoa anao man̈iry han̈ano fanompoan̈a amy Betela,
ino ma demandy tokony halainao amy Komitiny Fanompoan̈any Fiangonan̈a misy anao?
Misy karazany aroe iro io.
Ke alohany hanapahanao hevitry, mivavaha,
baka io iritrireta tsarabe raha iain̈anao.
Baka io aminjay tapaha hevitrinao,
na anao hangala Fangatahana ho Mpiasa An-tsitrapo (A-19) aminy antipan̈ahy.
Olo tihan̈ano asa antsitrapo tsy maharitry mameno izio,
ohatra herin̈iandra araiky, na lavalavanizen̈y, na koa an̈atiny fanjava maromaro.
Na anao hangala Fangatahana ho Anisan’ny Vondron’ny Mpanompo Manontolo Andro Manokan’ny Vavolombelon’i Jehovah (A-8).
Lan̈iany olo tihiasa amy Betela taon̈o araiky na lavalavanizen̈y, mameno fangatahan̈a io.
Izikoa hitany Komitiny Sampan̈a fa anao azo ampiasain̈y,
iro hanapakevitry aia ten̈a mety aminao,
hiasa amy Betela sa hirahindro man̈ampy amy fan̈oren̈ana.
Mety hahavy anao han̈ano fanompoan̈a isankarazany amy fandaminany Jehovah fangatahan̈a alefanao io.
Kanefa ndray mahafoe ten̈a karaha zen̈y atsika,
tsy atsika jiaby ho afaka hiasa amy Betela an̈y.
Ndray zen̈y azontsika ampirisihin̈y lan̈iany afaka.
Anaro raimandreny zioty mety man̈ano karaha nataony Elkana ndreky Hana, raimandreny ten̈a navozo Zan̈ahary.
Nalefandro han̈ano asa somary miavaka niny Jehovah zanakandro.
Aza voly mikoran̈a amy zanakanao fa iro afaka miasa amy Betela an̈y izikoa efa be.
Ataova hitandro amy raha koran̈inao ndreky ataonao fa ten̈a tsara manompo manontolo andra.
Izikoa mety, indesa mitsidiky foibeny Vavolombelon̈o Jehovah a New York, a Etazonia eto iro,
na Betela amy sampan̈a misy anaro an̈y.
Amy zen̈y hitandro, ino aby asa atao amy Betela baka hankifan̈a asa fitorian̈a io.
Anaro antipan̈ahy ndraiky,
afaka man̈ampy lan̈iany tanora amy fiangonan̈a hitanaro fa mety hahafeno fepetra hiasa amy Betela.
Fotony Jehovah mbala mitady olo von̈ono hampitombo fanompoan̈dro fo.
Mbala karaha taminandrany Isaia in̈y, izy mbala mivolan̈a:
“Azovy irahiko? Azovy hisolo ten̈a zahay?”
Asa mba han̈ano karaha Isaia koa anao, ke hivolan̈a:
“Ty oe zaho! Iraha zaho!”
Mampirisiky anaro tanora zahay baka hanjary Kristianin̈y matotro sady hanompo Jehovah amy fô jiaby.
Izikoa efa mandeha fotoan̈a, mety hahafeno fepetra hiasa amy Betela anaro,
na han̈ano karazan̈a fanompoan̈a hafa.
Hahavita hidera Jehovah anaro amy zen̈y,
sady hampiasa tsarabe angovo ndreky fahasalaman̈a namian̈a anaro.
Aza adin̈a fa ten̈a tianay anaro fotony mahafoe ten̈a,
baka io mifen̈y hanan̈a tanjon̈o arapan̈ahy fo.

Akory Tokony Hataonao Izikoa Anao Tihanompo amy Betela?