JW subtitle extractor

Resaky arety ro tena nisarotsy
amiko noho ty fianakaviako
satria tsy ampy hiviliana fanafody ty dralanay.
Tsy maintsy mamory drala avao aho sankerinandro
soa zahay mba hihinan-kany.
Nampiasa loha biby ty fiainanay.
Nanahira mihintsy aloha raha zay
satria tsy nana asa rekitsy aho.
Niasa loha koa aho hoe
hanao akory moa zany anakinay retoa
laha tsy ampy ty haninay
noho ty raha hafa tena ilànay?
Nieritseritsy amy zay aho hoe
aleo mifindra an-tany hafa any
mba hamelomako ty fianakaviako.
Volanini-1 Timoty 5:8 iny moa hoe
andraikitsiko ty mamelo an-drozy.
Tsy nifindra an-dafy any aho
satria teako Jehovah noho ty fianakaviako.
Tsy maintsy ataontsika hay soa
“ze vatan-draha marè”
hoy ty Filipianina 1:10.
Ka ty fianakaviako noho
ty fifandrambesanay amy Jehovah
ro vatan-draha marè.
Le mbo tiaroko anti-panahy raiky zay
nanontany ahy hoe:
“Ty mpanompony an-dafy any avao va
ro tahini-Jehovah?”
Tena nampahery ahy ie.
Tsapako nanomboky tamy zay fa
ty fifandrambesantsika amy Jehovah
ro vatan-draha marè amy fiaina,
fa tsy ty raha mety ho azontsika
amy tontolo toy eto,
satria mbo ho rava avao rey.
Mahatiaro sambatsy zahay satria
miaraky avao ty fianakavianay.
Mpanampy amy fanompoa aho
sady mpisava lala mpanampy,
le Fátima, azy anakampelako iny
mpisava lala maharitsy.
Mitahy anay vatany aloha Jehovah.
Falifaly aho lafa manome raha olo.
Maro koa ty tsy mana manahaky anay.
Zay ty ataoko an-tsay
ka manjary tsy miasa loha amy
raha manahira ahy rey loatsy aho,
fa amy rahalahy rey noho amy Jehovah.
Matoky mihintsy aho fa
soa fanapahan-kevitsinay trano raiky iny.
Sambatsy zahay henanizao
ndre tsy de mana loatsy
satria ataoko mahampy ahy ze misy eo.
Hoy ty olo hoe:
‘Sambatsy iha laha
ataonao mahampy anao ze eo.’
Fa ty Baiboly mivola hoe:
‘Jehovah ro mampanan-kanana,
le tsy tovonany fijalea raha zay.’

Manorena Trano Haharitsy: “Anovo Mahampy Anareo ze fa Misy Eo”