JW subtitle extractor

Бугун биз Аюб пайғамбар ҳақидаги
ҳикоядан муҳим сабоқ оламиз.
Гарчи Аллоҳ Иблисга бу
дунёнинг ҳукмдори
бўлишига йўл қўйган бўлса-да,
бу китоб Яҳова
мутлақ ҳокимиятга эга эканини кўрсатади.
Буни билиш бизга сабр-бардошли
бўлишга кўмаклашади.
Масалан, Аюб китобида Яҳовага нисбатан
«Қодир Тангри» унвони
бошқа китоблардан
кўра кўпроқ марта учрайди.
Муқаддас Китобдан биз
нафақат Аюб пайғамбар ҳақида,
балки Яҳованинг ҳукмдорлиги билан боғлиқ
бошқа қизиқарли воқеаларни
ҳам билиб оляпмиз.
Келинг, биргаликда Аюб
китобининг 1-бобини очайлик.
Демак, 6-оятдан ўқишни бошлаймиз.
«Ҳақ Тангрининг ўғиллари Яҳованинг
ҳузурига кирадиган кун келди...
Уларга қўшилиб Шайтон ҳам кириб келди».
Шайтон фақатгина Яҳованинг
рухсати билан кира олган.
Жуда муҳим бир масала кўтарилгани
учун Яҳова бунга йўл қўйган.
Яҳова — Сарвари Коинот ва Шайтоннинг
мавжудлиги Унга таҳдид сололмасди.
Ҳаммаси Яҳованинг
назорати остида, шунинг учун
Унинг мутлақ ҳокимиятига
ҳеч нарса хавф туғдирмасди.
Энди 7-оят.
«Шунда Яҳова Шайтондан:
“Қаердан келяпсан?” — деб сўради».
Суҳбатни Яҳова бошлади.
У савол берди, Шайтон жавоб қайтарди.
Ҳаммаси Яҳованинг назоратида.
Ҳа, Яҳова унинг
қаердан келганини яхши билган.
Лекин Шайтоннинг гапиришига рухсат бериб,
Яҳова билган нарсаларини ҳар
ким билишини хоҳлаган,
яъни Иблис бошқалардан
айб топиш мақсадида
«ер юзини» айланиб чиққан.
Энди 8-оятни ўқиймиз.
Яҳова Шайтонни сўроққа тутиб,
унинг ниятини ошкор қилмоқчи.
8-оят.
«Яҳова Шайтонга: “Хизматчим
Аюбга эътибор бердингми?”»
Ёки бошқача айтганда:
«У ҳақда ўйлаб кўрдингми?» — деди.
Яҳова унинг ниятини билади.
Лекин Шайтон айёр.
У атайлаб Аюб ҳақида гап очмаяпти.
Лекин унинг диққати Аюбда бўлгани
учун Яҳова бу масалани кўтарган.
Демак, Яҳова Шайтоннинг дилидагини биларди.
У Шайтонга: «Ниятингни айт»
— деганда, у ниятини айтди.
10-оят.
Шайтон: «[Уни] ҳимоя қилиб турган Сен эмасми?!...
меҳнатига барака бердинг»,— деди.
Шайтон буни инкор эта олмасди.
Аюбдан Яҳованинг ҳимоясини ололмагани
унинг кучи Яҳованики каби
чексиз эмаслигини кўрсатяпти.
Яҳова Ўз халқини ҳимоя қилишга ҳақли.
Бунинг учун У қудратидан фойдаланади.
Одамато Яҳовага қарши исён кўтарганида,
Яҳова Адан боғини Ўз назорати остига олди.
Ҳаёт дарахтини ҳимоя қилиш учун У
иккита карубни қўйди ва Шайтон
ҳеч нарса қила олмади.
Нуҳ давридаги Тўфонда
Яҳова нефилимларни йўқ қилган
ва Шайтоннинг тузумига чек қўйган.
Иблис Уни тўхтата олмаган.
Сабаби Яҳова чексиз қудратга эга.
Аюб 1:11 да Шайтон Яҳовага:
«Қўлингни узатиб, унинг ҳамма
нарсасини олиб қўйгин-чи!» — дейди.
Шайтон Яҳова Аюбга
зиён етказишини истаган,
лекин бундай бўлмади.
Вазият ҳануз Яҳованинг назорати остида эди.
У Шайтонни тўхтатмади,
унинг айтганини ҳам қилмади.
У Шайтоннинг таъсирига берилмаган.
У Аюбни маълум бир чегарада
синашига йўл қўйиб берди.
12-оятни ўқиймиз.
Яҳова Ўз ҳокимиятини қандай
намоён этаётганини кўрайлик.
12-оятда У Аюбнинг азоб
чекишига йўл қўйган бўлса-да,
«Фақат... ўзига тегма!» — деб чегара ўрнатган.
Кўриб турганимиздек,
Шайтоннинг имконияти чегараланган
ва у бу чегарадан чиқа олмайди.
У чексиз қудратга эга эмас.
Яҳова Шайтонга чекланган ҳокимиятни берган.
У истаганини қила олмайди.
Шу сабабдан ер юзида доим
ҳақ топиниш томонини эгаллайдиган
инсонлар бор бўлади.
1-бобдан Шайтоннинг ҳокимияти чекланганини,
Яҳованики эса чексиз эканини билиб олдик.
Иккинчи бобдан эса осмонда
яна битта мажлис бўлганини билиб оляпмиз.
Ушбу бобнинг 1-, 6-оятларида
Шайтон Аюбни садоқатсизликда
қайта-қайта айблаётганини кўряпмиз.
6-оятда Яҳова: «Майли, уни
қўлингга топшираман.
Фақат унинг жонини олма!» — деди.
Шайтон имконияти чегараланганини
яна бир бор тан оляпти.
У Яҳовага бўйсунишга мажбур.
Ҳа, Яҳова Қодир Тангри Таолодир.
Бу муҳокамамизнинг асосий фикри.
Яҳованинг ҳокимияти
чексиз эканини тушуниш
бизга бардошли бўлишга кўмаклашади.
Яҳованинг ҳокимияти 42:10 да кўрсатилган.
Аюб 42:10.
Аюбнинг синовлари бир неча ой
ёки деярли бир йил давом этган.
Лекин 10-оятга эътибор беринг.
«Аюб дўстлари учун ибодат қилганидан сўнг,
Яҳова Аюбнинг бошига тушган
мусибатларни бартараф [этди]»
ёки уни асирликдан озод этди.
Аюбнинг синовлари ўз
мақсадига етганидан сўнг,
Яҳова гўёки: «Бўлди бас!
Аюбнинг синовлари
тугади»,— дегандай бўлди.
Мутлақ ҳокимият Эгаси
Аюбни асирликдан озод этди.
У Шайтонни занжирлаб қўйгандай бўлди.
Дарҳақиқат, Яҳованинг ҳокимияти
чексиз эканини тушуниш
бу дунёнинг бор бўлиши белгиланган вақтдан
ошмаслигига бўлган
ишончимизни мустаҳкамлайди.
Бунинг хулосасини
Римликларга 15:4 билан боғлайлик.
Шуни ёдда тутишимиз керакки, У
биз дош бера олмайдиган даражада
синалишимизга йўл қўймайди.
Агар Яҳова бирон нимага йўл қўйган бўлса,
бу Унинг иродасига мувофиқдир.
Шайтон бошқариш ваколатига эга эмас.
Бу самовий Отамиз бизни
асирликдан озод этишга
тайёр эканини исботлайди.
Ҳа, буларнинг барчаси «насиҳат
олишимиз учун ёзилган».

Марк Нумар. Аюб каби сабр-бардошли бўла оламиз (Рим. 15:4)