JW subtitle extractor

Անմար սեր դրսևորիր ժողովում—Որբերի ու այրիների հանդեպ

Video Other languages Share text Share link Show times

Մութ ու մռայլ առավոտ էր,
բայց ամուսինս և աղջիկս վերցրին հեծանիվները
և գնացին Աստվածաշնչի ուսումնասիրություններ անցկացնելու։
Այդ երեկո՝ մոտ ժամը 5-ին,
սպասում էի նրանց վերադարձին,
բայց փոխարենը՝ լուր ստացա, որ
ամուսինս դժբախտ պատահարից մահացել է։
Այդ գիշեր ես մխիթարության կարիք ունեի,
բայց վատ եղանակի պատճառով չէի
կարող մյուսներին տեղեկացնել պատահածի մասին։
Այդ երեկո ես ու երկու աղջիկներս փորձում էինք
ուժ և մխիթարություն գտնել՝
կարդալով մեր կազմակերպության թողարկած հրատարակությունները։
Անսպասելիորեն, չնայած վատ եղանակին,
երկու եղբայր և մի քույր եկան մեր տուն։
Նրանք իրենց մոտոցիկլետներով ուժգին անձրևի տակ
երկու ժամից ավելի ճամփա էին անցել։
Կեսգիշերին մոտ մեր փոքր խմբակից ևս
յոթ եղբայրներ ու քույրեր ոտքով եկան մեր տուն։
Նրանք մթին, անձրևի տակ ժամ ու կես ոտաբոբիկ
քայլել էին ցեխերի միջով, որ հասնեին մեր տուն։
Եղբայրների և քույրերի այցը այդ գիշեր
շատ զորացրեց մեր ընտանիքին։
Քանի որ մեր գյուղը շատ սնոտիապաշտ էր,
ես անհանգստանում էի, որ ամուսնուս մահը
նախատինք կբերեր Եհովայի անվանը,
ուստի աղոթեցի դրա մասին նրան։
Հաջորդ օրը հարևան ժողովներից
ավելի շատ հավատակիցներ այցելեցին մեզ։
Եհովայի անվանը նախատինք չեկավ։
Փոխարենը՝ եղբայրների սերը փառք ու պատիվ բերեց նրան։
Հավատակիցների ցուցաբերած սիրո և աջակցության շնորհիվ
ավագ աղջիկս այժմ ծառայում է Բեթելում,
իսկ ես ու կրտսեր աղջիկս ուրախությամբ
իրար հետ ենք ծառայում Եհովային։
Նոր աշխարհում ես կուզեի ամուսնուս պատմել մեր ընտանիքի հանդեպ
եղբայրների ու քույրերի ցուցաբերած անմար սիրո մասին,
և թե ինչպես եմ նրանց օգնությամբ իմ լավագույնն արել,
որ մեր աղջիկներին սովորեցնեմ շարունակել հոգևորապես առաջադիմել։
Մի երեց ասաց ինձ.
«Մենք ուրախ կլինենք աջակցել ձեզ նյութապես»։
Չնայած ես այրիացա,
եղբայրների ցուցաբերած բարությունն օգնեց ինձ
հաղթահարելու վհատությունս և վերագտնելու հույսս։
Մեր եղբայրների ու քույրերի սերը
օգնեց մեր ընտանիքին դիմանալու կորստի այս մեծ ցավին։