JW subtitle extractor

Le ka káaj u nojochtal k-familiaeʼ
tiʼ kajaʼanoʼon kaʼach tiʼ junpʼéel
u chan kaajil Albertaeʼ.
Le ka taaloʼon kajtal way Craigeʼ
chéen cuatro k-paalal kaʼachi.
Baʼaleʼ ka máan kʼiineʼ náak
nueve u túulal.
U yantal u paalal máakeʼ
junpʼéel nojoch responsabilidad.
Kʼaʼabéet a kaʼanskoʼob, a tsʼáaik
táanil le Reino ichil a kuxtaloʼ,
a bin muchʼtáambal yéetel
a tsʼáaik a wóol teʼ kʼaʼaytajoʼ.
K-ojel kaʼacheʼ utiaʼal k-tsʼáaik
junpʼéel maʼalob ejemplo
tiʼ k-paalaleʼ táanil
unaj k-yaabiltik Jéeoba.
Kaʼansaʼabtoʼoneʼ
chéen jeʼel u yantaltoʼon
kiʼimak óolal wa k-meyajtik Jéeoba.
Yéetel baʼax tu beetaj k-taataʼobeʼ
tu kaʼansoʼobtoʼon bix jeʼel k-tsʼáaik
táanil le Reino ichil k-kuxtaloʼ.
Jach yaʼab baʼax yaan a beet wa
nueve u túulal a paalal.
Hasta jeʼel a tuklik minaʼan tiempo
a meyajtik Jéeobaeʼ.
Maʼ chéen chʼaʼabil
u líiʼsaʼal nueve paalaloʼobiʼ.
Yaan kʼiineʼ kéen kulak tu sillaeʼ kin
wilik jach táaj kaʼanaʼan.
Junpʼéel kʼiineʼ jach kaʼanaʼanen
utiaʼal in bin muchʼtáambal,
baʼaleʼ tin kʼaʼajsaj Isaías 40,
teʼeloʼ Jéeobaeʼ ku yaʼalikeʼ
«le máaxoʼob ku kʼubik u
yóoloʼob» tiʼ letiʼoʼ
«yaan u kaʼa antal u muukʼoʼob».
Tin naʼateʼ Jéeobaeʼ u kʼáat ka
xiʼiken muchʼtáambal
yéetel yaan u tsʼáaikten u muukʼil.
Orarnajeneʼ ka tin líiʼsinba
utiaʼal in biniʼ.
Mantatsʼ áalkabil k-máan kaʼachi.
U libroil Hebreoseʼ ku yaʼalikeʼ maʼ
unaj u xuʼulul k-muchʼikbaiʼ.
In papáeʼ mantatsʼ
ku kʼaʼajsiktoʼon kaʼachi.
Yaan kʼiineʼ tu tiempoil keʼeleʼ
ku bisiktoʼon
kex dos horas k-kʼuchul teʼ
muchʼtáambaloʼ.
Tsʼoʼoleʼ ku yáakʼabtal
kéen suunakoʼon t-otoch.
Maʼ chéen le paalaloʼob
ku kaʼanloʼob kaʼachoʼ, tak toʼon.
In wilik bix u tsʼáaik u yóol in taataʼob
utiaʼal u binoʼob muchʼtáambaleʼ
tu yáanten in wil jach
kʼaʼanaʼan u bin máakiʼ.
Letiʼobeʼ mantatsʼ tu kaʼansoʼobtoʼon
unaj k-tsʼáaik k-óol teʼ kʼaʼaytajoʼ
bey xan k-bin teʼ muchʼtáambaloʼoboʼ.
Suukchaj k-bin kʼaʼaytaj,
maʼ tsaaj ka aʼalaʼaktoʼoniʼ.
Utiaʼal sábadoeʼ temprano k-líikʼil
kaʼach utiaʼal k-bin kʼaʼaytaj.
Maʼ chéen k-bisaʼal utiaʼal
láakʼintikoʼobiʼ.
Baʼaxeʼ k-ojel unaj k-tʼaan tiʼ Jéeoba
yéetel le máakoʼoboʼ.
Desde t-chichnil
k-tsʼáaik k-óol k-áant le máakoʼob
jeʼex u beetik k-taataʼob kaʼachoʼ.
Le áantoʼon utiaʼal
k-disfrutartik le kʼaʼaytajoʼ.
Kin wuʼuyik yaan u biilal in kuxtal.
In wojel kʼaʼabéet kaʼach
in xíimbaltik jujuntúul máakoʼob,
le oʼolal unaj in líiʼskinba tubeel.
Le kéen jóokʼkoʼon kʼaʼaytajeʼ
yaʼab u téenel k-jáan jeʼelel.
Lelaʼ k-beetik tumen k-ojel ku kaʼanal
le mejen paalaloʼoboʼ, bey xan toʼon.
K-kʼáat kaʼach ka u
disfrutartoʼob le kʼaʼaytajoʼ,
le beetik k-chʼaʼik en cuenta
bix u yuʼubikubaʼob.
Kin kʼaʼajsik baʼax ku yaʼalik
Proverbios 22:6:
«Kaʼans le xiʼipal utiaʼal u bin teʼ
bej tuʼux unaj u binoʼ».
Jach letiʼe baʼax tu beetaj
in taataʼoboʼ,
tu tsʼáajoʼob táanil ichil u kuxtaloʼob
u meyajtikoʼob Jéeoba
tu lugar u binoʼob tu paach
ayikʼaliloʼob.
Jéeoba áantoʼon k-líiʼs k-paalal.
Maʼ tuláakal baʼax t-beetaj
jach maʼalobiʼ,
pero mantatsʼ tin kʼaʼaseʼ Jéeobaeʼ
letiʼe maas maʼalob taatatsiloʼ.
Chéen unaj
k-kaʼansik kaʼach k-paalal
u yaabiltoʼob Jéeoba, beyoʼ
letiʼ kun áantkoʼob.
U jaajileʼ, chéen yoʼolal u yáantaj
Jéeoba béeychaj k-líiʼsik k-paalal.
Tuláakloʼob táan
u meyajtikoʼob Jéeoba.
Leloʼ ku beetik
u jach kiʼimaktal k-óol
yéetel in wojel bey xan u
yuʼubikuba Jéeobaoʼ.

Dale yéetel Nadja Bode: Jéeoba áantoʼon k-líiʼs nueve paalal