JW subtitle extractor

U temail le baʼax ken
tsikbalt bejlaʼaʼ letiʼ lelaʼ:
«Mantatsʼ k-kʼaʼajsik bix
u chúukpajal a wóoleʼex».
¿Baʼax le chúukaʼan óolaloʼ?
Le tʼaan ich griego meyajnaj
ka tsʼíibtaʼab le Bibliaoʼ
ku tsʼáaik naʼatbil
maʼ u lúubul u yóol máak,
u seguer u tsʼáaik u yóol
yéetel u chúukpajal u yóol
kex yaan talamiloʼob.
Baʼaleʼ maʼ chéen u kʼáat u yaʼal
u yantaltoʼon u muukʼil
utiaʼal k-aktáantik le talamiloʼoboʼ.
Le máax ku chúukpajal u yóoleʼ
yaantiʼ esperanza.
Utiaʼal letiʼeʼ le muʼyajiloʼ bey jeʼex
u yaʼalik 2 Corintoiloʼob 4:17,
séeb u máan yéetel maʼ jach yaj
wa ka k-ket yéetel
le boʼol kun tsʼaabiltoʼonoʼ.
Utiaʼal k-tsolik bukaʼaj
kʼaʼabéetil le chúukaʼan óolaloʼ
yaan u meyajtoʼon le maletasaʼ.
Yaneʼ mejentak yéetel yaneʼ nuuktak.
Chéen baʼaleʼ maʼ k-ojel
jach bukaʼaj aalil cada junpʼéeliʼ.
Leloʼ yaan yil yéetel baʼax yaan ichil.
Yaan maletaʼobeʼ
kex nuuktakeʼ maʼ aaltakiʼ.
Baʼaleʼ yaneʼ kex
mejentakeʼ jach aaltakoʼob.
Lelaʼ jeʼel u béeytal k-ketik
yéetel le baʼaxoʼob k-aktáantik
le kéen tsʼoʼokok
k-kʼubik k-kuxtal tiʼ Jéeoba
yéetel le kéen káajak k-meyajtikoʼ.
Tumen maʼ k-jach ojel bukaʼaj yajil
le baʼaxoʼob ken k-aktáantoʼ.
Maʼ xaaneʼ k-chiʼichnaktal kaʼach
le kéen k-tukult
yaan k-aktáantik talamiloʼob.
Baʼaleʼ ka tsʼoʼokeʼ t-tsʼáaj cuentaeʼ
maʼ jach yajtak jeʼex k-tuklik kaʼachoʼ.
Baʼaleʼ yaan
baʼaxoʼob k-tuklik kaʼacheʼ
chéen chʼaʼabil ken k-beetil,
jeʼex k-bisikba
maʼalob yéetel u maasil
bey xan k-eʼesik yaabilaj tiʼob,
baʼaleʼ ka tsʼoʼokeʼ t-tsʼáaj cuenta
maʼ jach chéen
chʼaʼabil jeʼex k-tuklik kaʼachoʼ.
Tsʼoʼoleʼ jeʼel xan u jáan antaltoʼon
nukuch talamiloʼobeʼ,
jeʼex k-kʼojaʼantal,
u pʼáatal minaʼantoʼon taakʼin,
talamiloʼob ichil
k-familia wa uláakʼ baʼaloʼob.
Kʼaʼabéettoʼon chúukaʼan óolal
utiaʼal k-aktáantikoʼob.
K-kʼáat aʼalteʼexeʼ
le Cuerpo Gobernanteoʼ
jach u yaabiltmeʼex yoʼolal le
chúukaʼan óolal ka weʼeskeʼexoʼ.
Jach bey k-uʼuyikba
jeʼex u yaʼalik Pablo
tiʼ 1 Tesalonicailoʼob 1:2, 3.
Koʼox xokik baʼax tu yaʼalaj
tiʼ le sukuʼunoʼob chúukpaj u yóoloʼoboʼ:
«Mantatsʼ k-tsʼáaik gracias tiʼ Dios
kéen k-láaj kʼaʼajseʼex
ichil le oracionoʼob k-beetkoʼ,
tumen tu táan k-Dios le k-Taataoʼ,
mantatsʼ k-kʼaʼajsik le
baʼaxoʼob ka péeksaʼaleʼex
a beeteʼex tumen a fejeʼexoʼ,
le baʼaxoʼob ka beetkeʼex
tu yoʼolal a yaabilajeʼexoʼ
bey xan le
chúukaʼan óolal yaanteʼex
tu yoʼolal a esperanzaʼex
tiʼ Yuumtsil Jesucristooʼ».
¡Jach letiʼe baʼaxoʼob
k-uʼuyik ta woʼolaleʼexoʼ!
Ku líiʼsik k-óol yéetel
ku muʼukʼaʼankúuntik k-fe
k-ilik bix u chúukpajal a wóoleʼex.
Kex jeʼel baʼaxak ka a aktáanteʼexeʼ
confiarneneʼex tiʼ Jéeoba.
Letiʼeʼ u yojel jach
baʼax ka muʼyajtikeʼex
yéetel yaan u yáantkeʼex
utiaʼal a aktáantkeʼex.
Tuukulneneʼex tiʼ le jeʼeloʼ:
Jéeobaeʼ u yojel
jach baʼax ka muʼyajtikeʼex
yéetel yaan u yáantkeʼex.
¿Bix k-ojéeltik?
Tumen bey u yaʼalik le Biblia
tiʼ u tsʼíibil Hebreoʼob 6:10.
Teʼ tekstoaʼ le apóstol Pablooʼ
ku tsolik baʼaxten jach maʼalob
ka chúukpajak u yóol máak.
Koʼox xokik,
Hebreoʼob 6:10, ku yaʼalik:
«Tumen Dioseʼ maʼ kʼasaʼan
utiaʼal ka u tuʼubs
le meyaj ta beeteʼexoʼ
mix le yaabilaj ta weʼeseʼex
tu yoʼolal u kʼaabaʼoʼ,
tumen teʼexeʼ ta wáanteʼex
le máaxoʼob kiliʼichoʼoboʼ
yéetel láayliʼ táan
a wáantkeʼexoʼobeʼ».
Jeʼex tsʼoʼok k-ilkoʼ
Jéeobaeʼ maʼ tu tuʼubsik
le baʼaxoʼob k-beetkoʼ
tumen letiʼeʼ uts.
Letiʼeʼ maʼ chéen
ku yilik baʼax k-muʼyajtikiʼ,
ku yáantkoʼon k-aktáante.
¿Bix k-ojéeltik?
Tumen bey u yaʼalik le Biblia
tiʼ Filiposiloʼob 4:12, 13.
Koʼox ilik baʼax ku
yaʼalik le apóstol Pablooʼ,
juntúul máax jach chúukpaj u yóol.
Baʼaleʼ maʼ xaaneʼ jeʼel k-tuklikeʼ
teʼ kʼiinoʼob jeʼeloʼ
Pabloeʼ maʼ úuch káajak
u meyajtik Jéeobaiʼ,
u jaajileʼ yaan uláakʼ sukuʼunoʼobeʼ
maas úuch káajak
u meyajtikoʼob Jéeoba.
Chéen baʼaleʼ
le ka tu tsʼíibtaj le carta
tiʼ le filiposiloʼob teʼ año 60 wa 61,
tsʼoʼok u aktáantik
jejeláas talamiloʼob
yéetel yaʼab baʼaxoʼob
tsʼoʼok u muʼyajtik.
Teʼ cartaoʼ ku yaʼalik jujunpʼéel
baʼaxoʼob tu muʼyajtaj,
baʼaleʼ tu tsʼoʼokbal
le versículo 12, ku yaʼalik:
«Teneʼ tsʼoʼok in kanik
bix jeʼel u kiʼimaktal
in wóol tiʼ tuláakal baʼal
yéetel jeʼel bixak yanileneʼ;
kex wa naʼajen wa kex wiʼijen,
kex wa yaanten yaʼab baʼal
wa kex chéen junpʼíit».
Koʼox ilik xan baʼax
ku yaʼalik teʼ versículo 13:
«Yaanten u muukʼil utiaʼal
in beetik tuláakal baʼal,
tu yoʼolal le Máax tsʼáaikten
u páajtalil in beetkoʼ».
¿Baʼax ku kaʼansiktoʼon le jeʼeloʼ?
Ku kaʼansiktoʼoneʼ kex jeʼel
baʼaxak ka k-muʼyajteʼ,
maʼ ken k-aktáant chéen t-juunaliʼ,
Jéeobaeʼ yaan u yáantkoʼon.
Letiʼ kun tsʼáaiktoʼon
u muukʼil k-aktáantik.
Pabloeʼ mantatsʼ
confiarnaj tiʼ Jéeoba,
tumen ichil u kuxtaleʼ tu yilaj
bukaʼaj u páajtalil Jéeoba.
¿Bix úuchik u yilik?
Koʼox kʼaʼajsik
baʼaxoʼob tu aktáantaj
le ka yáax bin kʼaʼaytaj
yaanal luʼumiloʼoboʼ.
Pablo, Bernabé yéetel uláakʼ
máaxoʼob binoʼob tu yéeteleʼ
yaan u beetkoʼob
junpʼéel nojoch meyaj.
Baʼaleʼ ¿chéen chʼaʼabil
wa ken u beetiloʼob?
¿Yaan wa u bintiʼob maʼalobil?
¿Baʼax ta tʼaan ken u aktáantoʼob
yoʼolal le meyaj ken u beetoʼoboʼ?
Koʼox ilik baʼax úuchi.
Yáax tuʼux bin Pabloeʼ
Antioquía tiʼ Pisidia.
Teʼeloʼ jach maʼalob kʼaʼamik
le kʼaʼaytaj tu beetoʼoboʼ.
Joʼopʼ tak u kʼáat óoltaʼal tiʼob
ka suunakoʼob tuláakʼ sábado
u kaʼansoʼob u maasil
tiʼ le máakoʼoboʼ.
Bey maʼ ken u aktáantoʼob
talamiloʼob kaʼacheʼ, ¿máasaʼ?
Baʼaleʼ le ka suunajoʼobeʼ
tu aktáantoʼob jujunpʼéel talamiloʼob.
Kex yaʼab máax kʼam le
jatsʼuts baʼaloʼob tu kʼaʼaytoʼoboʼ,
le kʼasaʼan máakoʼob pʼekmiloʼoboʼ
tu beetoʼob u jóoʼsaʼaloʼob teʼ kaajoʼ,
tojolchʼintaʼaboʼob.
Ka tsʼoʼokeʼ Pabloeʼ bin Iconio,
le kaajaʼ 160 kilómetros
yanil tiʼ Antioquía.
Teʼ kʼiinoʼob jeʼeloʼ minaʼan tren,
autobús mix taxi utiaʼal u binoʼob,
le óolaleʼ xíimbalil úuchik u binoʼob.
¿Bix biniktiʼob
le ka kʼuchoʼob Iconiooʼ?
¿Bix úuchik u kʼaʼamal
tumen u kajnáaliloʼob Iconio
le jatsʼuts baʼaloʼob u yaʼalmaj
Jéeoba ka u kʼaʼaytoʼoboʼ?
U jaajileʼ anchaj jujuntúul
máaxoʼob kʼam le kʼaʼaytajoʼ.
Baʼaleʼ anchaj xan máaxoʼob
jach maʼ utschaj tu tʼaanoʼobiʼ.
Le oʼolal anchaj u kaʼa púutsʼloʼob.
Beoraaʼ anchaj u xíimbaltikoʼob
30 kilómetros utiaʼal u binoʼob Listra.
Tu káajbaleʼ
jach maʼalob bix biniktiʼob,
tsʼoʼoleʼ le máakoʼoboʼ tu tukloʼobeʼ
Pablo yéetel Bernabeeʼ diosoʼob.
Baʼaleʼ letiʼobeʼ tu yáantoʼob le
máakoʼob u kʼex u tuukuloʼoboʼ,
tu yeʼesoʼobeʼ chéen
Jéeoba unaj u adorartaʼal.
Baʼaleʼ chéen ka
jáan kʼuch le máakoʼob
desde Antioquía yéetel Iconio,
utiaʼal u beetkoʼob loob tiʼ Pablooʼ.
Jujuntúuloʼobeʼ jach u pʼekmoʼob Pablo,
le óolal tu xíimbaltoʼob 100 kilómetros
chéen utiaʼal u beetkoʼob loob tiʼ.
Le ka tu yiloʼobeʼ tu chʼiʼinchʼinoʼob
yéetel tu jíiltoʼob
u jóoʼsoʼob paach kaaj
tumen tu tukloʼob kimen.
¿Tu tukultaj
wa Pablo maʼ kun béeytal
u seguer u kʼaʼaytaj
tumen jach táan u muʼyaj?
¿Lúub wa u yóol
yéetel xuʼul u kʼaʼaytaj
tumen jach óolak kíimsaʼak
tumen le máaxoʼob pʼekmiloʼ?
Maʼ, letiʼeʼ chúukpaj u yóol.
Jeʼex Pabloeʼ, toʼon xaneʼ
kex ka chʼaʼpachtaʼakoʼoneʼ
unaj u chúukpajal k-óol.
¿Tu xúumpʼattaj
wa Pablo u kʼaʼaytaj?
Maʼ, mix baʼal
beet u xuʼulul u kʼaʼaytaj,
le oʼolal bin Derbe.
Chéen máans ta tuukul
le baʼax tu beetoʼ,
anchaj u xíimbaltik 100 kilómetros
utiaʼal ka xiʼik
kʼaʼaytaj tu kaajil Derbe.
Kex junpʼéel kʼiin
antes óolak kíimsaʼakeʼ,
seguernaj u yeʼesik
chúukaʼan u yóol tiʼ Jéeoba.
Baʼaleʼ maʼ chéen kunel
le baʼax tu beetoʼ,
tumen letiʼ yéetel
le máaxoʼob láakʼintoʼ
béeychaj u yáantkoʼob yaʼab
máak u meyajtoʼob Jéeoba.
Jeʼex tsʼoʼok k-ilkoʼ
Pabloeʼ yaʼab
talamiloʼob tu aktáantaj,
baʼaleʼ letiʼeʼ chúukpaj u yóol.
Maʼ xuʼul u kʼaʼaytajiʼ.
Baʼaleʼ yaan uláakʼ baʼax tu beetaj.
Koʼoneʼex kaxtik u libroil
Baʼaxoʼob capítulo 14.
Teʼ teksto ken k-xokaʼ
jach claro u yeʼesiktoʼon
bix úuchik u chúukpajal u
yóol le apóstol Pablooʼ.
Baʼaxoʼob 14:21, ku yaʼalik:
«Ka tsʼoʼok túun u kʼaʼaytikoʼob
le maʼalob péektsil teʼ kaajoʼ,
bey xan le ka tsʼoʼok u
beetkoʼob yaʼab disipuloʼobeʼ,
suunajoʼob tu kaajil Listra,
Iconio yéetel Antioquía».
Chéen tukulte: Pablo yéetel
le máaxoʼob láakʼintikoʼ
suunajoʼob teʼ kaajoʼob
tuʼux jach óolak kíimsaʼakoʼoboʼ.
¿Baʼaxten suunajoʼob?
Le versículo 22, ku yaʼalik
suunajoʼob u «muʼukʼaʼankúuntoʼob
u yóol u puksiʼikʼal le disipuloʼoboʼ,
tu líiʼsoʼob u yóol utiaʼal
maʼ u xuʼulul u tsʼáaik u fejoʼob
tiʼ le baʼaxoʼob
tsʼoʼok u kaʼansaʼaltiʼoboʼ
yéetel tu yaʼaloʼobtiʼob:
‹Yaʼab baʼaloʼob kʼaʼabéet k-muʼyajtik
utiaʼal ka ookkoʼon tu Reino Dios›».
Bey chan jelaʼan u yuʼubaʼaleʼ.
¿Bix ken u líiʼsil u yóol le disipuloʼob
wa ku yaʼaliktiʼob yaan u muʼyajoʼob?
Maʼ xaaneʼ bey jeʼel
u lúuʼsik u yóoloʼobeʼ.
Baʼaleʼ koʼox jach
ilik le baʼax tu yaʼaloʼ.
Letiʼeʼ maʼ chéen tu yaʼalaj:
«Yaʼab baʼaloʼob kʼaʼabéet k-muʼyajtik».
Tu yaʼalajtiʼob: «Yaʼab baʼaloʼob
kʼaʼabéet k-muʼyajtik
utiaʼal ka ookkoʼon tu Reino Dios».
Tu líiʼsaj u yóol
le disipuloʼob úuchik u yaʼalik
baʼax utsil ken u kʼamoʼob
ikil u chúukpajal u yóoloʼoboʼ.
Jeʼex tu yaʼalil Jesús tiʼ Mateo 10:22:
«Le máax kun chúukpajal u yóol
tak tu xuuleʼ letiʼ bíin u salvartuba».
¿Lelaʼ baʼax ku kaʼansiktoʼon?
U chúukpajal u yóol máakeʼ
maʼ chéen u kʼáat u yaʼal u yantaltiʼ
u muukʼil u aktáantik talamiloʼobiʼ.
U kʼáat u yaʼal
maʼ u lúubul u yóol máak
yéetel u jach creertik
baʼax ku yaʼalik le Biblia
tiʼ 2 Corintoiloʼob 4:17.
«Séeb u máan le muʼyajil[oʼ]
yéetel kex maʼ jach yajeʼ»
u boʼolileʼ mix bikʼin kun xuʼulul.

Mark Sanderson: Mantatsʼ k-kʼaʼajsik bix u chúukpajal a wóoleʼex
- 

Mark Sanderson: Mantatsʼ k-kʼaʼajsik bix u chúukpajal a wóoleʼex

U temail le baʼax ken
tsikbalt bejlaʼaʼ letiʼ lelaʼ:
«Mantatsʼ k-kʼaʼajsik bix
u chúukpajal a wóoleʼex».
¿Baʼax le chúukaʼan óolaloʼ?
Le tʼaan ich griego meyajnaj
ka tsʼíibtaʼab le Bibliaoʼ
ku tsʼáaik naʼatbil
maʼ u lúubul u yóol máak,
u seguer u tsʼáaik u yóol
yéetel u chúukpajal u yóol
kex yaan talamiloʼob.
Baʼaleʼ maʼ chéen u kʼáat u yaʼal
u yantaltoʼon u muukʼil
utiaʼal k-aktáantik le talamiloʼoboʼ.
Le máax ku chúukpajal u yóoleʼ
yaantiʼ esperanza.
Utiaʼal letiʼeʼ le muʼyajiloʼ bey jeʼex
u yaʼalik 2 Corintoiloʼob 4:17,
séeb u máan yéetel maʼ jach yaj
wa ka k-ket yéetel
le boʼol kun tsʼaabiltoʼonoʼ.
Utiaʼal k-tsolik bukaʼaj
kʼaʼabéetil le chúukaʼan óolaloʼ
yaan u meyajtoʼon le maletasaʼ.
Yaneʼ mejentak yéetel yaneʼ nuuktak.
Chéen baʼaleʼ maʼ k-ojel
jach bukaʼaj aalil cada junpʼéeliʼ.
Leloʼ yaan yil yéetel baʼax yaan ichil.
Yaan maletaʼobeʼ
kex nuuktakeʼ maʼ aaltakiʼ.
Baʼaleʼ yaneʼ kex
mejentakeʼ jach aaltakoʼob.
Lelaʼ jeʼel u béeytal k-ketik
yéetel le baʼaxoʼob k-aktáantik
le kéen tsʼoʼokok
k-kʼubik k-kuxtal tiʼ Jéeoba
yéetel le kéen káajak k-meyajtikoʼ.
Tumen maʼ k-jach ojel bukaʼaj yajil
le baʼaxoʼob ken k-aktáantoʼ.
Maʼ xaaneʼ k-chiʼichnaktal kaʼach
le kéen k-tukult
yaan k-aktáantik talamiloʼob.
Baʼaleʼ ka tsʼoʼokeʼ t-tsʼáaj cuentaeʼ
maʼ jach yajtak jeʼex k-tuklik kaʼachoʼ.
Baʼaleʼ yaan
baʼaxoʼob k-tuklik kaʼacheʼ
chéen chʼaʼabil ken k-beetil,
jeʼex k-bisikba
maʼalob yéetel u maasil
bey xan k-eʼesik yaabilaj tiʼob,
baʼaleʼ ka tsʼoʼokeʼ t-tsʼáaj cuenta
maʼ jach chéen
chʼaʼabil jeʼex k-tuklik kaʼachoʼ.
Tsʼoʼoleʼ jeʼel xan u jáan antaltoʼon
nukuch talamiloʼobeʼ,
jeʼex k-kʼojaʼantal,
u pʼáatal minaʼantoʼon taakʼin,
talamiloʼob ichil
k-familia wa uláakʼ baʼaloʼob.
Kʼaʼabéettoʼon chúukaʼan óolal
utiaʼal k-aktáantikoʼob.
K-kʼáat aʼalteʼexeʼ
le Cuerpo Gobernanteoʼ
jach u yaabiltmeʼex yoʼolal le
chúukaʼan óolal ka weʼeskeʼexoʼ.
Jach bey k-uʼuyikba
jeʼex u yaʼalik Pablo
tiʼ 1 Tesalonicailoʼob 1:2, 3.
Koʼox xokik baʼax tu yaʼalaj
tiʼ le sukuʼunoʼob chúukpaj u yóoloʼoboʼ:
«Mantatsʼ k-tsʼáaik gracias tiʼ Dios
kéen k-láaj kʼaʼajseʼex
ichil le oracionoʼob k-beetkoʼ,
tumen tu táan k-Dios le k-Taataoʼ,
mantatsʼ k-kʼaʼajsik le
baʼaxoʼob ka péeksaʼaleʼex
a beeteʼex tumen a fejeʼexoʼ,
le baʼaxoʼob ka beetkeʼex
tu yoʼolal a yaabilajeʼexoʼ
bey xan le
chúukaʼan óolal yaanteʼex
tu yoʼolal a esperanzaʼex
tiʼ Yuumtsil Jesucristooʼ».
¡Jach letiʼe baʼaxoʼob
k-uʼuyik ta woʼolaleʼexoʼ!
Ku líiʼsik k-óol yéetel
ku muʼukʼaʼankúuntik k-fe
k-ilik bix u chúukpajal a wóoleʼex.
Kex jeʼel baʼaxak ka a aktáanteʼexeʼ
confiarneneʼex tiʼ Jéeoba.
Letiʼeʼ u yojel jach
baʼax ka muʼyajtikeʼex
yéetel yaan u yáantkeʼex
utiaʼal a aktáantkeʼex.
Tuukulneneʼex tiʼ le jeʼeloʼ:
Jéeobaeʼ u yojel
jach baʼax ka muʼyajtikeʼex
yéetel yaan u yáantkeʼex.
¿Bix k-ojéeltik?
Tumen bey u yaʼalik le Biblia
tiʼ u tsʼíibil Hebreoʼob 6:10.
Teʼ tekstoaʼ le apóstol Pablooʼ
ku tsolik baʼaxten jach maʼalob
ka chúukpajak u yóol máak.
Koʼox xokik,
Hebreoʼob 6:10, ku yaʼalik:
«Tumen Dioseʼ maʼ kʼasaʼan
utiaʼal ka u tuʼubs
le meyaj ta beeteʼexoʼ
mix le yaabilaj ta weʼeseʼex
tu yoʼolal u kʼaabaʼoʼ,
tumen teʼexeʼ ta wáanteʼex
le máaxoʼob kiliʼichoʼoboʼ
yéetel láayliʼ táan
a wáantkeʼexoʼobeʼ».
Jeʼex tsʼoʼok k-ilkoʼ
Jéeobaeʼ maʼ tu tuʼubsik
le baʼaxoʼob k-beetkoʼ
tumen letiʼeʼ uts.
Letiʼeʼ maʼ chéen
ku yilik baʼax k-muʼyajtikiʼ,
ku yáantkoʼon k-aktáante.
¿Bix k-ojéeltik?
Tumen bey u yaʼalik le Biblia
tiʼ Filiposiloʼob 4:12, 13.
Koʼox ilik baʼax ku
yaʼalik le apóstol Pablooʼ,
juntúul máax jach chúukpaj u yóol.
Baʼaleʼ maʼ xaaneʼ jeʼel k-tuklikeʼ
teʼ kʼiinoʼob jeʼeloʼ
Pabloeʼ maʼ úuch káajak
u meyajtik Jéeobaiʼ,
u jaajileʼ yaan uláakʼ sukuʼunoʼobeʼ
maas úuch káajak
u meyajtikoʼob Jéeoba.
Chéen baʼaleʼ
le ka tu tsʼíibtaj le carta
tiʼ le filiposiloʼob teʼ año 60 wa 61,
tsʼoʼok u aktáantik
jejeláas talamiloʼob
yéetel yaʼab baʼaxoʼob
tsʼoʼok u muʼyajtik.
Teʼ cartaoʼ ku yaʼalik jujunpʼéel
baʼaxoʼob tu muʼyajtaj,
baʼaleʼ tu tsʼoʼokbal
le versículo 12, ku yaʼalik:
«Teneʼ tsʼoʼok in kanik
bix jeʼel u kiʼimaktal
in wóol tiʼ tuláakal baʼal
yéetel jeʼel bixak yanileneʼ;
kex wa naʼajen wa kex wiʼijen,
kex wa yaanten yaʼab baʼal
wa kex chéen junpʼíit».
Koʼox ilik xan baʼax
ku yaʼalik teʼ versículo 13:
«Yaanten u muukʼil utiaʼal
in beetik tuláakal baʼal,
tu yoʼolal le Máax tsʼáaikten
u páajtalil in beetkoʼ».
¿Baʼax ku kaʼansiktoʼon le jeʼeloʼ?
Ku kaʼansiktoʼoneʼ kex jeʼel
baʼaxak ka k-muʼyajteʼ,
maʼ ken k-aktáant chéen t-juunaliʼ,
Jéeobaeʼ yaan u yáantkoʼon.
Letiʼ kun tsʼáaiktoʼon
u muukʼil k-aktáantik.
Pabloeʼ mantatsʼ
confiarnaj tiʼ Jéeoba,
tumen ichil u kuxtaleʼ tu yilaj
bukaʼaj u páajtalil Jéeoba.
¿Bix úuchik u yilik?
Koʼox kʼaʼajsik
baʼaxoʼob tu aktáantaj
le ka yáax bin kʼaʼaytaj
yaanal luʼumiloʼoboʼ.
Pablo, Bernabé yéetel uláakʼ
máaxoʼob binoʼob tu yéeteleʼ
yaan u beetkoʼob
junpʼéel nojoch meyaj.
Baʼaleʼ ¿chéen chʼaʼabil
wa ken u beetiloʼob?
¿Yaan wa u bintiʼob maʼalobil?
¿Baʼax ta tʼaan ken u aktáantoʼob
yoʼolal le meyaj ken u beetoʼoboʼ?
Koʼox ilik baʼax úuchi.
Yáax tuʼux bin Pabloeʼ
Antioquía tiʼ Pisidia.
Teʼeloʼ jach maʼalob kʼaʼamik
le kʼaʼaytaj tu beetoʼoboʼ.
Joʼopʼ tak u kʼáat óoltaʼal tiʼob
ka suunakoʼob tuláakʼ sábado
u kaʼansoʼob u maasil
tiʼ le máakoʼoboʼ.
Bey maʼ ken u aktáantoʼob
talamiloʼob kaʼacheʼ, ¿máasaʼ?
Baʼaleʼ le ka suunajoʼobeʼ
tu aktáantoʼob jujunpʼéel talamiloʼob.
Kex yaʼab máax kʼam le
jatsʼuts baʼaloʼob tu kʼaʼaytoʼoboʼ,
le kʼasaʼan máakoʼob pʼekmiloʼoboʼ
tu beetoʼob u jóoʼsaʼaloʼob teʼ kaajoʼ,
tojolchʼintaʼaboʼob.
Ka tsʼoʼokeʼ Pabloeʼ bin Iconio,
le kaajaʼ 160 kilómetros
yanil tiʼ Antioquía.
Teʼ kʼiinoʼob jeʼeloʼ minaʼan tren,
autobús mix taxi utiaʼal u binoʼob,
le óolaleʼ xíimbalil úuchik u binoʼob.
¿Bix biniktiʼob
le ka kʼuchoʼob Iconiooʼ?
¿Bix úuchik u kʼaʼamal
tumen u kajnáaliloʼob Iconio
le jatsʼuts baʼaloʼob u yaʼalmaj
Jéeoba ka u kʼaʼaytoʼoboʼ?
U jaajileʼ anchaj jujuntúul
máaxoʼob kʼam le kʼaʼaytajoʼ.
Baʼaleʼ anchaj xan máaxoʼob
jach maʼ utschaj tu tʼaanoʼobiʼ.
Le oʼolal anchaj u kaʼa púutsʼloʼob.
Beoraaʼ anchaj u xíimbaltikoʼob
30 kilómetros utiaʼal u binoʼob Listra.
Tu káajbaleʼ
jach maʼalob bix biniktiʼob,
tsʼoʼoleʼ le máakoʼoboʼ tu tukloʼobeʼ
Pablo yéetel Bernabeeʼ diosoʼob.
Baʼaleʼ letiʼobeʼ tu yáantoʼob le
máakoʼob u kʼex u tuukuloʼoboʼ,
tu yeʼesoʼobeʼ chéen
Jéeoba unaj u adorartaʼal.
Baʼaleʼ chéen ka
jáan kʼuch le máakoʼob
desde Antioquía yéetel Iconio,
utiaʼal u beetkoʼob loob tiʼ Pablooʼ.
Jujuntúuloʼobeʼ jach u pʼekmoʼob Pablo,
le óolal tu xíimbaltoʼob 100 kilómetros
chéen utiaʼal u beetkoʼob loob tiʼ.
Le ka tu yiloʼobeʼ tu chʼiʼinchʼinoʼob
yéetel tu jíiltoʼob
u jóoʼsoʼob paach kaaj
tumen tu tukloʼob kimen.
¿Tu tukultaj
wa Pablo maʼ kun béeytal
u seguer u kʼaʼaytaj
tumen jach táan u muʼyaj?
¿Lúub wa u yóol
yéetel xuʼul u kʼaʼaytaj
tumen jach óolak kíimsaʼak
tumen le máaxoʼob pʼekmiloʼ?
Maʼ, letiʼeʼ chúukpaj u yóol.
Jeʼex Pabloeʼ, toʼon xaneʼ
kex ka chʼaʼpachtaʼakoʼoneʼ
unaj u chúukpajal k-óol.
¿Tu xúumpʼattaj
wa Pablo u kʼaʼaytaj?
Maʼ, mix baʼal
beet u xuʼulul u kʼaʼaytaj,
le oʼolal bin Derbe.
Chéen máans ta tuukul
le baʼax tu beetoʼ,
anchaj u xíimbaltik 100 kilómetros
utiaʼal ka xiʼik
kʼaʼaytaj tu kaajil Derbe.
Kex junpʼéel kʼiin
antes óolak kíimsaʼakeʼ,
seguernaj u yeʼesik
chúukaʼan u yóol tiʼ Jéeoba.
Baʼaleʼ maʼ chéen kunel
le baʼax tu beetoʼ,
tumen letiʼ yéetel
le máaxoʼob láakʼintoʼ
béeychaj u yáantkoʼob yaʼab
máak u meyajtoʼob Jéeoba.
Jeʼex tsʼoʼok k-ilkoʼ
Pabloeʼ yaʼab
talamiloʼob tu aktáantaj,
baʼaleʼ letiʼeʼ chúukpaj u yóol.
Maʼ xuʼul u kʼaʼaytajiʼ.
Baʼaleʼ yaan uláakʼ baʼax tu beetaj.
Koʼoneʼex kaxtik u libroil
Baʼaxoʼob capítulo 14.
Teʼ teksto ken k-xokaʼ
jach claro u yeʼesiktoʼon
bix úuchik u chúukpajal u
yóol le apóstol Pablooʼ.
Baʼaxoʼob 14:21, ku yaʼalik:
«Ka tsʼoʼok túun u kʼaʼaytikoʼob
le maʼalob péektsil teʼ kaajoʼ,
bey xan le ka tsʼoʼok u
beetkoʼob yaʼab disipuloʼobeʼ,
suunajoʼob tu kaajil Listra,
Iconio yéetel Antioquía».
Chéen tukulte: Pablo yéetel
le máaxoʼob láakʼintikoʼ
suunajoʼob teʼ kaajoʼob
tuʼux jach óolak kíimsaʼakoʼoboʼ.
¿Baʼaxten suunajoʼob?
Le versículo 22, ku yaʼalik
suunajoʼob u «muʼukʼaʼankúuntoʼob
u yóol u puksiʼikʼal le disipuloʼoboʼ,
tu líiʼsoʼob u yóol utiaʼal
maʼ u xuʼulul u tsʼáaik u fejoʼob
tiʼ le baʼaxoʼob
tsʼoʼok u kaʼansaʼaltiʼoboʼ
yéetel tu yaʼaloʼobtiʼob:
‹Yaʼab baʼaloʼob kʼaʼabéet k-muʼyajtik
utiaʼal ka ookkoʼon tu Reino Dios›».
Bey chan jelaʼan u yuʼubaʼaleʼ.
¿Bix ken u líiʼsil u yóol le disipuloʼob
wa ku yaʼaliktiʼob yaan u muʼyajoʼob?
Maʼ xaaneʼ bey jeʼel
u lúuʼsik u yóoloʼobeʼ.
Baʼaleʼ koʼox jach
ilik le baʼax tu yaʼaloʼ.
Letiʼeʼ maʼ chéen tu yaʼalaj:
«Yaʼab baʼaloʼob kʼaʼabéet k-muʼyajtik».
Tu yaʼalajtiʼob: «Yaʼab baʼaloʼob
kʼaʼabéet k-muʼyajtik
utiaʼal ka ookkoʼon tu Reino Dios».
Tu líiʼsaj u yóol
le disipuloʼob úuchik u yaʼalik
baʼax utsil ken u kʼamoʼob
ikil u chúukpajal u yóoloʼoboʼ.
Jeʼex tu yaʼalil Jesús tiʼ Mateo 10:22:
«Le máax kun chúukpajal u yóol
tak tu xuuleʼ letiʼ bíin u salvartuba».
¿Lelaʼ baʼax ku kaʼansiktoʼon?
U chúukpajal u yóol máakeʼ
maʼ chéen u kʼáat u yaʼal u yantaltiʼ
u muukʼil u aktáantik talamiloʼobiʼ.
U kʼáat u yaʼal
maʼ u lúubul u yóol máak
yéetel u jach creertik
baʼax ku yaʼalik le Biblia
tiʼ 2 Corintoiloʼob 4:17.
«Séeb u máan le muʼyajil[oʼ]
yéetel kex maʼ jach yajeʼ»
u boʼolileʼ mix bikʼin kun xuʼulul.


-