JW subtitle extractor

Ojéelaʼaneʼ le leonoʼ jach maʼ saajkiʼ.
Le leonoʼ juntúul tiʼ le baʼalcheʼob
maas nuuktakoʼob yaan Áfricaoʼ.
U aalileʼ jeʼel u chukik tak 230 kiloseʼ.
Le x-chʼupul leonoʼ maas chichan,
pero jeʼel xan u chukik tak 180 kiloseʼ.
Le leonoʼoboʼ jeʼel tak u
kíimskoʼob nukuch baʼalcheʼob,
jeʼex le búfalo yéetel le hipopótamooʼ.
Le leonoʼ juntúul tiʼ le baʼalcheʼob
junmúuchʼ u máanoʼoboʼ.
U suukileʼ yaan x-chʼupul leonoʼobiʼ,
u mejniloʼob yéetel
uláakʼ táankelem leonoʼob.
Le nukuch leonoʼoboʼ maʼ suuk u
kíimsaʼaloʼob tumen uláakʼ baʼalcheʼobiʼ.
Chéen baʼaleʼ,
¿a wojleʼex baʼax kíimskoʼob?
U yéet leoniloʼob.
¿Baʼaxten ku beetkoʼob?
Tumen ku defenderkoʼob
le lugar tuʼux yanoʼoboʼ.
Junpʼéel baʼax beetik loob
tiʼ le mejen leonoʼoboʼ,
letiʼe nukuch xibil leonoʼob
taak u jóoʼsik u yéet xibil leoniloʼob
teʼ tuʼux kajaʼanoʼob
utiaʼal ka pʼáatkoʼob letiʼobiʼ.
Wa ku ganaroʼobeʼ
yaan u láaj kíimskoʼob
le mejen leonoʼob yanoʼ.
Ku beetkoʼob beyoʼ
utiaʼal u yantal chéen u mejniloʼobiʼ.
Le mejen leonoʼoboʼ
jach séeb jeʼel u kíimsaʼaloʼob
wa tu juunal yanoʼobeʼ.
Le oʼolal kéen atacartaʼakoʼob
tumen uláakʼ leonoʼobeʼ
ku defendertaʼaloʼob
tumen le xibil leonoʼ
bey xan tumen le x-chʼupul leonoʼ.
Kex ka kíimsaʼakeʼ
le x-chʼupul leonoʼ
ku kanáantik u mejnil
utiaʼal maʼ u beetaʼal loob tiʼ.
Yaan x-chʼupul leonoʼobeʼ
junmúuchʼ u kanáantik u mejniloʼob,
beyoʼ maas maʼ tu jáan
kíimsaʼaloʼob.
Úuchjeakileʼ le máaxoʼob
ku binoʼob teʼ guerraʼoboʼ
suuk u biskoʼob tsíiminoʼob,
tumen beyoʼ maas séeb
jeʼel u ganaroʼobeʼ.
Le uláakʼ soldadoʼob túunoʼ
le kéen u yiloʼob yaan tsíiminoʼob
tiʼ u enemigoʼobeʼ ku sajaktaloʼob.
Utiaʼal u bisaʼal
le tsíiminoʼob teʼ guerraoʼ
yáax kʼaʼabéet u kaʼansaʼaloʼob.
U suukileʼ letiʼobeʼ
jach séeb u chʼaʼikoʼob saajkil,
le oʼolal wa maʼ tu kaʼansaʼaloʼobeʼ
jeʼel tak u beetik u perderoʼobeʼ.
¿Baʼaxten?
Yoʼolal bix u paakatoʼob
yéetel u sáasilil u xikinoʼob.
Ku páajtal u paktikoʼob
óoliʼ tuláakal baʼax
yaan tu baʼpachoʼob.
Úuchjeakileʼ yaan yaʼab baʼaxoʼob
beetik u sajaktal le
tsíiminoʼob teʼ guerraʼoboʼ.
Le oʼolal ku piʼixil u yichoʼob
utiaʼal maʼ u paktikoʼob
tuláakal baʼax kiúuchul.
Cada junpʼéel u xikin le tsíiminoʼ
16 xiichʼoʼob beetik u péek.
Le oʼolal séeb u péeksik
utiaʼal u yuʼubik wa baʼax.
Tsʼoʼoleʼ maas séeb u yuʼubik u taal
jeʼel baʼaxakeʼ ke juntúul wíinik.
Ojéelaʼan jach jeʼel u sajaktal
le tsíiminoʼob teʼ guerraoʼ,
le oʼolal u enemigoʼob le soldadoʼoboʼ
utiaʼal u ganaroʼobeʼ
ku beetik u sajaktal le tsíiminoʼoboʼ.
¿Baʼax túun ku beetaʼal
utiaʼal maʼ u sajaktaloʼob?
Ku kaʼansaʼaloʼob,
ku tsʼaʼabal u yuʼuboʼob
yéetel u yiloʼob
baʼaloʼob jeʼex le ku
beetaʼal teʼ guerraʼoboʼ.
Beyoʼ jujunpʼíitil
u xuʼulul u sajaktaloʼob.
Wa jach maʼalob u kaʼansaʼaloʼobeʼ
tu lugar u púutsʼloʼob
yoʼolal u saajkiloʼobeʼ,
ku binoʼob tuʼux
táan u yúuchul le baʼateloʼ.
Tu noojolil Asiaeʼ
kajaʼan juntúul chan
baʼalcheʼ jach maʼ saajkiʼ:
junpʼéel clase mangosta yaan India.
Le chan baʼalcheʼaʼ piim u tsoʼotsel
yéetel maʼ sen nojchiʼ,
u chowkileʼ óoliʼ junpʼéel metro
desde tu pool tak tu nej.
Kex maʼ sen nojoch le mangostaoʼ
maʼ sajak u kaxt baʼal u jaantiʼ.
Ku jaantik uláakʼ mejen baʼalcheʼob.
Baʼaleʼ le baʼax maas suuk u jaantikoʼ
letiʼe tsʼíitsʼik kaanoʼob jeʼex le cobraoʼ.
Yaʼab u clasesil mangostaʼob yaan.
Letiʼobeʼ ku páajtal xan u kíimskoʼob
le tsʼíitsʼik kaanoʼoboʼ.
¿Bix u beetik utiaʼal maʼ u kíimsaʼal
tumen le tsʼíitsʼik kaanoʼoboʼ?
Le mangosta yaan tu luʼumil Indiaoʼ
polok u tsoʼotsel yéetel tsʼuʼuy,
tsʼoʼoleʼ ku xilkuba kéen beetaʼak u tsʼíikil.
Leloʼ le áantik utiaʼal maʼ u táatsʼmáan
tu yootʼel u chiʼibal le kaanoʼ.
Baʼaleʼ wa yaan hora
ku chiʼibil tumen kaaneʼ,
yaan junpʼéel baʼal tu wíinklil
áantik utiaʼal maʼ u kíimil.
Jach ku beetik u jaʼakʼal k-óol
kéen k-il bix séebaʼanil u péek.
Kéen óotaʼak chiʼibil tumen le kaanoʼ
tu séebaʼanil ku jechik.
Le mangosta xanoʼ maʼ tu séeb kaʼanal.
Ku xáantal táan u baʼateʼel
tak kéen kaʼanak le kaanoʼ.
Utiaʼal u tsʼok kíimsik le kaanoʼ,
le chan baʼalcheʼaʼ
ku chiʼik tuʼux maas séeb jeʼel u kíimsikeʼ.
Le bix beetaʼanil yéetel le baʼax ku beetik
utiaʼal maʼ u kíimsaʼaloʼ
le áantik utiaʼal maʼ u sajaktal
yéetel u kíimsik le kaanoʼ.
Le tsʼunuʼumoʼoboʼ
juntúul tiʼ le chʼíichʼoʼob
maas mejentak yanoʼ
yéetel chéen ku yilaʼaloʼob
tu luʼumiloʼob América.
Kex yaan maas tiʼ 300
u clasesil tsʼunuʼumoʼobeʼ,
u maas yaʼabil le mejen chʼíichʼoʼobaʼ
6 wa 12 centímetros u nojchiloʼob.
Como jach séeb u popokxiikʼ
le mejen chʼíichʼoʼobaʼ
hasta maʼ chíikaʼan u yilaʼaliʼ.
Tumen jach táaj séeb u péeksik u xiikʼ
kéen popokxiikʼnakeʼ
hasta ku yuʼubaʼal bix u juum.
Wa maas chichneʼ
maas séeb u popokxiikʼ.
U suukileʼ le maas nuuktakoʼoboʼ
ichil junpʼéel segundoeʼ
10 wa 20 u téenel ku popokxiikʼoʼob.
Le maas mejentakoʼoboʼ
kex 70 wa 80 u téenel.
Ku páajtal u xikʼnaloʼob jejeláas bixi:
táanil, paachil, de tséelil, kaʼanal,
kabal yéetel yaan horaeʼ jaajawaʼanil.
Mientras tu xikʼnaloʼobeʼ
ku tsʼuʼutsʼkoʼob u kaabil le looloʼoboʼ.
Kex jatsʼuts le mejen chʼíichʼoʼobaʼ
kʼaas u pʼuʼujloʼob.
Wa ku yilkoʼob táan u toʼokol
u yoʼoch kaaboʼob
tumen uláakʼ tsʼunuʼumoʼobeʼ
ku jatsʼkoʼob,
maʼ tu chaʼik u toʼokol u yoʼochoʼob.
Le x-chʼuupoʼoboʼ ku kanáantik u kʼuʼob.
U maas yaʼabil u xiibil le tsʼunuʼumoʼoboʼ
maʼatech u chaʼik u yokol
uláakʼ xibil tsʼunuʼum
tuʼux yaan le x-chʼupul tsʼunuʼumoʼ.
Jach péekaʼan u xikʼnal,
le oʼolal ku pʼuʼujsik le
chʼíichʼoʼob maas nuuktakoʼob
jeʼex le koos wa halconoʼ.
Yaan horaeʼ hasta ku taaktal u jatsʼik máak.
Jeʼex k-ilkoʼ le tsʼunuʼumoʼoboʼ
kex jach mejentakoʼobeʼ
maʼ sajak u defendertubaʼobiʼ
yéetel ku kanáantkoʼob baʼax u tiaʼaloʼob.
Jatsʼuts u yilaʼal junmúuchʼ elefanteʼob.
Ichil junmúuchʼ elefanteʼobeʼ
maases yaʼab x-nuk elefanteʼob
yaan yéetel u mejniliʼ.
Le baʼalcheʼobaʼ junmúuchʼ u máanoʼob
yéetel ku yáantkubaʼob.
Le elefanteʼoboʼ
mix baʼal ku séeb tuʼubultiʼob,
le oʼolal maʼalob u biskubaʼob.
Kex úuch u yilubaʼobeʼ
ku kʼaj óoltkubaʼob kéen u kaʼa ilubaʼob.
Wa yaan baʼax ku yúuchul
tiʼ juntúul chan elefanteeʼ,
le nukuch elefanteʼoboʼ ku yáantkoʼob,
ku jiʼik u wíinkliloʼob tiʼ
wa ku báaytikoʼob yéetel u trompaʼob.
Wa minaʼan u muukʼ
bey xan wa uchaʼan loob
tiʼ juntúul chan elefanteeʼ
ku yilik u yáantkoʼob, maʼ tu pʼatkoʼob.
Le táankelem elefanteʼoboʼ
yaʼab baʼax ku kankoʼob
tiʼ le nukuch elefanteʼoboʼ,
jeʼex u kaxtikoʼob jaʼ
yéetel u yoʼochoʼob
utiaʼal maʼ u kíimloʼob.
Tu tiempoil yáaxkʼiineʼ
ku náachtaloʼob utiaʼal
u kaxtik jaʼ u yukʼoʼob.
Kéen joʼopʼok u binoʼobeʼ
letiʼe nukuch elefanteʼob eʼesik u bejiloʼ.
¿Bix túun u yojéeltikoʼob
tuʼux unaj u binoʼob?
Le nukuch elefanteʼoboʼ
ku máan yaʼab años
maʼ tu tuʼubskoʼob tuʼux yaan jaʼ,
kex tak u cientosil kilómetros u náachil,
tsʼoʼoleʼ ku yeʼeskoʼob u bejil
tiʼ le táankelem elefanteʼoboʼ.
Le elefanteʼoboʼ ku múul kanáantkubaʼob.
Utiaʼal lelaʼ ku meyajtiʼob u tsʼaʼayoʼob,
u trompaʼob wa u yookoʼob
utiaʼal u defenderkubaʼob
tiʼ uláakʼ baʼalcheʼob.
Utiaʼal u kanáantik u mejnil
le elefanteʼoboʼ
ku tsʼáaikoʼob chúumuk tiʼ letiʼob.
Kéen úuchuk loob tiʼ juntúul tiʼ letiʼobeʼ
ku yáantaʼal tumen
u maasil elefanteʼoboʼ,
tak le táankelmoʼob ku yáantajoʼoboʼ.

Le baʼaxoʼob beetaʼanoʼoboʼ ku kaʼansiktoʼon maʼ k-chʼaʼik saajkil