JW subtitle extractor

Tena mampahery ty mahita olo an-tapitrisany
manoha ty fivavaha marina!
An’arivony maro zao ty lasa
mpanomponi-Jehovah sankerinandro.
Ataoni-Jehovah ze hampalaky
ty asa fijinjà henanizao,
le tena mahafaly antsika raha zay.
Manampy antsika hatanjaky
ara-panahy ty Baiboly,
ty boky noho gazety ara-baiboly
voho feo noho video rey.
Manampy antsika hamita soa ty asa fitoria
noho fampianara koa raha rey.
Fe ia ty mamboatsy ani-rey?
Pilasy miavaky ty Betela.
Kristiana matotsy ro manao
fanompoa masy ao,
sady miaraky miasa marìny
amy rahalahini-Kristy reo rozy.
Manompo ao rozy mba hanampea
ani-rahalahy amy tany toy iaby
noho hanohana ty asa fitoria.
Mpanomponi-Jehovah vita fanokanam-bata
noho vita batisa ty miharo amy Betela ao,
sady mahay miaraky miasa.
Tsapan-dozy raha
volanini-Salamo 133:1 iny hoe:
“Soa sady mahafalifaly lafa miharo petraky
noho miharo raiky ty mpirahalahy!”
Mahafaly ty mahita rahalahy noho anabavy
maro nampitombo ty fanompoany,
ka nanolotsy ty vatan-drozy ho
amy tombontsoa miavaky,
le ty hiasa amy Betela ao.
Iha koa va fa nieritseritsy
hanao ho zay?
Sahala mamaipaiky varavara hilira amy
tombontsoam-panompoa sankarazany iha
lafa miezaky mba ho
azoni-Betela ampiasà.
Eka,
mila mahafoy ty raha teantsika manoka noho
parè hanao ze asa ampanovy antsika tsika,
laha ta hanompo amy Betela ao.
Ho zay ty toe-tsay nananani-Isaia mpaminany,
voaresaky amy Isaia 6:8 ao:
“Bakeo nireko ty feoni-Jehovah
nivola hoe: ‘Ia ty hirahiko?
Ia ty hisolo tena anay?’
Le namaly aho hoe:
‘Toy aho iraho!’”
Nifaly biby Isaia lafa nahay hoe afaky
mampitombo ty fanompoany ani-Jehovah.
Avy le naneky ie, ndre tsy nihainy
soa aza hoe ino asa hataony io.
Laha vo nihaini-Isaia avao hoe manasa olo
mba hanao fanompoa miavaky Jehovah,
le avy le nanolo-tena ie.
Mana toe-tsay ho zay koa ty
fianakaviani-Betela amy tany toy iaby.
Ino marina ty tena mandrisiky ty
maro hanompo amy Betela ao?
Tea ani-Jehovah tsika,
ka ty tombontsoani-Fanjakà iny ro vatan-draha
marè amintsika fa tsy ty ahintsika.
Zao ty volanini-boky Mpitory,
amy pejy 295 ao:
“Tsy hoe lasa olo malaza na mpanarivo
ty olo raiky lafa miasa amy Betela ao.
Ta hanome voninahitsy ani-Jehovah rozy.
Afa-po amy ze amea an-drozy rozy,
tafilitsy amy zay ty hany, trano ipetraha
noho drala fanampea kelikely mba
hikarakarà ze raha ilàn-drozy manoka.”
Ino ty soa azo baka amy
fanompoa miavaky io?
Tena nahazo fitahia azy nahafoy ty vatany
mba hanompoa amy Betela ao rey.
Tena miavaky ty fitiava noho
ty fiharoa raiky amy Betela ato.
Tsy mitovy amy asa amy tontolo toy,
satria miaraky miasa amin’olo
tea ani-Jehovah iha sanandro.
Ty olo lafa mitovy toe-tsay, le mitovy
raha kendrè, sady mifanampy.
Ho zay ty amy Betela ato.
Mety hampanovy raha mbo
tsy nataonao ndraiky iha,
fe maro rahalahy noho anabavy mahay soa
ty fanaova ani-asa io amy Betela ato,
ka afaky manampy anao rozy.
Tena mandramby soa baka amy fotoam-pivavaha maray
noho fianara Tilikambo miaraky amy fianakaviani-Betela rey zahay,
satria mampahery noho azo orihy ty valin-teny
ameani-rahalahy noho anabavy reo.
Hitanao hoe tena tea
ani-Jehovah rozy,
le manampy anao mba ho
tea ani-Jehovah koa zay.
Jehovah ro Mpampiasa
anao amy Betela etoa.
Tsy hahita mpampiasa hankasitraky noho
hidary anao zao iha amy tontolo toy eto.
Mahavy anao ho falifaly noho
hanome ze farani-soa raha zay.
Maro ty raha vita amy Betela eto:
Mamokatsy boky noho mandefa azy,
mamboatsy video amy fivoriambe rey,
noho mandika azy amy safà maro.
Saky mieritseritsy ani-reo aho,
le velo ty sandriko.
Tena faly aho satria haiko hoe manoha
ani-rahalahini-Kristy reo aho,
amy ze kila asa ataoko
amy Betela etoa.
Ka ino ty azoni-tanora atao soa ho
afaky manompo amy Betela ao?
Nampeani-babako noho neniko
hifantoky amy raha ara-panahy aho.
Nanompo avao zahay trano raiky
tamy zaho mbo nikely,
sirtò lafa zaho tsy mianatsy rey.
Nanampy anay hifantoky amy
raha ara-panahy raha zay,
sady nanampy ahy hifantoky avao
amy raha kendreko rey,
fa tsy ho tandrè amy raha hafa.
Tea mamaky aho, ka nanontany
ahy babako ndraiky zay hoe:
“Manino laha Baiboly ro vakinao?”
Haiko hoe zay ty tokony hatao,
fe mbo tsy nivitako vaky
iaby Baiboly io.
Fa lafa nivitako vaky iaby
Baiboly io tafara atoy,
le niova ty fomba fisainako,
ka niresy lahatsy aho hoe io
vatany ty fahamarina.
Famakia Baiboly zay ro nanampy ahy hifantoky
amy ty fifandrambesako amy Jehovah,
sady io koa ty raha voalohany nila natao
mba hanatratsira raha kendrè ara-panahy.
Afaky nanampy amy fikarakarà
gazety anivo fiangona eo aho,
nanampy amy sonò, noho nandamy
ty sehatsy amy fivoria rey.
Nanampy ahy mba ho mpiasa
mazoto tombontsoa reo,
sady nanampy ahy mba hampitombo
ty fanompoako ani-Jehovah.
Farany, miaraky miasa amiko amy
fanompoa eny ty anti-panahy matetiky.
Hanompo amy Betela ty
raha kendreko tamy zay.
Nisy fotoa aho nieritseritsy hoe
‘tsy ho vitako zao zay’ na
‘sarotsy ty hahatratsirako ani-zay’,
‘aia, tsy ho tratsiko zao raha kendreko io.’
Nisy anti-panahy zay amy zay
nampitoro ahy andinin-teny.
Miresaky ty nanampeani-Jehovah
ani-Josoa mba hana fahasakia raha io.
Nanampy ahy hana fahasakia raha zay,
ka lasa afaky nanompo amy
Betela aho tafara atoy.
Lafa nitsidiky Betela aho,
le nihitako hoe manahaky
ty olo iaby avao ty olo ao,
fe mana toetsy soa,
ka teako hotahafy,
ohatsy hoe, tea mandramby
vahiny noho soa fanahy.
Lasa naniry hanatratsy ani-raha kendreko
ara-panahy iny amy zay aho,
manahaky an-drozy.
Ino iaby ty raha takỳ amin’olo raiky
ta hanompo amy Betela ao?
Mila mana fitiava laliky ani-Jehovah
noho ty fandaminany iha,
le asehonao amy fanoriha ty
raha volanini-Baiboly raha zay.
Tsy maintsy mana laza soa iha,
zany hoe olo araky ty fanahy.
Tokony hanoriky ty fitsipikini-Jehovah
mikasiky fandaisam-bata iha,
sady manalavitsy ty fahalotoa
noho ty fijangajangà.
Mila mana feoni-fieritsereta malio
anatrehani-Jehovah eo koa iha.
Hanampy anao hilamin-tsay raha zay
lafa miaraky amy fandaminani-Jehovah.
Tokony ho modely amy fisikìna
noho fihamìna iha.
Tokony ho hita avao hoe Kristiana iha
ndre tsy mivory na manompo aza.
Tsy ekè amy Betela ao ty fisikìna
misariky ty mason’olo,
na mahavy ty olo hieritseritsy hoe
tsy mpanomponi-Jehovah iha.
Tsy tokony hamaky, hijanjy,
na hanenty ze kila raha tsy mety amy
Kristiana ty mpameno fangataha.
Tafilitsy amy zay ty sary tiva,
moziky tsy mety amy Kristiana,
noho ty karaza fialam-boly
mampiseho fandaisam-bata raty,
fifandrambesa amy demonia,
na hasatà.
Tokony ho 19 tao zisiky 35 tao ty
mpameno fangataha hiasa amy Betela.
Mety ho ekè hameno fangataha avao
kindraiky azy fa mandilatsini-35 tao rey,
laha mana fahaiza manoka ilà amy Betela,
ohatsy hoe mana fahaiza amy fitsaboa,
fandikan-teny, fanorena,
fametaha tyò, elektrisitè,
mekanisien, na mpandrafitsy.
Afaky mameno fangataha ze mahay ani-reo
noho fa nahazo fiofana mikasiky ani-zay.
Tokony salama soa ara-tsay noho ara-pihetseham-po
iha mba ho afaky hiasa amy Betela amy fotoa iaby.
Tokony hatanjaky soa koa iha,
ka ho afaky hiasa anatiny lera maro.
Tokony hahay hamaky, hanoratsy,
noho hivola ty safà ofisialy ampiasàni-sampana
amy tany misy anao iha.
Hanampy anao raha zay mba ho afaky
hifanerasera amin’olo amy Betela ao,
handramby fampiofana, noho
hiasa soa lafa amy Betela ao.
Tokony ho parè hanompo ao tao raiky
fara-fahakeliny ty mpameno fangataha.
Hampiofany iha amy tao io, soa ho afaky
hanohy hanompo amy Betela ao avao.
Mikasiky fahaiza manoka zay,
le misy mieritseritsy fa tokony
hanohy fianara amy iniversitè
amy zay ho voakaiky hiasa amy Betela.
Fe tsy mampirisiky ani-zay zahay.
Ty fanaova mpisava lala ro fomba soa
hiomàna mba hanompoa amy Betela.
Rahalahy mpitovo ro tena ilà.
Ndre zay aza,
le afaky mameno fangataha hanao asa an-tsitrapo
tsy maharitsy ze mahafeno ty raha takỳ,
tafilitsy amy zay ty anabavy.
Laha manao asa an-tsitrapo
tsy maharitsy iha,
le mety hisokatsy ho anao
ty tombontsoa hafa,
ka afaky hampitombo ty
fanompoanao ani-Jehovah iha.
Laha ta hanompo amy Betela iha,
ino ty taratasy fangataha tokony halànao
amy Komitini-Fanompoani-Fiangona?
Misy karazany roe ty taratasy
fangataha azonao fenoe,
fe mivavaha tse le diniho
soa ty raha iainanao.
Afarani-zay,
le azonao angatahy amy anti-panahy
Fangataha ho Mpiasa An-tsitrapo (A-19).
Natao ho ani-ze ta hanao asa
antsitra-po tsy maharitsy fangataha io,
ohatsy hoe anatini-herinandro na
anatini-vola maromaro mitohitohy.
Na azonao atao koa ty mameno Fangataha ho Mpikambani-Mpanompo
amy Fotoa Iabini-Vavolombeloni-Jehovah (A-8).
Natao ho ani-ze afaky manompo
tao raiky na mihoatsy koa fangataha io.
Laha hitani-Komitini-Sampana hoe
misy asa azonao atao,
le rozy ro hanapa-kevitsy hoe
aia ty tena mety aminao,
amy Betela sa
amy asa fanorena.
Laha mameno fangataha iha,
le mety hisy varavara hivoha ho anao,
ka hitariky anao ho amy karazam-panompoa
hafa anivoni-fandaminani-Jehovah eo.
Eka, tsy ty olo iaby aloha ro
afaky manompo amy Betela ao,
ndre samby mahafoy ty vatany aza,
satria tsy mitovy ty
raha iainani-kiraidraiky.
Fe afaky mampirisiky ani-ze
afaky tsika.
Nareo baba noho neny,
tahafo ty modely nengani-baba noho
neny natahotsy a Ndranahary rey,
manahaky an-dry Hana noho Elkana.
Nifoin-drozy hanao fanompoa miavaky
hoani-Jehovah ty anakilahin-drozy.
Ampirisiho haniry hiasa amy
Betela ao koa ty anakinao.
Atorò an-drozy hoe tena soa
fanompoa amy fotoa iaby zao,
ka asehò amy ty ataonao noho
ty raha volaninao raha zay.
Laha mety,
le andeso hitsidiky ty foibentsika
a New York, a Etazonia atoy rozy,
na ataovo ze azonao atao mba hitsidihanareo
ty Betela amy sampana misy anareo any.
Rozy mihintsy amy zay ro hahita maso ty asa atao
amy Betela ao mba hanohana ty asani-Fanjakà iny.
Nareo anti-panahy,
ampeo ze tanora amy fiangonanareo
eo afaky mampitombo ty fanompoany.
Ampeo rozy hahafeno ty raha takỳ.
Mbo manasa olo hampitombo ty
fanompoany avao Jehovah henanizao.
Mbo manontany avao Ie hoe:
“Ia ty hirahiko?
Ia ty hisolo-tena anay?”
Hamaly manahaky ani-Isaia va iha hoe:
“Toy aho iraho!”
Mampirisiky anao zahay mba
hiezaky hihamatotsy ara-panahy
noho hanompo ani-Jehovah
amy ty fonao iaby.
Afara any, le mety
hahafeno ty raha takỳ iha,
ka ho afaky hanompo amy Betela ao
na hanao karazam-panompoa hafa.
Ho afaky hampiasa ty tanjaky noho ty hery
nameani-Jehovah anao iha amy zay mba hiderà azy.
Matokisa fa tea anao avao zahay,
satria mana toe-tsay feno
fahafoizam-bata iha,
ka manohy manatratsy raha kendrè
amy fanompoa ani-Jehovah avao.
.

Miezaha mba ho Azoni-Betela Ampiasà
- 

Miezaha mba ho Azoni-Betela Ampiasà

Tena mampahery ty mahita olo an-tapitrisany 
manoha ty fivavaha marina!
An’arivony maro zao ty lasa 
mpanomponi-Jehovah sankerinandro.
Ataoni-Jehovah ze hampalaky 
ty asa fijinjà henanizao,
le tena mahafaly antsika raha zay.
Manampy antsika hatanjaky 
ara-panahy ty Baiboly,
ty boky noho gazety ara-baiboly 
voho feo noho video rey.
Manampy antsika hamita soa ty asa fitoria 
noho fampianara koa raha rey.
Fe ia ty mamboatsy ani-rey?
Pilasy miavaky ty Betela.
Kristiana matotsy ro manao 
fanompoa masy ao,
sady miaraky miasa marìny 
amy rahalahini-Kristy reo rozy.
Manompo ao rozy mba hanampea 
ani-rahalahy amy tany toy iaby
noho hanohana ty asa fitoria.
Mpanomponi-Jehovah vita fanokanam-bata 
noho vita batisa ty miharo amy Betela ao,
sady mahay miaraky miasa.
Tsapan-dozy raha 
volanini-Salamo 133:1 iny hoe:
“Soa sady mahafalifaly lafa miharo petraky 
noho miharo raiky ty mpirahalahy!”
Mahafaly ty mahita rahalahy noho anabavy 
maro nampitombo ty fanompoany,
ka nanolotsy ty vatan-drozy ho 
amy tombontsoa miavaky,
le ty hiasa amy Betela ao.
Iha koa va fa nieritseritsy 
hanao ho zay?
Sahala mamaipaiky varavara hilira amy 
tombontsoam-panompoa sankarazany iha
lafa miezaky mba ho 
azoni-Betela ampiasà.
Eka,
mila mahafoy ty raha teantsika manoka noho 
parè hanao ze asa ampanovy antsika tsika,
laha ta hanompo amy Betela ao.
Ho zay ty toe-tsay nananani-Isaia mpaminany, 
voaresaky amy Isaia 6:8 ao:
“Bakeo nireko ty feoni-Jehovah 
nivola hoe: ‘Ia ty hirahiko?
Ia ty hisolo tena anay?’
Le namaly aho hoe: 
‘Toy aho iraho!’”
Nifaly biby Isaia lafa nahay hoe afaky 
mampitombo ty fanompoany ani-Jehovah.
Avy le naneky ie, ndre tsy nihainy 
soa aza hoe ino asa hataony io.
Laha vo nihaini-Isaia avao hoe manasa olo 
mba hanao fanompoa miavaky Jehovah,
le avy le nanolo-tena ie.
Mana toe-tsay ho zay koa ty 
fianakaviani-Betela amy tany toy iaby.
Ino marina ty tena mandrisiky ty
maro hanompo amy Betela ao?
Tea ani-Jehovah tsika,
ka ty tombontsoani-Fanjakà iny ro vatan-draha 
marè amintsika fa tsy ty ahintsika.
Zao ty volanini-boky Mpitory, 
amy pejy 295 ao:
“Tsy hoe lasa olo malaza na mpanarivo 
ty olo raiky lafa miasa amy Betela ao.
Ta hanome voninahitsy ani-Jehovah rozy.
Afa-po amy ze amea an-drozy rozy, 
tafilitsy amy zay ty hany, trano ipetraha
noho drala fanampea kelikely mba 
hikarakarà ze raha ilàn-drozy manoka.”
Ino ty soa azo baka amy 
fanompoa miavaky io?
Tena nahazo fitahia azy nahafoy ty vatany 
mba hanompoa amy Betela ao rey.
Tena miavaky ty fitiava noho 
ty fiharoa raiky amy Betela ato.
Tsy mitovy amy asa amy tontolo toy,
satria miaraky miasa amin’olo 
tea ani-Jehovah iha sanandro.
Ty olo lafa mitovy toe-tsay, le mitovy 
raha kendrè, sady mifanampy.
Ho zay ty amy Betela ato.
Mety hampanovy raha mbo 
tsy nataonao ndraiky iha,
fe maro rahalahy noho anabavy mahay soa 
ty fanaova ani-asa io amy Betela ato,
ka afaky manampy anao rozy.
Tena mandramby soa baka amy fotoam-pivavaha maray 
noho fianara Tilikambo miaraky amy fianakaviani-Betela rey zahay,
satria mampahery noho azo orihy ty valin-teny 
ameani-rahalahy noho anabavy reo.
Hitanao hoe tena tea 
ani-Jehovah rozy,
le manampy anao mba ho 
tea ani-Jehovah koa zay.
Jehovah ro Mpampiasa 
anao amy Betela etoa.
Tsy hahita mpampiasa hankasitraky noho 
hidary anao zao iha amy tontolo toy eto.
Mahavy anao ho falifaly noho 
hanome ze farani-soa raha zay.
Maro ty raha vita amy Betela eto:
Mamokatsy boky noho mandefa azy,
mamboatsy video amy fivoriambe rey,
noho mandika azy amy safà maro.
Saky mieritseritsy ani-reo aho, 
le velo ty sandriko.
Tena faly aho satria haiko hoe manoha 
ani-rahalahini-Kristy reo aho,
amy ze kila asa ataoko 
amy Betela etoa.
Ka ino ty azoni-tanora atao soa ho 
afaky manompo amy Betela ao?
Nampeani-babako noho neniko 
hifantoky amy raha ara-panahy aho.
Nanompo avao zahay trano raiky 
tamy zaho mbo nikely,
sirtò lafa zaho tsy mianatsy rey.
Nanampy anay hifantoky amy 
raha ara-panahy raha zay,
sady nanampy ahy hifantoky avao 
amy raha kendreko rey,
fa tsy ho tandrè amy raha hafa.
Tea mamaky aho, ka nanontany 
ahy babako ndraiky zay hoe:
“Manino laha Baiboly ro vakinao?”
Haiko hoe zay ty tokony hatao,
fe mbo tsy nivitako vaky 
iaby Baiboly io.
Fa lafa nivitako vaky iaby 
Baiboly io tafara atoy,
le niova ty fomba fisainako,
ka niresy lahatsy aho hoe io 
vatany ty fahamarina.
Famakia Baiboly zay ro nanampy ahy hifantoky 
amy ty fifandrambesako amy Jehovah,
sady io koa ty raha voalohany nila natao 
mba hanatratsira raha kendrè ara-panahy.
Afaky nanampy amy fikarakarà 
gazety anivo fiangona eo aho,
nanampy amy sonò, noho nandamy 
ty sehatsy amy fivoria rey.
Nanampy ahy mba ho mpiasa 
mazoto tombontsoa reo,
sady nanampy ahy mba hampitombo 
ty fanompoako ani-Jehovah.
Farany, miaraky miasa amiko amy 
fanompoa eny ty anti-panahy matetiky.
Hanompo amy Betela ty 
raha kendreko tamy zay.
Nisy fotoa aho nieritseritsy hoe
‘tsy ho vitako zao zay’ na 
‘sarotsy ty hahatratsirako ani-zay’,
‘aia, tsy ho tratsiko zao raha kendreko io.’
Nisy anti-panahy zay amy zay 
nampitoro ahy andinin-teny.
Miresaky ty nanampeani-Jehovah 
ani-Josoa mba hana fahasakia raha io.
Nanampy ahy hana fahasakia raha zay,
ka lasa afaky nanompo amy 
Betela aho tafara atoy.
Lafa nitsidiky Betela aho,
le nihitako hoe manahaky 
ty olo iaby avao ty olo ao,
fe mana toetsy soa, 
ka teako hotahafy,
ohatsy hoe, tea mandramby 
vahiny noho soa fanahy.
Lasa naniry hanatratsy ani-raha kendreko
ara-panahy iny amy zay aho,
manahaky an-drozy.
Ino iaby ty raha takỳ amin’olo raiky 
ta hanompo amy Betela ao?
Mila mana fitiava laliky ani-Jehovah 
noho ty fandaminany iha,
le asehonao amy fanoriha ty 
raha volanini-Baiboly raha zay.
Tsy maintsy mana laza soa iha, 
zany hoe olo araky ty fanahy.
Tokony hanoriky ty fitsipikini-Jehovah 
mikasiky fandaisam-bata iha,
sady manalavitsy ty fahalotoa 
noho ty fijangajangà.
Mila mana feoni-fieritsereta malio 
anatrehani-Jehovah eo koa iha.
Hanampy anao hilamin-tsay raha zay 
lafa miaraky amy fandaminani-Jehovah.
Tokony ho modely amy fisikìna 
noho fihamìna iha.
Tokony ho hita avao hoe Kristiana iha 
ndre tsy mivory na manompo aza.
Tsy ekè amy Betela ao ty fisikìna 
misariky ty mason’olo,
na mahavy ty olo hieritseritsy hoe 
tsy mpanomponi-Jehovah iha.
Tsy tokony hamaky, hijanjy,
na hanenty ze kila raha tsy mety amy 
Kristiana ty mpameno fangataha.
Tafilitsy amy zay ty sary tiva, 
moziky tsy mety amy Kristiana,
noho ty karaza fialam-boly 
mampiseho fandaisam-bata raty,
fifandrambesa amy demonia, 
na hasatà.
Tokony ho 19 tao zisiky 35 tao ty 
mpameno fangataha hiasa amy Betela.
Mety ho ekè hameno fangataha avao 
kindraiky azy fa mandilatsini-35 tao rey,
laha mana fahaiza manoka ilà amy Betela,
ohatsy hoe mana fahaiza amy fitsaboa, 
fandikan-teny, fanorena,
fametaha tyò, elektrisitè, 
mekanisien, na mpandrafitsy.
Afaky mameno fangataha ze mahay ani-reo 
noho fa nahazo fiofana mikasiky ani-zay.
Tokony salama soa ara-tsay noho ara-pihetseham-po 
iha mba ho afaky hiasa amy Betela amy fotoa iaby.
Tokony hatanjaky soa koa iha, 
ka ho afaky hiasa anatiny lera maro.
Tokony hahay hamaky, hanoratsy,
noho hivola ty safà ofisialy ampiasàni-sampana 
amy tany misy anao iha.
Hanampy anao raha zay mba ho afaky 
hifanerasera amin’olo amy Betela ao,
handramby fampiofana, noho
 hiasa soa lafa amy Betela ao.
Tokony ho parè hanompo ao tao raiky 
fara-fahakeliny ty mpameno fangataha.
Hampiofany iha amy tao io, soa ho afaky 
hanohy hanompo amy Betela ao avao.
Mikasiky fahaiza manoka zay,
le misy mieritseritsy fa tokony 
hanohy fianara amy iniversitè
amy zay ho voakaiky hiasa amy Betela.
Fe tsy mampirisiky ani-zay zahay.
Ty fanaova mpisava lala ro fomba soa 
hiomàna mba hanompoa amy Betela.
Rahalahy mpitovo ro tena ilà.
Ndre zay aza,
le afaky mameno fangataha hanao asa an-tsitrapo 
tsy maharitsy ze mahafeno ty raha takỳ,
tafilitsy amy zay ty anabavy.
Laha manao asa an-tsitrapo 
tsy maharitsy iha,
le mety hisokatsy ho anao 
ty tombontsoa hafa,
ka afaky hampitombo ty 
fanompoanao ani-Jehovah iha.
Laha ta hanompo amy Betela iha,
ino ty taratasy fangataha tokony halànao 
amy Komitini-Fanompoani-Fiangona?
Misy karazany roe ty taratasy 
fangataha azonao fenoe,
fe mivavaha tse le diniho 
soa ty raha iainanao.
Afarani-zay,
le azonao angatahy amy anti-panahy 
Fangataha ho Mpiasa An-tsitrapo (A-19).
Natao ho ani-ze ta hanao asa 
antsitra-po tsy maharitsy fangataha io,
ohatsy hoe anatini-herinandro na 
anatini-vola maromaro mitohitohy.
Na azonao atao koa ty mameno Fangataha ho Mpikambani-Mpanompo 
amy Fotoa Iabini-Vavolombeloni-Jehovah (A-8).
Natao ho ani-ze afaky manompo 
tao raiky na mihoatsy koa fangataha io.
Laha hitani-Komitini-Sampana hoe 
misy asa azonao atao,
le rozy ro hanapa-kevitsy hoe 
aia ty tena mety aminao,
amy Betela sa 
amy asa fanorena.
Laha mameno fangataha iha,
le mety hisy varavara hivoha ho anao,
ka hitariky anao ho amy karazam-panompoa 
hafa anivoni-fandaminani-Jehovah eo.
Eka, tsy ty olo iaby aloha ro 
afaky manompo amy Betela ao,
ndre samby mahafoy ty vatany aza,
satria tsy mitovy ty 
raha iainani-kiraidraiky.
Fe afaky mampirisiky ani-ze 
afaky tsika.
Nareo baba noho neny,
tahafo ty modely nengani-baba noho 
neny natahotsy a Ndranahary rey,
manahaky an-dry Hana noho Elkana.
Nifoin-drozy hanao fanompoa miavaky 
hoani-Jehovah ty anakilahin-drozy.
Ampirisiho haniry hiasa amy 
Betela ao koa ty anakinao.
Atorò an-drozy hoe tena soa 
fanompoa amy fotoa iaby zao,
ka asehò amy ty ataonao noho 
ty raha volaninao raha zay.
Laha mety,
le andeso hitsidiky ty foibentsika 
a New York, a Etazonia atoy rozy,
na ataovo ze azonao atao mba hitsidihanareo 
ty Betela amy sampana misy anareo any.
Rozy mihintsy amy zay ro hahita maso ty asa atao 
amy Betela ao mba hanohana ty asani-Fanjakà iny.
Nareo anti-panahy,
ampeo ze tanora amy fiangonanareo 
eo afaky mampitombo ty fanompoany.
Ampeo rozy hahafeno ty raha takỳ.
Mbo manasa olo hampitombo ty 
fanompoany avao Jehovah henanizao.
Mbo manontany avao Ie hoe: 
“Ia ty hirahiko?
Ia ty hisolo-tena anay?”
Hamaly manahaky ani-Isaia va iha hoe: 
“Toy aho iraho!”
Mampirisiky anao zahay mba 
hiezaky hihamatotsy ara-panahy
noho hanompo ani-Jehovah 
amy ty fonao iaby.
Afara any, le mety 
hahafeno ty raha takỳ iha,
ka ho afaky hanompo amy Betela ao 
na hanao karazam-panompoa hafa.
Ho afaky hampiasa ty tanjaky noho ty hery 
nameani-Jehovah anao iha amy zay mba hiderà azy.
Matokisa fa tea anao avao zahay,
satria mana toe-tsay feno 
fahafoizam-bata iha,
ka manohy manatratsy raha kendrè 
amy fanompoa ani-Jehovah avao.
.


-