JW subtitle extractor

Nu staba ta sirbi na un sidadi pikinoti di Alberta, na Kanadá
i dipôs nu kumesa ta ten fidjus.
Kantu nu muda un sidadi na Alaska, nu tinha 4 fidju.
I dipôs di un ténpu, nu fika ku 9 fidju.
Nu resebe kel responsabilidadi li,
nton nos ki é pai ku mai,
nu meste poi Reinu na primeru lugar; nu meste da un bon izénplu;
sta na runions i nu meste sta sénpri na pregason.
Nu tinha ki amaba Jeová más di ki tudu
asi pa nu ser bon izénplu pa nos fidjus.
Es djuda-nu ntende ma kuzê ki ta fazeba nos filís éra sirbi Jeová.
Através di ses izénplu
nos mai ku nos pai inxina-nu poi Reinu na primeru lugar,
Ku 9 fidju, ten sénpri txeu kuza pa faze.
Talvês bu pode distrai más faxi di sirbi Jeová.
Ten 9 fidju ta traze un monti dizafius.
Sin, alvês nos mai ta xintaba na se kadera
i ta parseba ma el ta staba txeu kansadu.
N ta lenbra di un bês ki dja daba óra di bai runion,
N staba txeu kansadu.
Nton N pensa na Isaías 40, undi ta fla ma ‘kes ki ta spéra na Jeová
ta torna ganha forsa.’
Nton N da kónta ma Jeová kreba pa N bai runion i el ta daba mi kel forsa.
Nton N faze orason i N pripara.
Tudu na présa.
Hebreus, ta nkoraja-nu pa nunka ‘ka nu dexa di sta na runion’.
Nha pai sénpri ta flaba nos di kel testu li.
Uns ténpu nu tinha ki viajaba uns dôs óra na invérnu, pa txiga na runion.
Nu ta txigaba na kaza la noti, ku tudu nos mininu kansadu
— i nos tanbê nu ta staba kansadu.
Es mostra-m ma runion é inportanti,
nton N ntende ma nunka nu ka debe para di bai runion.
Nha mai ku nha pai trena-nu pa nu bai pregason sénpri
sima nu ta bai pa runions.
É kel-la própi ki nu faze. Nu ka diskutiba.
Na sábadu nu ta labantaba sédu,
nu ta saíba di kaza i nu ta baba pregason.
Nu ka podia sô xinta na banku di tras di karu.
Nu sabia ma nu staba la pa bai da tistimunhu.
Désdi pikinoti nu sigi dretu izénplu di nos pai ku nos mai
na mostra ma nu ta preokupa ku otus algen.
Nton pamodi kel-la, nu gostaba di sai na pregason.
Kel-la pô-m ta ten un obijetivu.
N tinha revizitas pa N faze.
N tinha ki sabe kuzê ki N ta papiaba ku es i N tinha ki priparaba.
Na pregason, sénpri nu ta fazeba un pauza pamodi nos fidju
i pamodi nos tanbê.
Éra inportanti pa nos fidju xinti sábi na pregason
— nu ka ta obrigaba es nen nu ka ta sérba duru dimás ku es.
N ta pensa na Provérbios 22:6
ki ta fla pa ‘iduka mininu na kaminhu ki el debe anda’.
Es faze kel-la kantu es mostra-nu
ma sirbi Jeová éra más inportanti di ki ten txeu dinheru ô ten kuzas karu.
Jeová djuda-nu ser bon pai ku mai
Alguns bês nu fadja, má sénpri nu sabia ma Jeová é kel midjór Pai.
Nton si nu konsigiba inxina-s ama Jeová,
El ta djudaba nos.
Bon, nos família éra filís pamodi nu tinha Jeová na nos vida.
Tudu nos fidjus sta ta sirbi Jeová dretu.
Nu ta xinti txeu kontenti ku kel-la,
i nu ten sertéza ma Jeová tanbê sta txeu kontenti.

Dale i Nadja Bode: Jeová djuda-nu kria nóvi fidju na Alaska