JW subtitle extractor

N resebe un bólsa
pa N bai faze un kursu supirior na universidadi.
Nton nha profesoris i nha amigus
faze-m preson pa N seta kel bólsa.
Ka bu perde un grandi oportunidadi di kel-li.
Óras ki nu ta txigaba kaza,
dipôs di pregason ô runion,
nhas vizinhas ta kustumaba ben pa nos kaza
i fla kuzas sima:
‘Pamodi ki nhos sta ta faze kel-li ku nhos fidju?
El é un minina dretu i el é un bon aluna.
Nton pamodi ki nhos ka sta manda-l pa un bon universidadi?’
Nton N pergunta nha kabésa:
‘Kuzê ki N ta gostaba di faze ku nha vida?’
Kantu N odja irmons ku irmans ki muda pa nha kongregason
pa djuda na pregason,
kel-li djuda-m poi métas spritual
i luta pa N konsigi ser pioneiru na nha kongregason.
Na tudu kuza, nha pai sénpri djuda-m odja Jeová sima un algen rial.
I nha mai tanbê djuda-m pamodi el é pionera fíksu.
El ta konta-nu se spiriénsas
i di alegria ki el ta xinti na pregason.
Nton lógu ki N tirmina liséu, N bira pionera.
Pa N ten un vida sínplis, N ta trabadja na órta.
I kel trabadju li ta da-m kel ki N meste pa N vive.
Mésmu ki es trabadju é difísil i kansadu,
óras ki N ta bai pregason
i óras ki N ta nkontra ku studantis di Bíblia
i jóvens ki ta ama verdadis di Bíblia,
kel-li ta anima-m.
Ta da-m txeu alegria odja ses dizeju
i ses preokupason di prende sobri Bíblia.
Jeremias 29:11, djuda-m vense preson di otus algen,
ku tudu sertéza
ma Jeová sta pensa na da-m un bon futuru
i un speransa suguru.
Gósi N ten kuatu studanti di Bíblia,
i nha pai, ki ka é Tistimunha di Jeová,
tanbê sta ta sisti tudu runion
i el sta ta studa Bíblia
Tudu kes benson ki N ten,
ta djuda-m odja má kel vida li
ta da-N objetivu i alegria di verdadi.
Skodje sirbi Jeová é midjór disizon ki dja N toma na nha vida.

Trópas di Kristu é korajozu