JW subtitle extractor

Ulikuwa wakati wa mapambazuko
mume wangu na binti yangu
walipochukua baiskeli na
kwenda kuwatembelea
wanafunzi wao wa Biblia.
Ilipofika jioni saa 11:00 hivi,
nilikuwa nikiwasubiri
warudi nyumbani,
badala yake nilipokea ujumbe
kuwa mume wangu
amekufa katika aksidenti.
Usiku huo nilihitaji sana faraja,
lakini kwa sababu ya
hali ya hewa mbaya,
sikuwajulisha wengine kuhusu
aksidenti iliyotokea.
Usiku huo
mimi na binti zangu wawili
tulijaribu kutafuta nguvu na
faraja kwa kusoma machapisho yetu.
Bila kutarajia,
na licha ya hali ya hewa mbaya
ndugu na dada
watatu walitutembelea.
Walitumia pikipiki kwa zaidi ya
saa mbili kwenye mvua kubwa.
Karibu saa sita usiku
ndugu na dada saba wa kikundi chetu
walifika nyumbani kwa miguu.
Walitumia muda wa saa moja na nusu
kutembea bila viatu kwenye mvua
na matope kukiwa na giza.
Familia yetu iliimarishwa sana
na ndugu na dada
waliotutembelea usiku huo.
Kwa kuwa kijiji chetu
kilijihusisha na ushirikina,
nilihofu kwamba
kifo cha mume wangu
kingeliletea suto jina la Yehova,
basi nilisali kwa Yehova
kuhusu jambo hilo.
Siku iliyofuata
ndugu na dada wengi zaidi
kutoka makutaniko jirani
walitembelea familia yetu.
Badala ya suto,
upendo wa akina ndugu
ulililetea sifa na kulitukuza
jina la Yehova.
Tunathamini upendo
na msaada tulipokea
kutoka kwa akina ndugu na dada,
binti yangu mkubwa
sasa anatumikia betheli,
binti yangu mdogo
anafurahi kumtumikia
Yehova pamoja nami.
Katika ulimwengu mpya,
nitapenda kumwambia
mume wangu upendo usioshindwa
tulionyeshwa na ndugu na dada
katika familia yetu
na jinsi walivyonisaidia
kuwafundisha binti zangu
kadiri ninavyoweza
waendelee kudumisha
mtazamo wao wa kiroho.
Mzee mmoja aliniambia,
“Tungefurahi sana
kukusaidia mahitaji yako.”
Ingawa sasa nimekuwa mjane,
wema nilioonyeshwa ulinisaidia
kushinda woga na kurudisha tumaini langu.
Upendo wa ndugu na dada zetu
umeisaidia familia yetu kuvumilia huzuni.

Onyesha Upendo Usioshindwa Kutanikoni—Kwa Wajane na Watoto Wasio na Baba