JW subtitle extractor

Milharis di anu antis Jizus nase,
kel profesia sobri Misías ki sta na Jénezis 3:15
kumesa ta kunpri.
La ta fla ma Jizus ta ben sérba Misías
i el ta ben kunpriba vontadi di Jeová.
Livrus di Mateus i di Lukas ta da-nu un lista
ki ta djuda-nu odja família di Jizus di Adon ti Abraon,
kel ómi fiel ki Deus prometeba
ma Misías ta ben sérba se disendenti.
Sima ténpu ba ta pasa,
más profesias mostra kenha ki ta ben sérba família di Misías.
Misías ta ben sérba disendenti di rei Davidi.
Lista di família ki nu ta atxa na livru di Lukas
ta kumesa na Natan, fidju di Davidi,
ti Maria, mai di Jizus.
Mateus ta fla ma Jizus ten direitu legal
di governa na tronu di Davidi,
através di Salumon ti Juzé, se pai ki adota-l.
Lista di família di Jizus kunpri profesia
ki dja ten senténas di anu.
Kel-li ta da-nu serteza ma
Jizus é kel Misías ki staba pa ben.
Más di 500 anu antis di Jizus nase,
anju Gabriel fla proféta Daniel
kel ténpu izatu ki Misías ta binha.
Anju di Jeová fla Daniel:
‘Désdi momentu ki dadu órdi pa konpo i faze Jiruzalen otu bês,
ti txiga Misías, ki é Líder, ta pasa 7 simana, i tanbê 62 simana.’
Kel-li ta da 69 simana.
I 69 simana é 483 dia.
Kel órdi pa konpo Jiruzalen dadu na anu 455 A.K.
Kel-li marka kumesu di 69 simana.
Má Misías ka parse 483 dia dipôs.
Má si nu aplika kel regra di Biblia ki ta fla ‘un dia pa un anu’
i nu konta 483 anu di 485 A.K.,
nu ta txiga na 29 D.K.
Bíblia ta mostra ma Jizus batiza na anu 29 D.K.
i el skodjedu ku spritu santu pa ser Misías.
Kel profesia di livru di Daniel kapitulu 9 ki kunpri
ta poi nos fé más fórti na Bíblia,
na Jizus ki é Misías,
i na Jeová ki sénpri ta poi kuzas ta kontise na ténpu sértu.

Profesias sobri Misías ki dja kunpri! — El ben di família di rei Davidi i el skodjedu pa ser kel ‘Misías, ki é Líder’