JW subtitle extractor

Ita kontente tebes atu haree ema millaun ba millaun apoia adorasaun loos.
No semana-semana ema barak tan sai Testemuña.
Ita kontente tebes atu haree Jeová halo serbisu haklaken laʼo ba oin lalais.
Maibé sé mak sei ajuda halo Bíblia, publikasaun sira, no vídeo ho áudio sira
neʼebé hametin ita no ajuda ita
atu kumpre ita-nia serbisu haklaken no hanorin?
Betel mak fatin úniku.
Neʼe mak fatin ba irmaun-irmán sira neʼebé maduru
atu halaʼo serbisu sagradu ba Jeová hamutuk ho Kristu nia alin sira.
Sira hotu halo serbisu atu ajuda irmaun-irmán iha mundu tomak
no apoia serbisu haklaken.
Família Betel mak ema Kristaun sira neʼebé dedika an ona no hetan batizmu, sira hela no serbisu hamutuk.
Tan neʼe sira bele sente duni liafuan iha Salmo 133, versíkulu 1:
Ita kontente tebes atu haree katak ema barak
aumenta sira-nia serbisu ba Jeová hodi serbí iha Betel.
Ita mós halo planu ona atu serbí iha Betel ka lae?
Serbí iha Betel fó ita oportunidade atu halo buat barak tan ba Jeová.
Tuir loloos, atu serbí iha Betel ita presiza halo sakrifísiu
no prontu atu halo serbisu naran deʼit neʼebé presiza.
Neʼe hanesan profeta Isaias nia ezemplu iha Isaias 6:8:
Bainhira Isaias hetan oportunidade ida atu halo serbisu barak liután ba Jeová,
nia prontu atu simu, maski iha tempu neʼebá
nia la hatene ho loloos kona-ba knaar neʼe.
Isaias hatene katak Jeová mak fó konvite espesiál neʼe,
tan neʼe Isaias hakarak atu simu.
Ohin loron, sira neʼebé serbí iha Betel iha mundu tomak
halo tuir Isaias nia ezemplu.
Saida mak book ema barak atu serbí iha Betel?
Domin ba Jeová mak book sira
atu tau uluk Maromak nia Ukun duké hanoin an deʼit.
Pájina 295 iha livru Pemberita dehan:
“Sira la buka naran boot ka sai riku liuhusi serbisu neʼe.
Sira-nia hakarak mak atu fó glória ba Jeová,
no sira kontente ho buat neʼebé sira simu, hanesan:
Ai-han, hela-fatin, no mós osan natoon neʼebé sira presiza.”
Serbí iha Betel lori benefísiu saida?
Sira neʼebé prontu atu serbí iha Betel, simu duni bensaun oioin.
Domin no unidade neʼebé ita sente iha neʼe mak espesiál tebes.
Neʼe la hanesan serbisu ba kompañia boot
tanba loroloron ita serbisu hamutuk ho ema neʼebé hadomi Jeová.
Ema neʼebé iha hanoin hanesan no apoia malu
bele kumpre sira-nia planu sira.
Betel hanesan neʼe duni.
Karik ita simu knaar neʼebé ita nunka halo uluk.
maibé iha irmaun-irmán barak ho esperiénsia barak neʼebé prontu atu ajuda
no sira bele hanorin ita oinsá atu halo serbisu neʼe.
Ita hetan benefísiu husi irmaun-irmán sira-nia komentáriu
durante adorasaun dadeer nian,
no estudu Livru Haklaken hamutuk nuʼudar família Betel.
Ita sente duni sira-nia domin ba Jeová, no sira-nia komentáriu sira
ajuda mós ita atu hadomi Jeová.
Iha Betel, ita iha patraun diʼak liu hotu, Jeová.
La iha patraun seluk neʼebé hafolin ita-nia serbisu no hadomi ita.
Entaun tanba hadomi Jeová, ita kontente serbí nia ho laran.
Bainhira haʼu hanoin kona-ba serbisu iha Betel,
hanesan halo no haruka publikasaun, halo vídeo oioin ba reuniaun boot,
serbisu tradusaun iha língua oioin iha mundu tomak,
haʼu sente haksolok tebes.
Serbisu naran deʼit neʼebé haʼu bele halo iha neʼe,
halo haʼu kontente tebes tanba haʼu apoia Kristu nia alin sira.
Oinsá joven sira bele kumpre kritéria atu serbí iha Betel?
Haʼu-nia inan-aman haboot haʼu atu tau uluk haʼu-nia relasaun ho Jeová.
Bainhira haʼu sei joven, haʼu-nia família sempre uza tempu barak atu haklaken,
inklui tempu feriadu eskola nian.
Neʼe ajuda ami nafatin tau fokus ba buat espirituál
no ajuda haʼu atu tau fokus ba haʼu-nia planu espirituál.
Haʼu gosta atu lee.
Loron ida haʼu-nia apá hatete ba haʼu:
“Oinsá se ó lee Bíblia?”
Haʼu hatene neʼe buat neʼebé báziku, maibé,
iha tempu neʼebá haʼu seidauk lee husi Génesis toʼo Apokalipse.
Entaun bainhira lee Bíblia tomak, neʼe troka haʼu-nia hanoin,
no haʼu fiar katak neʼe mak lia-loos.
Lee Bíblia ajuda haʼu atu tau fokus nafatin ba haʼu-nia relasaun diʼak ho Jeová no mós haʼu-nia planu atu serbí nia iha aban-bainrua.
Iha kongregasaun laran, haʼu ajuda tau matan ba revista sira,
ekipamentu áudio nian no mós plataforma.
Priviléjiu sira-neʼe hanorin haʼu atu halaʼo haʼu-nia serbisu ho badinas
no loke dalan ba haʼu atu serbí Jeová liután.
Katuas sira mós haklaken hamutuk ho haʼu.
Dala ruma haʼu sente, ‘Haʼu labele halo knaar sira-neʼe’
ka ‘neʼe todan tebes’
ka ‘haʼu sente estrese’
ka ‘haʼu sei nunka kumpre haʼu-nia planu’.
Maibé katuas ida hatudu ba haʼu eskritura ida husi Bíblia
kona-ba tempu neʼebé Jeová anima Josué atu sai brani.
Neʼe ajuda tebes haʼu atu bele sai brani,
no kumpre haʼu-nia planu atu serbí iha Betel.
Bainhira haʼu vizita Betel, haʼu haree katak ema Betel mak ema baibain deʼit.
No sira iha hahalok diʼak oioin neʼebé haʼu hakarak banati-tuir,
hanesan laran-luak no laran-diʼak.
Neʼe ajuda haʼu hakaʼas an atu halo tuir sira-nia ezemplu.
Atu bele serbí iha Betel, ita tenke kumpre kritéria.
Ita tenke iha domin neʼebé kleʼan ba Jeová no ninia organizasaun,
no halo tuir Bíblia nia prinsípiu loroloron.
Ema seluk tenke haree katak Ita hadomi tebes Jeová no ninia organizasaun.
Ita tenke respeitu no halo tuir Jeová nia morál sira,
no hasees an husi sala seksuál.
Iha konxiénsia neʼebé moos iha Jeová nia oin
no neʼe sei halo ita sente dame iha laran,
no kontente tanba la subar sala ruma.
Hatais roupa neʼebé hatudu respeitu bainhira tuir reuniaun
no durante tempu halimar nian.
Ema Betel labele hatais roupa neʼebé dada ema seluk nia atensaun,
halo ema hakfodak, ka halo ema haree ita hanesan ema mundu.
Ita labele lee, rona, ka haree buat naran deʼit
neʼebé la tuir Jeová nia morál sira.
Buat sira-neʼe inklui pornografia, múzika neʼebé aat,
ka filme neʼebé hatudu sala seksuál, espiritizmu, ka violénsia.
Baibain sira neʼebé bele prenxe formuláriu atu serbí iha Betel
mak tinan 19 toʼo 35.
Dala ruma, Betel simu ema sira neʼebé tinan 35 liu
se sira iha matenek atu halo serbisu neʼebé Betel presiza duni.
Hanesan ema ho matenek kona-ba buat tékniku ka médiku nian,
atu halo tradusaun, ka serbisu konstrusaun, hanesan monta kanu sira,
monta eletrisidade, hadiʼa mákina sira, ka karpinteiru.
Bele prenxe formuláriu se Ita iha matenek hanesan neʼe.
Atu bele halo serbisu husi loron-segunda toʼo loron-sesta iha Betel,
ita presiza iha fíziku, mentál no emosaun neʼebé diʼak,
no bele serbisu loron tomak.
Ita presiza hatene lee, hakerek no koʼalia língua iha rai neʼebé ita serbí.
Neʼe sei ajuda ita atu komunika ho maluk sira neʼebé serbí hamutuk ho ita,
atu simu treinu, no halaʼo ita-nia serbisu iha dalan neʼebé seguru iha Betel.
Kuandu ita prenxe formuláriu,
neʼe katak ita prontu atu serbí iha Betel ba tinan ida ka liu,
Ita sei simu treinu liután atu bele kontinua serbisu iha Betel.
Ami la anima irmaun-irmán sira atu tama universidade
hodi sira bele hetan oportunidade atu simu knaar atu serbí iha Betel.
Dalan diʼak liu atu prepara an serbí iha Betel
mak hodi serbí uluk nuʼudar pioneiru regulár.
Betel presiza duni irmaun klosan sira.
Maski nuneʼe, ema hotu neʼebé kumpre kritéria sira, inklui irmán sira,
bele prenxe formuláriu atu serbí nuʼudar voluntáriu temporáriu.
Nuʼudar voluntáriu temporáriu karik ita sei aprende buat foun
neʼebé bele ajuda ita atu aumenta ita-nia serbisu ba Jeová.
Se ita hakarak atu serbí iha Betel,
formuláriu saida mak ita presiza husu
ba Kongregasaun nia Grupu Serbisu nian?
Iha formuláriu rua.
Tan neʼe halo uluk orasaun no hanoin didiʼak kona-ba Ita-nia situasaun.
Tuirmai, ita bele deside se ita sei husu katuas sira atu fó
Aplikasaun atu serbí iha Betel nuʼudar voluntáriu temporáriu (A-19)
atu bele serbí ba semana ida ka fulan balu.
Ka, karik ita bele husu Aplikasaun atu sai Membru ba Ordem Mundial
dos Servos Especiais de Tempo Integral das Testemunhas de Jeová (A-8).
Ita bele prenxe formuláriu ida-neʼe
se ita hakarak serbí iha Betel ba tinan ida ka liu.
Se Komisaun ba Sukursál hanoin katak sira presiza ita-nia ajuda,
sira sei deside ita bele serbí iha neʼebé.
Iha Betel ka serbí nuʼudar atan ba konstrusaun.
Bainhira entrega ita-nia formuláriu, ita sei hetan oportunidade furak
atu serbí Jeová no ninia organizasaun iha dalan oioin.
Maibé, ita balu nia situasaun la permite atu serbí iha Betel
maski ita prontu atu aumenta ita-nia serbisu ba Jeová.
Maski nuneʼe, ita bele anima ema seluk.
Inan-aman sira bele banati-tuir inan-aman sira seluk
neʼebé hamtaʼuk Jeová
hanesan Ana no Elkana neʼebé prontu atu husik sira-nia oan
hodi aumenta ninia serbisu ba Jeová.
Kontinua koʼalia ho Ita-nia oan kona-ba serbí iha Betel,
no haburas sira-nia interese atu serbí Maromak tempu-tomak
liuhusi Ita-nia ezemplu no liafuan neʼebé anima sira.
Se bele lori sira atu vizita sede-jerál iha Novaiorke, Estadus Unidus.
Ka halo arranju atu lori sira ba vizita Betel iha Ita-nia rai.
Vizita hanesan neʼe bele ajuda Ita-nia oan atu haree rasik
serbisu neʼebé halaʼo iha Betel apoia Maromak nia Ukun.
Katuas sira, ajuda joven iha ita-nia kongregasaun neʼebé bele aumenta
sira-nia serbisu ba Jeová hodi bele kumpre kritéria sira.
Jeová kontinua buka ema sira neʼebé prontu
atu aumenta sira-nia serbisu ba nia.
Hanesan iha profeta Isaias nia tempu, Maromak husu:
“Sé mak haʼu sei haruka?
Sé mak sei lori ami-nia lia-menon?”
Ita sei hatán hanesan Isaias neʼebé dehan:
“Haʼu mak neʼe!
Haruka haʼu bá!”
Ami anima Ita atu sai maduru liután no serbí Jeová ho laran tomak.
Tempu sei toʼo bainhira ita bele kumpre kritéria atu serbí iha Betel
ka serbí tempu-tomak iha dalan seluk
hodi uza ita-nia forsa no saúde neʼebé Jeová fó ona ba ita hodi fó hahiʼi ba nia.
Favór ida hanoin-hetan katak ami hadomi imi
tanba imi hakarak atu kontinua aumenta imi-nia serbisu ba Jeová.

Ita presiza halo saida atu serbí iha Betel?