JW subtitle extractor

Xijmuyubaj ti ta smiyonal xa noʼox
krixchanoetik chtunik ta stojolal li Jeovae.
Ta smilal chlik tunikuk jujun xemana.
Li Jeovae chakʼ ti aniluk xchʼi li steklumale.
¡Toj labal sba!
Yoʼ lekuk xkil jbatik xchiʼuk Jeova,
ti jcholtik mantal xchiʼuk
jchanubtastik li krixchanoetike,
skʼan oy buchʼu spas li Vivliaetike,
li vunetike, li gravasionetike
xchiʼuk li videoetike.
¡Kʼupil sba li Betele!
Te chtunik ermanoetik ti yijik ta mantal
xchiʼuk ti mas to jmoj ch˗abtejik
xchiʼuk li yermanotak Kristo
sventa xichʼ koltael li
ermanoetik ta spʼejel balumile
xchiʼuk sventa xichʼ cholel li mantale.
Skotolik yakʼoj xkuxlejalik ta
stojolal Jeova xchiʼuk yichʼojik voʼ.
Jmoj ch˗abtejik
kʼuchaʼal jun utsʼ alalil.
Yilojik lek ti yakal chkʼot
ta pasel li Salmo 133:1:
Xijmuyubaj tajek ti oy ep
ermanoetik yakal chtunik li ta Betele
xchiʼuk ti laj yakʼ yipalik
sventa xtakeik ta ikʼele.
¿Mi oy xa anopoj chatun ta Betel ek?
Kʼalal chbat tunkutik ta Betele,
xkoʼolaj ti ta jkʼojtik junuk tiʼ na
ti ep kʼusi xuʼ jpastik
yoʼ xijtun ta stojolal Jeovae.
Melel onoʼox ti ep kʼusi
skʼan xkiktatik yoʼ xijbat ta Betele
xchiʼuk skʼan ta sjunuluk
koʼontontik xij-abtej ti bu mas chtune.
Jaʼ jech la spas li j-alkʼop Isaiase,
xi laj yal ta Isaías 6:8:
Kʼalal laj yaʼi Isaias ti xuʼ
xtun mas ta stojolal Jeovae,
xmuyubaj laj yal ti tskʼan tspase‏,
pe mu toʼox snaʼ
lek kʼusi ch-akʼbat spas.
Snaʼoj ti jaʼ chtakat
ta ikʼel yuʼun Jeova sventa
spas jun abtelal ti stuk noʼox jeche,
jaʼ yuʼun laj yal ti tskʼan tspase.
Jaʼ jech yakʼoj ta ilel
stalelalik ek skotol li buchʼutik
chtunik ta Beteletik ta spʼejel balumile.
¿Kʼu yuʼun ep ermanoetik
tskʼan chbatik ta Betel?
Yuʼun skʼanojik li Jeovae.
Jaʼ chtijbat yoʼontonik yoʼ
tsotsuk skʼoplal xilik li Ajvalilale,
maʼuk li kʼusi tskʼan stukike.
Xi chal li livro
«Proclamadores» ta pajina 295:
«Maʼuk jun abtelal ti chichʼik-o
ojtikinel o ti tspasatik ta jkʼuleje.
Jaʼ oy ta yoʼontonik
yichʼel ta mukʼ li Jeovae xchiʼuk
xmuyubajik noʼox ti bu akʼbil svayebike,
li kʼusitik slajesike xchiʼuk
li yuni takʼin ch-akʼbatike».
¿Kʼusi sbalil staojik
li buchʼutik chtunik Betele?
Staojik ep bendision li buchʼutik
lokʼem ta yoʼonton chbat tunikuke.
Stuk noʼox jech ti kʼu yelan jkʼanoj
jbakutike xchiʼuk ti jmoj oyunkutike.
Mu xkoʼolaj xchiʼuk li yan abtelaletike.
Liʼe kamigo jba jkotolkutik.
Mi jmoj snopben li krixchanoetike,
jmoj kʼusi tspasik xchiʼuk tskolta sbaik.
Jaʼ jech li ta Betele.
Muʼyuk toʼox van apasoj
li kʼusi cha-akʼbat apase,
pe oy ep ermanoetik ti xtojobik xa lek
ti oy ta yoʼonton tskoltaoxuk
sventa spas avuʼune.
Kʼalal chichʼ chanel te li teksto jujun
kʼakʼale xchiʼuk «Li Jkʼel osil ta toyole»,
te chakʼ sloʼilik ti jtunel kuʼunkutike
xchiʼuk ti tspat koʼontonkutike.
Te chkilkutik ti skʼanojik tajek Jeovae,
vaʼun li kʼusi chalike jaʼ
tskoltautik yoʼ jkʼankutik eke.
Liʼ ta Betele, jaʼ yajval
kabteltik li Jeovae.
Ep sbalil chil li kabteltike xchiʼuk
xaʼibe smelolal kʼu yelan chkaʼi jbatik.
Taje jaʼ ta jkʼantik-o xchiʼuk
xijmuyubaj chijtun ta stojolal.
Kʼalal ta jnopbe skʼoplal
li kʼusi chichʼ pasel liʼe:
ti chichʼ pasel vunetik
xchiʼuk chichʼ takel batele,
li videoetik sventa asamblea
rejionale xchiʼuk ti tsjelubtasik
ta jeltos kʼopetik li vunetike,
ximuyubaj tajek.
Kʼusiuk ti xi-akʼbat jpas liʼe,
jaʼ yakal ta jkolta li yermanotak Kristoe,
jaʼ yuʼun ximuyubaj tajek.
Vaʼun chaʼa, ¿kʼusi
skʼan xapas yoʼ xatun ta Betel?
Li jtot jmeʼe ta jbikʼtal onoʼox la
skoltaikun yoʼ xkakʼ ta koʼonton li mantale,
chkakʼbekutik yipal cholmantal akʼo
mi ta vakasion oyun o mi muʼyuk.
Taje jaʼ la skoltaunkutik yoʼ
xkakʼbekutik yipal li mantale
xchiʼuk jaʼ la skoltaun yoʼ jnaʼ
kʼusi ta jkʼan ta jpas ta jkuxlejal
xchiʼuk ti mu xchʼay
koʼonton li yan kʼusitike.
Toj lek xkaʼi skʼelel vun.
Vaʼun xi laj yalbun jun velta li jtote:
«¿Kʼu yuʼun mu xakʼel li Vivliae?».
Jnaʼoj ti skʼan jech jpase,
pe muʼyuk toʼox jkʼeloj sliklej li Vivliae.
Kʼalal tsuts kuʼun skʼelele,
jelem xa ox li jnopbene.
Jaʼ la jchʼun-o
ti melel li kʼusi ta jchane.
Jaʼ la skoltaun xtok sventa tsotsuk skʼoplal
xkil ti kʼu yelan xkil jba xchiʼuk Jeovae.
Taje jaʼ jtos ti kʼusi onoʼox tskʼan
jpas sventa jta li kʼusi jnopoje.
Ta toʼox jkolta jba ta
xchʼakel revista li ta jtsobobbaile.
Ta jkolta jba xtok ta skʼelel
li sonido xchiʼuk plataformae.
Jaʼ la skoltaun ti skʼan baxbolukune
xchiʼuk te li-abtej mas ta stojolal Jeova.
Oy onoʼox ta koʼonton chibat ta Betel,
jaʼ yuʼun chchiʼinikun
ta cholmantal li moletike.
Kʼalal chichibaj xchiʼuk xi ta jnope:
«Mu jta jnaʼ», «Mu xitakat ta ikʼel»
o «Mu spas kuʼun» xichie,
oy jun mol ti laj yakʼ kil jun teksto ti te chal
ti laj stsatsubtasbe yoʼonton Josue li Jeovae.
Toj labal sba laj kil xchiʼuk
la stsatsubtas koʼonton ek
ti xkakʼ persa sventa xibat ta Betele.
Kʼalal li-ay ta Betele
laj kil ti koʼolik noʼox kʼuchaʼal
yan ermanoetik li jbetelitaetike xchiʼuk
ti lek stalelalik ti ta jkʼan ta jchan eke.
Laj kil ti lek snaʼ xchʼamvanike
xchiʼuk ti chkʼanvanike.
Ta jkʼan jechuk jtalelal ek,
taje jaʼ la stij koʼonton
yoʼ jta li kʼusi ta jkʼane.
Mi chakʼan chbat tunan
ta Betele, oy kʼusitik skʼan xapas.
Skʼan ti akʼanojuk tajek li
Jeova xchiʼuk li s-organisasione,
taje te chvinaj mi
chachʼun li kʼusi chal Vivliae.
Skʼan jamal xil yantik
ti chʼiemot xa ta mantale.
Skʼan xachʼun li mantaletik
yakʼoj Jeova ti skʼan xapʼaj li
kʼusitik ibal sbae xchiʼuk li mulivajele.
Skʼan sakuk ajol
avoʼonton ta stojolal Jeova.
Vaʼun jun avoʼonton chavaʼi aba
xchiʼuk li s-organisasion Jeovae.
Skʼan jechuk xalap
akʼuʼ apokʼ xchiʼuk xameltsan
aba kʼuchaʼal jun yajtsʼaklom Kristo,
akʼo mi chakux avoʼonton.
Li ta Betele mu stakʼ jlap
jkʼuʼ jpokʼtik ti muʼyuk xa smelolale
o ti xijkoʼolaj xa xchiʼuk li
krixchanoetik ti muʼyuk chaʼiik mantale.
Li buchʼu tskʼan chbat ta Betele
skʼan mu skʼel mi jaʼuk xchikinta li
kʼusi mu lekuk sventa yajtsʼaklom Kristoe.
Taje te tsakal skʼoplal li pornografiae,
li sonetik ti muʼyuk lek ta aʼiele
o kʼusiuk noʼox ti yichʼoj mulivajel,
espiritismo o majbaile.
Li buchʼutik tskʼan chbatike skʼan 19
xa sjabilal o mu echʼemuk ta 35.
Bakʼintike chchʼamik
akʼo mi mas xa ta 35 sjabilal
ta skoj ti oy kʼusi
xtojob spasele, mi jaʼ doktor,
mi xtojob sjelubtasel kʼop o svaʼanel naetik,
mi xtojob ta fontanería,
mi xchanoj stsʼakel lus,
mi xtojob stunesel mukʼtik makinaetik,
mi xtojob ta karpinteroal o yan kʼusitik.
Mi xatojob spasel jtosuk taje,
chkalbotkutik ti akʼo xanojes jlikuk solisitude.
Ta skoj ti jelel tajek li abtelal ta Betele,
skʼan ti muʼyukuk ipot ta anopbene,
ta at-oʼontone xchiʼuk ta abekʼtale,
ti xuʼuk avuʼun jal xa-abtej jujun kʼakʼale.
Skʼan ti xatojob skʼelel,
stsʼibael xchiʼuk ti xanaʼuk
li kʼop ti chkʼopojik ta Betele.
Jaʼ sventa xachiʼin ta loʼil li buchʼutik te chtunik eke,
sventa xavichʼ chanubtasel xchiʼuk sventa xanaʼ
kʼuxi chachabi aba kʼalal te cha-abteje.
Li buchʼutik tskʼan chbatik ta Betele
skʼan xakʼ yeik ti chbatik junuk jabile,
jaʼo chchanubtasatik yoʼ teuk-o xtunik ta Betel.
Muʼyuk chkalkutik
ti skʼan xbatik ta universidad
o ti oy kʼusi mas
xchanik li buchʼutik tskʼan
chtakatik ta ikʼel yuʼun Betele.
Li kʼusi xuʼ xkoltaatik li
buchʼutik tskʼan chtunik ta Betele
jaʼ ti x-ochik ta prekursor regulare.
Li ta Betele jaʼ mas
chtun li tojol keremetike.
Pe ta jtijbekutik yoʼonton
skotolik li buchʼutik spas
yuʼun li kʼusi chichʼ kʼanele,
akʼo mi ermanaetik
ti akʼo stikʼ solisitudik
sventa chkoltavanik kʼuk sjalile.
Kʼalal chbat
koltavankutik kʼuk sjalil ta Betele,
te chkakʼtik venta ti ep kʼusi
xuʼ jpastik li ta yabtel Jeovae.
Mi chakʼan chbat tunan ta Betele,
¿kʼusi solisitud skʼan xakʼanbe li komite
sventa cholmantal ta atsobobbaile?
Ta skoj ti oy chaʼtose,
baʼyel kʼopono Jeova xchiʼuk
nopo lek ti kʼu yelan akuxlejale.
Jtose jaʼ li «Solicitud para el
programa de voluntarios» (A-19),
taje jaʼ sventa chbat
koltavankutik kʼuk sjalil,
xuʼ van jun xemana o jayibuk u.
O xuʼ jaʼ jkʼantik li
«Solicitud de ingreso en la Orden
Mundial de Siervos Especiales de Tiempo
Completo de los Testigos de Jehová» (A-8).
Li solisitud taje xuʼ
jnojestik mi ta jkʼan mas jal chbat
tunkutike, xuʼ van jun jabil o mas jal.
Mi tskʼanik ti xbat
koltavanan li Komite sventa Betele,
jaʼ xa te tsnopik bu tskʼanik mas koltael,
mi ta Betel o ta svaʼanel
salonetik o yan kʼusitik.
Kʼalal ta jnojestik li solisitude,
xkoʼolaj ti tsjambutik jun tiʼ na
sventa xijtun mas ta stojolal Jeova
xchiʼuk ti jkoltatik li s-organisasione.
Akʼo mi ta sjunul avoʼonton
chatun ta stojolal Jeova,
pe xuʼ van ti oy xa kʼusi
tsmakot sventa xatun ta Betele.
Pe xuʼ xatijbe yoʼonton
sventa xbatik li yantike.
Totil meʼiletik, chanbeik stalelal
li yajtuneltak Jeova ta voʼnee.
Jech kʼuchaʼal li Ana
xchiʼuk Elkana ti laj yakʼik
tunuk ta tsʼakal ora li skeremike.
Tsʼunbo ta yoʼonton
avalab anichʼnabik ti
xbat tunikuk ta Betele.
Tijbeik yoʼonton sventa
xtunik ta tsʼakal ora.
Akʼik iluk ta akuxlejalik
ti kʼupil sba li abtelale
xchiʼuk kʼupiluk noʼox sba
xaloʼiltabeik skʼoplal.
Mi xuʼ avuʼunike, ikʼik
batel li ta smeʼ nail abtelal
ta Nueva York (Estados Unidos),
o li ta Betel sbainoj
skʼelel li lum bu nakalote.
Mi jech chapasike,
chilik ta sat stukik li kʼusitik
chichʼ pasel ta Betel sventa xichʼ
pukbel skʼoplal li Ajvalilal yuʼun Diose.
Moletik ta tsobobbail,
koltaik li kerem tsebetik
sventa xpas yuʼunik li
kʼusitik chichʼ kʼanel ta Betele.
Li Jeovae chalbutik
jkotoltik ti xkakʼ kipaltik
sventa xijtun mas ta stojolale.
Jech kʼuchaʼal ta skʼakʼalil Isaiase,
li Jeovae xi tsjakʼbutik eke:
«¿Bochʼo ta jtac batel?
¿Bochʼo xuʼ chbat cʼopojuc ta jventatic?».
¿Mi jech van chatakʼ
kʼuchaʼal li Isaías ti xi laj yale:
«Liʼ oyun vuʼune, tacun batel»?
Akʼo persa ti xachʼi ta mantale
xchiʼuk ti xavakʼ ta avoʼonton
chatun mas ta stojolal Jeovae.
Mi jech chapase, xuʼ
van xatun ta Betel o ta yan
kʼupil sba abtelal ta tsʼakal ora,
xuʼ jaʼ jech te xatunes li avipal
yakʼojbot Jeova sventa xavichʼ ta mukʼe.
Jnaʼojkutik ti chavakʼbe
echʼel yipal sventa xata li
kʼusi chakʼan ta mantale.
Mu me xchʼay ta ajolik
ti jkʼanojotkutik tajeke.

¿Kʼusi skʼan xapas sventa xbat tunan ta Betel?
- 

¿Kʼusi skʼan xapas sventa xbat tunan ta Betel?

Xijmuyubaj ti ta smiyonal xa noʼox
krixchanoetik chtunik ta stojolal li Jeovae.
Ta smilal chlik tunikuk jujun xemana.
Li Jeovae chakʼ ti aniluk xchʼi li steklumale.
¡Toj labal sba!
Yoʼ lekuk xkil jbatik xchiʼuk Jeova,
ti jcholtik mantal xchiʼuk
jchanubtastik li krixchanoetike,
skʼan oy buchʼu spas li Vivliaetike,
li vunetike, li gravasionetike
xchiʼuk li videoetike.
¡Kʼupil sba li Betele!
Te chtunik ermanoetik ti yijik ta mantal
xchiʼuk ti mas to jmoj ch˗abtejik
xchiʼuk li yermanotak Kristo
sventa xichʼ koltael li
ermanoetik ta spʼejel balumile
xchiʼuk sventa xichʼ cholel li mantale.
Skotolik yakʼoj xkuxlejalik ta
stojolal Jeova xchiʼuk yichʼojik voʼ.
Jmoj ch˗abtejik
kʼuchaʼal jun utsʼ alalil.
Yilojik lek ti yakal chkʼot
ta pasel li Salmo 133:1:
Xijmuyubaj tajek ti oy ep
ermanoetik yakal chtunik li ta Betele
xchiʼuk ti laj yakʼ yipalik
sventa xtakeik ta ikʼele.
¿Mi oy xa anopoj chatun ta Betel ek?
Kʼalal chbat tunkutik ta Betele,
xkoʼolaj ti ta jkʼojtik junuk tiʼ na
ti ep kʼusi xuʼ jpastik
yoʼ xijtun ta stojolal Jeovae.
Melel onoʼox ti ep kʼusi
skʼan xkiktatik yoʼ xijbat ta Betele
xchiʼuk skʼan ta sjunuluk
koʼontontik xij-abtej ti bu mas chtune.
Jaʼ jech la spas li j-alkʼop Isaiase,
xi laj yal ta Isaías 6:8:
Kʼalal laj yaʼi Isaias ti xuʼ
xtun mas ta stojolal Jeovae,
xmuyubaj laj yal ti tskʼan tspase‏,
pe mu toʼox snaʼ 
lek kʼusi ch-akʼbat spas.
Snaʼoj ti jaʼ chtakat
ta ikʼel yuʼun Jeova sventa
spas jun abtelal ti stuk noʼox jeche,
jaʼ yuʼun laj yal ti tskʼan tspase.
Jaʼ jech yakʼoj ta ilel
stalelalik ek skotol li buchʼutik
chtunik ta Beteletik ta spʼejel balumile.
¿Kʼu yuʼun ep ermanoetik
tskʼan chbatik ta Betel?
Yuʼun skʼanojik li Jeovae.
Jaʼ chtijbat yoʼontonik yoʼ
tsotsuk skʼoplal xilik li Ajvalilale,
maʼuk li kʼusi tskʼan stukike.
Xi chal li livro
«Proclamadores» ta pajina 295:
«Maʼuk jun abtelal ti chichʼik-o
ojtikinel o ti tspasatik ta jkʼuleje.
Jaʼ oy ta yoʼontonik
yichʼel ta mukʼ li Jeovae xchiʼuk
xmuyubajik noʼox ti bu akʼbil svayebike,
li kʼusitik slajesike xchiʼuk
li yuni takʼin ch-akʼbatike».
¿Kʼusi sbalil staojik
 li buchʼutik chtunik Betele?
Staojik ep bendision li buchʼutik
lokʼem ta yoʼonton chbat tunikuke.
Stuk noʼox jech ti kʼu yelan jkʼanoj
jbakutike xchiʼuk ti jmoj oyunkutike.
Mu xkoʼolaj xchiʼuk li yan abtelaletike.
Liʼe kamigo jba jkotolkutik.
Mi jmoj snopben li krixchanoetike,
jmoj kʼusi tspasik xchiʼuk tskolta sbaik.
Jaʼ jech li ta Betele.
Muʼyuk toʼox van apasoj
li kʼusi cha-akʼbat apase,
pe oy ep ermanoetik ti xtojobik xa lek
ti oy ta yoʼonton tskoltaoxuk
sventa spas avuʼune.
Kʼalal chichʼ chanel te li teksto jujun
kʼakʼale xchiʼuk «Li Jkʼel osil ta toyole»,
te chakʼ sloʼilik ti jtunel kuʼunkutike
xchiʼuk ti tspat koʼontonkutike.
Te chkilkutik ti skʼanojik tajek Jeovae,
vaʼun li kʼusi chalike jaʼ
tskoltautik yoʼ jkʼankutik eke.
Liʼ ta Betele, jaʼ yajval
kabteltik li Jeovae.
Ep sbalil chil li kabteltike xchiʼuk
xaʼibe smelolal kʼu yelan chkaʼi jbatik.
Taje jaʼ ta jkʼantik-o xchiʼuk
xijmuyubaj chijtun ta stojolal.
Kʼalal ta jnopbe skʼoplal
li kʼusi chichʼ pasel liʼe:
ti chichʼ pasel vunetik
xchiʼuk chichʼ takel batele,
li videoetik sventa asamblea
rejionale xchiʼuk ti tsjelubtasik
ta jeltos kʼopetik li vunetike,
ximuyubaj tajek.
Kʼusiuk ti xi-akʼbat jpas liʼe, 
jaʼ yakal ta jkolta li yermanotak Kristoe,
jaʼ yuʼun ximuyubaj tajek.
Vaʼun chaʼa, ¿kʼusi
skʼan xapas yoʼ xatun ta Betel?
Li jtot jmeʼe ta jbikʼtal onoʼox la 
skoltaikun yoʼ xkakʼ ta koʼonton li mantale,
chkakʼbekutik yipal cholmantal akʼo
mi ta vakasion oyun o mi muʼyuk.
Taje jaʼ la skoltaunkutik yoʼ
xkakʼbekutik yipal li mantale
xchiʼuk jaʼ la skoltaun yoʼ jnaʼ
kʼusi ta jkʼan ta jpas ta jkuxlejal
xchiʼuk ti mu xchʼay
koʼonton li yan kʼusitike.
Toj lek xkaʼi skʼelel vun.
Vaʼun xi laj yalbun jun velta li jtote:
«¿Kʼu yuʼun mu xakʼel li Vivliae?».
Jnaʼoj ti skʼan jech jpase,
pe muʼyuk toʼox jkʼeloj sliklej li Vivliae.
Kʼalal tsuts kuʼun skʼelele,
jelem xa ox li jnopbene.
Jaʼ la jchʼun-o
ti melel li kʼusi ta jchane.
Jaʼ la skoltaun xtok sventa tsotsuk skʼoplal
xkil ti kʼu yelan xkil jba xchiʼuk Jeovae.
Taje jaʼ jtos ti kʼusi onoʼox tskʼan
jpas sventa jta li kʼusi jnopoje.
Ta toʼox jkolta jba ta
xchʼakel revista li ta jtsobobbaile.
Ta jkolta jba xtok ta skʼelel
li sonido xchiʼuk plataformae.
Jaʼ la skoltaun ti skʼan baxbolukune
xchiʼuk te li-abtej mas ta stojolal Jeova.
Oy onoʼox ta koʼonton chibat ta Betel,
jaʼ yuʼun chchiʼinikun
ta cholmantal li moletike.
Kʼalal chichibaj xchiʼuk xi ta jnope:
«Mu jta jnaʼ», «Mu xitakat ta ikʼel»
o «Mu spas kuʼun» xichie,
oy jun mol ti laj yakʼ kil jun teksto ti te chal
ti laj stsatsubtasbe yoʼonton Josue li Jeovae.
Toj labal sba laj kil xchiʼuk
la stsatsubtas koʼonton ek
ti xkakʼ persa sventa xibat ta Betele.
Kʼalal li-ay ta Betele
laj kil ti koʼolik noʼox kʼuchaʼal
yan ermanoetik li jbetelitaetike xchiʼuk
ti lek stalelalik ti ta jkʼan ta jchan eke.
Laj kil ti lek snaʼ xchʼamvanike
xchiʼuk ti chkʼanvanike.
Ta jkʼan jechuk jtalelal ek,
taje jaʼ la stij koʼonton
yoʼ jta li kʼusi ta jkʼane.
Mi chakʼan chbat tunan
ta Betele, oy kʼusitik skʼan xapas.
Skʼan ti akʼanojuk tajek li
Jeova xchiʼuk li s-organisasione,
taje te chvinaj mi
chachʼun li kʼusi chal Vivliae.
Skʼan jamal xil yantik
ti chʼiemot xa ta mantale.
Skʼan xachʼun li mantaletik
yakʼoj Jeova ti skʼan xapʼaj li
kʼusitik ibal sbae xchiʼuk li mulivajele.
Skʼan sakuk ajol
avoʼonton ta stojolal Jeova.
Vaʼun jun avoʼonton chavaʼi aba
xchiʼuk li s-organisasion Jeovae.
Skʼan jechuk xalap
akʼuʼ apokʼ xchiʼuk xameltsan
aba kʼuchaʼal jun yajtsʼaklom Kristo,
akʼo mi chakux avoʼonton.
Li ta Betele mu stakʼ jlap
jkʼuʼ jpokʼtik ti muʼyuk xa smelolale
o ti xijkoʼolaj xa xchiʼuk li
krixchanoetik ti muʼyuk chaʼiik mantale.
Li buchʼu tskʼan chbat ta Betele
skʼan mu skʼel mi jaʼuk xchikinta li
kʼusi mu lekuk sventa yajtsʼaklom Kristoe.
Taje te tsakal skʼoplal li pornografiae,
li sonetik ti muʼyuk lek ta aʼiele
o kʼusiuk noʼox ti yichʼoj mulivajel,
espiritismo o majbaile.
Li buchʼutik tskʼan chbatike skʼan 19
xa sjabilal o mu echʼemuk ta 35.
Bakʼintike chchʼamik
akʼo mi mas xa ta 35 sjabilal
ta skoj ti oy kʼusi
xtojob spasele, mi jaʼ doktor,
mi xtojob sjelubtasel kʼop o svaʼanel naetik,
mi xtojob ta fontanería,
mi xchanoj stsʼakel lus,
mi xtojob stunesel mukʼtik makinaetik,
mi xtojob ta karpinteroal o yan kʼusitik.
Mi xatojob spasel jtosuk taje,
chkalbotkutik ti akʼo xanojes jlikuk solisitude.
Ta skoj ti jelel tajek li abtelal ta Betele,
skʼan ti muʼyukuk ipot ta anopbene,
ta at-oʼontone xchiʼuk ta abekʼtale,
ti xuʼuk avuʼun jal xa-abtej jujun kʼakʼale.
Skʼan ti xatojob skʼelel,
stsʼibael xchiʼuk ti xanaʼuk
li kʼop ti chkʼopojik ta Betele.
Jaʼ sventa xachiʼin ta loʼil li buchʼutik te chtunik eke,
sventa xavichʼ chanubtasel xchiʼuk sventa xanaʼ
kʼuxi chachabi aba kʼalal te cha-abteje.
Li buchʼutik tskʼan chbatik ta Betele
skʼan xakʼ yeik ti chbatik junuk jabile,
jaʼo chchanubtasatik yoʼ teuk-o xtunik ta Betel.
Muʼyuk chkalkutik
ti skʼan xbatik ta universidad
o ti oy kʼusi mas
xchanik li buchʼutik tskʼan
chtakatik ta ikʼel yuʼun Betele.
Li kʼusi xuʼ xkoltaatik li
buchʼutik tskʼan chtunik ta Betele
jaʼ ti x-ochik ta prekursor regulare.
Li ta Betele jaʼ mas
chtun li tojol keremetike.
Pe ta jtijbekutik yoʼonton
skotolik li buchʼutik spas
yuʼun li kʼusi chichʼ kʼanele,
akʼo mi ermanaetik
ti akʼo stikʼ solisitudik
sventa chkoltavanik kʼuk sjalile.
Kʼalal chbat
koltavankutik kʼuk sjalil ta Betele,
te chkakʼtik venta ti ep kʼusi
xuʼ jpastik li ta yabtel Jeovae.
Mi chakʼan chbat tunan ta Betele,
¿kʼusi solisitud skʼan xakʼanbe li komite
sventa cholmantal ta atsobobbaile?
Ta skoj ti oy chaʼtose,
baʼyel kʼopono Jeova xchiʼuk
nopo lek ti kʼu yelan akuxlejale.
Jtose jaʼ li «Solicitud para el
programa de voluntarios» (A-19),
taje jaʼ sventa chbat
koltavankutik kʼuk sjalil,
xuʼ van jun xemana o jayibuk u.
O xuʼ jaʼ jkʼantik li
«Solicitud de ingreso en la Orden
Mundial de Siervos Especiales de Tiempo
Completo de los Testigos de Jehová» (A-8).
Li solisitud taje xuʼ
jnojestik mi ta jkʼan mas jal chbat
tunkutike, xuʼ van jun jabil o mas jal.
Mi tskʼanik ti xbat
koltavanan li Komite sventa Betele,
jaʼ xa te tsnopik bu tskʼanik mas koltael,
mi ta Betel o ta svaʼanel
salonetik o yan kʼusitik.
Kʼalal ta jnojestik li solisitude,
xkoʼolaj ti tsjambutik jun tiʼ na
sventa xijtun mas ta stojolal Jeova
xchiʼuk ti jkoltatik li s-organisasione.
Akʼo mi ta sjunul avoʼonton
chatun ta stojolal Jeova,
pe xuʼ van ti oy xa kʼusi
tsmakot sventa xatun ta Betele.
Pe xuʼ xatijbe yoʼonton
sventa xbatik li yantike.
Totil meʼiletik, chanbeik stalelal
li yajtuneltak Jeova ta voʼnee.
Jech kʼuchaʼal li Ana
xchiʼuk Elkana ti laj yakʼik
tunuk ta tsʼakal ora li skeremike.
Tsʼunbo ta yoʼonton
avalab anichʼnabik ti
xbat tunikuk ta Betele.
Tijbeik yoʼonton sventa
xtunik ta tsʼakal ora.
Akʼik iluk ta akuxlejalik
ti kʼupil sba li abtelale
xchiʼuk kʼupiluk noʼox sba
xaloʼiltabeik skʼoplal.
Mi xuʼ avuʼunike, ikʼik
batel li ta smeʼ nail abtelal
ta Nueva York (Estados Unidos),
o li ta Betel sbainoj
skʼelel li lum bu nakalote.
Mi jech chapasike,
chilik ta sat stukik li kʼusitik
chichʼ pasel ta Betel sventa xichʼ
pukbel skʼoplal li Ajvalilal yuʼun Diose.
Moletik ta tsobobbail,
koltaik li kerem tsebetik
sventa xpas yuʼunik li
kʼusitik chichʼ kʼanel ta Betele.
Li Jeovae chalbutik
jkotoltik ti xkakʼ kipaltik
sventa xijtun mas ta stojolale.
Jech kʼuchaʼal ta skʼakʼalil Isaiase,
li Jeovae xi tsjakʼbutik eke:
«¿Bochʼo ta jtac batel?
¿Bochʼo xuʼ chbat cʼopojuc ta jventatic?».
¿Mi jech van chatakʼ
kʼuchaʼal li Isaías ti xi laj yale:
«Liʼ oyun vuʼune, tacun batel»?
Akʼo persa ti xachʼi ta mantale
xchiʼuk ti xavakʼ ta avoʼonton
chatun mas ta stojolal Jeovae.
Mi jech chapase, xuʼ
van xatun ta Betel o ta yan
kʼupil sba abtelal ta tsʼakal ora,
xuʼ jaʼ jech te xatunes li avipal
yakʼojbot Jeova sventa xavichʼ ta mukʼe.
Jnaʼojkutik ti chavakʼbe
echʼel yipal sventa xata li
kʼusi chakʼan ta mantale.
Mu me xchʼay ta ajolik
ti jkʼanojotkutik tajeke.


-