JW subtitle extractor

Uluk, ami serbí iha sidade kiʼik ida iha Alberta,
iha neʼebá ami komesa iha oan.
Ami iha oan naʼin haat kuandu ami muda mai rai-Alaska.
No depois hela iha neʼe, ami iha oan naʼin-sia.
Oan sira mak prezente husi Jeová, no nuʼudar inan-aman,
ita presiza buka uluk Maromak nia ukun,
presiza hatudu ezemplu diʼak,
presiza tuir reuniaun sira; presiza bá haklaken beibeik.
Ami presiza hadomi uluk Jeová,
atu nuneʼe ami bele hatudu ezemplu diʼak ba ami-nia oan sira.
Sira ajuda ona ami atu haree katak
serbí Jeová mak lori kontente.
Ami-nia inan-aman hanorin ami liuhusi sira-nia hahalok
kona-ba buka uluk Maromak nia ukun.
Tanba iha oan naʼin-sia, neʼe sempre okupadu.
Dala ruma susar atu tau fokus ba buat espirituál nian.
Atu haboot oan naʼin-sia mak la fasil, iha susar barak.
Sin, dala ruma nia uza tempu atu tuur deʼit iha kadeira,
tanba sente kole tebetebes.
Loron ida, iha tempu neʼebé atu tuir reuniaun,
haʼu sente kole tebetebes.
Maibé haʼu hanoin-hetan Isaias 40, Jeová dehan:
“Ema neʼebé tau esperansa ba Jeová sei hetan fali kbiit.”
Haʼu hatene Jeová hakarak haʼu ba tuir reuniaun.
Nia sei fó kbiit mai haʼu.
Entaun, haʼu halo orasaun, no haʼu bá.
Okupadu tebes.
Iha eskritura Ebreu, ita hetan anima
hodi la haluha atu “halibur hamutuk”.
Apá sempre temi kona-ba neʼe.
Dala ruma, ami presiza bá reuniaun iha tempu malirin,
karik presiza oras rua atu toʼo iha Reuniaun-Fatin.
No fila fali ba uma iha kalan-boot, neʼe halo labarik sira sente kole duni,
no ami rasik mós sente kole.
Haʼu-nia inan-aman sempre hatudu katak, reuniaun sira mak importante,
no la haree reuniaun hanesan buat neʼebé baibain deʼit.
Sira sempre fó treinu ami atu bá haklaken no tuir reuniaun beibeik.
Neʼe sai nuʼudar ami-nia toman.
Ami hatene saida mak ami sei halo.
Iha loron-Sábadu ami rasik hadeer sedu
hodi sai prontu atu bá haklaken.
Ami la hein deʼit iha karreta laran, ami hatene katak
ami mós presiza koʼalia ba ema kona-ba Jeová.
Husi kiʼik kedas, ami halo tuir inan-aman nia ezemplu
hodi hatudu interese ba ema.
Tan neʼe mak ami gosta tebes atu bá haklaken.
Neʼe halo haʼu iha objetivu ida.
Buka ema neʼebé interese atu halo vizita fali.
No halo planu uluk atu koʼalia kona-ba saida.
Kuandu haklaken hotu, ami buka tempu atu deskansa uitoan
hodi anima ami-nia oan sira.
Buat neʼebé importante mak atu oan sira kontente ho serbisu haklaken,
laʼós hodi obriga sira.
Haʼu hanoin kona-ba Provérbios 22 versíkulu 6 neʼebé dehan:
“Hanorin labarik atu laʼo iha dalan neʼebé diʼak ba nia.”
Entaun, sira halo nuneʼe duni hodi
tau uluk buat espirituál iha sira-nia moris.
Jeová ajuda ami atu sai inan-aman neʼebé diʼak.
Haʼu rekoñese katak Jeová
mak Aman neʼebé diʼak liu.
Se ami bele hanorin oan sira atu hadomi nia,
nia sei hakbesik ba sira.
Loloos, ami hetan susesu nuʼudar família
tanba ami sempre hakbesik ba Jeová.
Ami-nia oan hotu hakaʼas an atu serbí Jeová.
Ami kontente tebes kona-ba neʼe,
no haʼu fiar Jeová mós kontente.

Dale no Nadja Bode: Jeová ajuda ami haboot oan naʼin-sia iha rai-Alaska