JW subtitle extractor

Chí ñuu Alberta ñúʼundi̱ káchíñundi̱ nu̱ú Ndióxi̱
tá ki̱xáʼa ndu̱kuaʼá na̱ veʼendi̱.
Tá ki̱xaa̱ndi̱ ñuu Craig yóʼo,
ku̱mí xi̱kuu se̱ʼendi̱.
Tá ni̱ya̱ʼa tiempo i̱i̱n ni̱xa̱a̱na ku̱una.
Tá xa̱a̱ íyo se̱ʼeyó
iin chiñu káʼnuní kuu ña̱yóʼo.
Siʼna Reino Jehová xíniñúʼu kundi̱ʼi̱-iniyó xa̱ʼa̱,
xíniñúʼu ku̱ʼu̱nyó reunión
ta saátu xíniñúʼu keeyó natúʼunyó xíʼin na̱ yiví.
Tá xi̱kunindi̱ chinúundi̱ iin ejemplo ña̱ va̱ʼa
nu̱ú na̱ va̱lí se̱ʼendi̱
siʼna miíndi̱ xi̱xiniñúʼu kuʼvi̱-ini kuni Jehová.
Na̱ yivándi̱ ni̱na̱ʼa̱na nu̱úndi̱ ña̱,
si̱íní koondi̱ tá ná kachíñundi̱ nu̱ú Jehová.
Xíʼin ña̱ xi̱keʼé na̱ yivándi̱ ni̱na̱ʼa̱na nu̱úndi̱
ña̱ siʼna Reino Ndióxi̱ xi̱ndiʼi-inina xa̱ʼa̱.
Tá kúúmiíyó nueve na̱ va̱lí,
íyoní chiñu nu̱úyó.
Ña̱kán, nda̱a̱ kivi ka̱ʼa̱nyó
ña̱ xíniñúʼu ndakindeéyó.
Yo̱ʼvi̱ní kundaayó nueve na̱ va̱lí.
Ku̱a̱ʼání ña̱ yo̱ʼvi̱ yáʼayó nu̱ú.
Jaʼa̱...
Sava yichi̱ xi̱nakundúʼúñá nu̱ú tayi̱ñá
ta xi̱na̱ʼa̱ ña̱ xa̱a̱ ku̱naaníña...
Iin yichi̱ xa̱a̱ hora ña̱ ku̱ʼu̱nndi̱ reunión xi̱kuuña,
soo yi̱ʼi̱ ku̱naaníi̱.
Saá nda̱kaʼíi̱n ña̱ káʼa̱n Isaías 40,
nu̱ú káʼa̱n Jehová
ña̱ “na̱ kándíxa miíra taxira ndee̱ ndaʼa̱na”.
Mií Jehová kúú ta̱ xi̱kuni̱ ña̱ ku̱ʼi̱n reunión.
Xa̱ʼa̱ ña̱yóʼo
ke̱ʼíi̱ iin oración tasaá ki̱xáʼíi̱ nása̱mai̱
ña̱ va̱ʼa ku̱ʼi̱n reunión.
Ku̱a̱ʼání ña̱ʼa xi̱keʼéndi̱.
Nu̱ú Hebreos káʼa̱nña xíʼinyó
ña̱ kǒo sandákooyó ña̱ ndatakayó reuniónyó.
Ndiʼi tiempo xi̱ka̱ʼa̱n yivái̱ ña̱yóʼo.
Tá tiempo ña̱ xi̱koon nieve
ki̱ʼva u̱vi̱ hora xi̱ñuʼundi̱ yichi̱
saáví xi̱xaa̱ndi̱ reunión.
Tá xa̱a̱ ñuú xinandikóndi̱ veʼendi̱
ta xi̱xitondi̱ ña̱ xi̱kunaaní na̱ va̱lí se̱ʼendi̱...
ta saátu yóʼóva xi̱na̱ʼa̱ ña̱ xi̱kunaaníún.
Na̱ yivái̱ kǒo níxikuni̱na ya̱ʼana ni iin reunión,
ña̱ ke̱ʼé na̱yóʼo
chi̱ndeé yi̱ʼi̱ ña̱ chindayáʼvíi̱ ndiʼi reunión.
Na̱ yivái̱ xi̱ka̱ʼa̱nna xíʼinndi̱
ña̱ ndiʼi semana xi̱xiniñúʼu keendi̱ predicación
ta saátu ña̱ ku̱ʼu̱nndi̱ reunión.
Ña̱yóʼo kúú ña̱ xi̱keʼéndi̱ ndiʼi semana.
Xa̱a̱ xi̱kunda̱a̱-inindi̱ ña̱ ndiʼi sábado tá xi̱ta̱an
xi̱xiniñú’u keendi̱ natúʼundi̱ xíʼin na̱ yiví.
Xi̱kunda̱a̱-inindi̱ ña̱ su̱ví na̱ ku̱a̱ʼa̱n mií kúúndi̱
chi xi̱xiniñúʼu ka̱ʼa̱nndi̱ xíʼin na̱ yiví xa̱ʼa̱ Jehová.
Tá válívíndi̱ xi̱xitondi̱
ña̱ xi̱ndiʼiní-ini na̱ yivándi̱ xa̱ʼa̱ na̱ yiví,
ta saátu ki̱xáʼa kéʼé ndi̱ʼi̱,
ña̱kán xi̱kusi̱íní-inindi̱ tá xi̱keendi̱ predicación.
Xi̱kusi̱íní-inii̱ chi xi̱xiniñúʼu
ndikó tukui̱ kotoi̱ na̱ yiví na̱ xi̱ndaniʼíi̱
ña̱kán xi̱xiniñúʼu kaʼvi kúei̱ ña̱ va̱ʼa kunda̱a̱-ini
ndáaña ka̱ʼi̱n xa̱ʼa̱ xíʼinna.
Tá xi̱xa̱ʼa̱nndi̱ predicación,
sava yichi̱ xi̱ndakindeéndi̱ iin too loʼo.
Xi̱keʼéndi̱ ña̱yóʼo xa̱ʼa̱ na̱ va̱lí se̱ʼendi̱
xíʼin xa̱ʼa̱ miíndi̱.
Xi̱kunindi̱ ña̱ kusi̱í-inina
tá xi̱keena predicación
ña̱kán xi̱xiniñúʼu kotondi̱ ama kúú ña̱ xa̱a̱ xi̱kunaana.
Ndákanixi̱níi̱ xa̱ʼa̱ ña̱ káʼa̱n Proverbios 22:6:
“Sanáʼa̱ ta̱ loʼo se̱ʼún yichi̱ nu̱ú xíniñúʼu ku̱ʼu̱nra”.
Na̱ yivándi̱ ke̱ʼéna ña̱yóʼo
tá ni̱na̱ʼa̱na nu̱úndi̱ ña̱ ndáyáʼvika keʼéyó chiñu Ndióxi̱
nu̱úka ña̱ kundiku̱nyó sa̱tá ña̱ ku̱i̱ká.
Jehová chi̱ndeéra ndi̱ʼi̱
ña̱ va̱ʼaní sa̱náʼa̱ndi̱ na̱ va̱lí se̱ʼendi̱.
Sava yichi̱ ke̱ʼéndi̱ sava ña̱ʼa ña̱ va̱ása va̱ʼa,
soo xi̱kunda̱a̱-inii̱ ña̱ va̱ʼaní ini yiváyó Jehová.
Tá sánáʼa̱yó na̱ va̱lí se̱ʼeyó
ña̱ kuʼvi̱-inina kunina Jehová,
miíra chindeétáʼan xíʼinyó.
Va̱ʼaní íyondi̱ xíʼin na̱ veʼendi̱
chi ka̱ndíxandi̱ ña̱ káʼa̱n Jehová.
Ndiʼi na̱ se̱ʼendi̱ káchíñuna nu̱úra.
Ña̱yóʼo sákusi̱íníña-inindi̱,
ta saátu Jehová kúsi̱íní-inira.

Ta̱ Dale xíʼin ñá Nadja Bode: Jehová chi̱ndeétáʼanra xíʼinndi̱ ña̱ sa̱kuaʼnundi̱ nueve na̱ va̱lí se̱ʼendi̱ chí Alaska