JW subtitle extractor

Zahay nipetraka ndreky nanompo tamy tanàna hely ta Alberta.
Zahay baka tio niteraka.
Tamy zahay nifindra ta Craig teto, zahay efa nisy zanaka efatra.
Zahay koa fa nipetraka teto sivy aby zanakanay.
Andraikitry maventy man̈ampy tsaiky ho tia Jehovah zen̈y.
Anten̈a raimandreny mila man̈ano voalohantoeran̈a
Fanjakan̈any Zan̈ahary;
mila man̈amia modely tsara;
mila tsy tapaka mandeha mivory;
mila mazoto mandeha manompo koa.
Zahay ten̈a nila tia Jehovah mandilatra raha jiaby,
baka ho ohatra tsara amindry zanakanay.
Iro nan̈ampy zahay hahita fa ten̈a
mampasambatra zahay manompo Jehovah.
Iro tsy nivolan̈a fo fa naboakandro akory atao man̈ano
voalohantoeran̈a Fanjakan̈any Zan̈ahary.
Miaraka amy tsaiky sivy zen̈y maro raha mandalo.
Zanakanao maro ke anao mety hahita tamban̈a fo
tsy han̈anovan̈a raha arapan̈ahy.
Manan̈a tsaiky sivy zen̈y maro raha sarotro hita.
Ia, ndraikindraiky mamanay mangala fipitrahan̈a foeky,
hitanao izy kajo mare.
Azoko onon̈o tandraraiky zay lera fandihanan̈a mivory,
zaho fa kajo mare.
Zaho nieritreritry Isaia 40, ao Jehovah mivolan̈a fa ‘lan̈iany olo man̈anten̈a izy
hahazo angovo ndraiky.’
Haiko fa zaho tiany Jehovah handeha hivory.
Ke izy han̈amia angovo zaho han̈ano zen̈y.
Zaho amy zay nivavaka avio zaho nan̈amboatra.
Mekimeky lava fo.
Aminy Hebreo ao, mampirisiky atsika baka tsy hahafoe ‘fiarahantsika mivory.’
Papanay matetiky mikoran̈a zen̈y.
Misy fotoan̈a koa fa ririnin̈y,
misy zahay mandeha hely tsy lera 2 amy lalan̈a koa fa mandeha mivory.
Alin̈y be koa vo avy antran̈o,
baka io tsaiky jiaby efa kajo, ndray anten̈a koa.
Ten̈a raha maventy tamindro fivorian̈a io,
ke zen̈y nampianatra zaho fa tsy tokony atao
lambilambindraha fo fivorian̈a.
Raimandreninay nampianatra zahay ho tia manompo tsy tapaka,
karaha fivorian̈a fo.
Efa hainay ino raha mila nataonay.
Ke efa tsy nan̈ontanintany eky.
Koa fa nifoha sabotsy maraindrain̈y, loso zahay
nandeha niboaka nanompo.
Zahay koa fa navy tan̈y tsy raha niambin̈y tan̈aty tomabily fo.
Hainay fa zahay nila nitory taminolo.
Ndray zahay mbala hely,
zahay ten̈a nan̈araka modeliny raimandreninay
ke nitady raha nahatsara olo fo.
Zen̈y nahavy zahay tia nandeha nanompo.
Zen̈y nahavy zaho nisy tanjon̈o.
Zaho nahazo fitsidihan̈a izikoa fa nitory.
Ke zaho nila nandiniky tsara ino raha handeha hikoran̈iko tamindro.
Zahay koa fa manompo matetiky zahay mangala kajo hely,
baka hampatsaratsara zanakanay ndreky zahay.
Ten̈a ilain̈a man̈ano raha hahavy iro tsaiky aby io hankafy fanompoan̈a,
fa tsy tiren̈a avio tsy mentitry loatra.
Zaho mieritreritry Ohabolana 22:6 amy fandikanteny Byington, hoizy:
‘Zara amy lalan̈a tokony himboany tsaiky.’
Nan̈ano zen̈y iro, naboakandro tsarabe fa fanompoan̈a Jehovah
maventy mandilatra fitadiavambola.
Jehovah nan̈ampy zahay hitarimy tsarabe zanakanay.
Ndraikindraiky tsy vitanay zen̈y,
kanefa haiko fa Jehovah io Raimandreny ten̈a tsara.
Ke izikoa vitanay mampianatra iro ho tia izy
Jehovah koa han̈ampy iro.
Nandroso fianakavian̈anay
fotony zahay nitavandra Jehovah fo tamy fiain̈ananay.
Zanakanay jiaby manompo Jehovah aby.
Ke zahay ravoravo mare amy raha zen̈y.
Zaho matoky fa ndray Jehovah koa mba ravoravo.

Dale Ndreky Nadja Bode: Jehovah Nan̈ampy Zahay Hitarimy Tsaiky Sivy ta Alaska