JW subtitle extractor

Nanompo tamy ty tanàgne kedekede ta Alberta agne zahay,
le tagne zahay ty nanagne anake.
Efatse ty ana’ay tamy te zahay nifindra ta Craig agne
le nisive iareo naho fa niavy tetoa zahay.
Andraikitse lahibey ty magnampe o ajajao mba ho tea i Jehovah.
Mila manao i Fanjakagney amy
ty toeragne voaloha’e o rae aman-dreneo,
magnomey modely, zatse mivory, mazoto manompo.
Trea’ay tie izahay hey aloha ro toko’e
ho tea i Jehovah voaloha’e
mba ho modely hoahy o ana’ay reo.
Nampea iareo zahay mba hahatsapa
fa ty fanompoagne i Jehovah ro tena mahafale.
Naseho iareo tamy ty raha natao’e
fa i Fanjakagney ty toko’e hatao’ay voalohan-draha.
Sarotse avao aloha ty miteza ajaja sive zao.
Maro ty raha magnelengelegne ty fanompoa’o i Jehovah.
Tena maro ty olagne atrehegne amo o ajaja sive reo.
Misy fotoagne ty rene’ay te hitofa
ambone i seza’ey satria rokake.
Tsiaroko fa nisy fotoagne naho fa
nandeha nivory raho le tena nirokake,
feie nieretseretse ty Isaia 40 raho.
Hoe ty Jehovah ao tie:
‘Ze mitamà ahy avao ro hahazo hery indraike.’
Tsapako fa teà i Jehovah hivory raho
sady afake hagnomey hery ahiko reke.
Nivavake areke raho le niomagne.
Tena nisahiragne zahay.
Treantika amy boke Hebreo ao
fa tsy toko’e hahafoe ty “fiharoantika mivory” tikagne.
Izay avao ty raha nisaontsie i Baba.
Naho fa asotry i androy,
le mandeha agnate ty roe lera
zahay vaho avy am-pivoriagne agne.
Ie naho fa moly
le halegne vaho avy an-tragno agne
sady tena rokake i ajaja rey.
Ndra izahay ka aza rokake.
Trea fa tsy natao iareo ambanen-draha o fivoriagneo,
le nahavy ahy hihevetse ty fivoriagne
ho raha lahibey ka zay.
Nagnampe anay mba hihevetse ty fanompoagne ho lahibey
manahake ty fivoriagne ka o rae aman-drene’ay reo.
Izay vata’e ty natao’ay.
Fahazara’ay ty nanao izay.
Nifoha maraindraigne zahay naho fa Sabotsy,
enga’ay eo i tragno’aỳ, le manompo zahay.
Tsy mipetrake avao agnate tobile ao zahay
fa mirehake amo o ndatio ka ty miomba i Jehovah.
Nanomboke tamy izahay mbe nikede,
le nikezake avao nagnorike ty modely
nimey ty rae aman-drene’ay
amy ty fipaliagne ty raha mahasoa ty hafa.
Izay ty mahavy anay ho tea manompo.
Nahavy ahike hanagne tanjogne zay.
Nanao fiheregnagne mitilike raho.
Nomaneko soa ka ty raha horehafeko amy iareo.
Mateteke zahay mijanogne kedekede hey
naho fa manompo miarake amo o ajaja reo
amy izay sambe mitofatofa iaby.
Soa naho mahay manahatsahatse sady tsy hentetse loatse,
amy izay falefale avao iareo naho fa manompo.
Nieretseretse ty Ohabolana 22:6 raho.
Izao ty andika ty fandikan-drehake Byington aze:
‘Meo o ajajao ty fampiofagnagne toko’e ho azo’e.’
Nanao izay iareo naho fa nanao voalohan-draha ty fanompoagne.
Nagnampe anay mba hahay hiteza ty Jehovah.
Misy fotoagne tsy mete ty atao’ay.
I Jehovah avao ro Rae aman-drene tena mahay miteza.
Hiharine i Jehovah iareo naho mikezake
magnampe iareo mba ho tea Aze tikagne.
Nahomby ty keleia’ay satria managne i Jehovah zahay.
Manompo i Jehovah iaby sady tsy mivalike o ana’ay reo.
Tena mahafale anay zay,
le azo’ay antoke fa tena fale ka ty Jehovah.

Dale and Nadja Bode: Nagnampe Tamy ty Fitezagne i Ana’ay Sive rey ta Alaska Agne ty Jehovah