Miareta Avao Ndre ... Misy handra, Azon'Arety Maharitsy, Noho Misy Fanenjeha
Video
Other languages
Share text
Share link
Show times
Hide times
00:00:04
Mbo nikely aho le fa nahay fahamarina. 00:00:07
00:00:07
Fe nialy ay avao aho
mba ho falifaly amiko Jehovah.00:00:11
00:00:14
Tsy mety tanjako ty aiko
lafa misy raha mampeloky ahy. 00:00:18
00:00:18
Manahaky tamy zaho vo niavy teto zay,
nisy rahalahy niraty fanahy tamiko. 00:00:24
00:00:24
Tinanjako tan’aiko ao avao raha iny. 00:00:27
00:00:28
Nalahelo marè aho 00:00:30
00:00:30
ka lafa nitelefony ahy ie,
le nameameako kamaiky.00:00:35
00:00:37
Nampitiaro ahy valiko hoe 00:00:39
00:00:39
samby tsy lavorary
ndre zaho ndre rahalahy iny. 00:00:44
00:00:44
Tsy hahasoa hoasany zao. 00:00:47
00:00:47
Natahora mihintsy aho tamy rey 00:00:49
00:00:49
sady tsy nifandramby soa tamy Jehovah iaby.00:00:52
00:00:52
Toy ty nilozàny! 00:00:55
00:00:55
Nahazo taratasy baka amy
sampana any aho ndraiky zay. 00:00:58
00:00:58
Nananatsy ahy raha iny
sady nisy torohevitsy ty tao. 00:01:03
00:01:03
Nihalako aloha iny! 00:01:05
00:01:05
Fe nivetsevetseko soa avao 00:01:08
00:01:08
fa mahasoa ty manao raha
mifanaraky amy ty fahendreani-Jehovah.00:01:13
00:01:14
Tena nanampy ahy ty vavaky,
ty torolalani-Baiboly, 00:01:17
00:01:17
noho ty fatokisa hoe
hameani-Jehovah ahy ze tari-dala ilàko. 00:01:22
00:01:24
Fa nivola mpanao Salamo iny hoe
haini-Jehovah fa “lemboky avao tsika.” 00:01:29
00:01:29
Le ho raha mivola amiko ie hoe: 00:01:31
00:01:31
“Haiko lahy anako fa maro ty hadisoanao. 00:01:35
00:01:35
Fe mbo teako avao iha. 00:01:37
00:01:37
Ampiasako hanompo ahy iha. 00:01:40
00:01:40
Fa haiko fa ho vitanao io.” 00:01:43
00:01:43
Tsy maintsy vita vatany aloha zay 00:01:45
00:01:45
satria Jehovah fa nanampy ty mpanompony avao 00:01:49
00:01:49
liany tamy Abela zisiky amy zao. 00:01:51
00:01:51
Kanefa tsy misy lavorary tsika mpanompony io.00:01:54
00:02:00
Nikotsokotsoky jiro aho ndraiky zay,
le nimay courant. 00:02:03
00:02:03
Lafa nihentea dokotera raha iny, 00:02:05
00:02:05
le nivola ie hoe
tsy maintsy tampahy tanako roe rey.00:02:09
00:02:12
Ka ino sasy zany ty raha ho vitako?
Akory ty hiasako? 00:02:16
00:02:16
Akory ty hamelomako anako reo?
Ka valiko? 00:02:20
00:02:21
Nila Baiboly tse aho. 00:02:23
00:02:23
Henteako aho, afaky namalibaliky Baiboly. 00:02:26
00:02:26
Iny ty tena nahafaly ahy.00:02:29
00:02:32
Afaky mamelo ty fianakaviako aho henanizao. 00:02:36
00:02:36
Mandoko aho,
manao sodira, le mandrafitsy koa. 00:02:40
00:02:40
Manday tomabily iaby aza aho lafa miasa.00:02:43
00:02:45
Anti-panahy aho,00:02:46
00:02:46
le vitako iaby ze andraikitsiko
mifandramby amy zay. 00:02:49
00:02:49
Fa toy ty vatan-draha marè. 00:02:51
00:02:51
Afaky manampy ty fianakaviako handroso avao aho.00:02:55
00:02:57
Tandrena amy raha ara-panahy aho
ka tsy mieritseritsy loatsy ani-tanako toy. 00:03:01
00:03:01
Halinoko iaby aza kindraikindraiky hoe
tapa-tana aho.00:03:05
00:03:07
Nanampy ahy avao Jehovah. 00:03:09
00:03:09
Hitako liany tamy askidà iny 00:03:11
00:03:11
fa nampiasany hanampea ahy valy amin’anako reo. 00:03:15
00:03:15
Nampiasany koa rahalahy noho anabavy
amy fiangona eo rey.00:03:19
00:03:21
Baka nanao lahateny aho ndraiky zay, 00:03:24
00:03:24
le nisy ajà ampela nampahery ahy. 00:03:27
00:03:27
Nameany taratasy noho sary namboariny zay aho. 00:03:30
00:03:30
Nivola ie hoe, 00:03:31
00:03:31
hampoly Jehovah amiko ndraiky
tanako rey amy Paradisa ao.00:03:35
00:03:37
Zaho aloha mitamà fa mbo handrakoky valiko, 00:03:40
00:03:40
handrakoky anako reo, 00:03:43
00:03:43
hitrotro an-drozy
noho hiaraky hihisa amin-drozy. 00:03:47
00:03:47
Tena mino aho
fa hotanterahi-Jehovah iaby zay.00:03:51
00:03:59
Ginadra roe tao noho tampany aho 00:04:01
00:04:01
satria tsy nety nanao maramila. 00:04:04
00:04:04
Hafahafa ty tao sady nandreraky. 00:04:06
00:04:06
Tsy nisy olo haiko ty tao. 00:04:08
00:04:08
Zaho raiky avao ro Vavolombelo tao. 00:04:11
00:04:11
Navaka iaby aho.00:04:13
00:04:18
Nivavaky tamy Jehovah avao aho
mba hameany hery, 00:04:21
00:04:21
soa ho vitako ty hitratra
ze raha manahira ahy atoa. 00:04:25
00:04:26
Ty vavaky noho ty Safà-Ndranahary avao
ro nampahery ahy tamin’iny. 00:04:30
00:04:30
Fe nalan-drozy Baiboliko iny. 00:04:33
00:04:33
Mba nampolin-drozy aloha ie tafara atoy. 00:04:36
00:04:36
Nengan-drozy hahazo boky
noho gazety koa aho laha tsy nitory. 00:04:40
00:04:40
Marina fa tsy nahazo nitory aho, 00:04:42
00:04:42
fe tsy midika zay hoe tsy nahazo nivola aho. 00:04:45
00:04:45
Tapa-kevitsy aho fa tsy hivaliky avao,
ndre ino ndre ino miseho.00:04:50
00:04:53
Nihitani-gadra ilany rey hoe
nisoa fandaisam-bata avao aho 00:04:58
00:04:58
ka nanomboky namaky Baiboly koa rozy. 00:05:01
00:05:01
Matetiky aza aho tsy afaky namaky mihintsy. 00:05:05
00:05:05
Tsy nanompanompa zao aho
sady niezaky halio avao. 00:05:10
00:05:10
Niambini-mpiamby prizon rey raha zay,
ka hoy rozy tamiko: 00:05:14
00:05:14
“Teanay iha fa malio,
aleo iha hataonay sefoni-lakozinay.” 00:05:20
00:05:20
Lasa piketrikin-drozy amy zay aho.00:05:24
00:05:26
Tena nanampy ahy ty tanani-Jehovah. 00:05:29
00:05:29
Nengan-drozy hitory ndraiky aho. 00:05:31
00:05:31
Nahatratsy lera 120 mihintsy aza aho kindraiky, 00:05:35
00:05:35
sady nametraky boky noho gazety mandilatsini-100. 00:05:39
00:05:39
Nanompo amy fotoa iaby avao aho tam-prizon tao. 00:05:43
00:05:43
Nahafalifaly ahy raha zay.00:05:46
00:05:50
Nampahery ahy ty 1 Petera 5:9. 00:05:53
00:05:53
Ampijalỳ manahaky ahy zao koa
ty rahalahy iaby amy finoa ao. 00:05:57
00:05:57
Matoky aho fa ndre ia ndre ia,
ndre ino ndre ino raha manahira antsika, 00:06:01
00:06:01
le tsy hahafoy antsika mihintsy Jehovah.00:06:04
00:06:07
Ela ty ela ka nabototsy avao aho. 00:06:10
00:06:10
Nitampoky ani-mamako raha iny
satria tsy nambarambarako azy.00:06:14
00:06:19
Tsy hohalinoko mihintsy fotoa nifankahitanay iny.00:06:30
Miareta Avao Ndre ... Misy handra, Azon'Arety Maharitsy, Noho Misy Fanenjeha
-
Miareta Avao Ndre ... Misy handra, Azon'Arety Maharitsy, Noho Misy Fanenjeha
Mbo nikely aho le fa nahay fahamarina.
Fe nialy ay avao aho
mba ho falifaly amiko Jehovah.
Tsy mety tanjako ty aiko
lafa misy raha mampeloky ahy.
Manahaky tamy zaho vo niavy teto zay,
nisy rahalahy niraty fanahy tamiko.
Tinanjako tan’aiko ao avao raha iny.
Nalahelo marè aho
ka lafa nitelefony ahy ie,
le nameameako kamaiky.
Nampitiaro ahy valiko hoe
samby tsy lavorary
ndre zaho ndre rahalahy iny.
Tsy hahasoa hoasany zao.
Natahora mihintsy aho tamy rey
sady tsy nifandramby soa tamy Jehovah iaby.
Toy ty nilozàny!
Nahazo taratasy baka amy
sampana any aho ndraiky zay.
Nananatsy ahy raha iny
sady nisy torohevitsy ty tao.
Nihalako aloha iny!
Fe nivetsevetseko soa avao
fa mahasoa ty manao raha
mifanaraky amy ty fahendreani-Jehovah.
Tena nanampy ahy ty vavaky,
ty torolalani-Baiboly,
noho ty fatokisa hoe
hameani-Jehovah ahy ze tari-dala ilàko.
Fa nivola mpanao Salamo iny hoe
haini-Jehovah fa “lemboky avao tsika.”
Le ho raha mivola amiko ie hoe:
“Haiko lahy anako fa maro ty hadisoanao.
Fe mbo teako avao iha.
Ampiasako hanompo ahy iha.
Fa haiko fa ho vitanao io.”
Tsy maintsy vita vatany aloha zay
satria Jehovah fa nanampy ty mpanompony avao
liany tamy Abela zisiky amy zao.
Kanefa tsy misy lavorary tsika mpanompony io.
Nikotsokotsoky jiro aho ndraiky zay,
le nimay courant.
Lafa nihentea dokotera raha iny,
le nivola ie hoe
tsy maintsy tampahy tanako roe rey.
Ka ino sasy zany ty raha ho vitako?
Akory ty hiasako?
Akory ty hamelomako anako reo?
Ka valiko?
Nila Baiboly tse aho.
Henteako aho, afaky namalibaliky Baiboly.
Iny ty tena nahafaly ahy.
Afaky mamelo ty fianakaviako aho henanizao.
Mandoko aho,
manao sodira, le mandrafitsy koa.
Manday tomabily iaby aza aho lafa miasa.
Anti-panahy aho,
le vitako iaby ze andraikitsiko
mifandramby amy zay.
Fa toy ty vatan-draha marè.
Afaky manampy ty fianakaviako handroso avao aho.
Tandrena amy raha ara-panahy aho
ka tsy mieritseritsy loatsy ani-tanako toy.
Halinoko iaby aza kindraikindraiky hoe
tapa-tana aho.
Nanampy ahy avao Jehovah.
Hitako liany tamy askidà iny
fa nampiasany hanampea ahy valy amin’anako reo.
Nampiasany koa rahalahy noho anabavy
amy fiangona eo rey.
Baka nanao lahateny aho ndraiky zay,
le nisy ajà ampela nampahery ahy.
Nameany taratasy noho sary namboariny zay aho.
Nivola ie hoe,
hampoly Jehovah amiko ndraiky
tanako rey amy Paradisa ao.
Zaho aloha mitamà fa mbo handrakoky valiko,
handrakoky anako reo,
hitrotro an-drozy
noho hiaraky hihisa amin-drozy.
Tena mino aho
fa hotanterahi-Jehovah iaby zay.
Ginadra roe tao noho tampany aho
satria tsy nety nanao maramila.
Hafahafa ty tao sady nandreraky.
Tsy nisy olo haiko ty tao.
Zaho raiky avao ro Vavolombelo tao.
Navaka iaby aho.
Nivavaky tamy Jehovah avao aho
mba hameany hery,
soa ho vitako ty hitratra
ze raha manahira ahy atoa.
Ty vavaky noho ty Safà-Ndranahary avao
ro nampahery ahy tamin’iny.
Fe nalan-drozy Baiboliko iny.
Mba nampolin-drozy aloha ie tafara atoy.
Nengan-drozy hahazo boky
noho gazety koa aho laha tsy nitory.
Marina fa tsy nahazo nitory aho,
fe tsy midika zay hoe tsy nahazo nivola aho.
Tapa-kevitsy aho fa tsy hivaliky avao,
ndre ino ndre ino miseho.
Nihitani-gadra ilany rey hoe
nisoa fandaisam-bata avao aho
ka nanomboky namaky Baiboly koa rozy.
Matetiky aza aho tsy afaky namaky mihintsy.
Tsy nanompanompa zao aho
sady niezaky halio avao.
Niambini-mpiamby prizon rey raha zay,
ka hoy rozy tamiko:
“Teanay iha fa malio,
aleo iha hataonay sefoni-lakozinay.”
Lasa piketrikin-drozy amy zay aho.
Tena nanampy ahy ty tanani-Jehovah.
Nengan-drozy hitory ndraiky aho.
Nahatratsy lera 120 mihintsy aza aho kindraiky,
sady nametraky boky noho gazety mandilatsini-100.
Nanompo amy fotoa iaby avao aho tam-prizon tao.
Nahafalifaly ahy raha zay.
Nampahery ahy ty 1 Petera 5:9.
Ampijalỳ manahaky ahy zao koa
ty rahalahy iaby amy finoa ao.
Matoky aho fa ndre ia ndre ia,
ndre ino ndre ino raha manahira antsika,
le tsy hahafoy antsika mihintsy Jehovah.
Ela ty ela ka nabototsy avao aho.
Nitampoky ani-mamako raha iny
satria tsy nambarambarako azy.
Tsy hohalinoko mihintsy fotoa nifankahitanay iny.
-