JW subtitle extractor

Utiaʼal u maas kaʼantal in xookeʼ
invitartaʼaben utiaʼal
ka ookken preparatoria.
In maestroʼob yéetel
in wéet xookoʼobeʼ
tu yaʼaloʼob maʼ in
peʼertik le oportunidadaʼ.
Tu sen aʼaloʼobten ka in aprovecharte.
Kéen u yil le vecinaʼob táan k-suut
teʼ kʼaʼaytaj wa táan k-suut
teʼ muchʼtáambaloʼoboʼ
suuk u yaʼalikoʼob tiʼ
in maama yéetel tiʼ in papá:
«Baʼaxten maʼ ta chaʼik u xook a hijaʼex.
Si letiʼeʼ u tsʼaamaj u yóoliʼ,
maʼalob u bin tiʼ teʼ escuelaoʼ.
Chaʼex u kaʼantal u xook».
Ka túun joʼopʼ in tuklik baʼax
ken in beet yéetel in kuxtal.
Taal jujuntúul sukuʼunoʼob
áantaj tin múuchʼulil,
leloʼ tu yáanten in wil bix jeʼel
in maas meyajtik Jéeobaeʼ.
Tin tuklaj xan baʼax metasil
jeʼel in tsʼáaik ichil in kuxtaleʼ.
Yéetel kéen máanak kʼiineʼ
kin beetik xan in precursor regularil.
In papaeʼ mantatsʼ tu yáanten
in creert jach tu jaajil yaan Jéeoba.
Yéetel in maamaeʼ táan u beetik
u precursora regularil.
Suuk u tsikbaltikten
bix u bin tiʼ teʼ kʼaʼaytajoʼ
yéetel bix kiʼimakil u yóol.
Le oʼolal le ka tin tsʼoʼoksaj in prepaeʼ
tin beetaj in precursorail.
Utiaʼal in kaxtik in kuxtaleʼ
kin meyaj tiʼ junpʼéel parcela.
Le bukaʼaj kin náajaltikoʼ
jach letiʼe bajux kʼaʼabéettenoʼ.
Jach kaʼanaʼantsil
le meyaj kin beetkoʼ.
Baʼaleʼ kéen jóoʼken kʼaʼaytajeʼ
hasta ku tuʼubulten.
Tsʼoʼoleʼ ku kiʼimaktal in wóol
kéen in máans tiempo
yéetel le xiʼipalaloʼob bey xan
le x-chʼúupalaloʼob
u yaabiltmoʼob Jéeobaoʼ.
Tsʼoʼoleʼ ku kiʼimaktal xan in wóol
kéen xiʼiken in tsʼáa xook
tiʼ le máaxoʼob
taak u kaanbaloʼoboʼ.
Jeremías 29:11,
jach tsʼoʼok u yáantken
utiaʼal maʼ in creertik tuláakal
le baʼax ku yaʼalik
u maasil máakoʼoboʼ.
Tsʼoʼoleʼ ku kʼaʼajsikteneʼ
Jéeobaeʼ yaan u bendecirken.
Bejlaʼeʼ tiʼ kantúul
máakoʼob kin tsʼáaik xook.
In papaeʼ kex maʼ j-Jaajkunajeʼ
tsʼoʼok u káajal u xook
yéetel u bin muchʼtáambal.
Tuláakal le bendicionoʼobaʼ
ku yeʼesikten chéen le kuxtal
bey jeʼel u taasikten kiʼimak óolaloʼ.
In meyajtik Jéeobaeʼ
letiʼe baʼax maas maʼalob
tsʼoʼok in chʼaʼtuklik in beetkoʼ.

U soldadoʼob Cristoeʼ maʼ saajkoʼobiʼ