JW subtitle extractor

K’alal lik epajuk li kutsʼ kalalkutike tey to’ox
chitunkutik ta jun bikʼit jteklum ta Alberta.
K’alal li talkutik ta naklej li ta Craige,
chanvoʼ to’ox kalabkutik
ta ts’akale k’ot ta balunvoʼ.
Tsots k’usi sba’inoj li jun totile,
tsk’an xavakʼ ta ilel ta akuxlejal
ti mas tsots sk’oplal chava’i li Ajvalilale,
li tsobajeletike xchi’uik li cholmantale.
Jna’ojkutik lek ti sventa
jchanubtaskutik lek li kalabkutike
sk’an xkak’kutik ta ilel
ti jk’anojkutik li Jeovae.
La skoltaunkutik
ti ja’ no’ox xuʼ ximuyubajkutik
mi litunkutik ta stojolal Jeovae.
Li jtot jmeʼ ja’ laj yakʼ kilkutik ti ja’
ba’yel sk’an xkak’ ta jkuxlejalkutik li Ajvalile.
K’alal oy balunvoʼ avalabe mu’yuk chakux,
ta skoj taje xuʼ van chaval ti mu xa
xaxokob spasbel yabtel li Jeovae.
Tsots ta ts’itesel li balunvoʼ ololetike
yu’un ep ta tos k’usi chanuptan.
Jech ya’uk, bateltike bat chotluk ta xila,
xvinaj ti lubem tajeke.
Jkoje ja’ xa’ox yorail
tsobajel pe lubemun xa tajek,
ja’ yu’un vul ta jol li k’usi
chal Isaias li 40, xi chale:
«li buch’utik jpatoj yoʼontonik ta stojolal
Jeovae ta stsatsubik yan velta».
Te laj yal kaʼi Jeova ti sk’an
xibat ta tsobajele, ja’ chak’ kipal.
Ja’ yu’un la jpas orasion
xchi’uk laj meltsan jba.
Sujomunkutik no’ox tajek.
Li ta Ebreose chal ti
mu xkikta jbatik li ta tsobajele,
li jtote jech-o ta svulesbunkutik ta jolkutik.
Oy van k’uk sjaliluk li ta yorail siktike
chichʼ kuʼunkutik chib ora
sventa xikʼotkutik li ta tsobajele.
Ikʼ xa chisutkutik tal ta jnakutik,
li ololetike lubemik xa tajek,
veno lubem chisutkutik tal ek.
K’alal chkil ti toj tsots skʼoplal
chilik tsobajel li jtot jmeʼe,
ja’ la skoltaun sventa jechuk xkil ek.
Chalilanbunkutik ti mu xkikta jbakutik
li ta cholmantale xchiʼuk li ta tsobajeletike.
Nopem xa xkaʼikutik jech spasel,
mu xa persauk xkalbe jbakutik.
Sob chilikutik li ta savadoe,
va’un chibatkutik ta cholmantal.
Mu nakauk no’ox chbat
chi’invankunkutik ta karo,
jnaʼojkutik ti skʼan xkalbetik
skʼoplal Jeova li krixchanoetike.
Ta jbikʼtalkutik onoʼox ja’
la jchanbe jtot jmeʼkutik ti k’u yelan
oy ta yoʼontonik li krixchanoetike
taje ja’ la skoltaunkutik sventa
jkʼupinkutik k’alal chilokʼkutik ta cholmantale.
Laj kaʼi ti oy stu li kʼusi ta jpase
ti skʼan chbat jvulaʼan
junantik krixchanoetike.
Ja’ yu’un, skʼan jchapan jba bal lek
sventa jna’ li kʼusi chkʼot kalbe.
K’alal chilokʼkutik ta
cholmantale ta onoʼox jkuxkutik
ja’ sventa xkuxik li ololetike
xchiʼuk li voʼonkutike.
Ta jkʼankutik ti skʼupinik
cholmantal li ololetike,
ja’ yu’un ta jtsakutik ta
venta ti bu k’alal xuʼ yuʼunike.
K’alal ta jnopbe
li skʼoplal li Proverbios 22:6
«Chanubtaso bu beal
k’an stam batel li kereme»
li jtot jmeʼkutike ja’ jech la
spasik k’alal laj yakʼik ta ilel
ti ja’ mas tsots skʼoplal chaʼiik li
k’usitik sventa mantale ti ma’uk li tak’ine.
Ja’ la skoltaunkutik Jeova
ta spasel li kʼusi jbainojkutike,
oy onoʼox kʼusi mu’yuk lek bat ta pasel
pe jnaʼoj lek ti ja’ lekil totil li Jeovae.
Mi laj chanubtasunkutik ta skʼanel
Jeova li ololetike ja’ xa chkoltaatik ek.
Ta skoj ti te xchi’inojunkutik
Jeova li ta kuts’ kalalkutike
lek bat li jkuxlejalkutike.
Skotol li kalab jnichʼnabkutike
tuk’ xtunik ta stojolal Jeova.
Taje ximuyubajkutik-o
xchiʼuk jnaʼoj ti jech
xmuyubaj li Jeova eke.

Dale xchiʼuk Nadja Bode: Li Jeovae la skoltaunkutik ta stsʼitesel li balunvoʼ kalabkutik te ta Alaskae