JW subtitle extractor

Tei te hoê oire iti no Kanada mâua i te faaearaa.
Noaa mai nei ta mâua tamarii.
Haere atura mâua i Alaska.
E maha ta mâua tamarii i tera taime.
I teie nei, e iva ïa tamarii.
No ǒ mai tera hopoia ia Iehova ra.
Titauhia ia tuu i te Faatereraa arii na mua.
Ei metua, e tia ia horoa i te hi‘oraa maitai,
ia tae i te mau putuputuraa, ia tamau i roto i te taviniraa.
Ua ite mâua e titauhia ia here mâua ia Iehova no te riro ei hi‘oraa maitai no ta mâua mau tamarii.
Ua haapii mai raua, e oaoa matou, ia tavini matou ia Iehova.
Na roto i to raua hi‘oraa, ua haapii mai raua ia tuu i te Faatereraa arii na mua.
E tera e iva tamarii, mea ohipa roa.
Nehenehe atoa ïa ta oe taviniraa ia Iehova e tafifi.
E iva tamarii. E ere i te ohipa nainai.
Te tahi taime, faafaaea na o Mama i nia i to ’na parahiraa.
Oti roa o ’na i te rohirohi.
Haamana‘o ra vau i tera po, e putuputuraa ta matou.
Ua rohirohi roa vau.
Puta mai nei te Isaia pene 40.
Te na ô ra Iehova ‘e noaa te etaeta apî i te feia e tiaturi ia ’na.’
E horoa mai ïa Iehova i te puai ia tae iho â vau i te putuputuraa.
Pure atura vau e tia ’tura e haere.
Ru noa matou.
I roto i te Hebera, te parauhia ra “eiaha e faarue i ta tatou mau putuputuraa.”
Ta Papa ïa i haamana‘o noa mai.
I te tau to‘eto‘e, te tahi taime, titauhia ia tere matou e piti hora no te haere i te putuputuraa.
Ia ho‘i mai matou i te maororaa po, ua rohirohi roa aiû ma e o mâua atoa.
I haafaufaa noa na Papa raua Mama i te mau putuputuraa.
Papu atura ia ’u, eita e nehenehe e haere faatia ture noa.
Ua haapii mai raua ia tamau i roto i te taviniraa, e hoê â huru no te mau putuputuraa.
Ua ite iho â matou. Aita e faufaa ia paraparau.
Tia mai matou i te Mahana maa poipoi,
faaineine, faarue atu ai i te fare no te haere i roto i te taviniraa.
Eiaha ïa no te parahi noa i roto i te pereoo.
Ua ite maitai matou, ia haere matou e poro, paraparau iho â matou i te taata.
Mea anaanatae roa Papa ma i te taata.
Mai to matou nainairaa mai â, ua pee matou i to raua hi‘oraa.
No reira, ua au roa matou i te taviniraa.
E fa ta ’u i roto i te taviniraa. Ho‘i e farerei i te taata.
Faaineine eaha ta ’u e parau atu, faanaho ta ’u pororaa.
Ia haere matou i roto i te taviniraa,
faafaaea na matou no te tamǎrû i te mau tamarii e ia mâua atoa.
Ta mâua fa, ia riro te pororaa ei taime oaoa no ratou.
Eiaha ratou ia mana‘o mea etaeta roa, eiaha atoa ratou ia fiu.
Te na ô ra te Maseli 22:6
‘e haapii i te tamaiti i to ’na e‘a, e ore oia e faarue i taua e‘a ra.’
Ta Papa ma ïa i rave.
Ua tuu raua i te mau faufaa pae varua na mua i te mau faufaa materia.
Ua tauturu mai Iehova ia amo i ta mâua hopoia ei metua.
Ua hape mâua i te tahi taime.
O Iehova râ te Metua maitai roa ’‘e.
Ia manuïa mâua i te haapii ia ratou ia here ia ’na, na ’na e aupuru ia ratou.
Ua maitaihia to matou utuafare no te mea ua tuu matou ia Iehova i mua i roto i to matou oraraa.
Tei roto pauroa ta mâua mau tamarii i te parau mau.
Oaoa roa mâua. Eita e ore, oaoa roa atoa Iehova.

Dale e Nadja Bode: Ua tauturu mai Iehova ia aupuru i ta mâua e iva tamarii