JW subtitle extractor

N bira Tistimunha di Jeová na anu 1975, na Zaire.
Na kel ténpu tinha un ditadura na Zaire.
Tinha sô un partidu pulítiku,
i tudu algen tinha ki apoiaba el.
Pa bu tinha un trabadju midjór
bu tinha ki entraba na partidu.
N nega mete na kalker kuza ki tinha aver ku pulítika.
Un dia, es txoma-m pa N bai saúda bandera.
N tinha ki bai i splika tudu nhas koléga di trabadju ki staba la djuntadu
pamodi ki N ka krê staba la.
Lógu ki N sai, N kumesa ta faze txeu orason.
Antis di kel dia, es ka ta kustuma reparaba na mi,
má kel dia tudu algen staba txeu xatiadu ku mi.
Nton, N tinha ki staba la.
Na sábadu, un ómi di partidu ben.
El ben na skritóriu i el kumesa ta grita:
“Kenha ki ka krê mete na pulítika?”
El kontinua ta pâpia i el txoma tudu algen pa sai.
Nton tudu algen sai.
Sô mi ki fika na skritóriu.
Na kaminhu pa kaza, N pensa ma es ta ba prendeba mi,
má es ka prende-m.
Nos tudu nu bai kaza.
Djuntadu ku pirsigison di nhas koléga
ki N ta pasaba pa el tudu dia,
N dadu un trabadju ki N ta ganhaba más poku.
Nos fidjus perde un anu di skóla pamodi nu ka tinha dinheru.
Ti konsigi kuzas ki nu mesteba na dia-dia bira difísil.
N ka dexa kuzas spritual pa tras.
N kontinua sénpri okupadu ta sisti runion,
ta partisipa na runion,
ta bai pregason,
ta faze nha studu pesoal,
i más inda ta faze orason pa Jeová.
Jeová abensua-m pamodi N kontinua na verdadi.
Duránti tudu kel ténpu li, el abensua-m.
Ka mete na pulítika
é midjór manera di mostra ma nu ta apoia Reinu di Jeová,
alén di trabadju di pregason, é klaru.
Mésmu óras ki govérnu fika kóntra nos trabadju di pregason,
nu ka debe atxa ma kel-li é un kuza mariadu ô negativu.
El pode sirbi pa un obijetivu.
El pode da tistimunhu.
É un tistimunhu ki ta dadu pa apoia Reinu di Deus,
pa apoia nómi i autoridadi di Jeová.
Si nu pensa asi,
nu ta kúnfia na Jeová.
Jeová ka ta dexa nada kontise sen un motivu.

Pamodi ki kristons verdaderu meste koraji — Pa ka mete na pulítika i na géra