JW subtitle extractor

Nanompo tamy tanà kelikely
atao hoe Alberta zay zahay,
le tany ro teraky
ty ananay voalohany.
Efatsy ty ananay
tamy zahay vo nifindra ta Craig eto.
Sivy rozy henanizao.
Andraikitsy bevata ty miteza anaky.
Tsy maintsy manome modely soa iha,
manao voaloha lista ani-Fanjakà iny,
mandeha mivory
noho manompo tsy tampaky.
Tsy maintsy niezaky
ho tea ani-Jehovah koa zahay,
mba hotahafini-ananay reo.
Natoron-drozy anay avao hoe
ty fanompoa ani-Jehovah
ro tena mahasambatsy.
Tsy nampianatsy avao rozy,
fa nanome modely,
hoe manao akory
manao voaloha lista ani-Fanjaka iny zao.
Miaraky amy ajà sivy zay,
tsy maintsy manahira avao zisiky farany.
Voelingely koa ty fanompoan-drozy.
Tena manahira manan’anaky sivy zao,
tena manahira.
Eka,
misy fotoa ie mipetraky
ambony seziny eo avao,
tena hitanao hoe mokotsy ty ainy.
Tiaroko avao ndraiky zay,
fa lera handehana hivory amin’io,
fe tena nivozaky aho.
Bakeo nivetsevetseko ty Isaia 40,
kanao Jehovah mivola ho zao iny:
“Ze mitamà ani-Jehovah
ro hahazo hery ndraiky.”
Teani-Jehovah
laha mandeha mivory aho.
Hataony ze hahazoako hery
mba handehana.
Farany nivavaky aho, le nioma.
Fihentsena zao!
Nihitanay fampirisiha
amy Hebreo ao iny,
hoe tsy tokony “hahafoy
ty fiarahantsika mivory” zahay.
Firesahini-babako aminay
matetiky andininy io.
Nisy fotoa zahay nandeha,
tanatini-andro manintsy iny,
eo ho eo amy roe na telo lera eo
vo avy am-pivoria any.
Haly zahay vo avy an-trano,
vozaky iaby ajà reo,
ndre ty vatanao koa.
Tena vatan-draha amin-drozy ty fivoria.
Nihitako baka amy zay hoe
tsy tokony hatao
ambanin-draha ty fivoria.
Nandesin-drozy amy fanompoa eny
avao koa zahay,
manahaky fivoria io avao koa.
Nihainay ty tokony hatao.
Tsy misy aly hevitsy.
Mifoha maray zahay saky Sabotsy,
bakeo mioma le mandeha manompo.
Tsy nijano
anaty tomabily ao avao zahay.
Satria hainay hoe hanompo lianay io.
Tena tea olo baba noho neninay.
Mbo nikelikely zahay le fa nahita ani-zay.
Vokatsini-zay, lasa niteanay
ty nandeha nanompo.
Lasa nana raha kendrè aho.
Zaho lahy nana fitsidiha ka.
Fa mipetrapetraky koa
ty raha horesahiko amin-drozy.
Misy fotoa zahay mitofa kelikely tse
lafa amy fanompoa eny
mba ho falifaly ajà reo,
ndre zahay koa.
Teanay ho ren’aja reo tavy
ty fanompoa,
ka niezaky zahay
hahay handajalanja
fa tsy hentitsy loatsy.
Hoy ty asani-Ohabolana 22:6
amy fandikan-tenini-Byington:
“Anovo soa fanomboha ty ajà lahilahy.”
Nanoriky ani-zay rozy
lafa nanao voaloha lista
ty fanompoa ani-Jehovah,
alohani-hanana.
Nanampy anay hiteza
ani-ananay reo Jehovah.
Kindraiky tsy nety ty nataonay,
fe haiko hoe Jehovah avao
ro tena mahay miteza.
Ka laha ampianarinay
ho tea azy ananay reo,
le hanampy an-drozy koa Jehovah.
Nimety soa ty fiainanay moroanaky
satria nana ani-Jehovah avao zahay.
Manompo ani-Jehovah iaby
ananay rey henanizao.
Tena mahafaly anay raha zay,
le matoky koa aho fa
Jehovah koa falifaly.
.

Dale Noho Nadja Bode: Laha tsy Jehovah, Tsy Ho Nivitanay ty Niteza Ananay Sivy Reo