JW subtitle extractor

Haꞌekue-ꞌekueꞌi rami
mbaꞌeaxy vaikue ikuai.
Xapyꞌa rei ndee rendu ma oĩa
mbaꞌeaxy vaikue yvy jave rupi.
Mbaꞌexa tu haꞌeve renheangu?
Ndaꞌevei teve jajapo heta mbaꞌe.
Upe vaꞌe nhanemonguyje.
Haꞌe rã oĩ heta mbaꞌe jajapo aguã.
Upe vaꞌe mbyte py
oĩ iporã vaꞌe jajapo aguã:
jajoi nhande po.
Rejoi vaꞌerã nde po 20 segundos rupi
remomba aguã bactérias haꞌe vírus.
Iporã avi reiporu álcool em gel.
Nde jukuꞌa térã neaxĩa vy
reiporu ꞌrã kuaxia térã rejaoꞌi nde juru.
Repoko eme nde rovare
repoko rire mbaꞌemo re.
Nenheꞌẽrendu ke tuvixa kuery pe:
repyta aguã ndero py,
reiporu aguã máskara rexẽ jave
haꞌe
renhemombyry amboae gui.
Nembaꞌeaxy ramo nde pojava ke
renoĩ aguã médiko.
Iporã avi nhande pyꞌa porã ramo.
Erovia eme ayvu rive re
upe vaꞌe nhane mbopyꞌa eta rei.
Ndaꞌevei rexa rema notícias
nde pyꞌa renyẽ eꞌỹ aguã.
Reiporu kuaa ke ára nhavõ
haꞌe rejogueroayvu meme
ndero pygua kuery
haꞌe
neirũgue reve.
Upe vaꞌe iporã pavẽ py.
Oĩ avi iporã vaꞌe jajapo aguã.
Jesus oeka vaꞌekue oĩ ae’i
onhembo’e ha’e oikuaa pota aguã.
Ára nhavõ,
renhemoirũve vaꞌerã
Nhanderuete re.
Rejerovia vy reiko porã taa
nerenonderã py
nepytyvõ ta rejexavai ramo jepe.
Nheangua py
Jeová Regua Mombeꞌua Kuery
omombeꞌu amboae pe
ojerovia vaꞌe regua.
Haꞌe kuery omboꞌe Nhanderuete ayvu regua.
Haꞌe kuery onhemboaty
onhemboꞌe aguã Bíblia re
haꞌeve renhemboaty haꞌe kuery reve.
Nhemboatya py térã vídeo rupi.
Bíblia heꞌi Isaías 33:24 py:
“Neĩ peteĩ ve
“Xemba’eaxy” nde’i ’rã”.
Haꞌe gui,
“nhapẽxa rei eꞌỹ ha’e
jajerovia ete vaꞌerã”
heꞌia rami
Isaias 30:15 py.
Erombaraete aguã mbaꞌeaxy vaikue,
ndepyꞌa porã ke,
reikuaa pota haꞌe renheangu ke
nerexaĩ aguã.

Mbaꞌeaxy vaikue—Mbaꞌe pa jajapo nhanheangu aguã?