JW subtitle extractor

Aretin̈y mifindra efa nisy letry fa ela.
Taloha tan̈y, anao mety fa naharen̈y,
nisy valan̈aretin̈y tan̈tany hafa tan̈y.
Fa ino raha azonao atao, izikoa misy valan̈aretin̈y amy tany misy anao?
Maro ra tsy ho voafehinao momba zen̈y, ke mety hampavozo.
Fa mbala misy raha maro koa mety ataonao hiarovanao ain̈inao,
ndreky hahavy anao ho salama fo.
Sasany amindro dingan̈a ten̈a mahomby,
matetiky raha farany tsotra.
Karaha ataony manasa tan̈ana matetiky.
Izikoa anao manasa tan̈ana an̈atiny roapolo segondy,
savon̈o ndreky rano mety man̈adoso virus na baktery ndreky hampiala izio.
Anao koa mety mampiasa rano fan̈adiovan̈a tan̈ana vita amy alkoly mahery.
Anao koa fa mikohaka na mitsen̈y, rakofa mosoara.
na miondrefa amy filiferany bohotan̈ananao.
Ndreky aza mitanatana soranao.
Intsaka eky izikoa anao fa baka nitana raha hafa.
Areva toromariky amezany manampahefan̈a.
Mety ho an̈isanizen̈y mila midoko antran̈o hely atsendriky.
Man̈ano takombava izikoa fa miboaka.
Na man̈aja tsarabe elen̈elan̈a tsy maintsy atao antra olo hafa.
Ndreky izikoa anao marary, mikahia direkty Dokotera.
Raha maventy koa iarovanao fietsehamponao.
Koa maro loatra vaovao ratsy,
ndreky vaovao tsy ten̈a azo antoko
baka io ndray tatitry tsy mifan̈araka, mety hampiady sain̈y mare.
Mifen̈a haharaka vaovao,
kanefa mahaiza mandanjalanja.
Amy zen̈y anao tsy mahatsiaro sempotro loatra.
Mifen̈a baka hoisy raha atao fo
ndreky mifandraisa amy namanao ndreky fianakavian̈anao.
Anao man̈ano zen̈y mety han̈amia korazy iro.
ndreky hahavy anao hahatsapa ravoravo koa.
Ten̈a rahaa maventy koa ifen̈anao ho salama fo amy lafiny araiky ty an̈y:
Amy Baiboly ao nisy fotoan̈a Jesosy nitady fotoan̈a ninany manokan̈a,
mba hivavahan̈a ndreky hisaintsain̈ana.
Ke ampiasà fotoan̈anao sasany mba hikarakaran̈a fahasalaman̈anao arapan̈ahy.
Izikoa anao mifantoko amy fan̈antinan̈a ny hoavy mbala hahaihotsara,
ho moramora aminao hiatriky raha sarotro mandalo amy andra zioty.
Vavolombelon̈o Jehovah mifen̈y fo baka ho fatatra fan̈antinan̈,
ke mikoran̈a raha haindro io aminolo amy fomba tsy atahoran̈a azahoan̈a aretin̈y.
Ampianarindro olo raha ampianariny Baiboly.
Kaihiandro koa olo han̈anton̈o fivorian̈andro.
Izikoa mety iro miaraka mivory mivantan̈a,
izikoa mbala tsy mety, iro man̈ano fivorian̈a amy alalany video.
Baiboly mivolan̈a amy Isaia 33:24:
“Andra araiky an̈y tsisy olo eky hivolan̈a: ’Zaho zen̈y marary e!’.
Fa mandrapaviany zen̈y ambarany koa amy Isaia 30:15:
“Matokisa avio aza taitaitry, fa baka amy zen̈y azahoanaro angovo.”
Ke koa fa misy raha karaha ty mandalo, ataova erakany vitanao,
baka anao tsy ho taitaitry ndreky haharaka vaovao.
Baka io hahavy anao ho salama fo.

Valan̈aretin̈y Miparitaka: Ino Raha Azonao Atao?