JW subtitle extractor

Сіз, дайынсыз ба?
Егер сіз қандай да бір оқиғаның
жақын арада орын алатынын білсеңіз,
оған дайын болу оңай болады ғой,
солай емес пе?!
Егер қудалауға келсек,
оның болатыны қаншалықты рас?
Тімөтеге 2-хат 3-тарау, 12-тармақта айтылатынындай,
“Мәсіх Исаның шәкірті ретінде
Құдайға шын беріліп өмір сүргісі келетіндердің бәрі де қуғындалады”.
Демек, бұл қуғын-сүргін болады-ау дегенді емес,
қайта, міндетті түрде болатынын білдіреді.
Ал сіз, қандай қуғын көріп жүрсіз?
Барлығымыз да ізгі хабарды уағыздап жүргенде қарсылыққа кезіккенбіз.
Бірақ сондай жағдайларда
Ехобаның бізге қалай көмектескенін де ұмытқан жоқпыз.
Ал Ехоба бізді қуғын-сүргінге қалай дайындайды?
Бүгінгі күннің тармағының түсініктемесінде де
Петірдің 1-хаты жайдан жай келтірілмеген.
Петір ол хатын шамамен б.з. 62 мен 64 жылдар аралығында жазған,
яғни Тімөтеге 2-хаты жазылардан алдын бірнеше ай бұрын.
Петір хатын арнаған бауырластар қиын сынақтардан өтіп жатқан еді.
Әрі жағдай барған сайын ушығып жатты.
Адамдар I ғасырдағы біздің бауырластарымызды римдіктерге қарсы шыққан
яһудилік зелоттар деп ойлаған.
Мұның себебі, мәсіхшілер императорға арнап құрбандықтар шалмағандықтан,
жалған салт-дәстүрлерге қатыспағандықтан болса керек.
Кейіннен б.з. 64 жылы
Римнің 1/4 бөлігі өртке оранған еді.
Кейбір адамдар бұған Нерон кінәлі деп сөз таратқан еді.
Ал Нерон өз атын қорғау үшін бұл жаланы мәсіхшілерге жапқан.
Міне, осы себепті де адамдар мәсіхшілерді жаппай қудалай бастады.
Ал содан бірнеше айлар өткен соң, Цестий Галл
б.з. 66 жылы Иерусалимді қоршап алды.
Сондықтан да Петірдің 1-хаты мен Тімөтеге арналған 2-хат өз уақытында жазылды.
Осы хаттар бауырластарымызды алда болатын қуғын-сүргінге дайындады.
Бүгінде де адамдар біз жайлы айтылатын қауесеттерге сеніп жатады.
Біз де осы дүниенің соңы жақындап қалған уақытта өмір сүріп жатырмыз.
Қазіргі таңда дүниежүзі бойынша кем дегенде 7 мемлекетте
біздің 155 бауырласымыз түрмеде отыр.
Солар сияқты қудалауға ұшырағанда бізге де дайын болуға не көмектеседі?
Бізге дайын болуға көмектесетін Петірдің 1-хатындағы 3 кеңеске назар аударайықшы.
Петірдің 1-хаты 3:14.
Сенімі жоқ адамдар қорқатын нәрседен қорықпауымыз қажет.
Келесісі, Петірдің 1-хаты 4:14.
Бізде Ехобаның киелі рухы бар, оған арқа сүйеік.
Үшіншісі, Петірдің 1-хаты 5:9—14 дейін.
Адал бауырластарымыздан үйреніп, оларды бағалайық.
Осы үш нәрсе де 14-тармақта жазылған.
Осылай есте сақтап алсақ болады.
Петірдің 1-хаты 3:14-те не жазылғанын көрейікші.
Ол жерден былай деп оқимыз: “Ал сендер
әділдік үшін қасірет шексеңдер де, бақыттысыңдар.
Бірақ олар қорқатын нәрседен қорықпаңдар да, абыржымаңдар да”.
Түсініктемеде жазылғандай, қорқыныш —Шайтанның қолданатын ең мықты қаруларының бірі.
Осы қаруды қолданып ол бізді адалдығымыздан тайдырғысы келеді.
Бірақ Петірдің 1-хаты 3:14-те “олар қорқатын нәрседен қорықпаңдар” делінген.
Ал “олар” деген кімдер?
Иә, ол біздің қарсыластарымыз.
Бірақ бұл қатарға олардың ықпалына берілетін адамдарды да жатқызамыз.
Олар сонда неден қорқады?
Абырой жоғалтудан, жеңілістен, өлімнен.
Бұл бізге Самуилдің 1-жазбасы 17-тарауда жазылған
Ғолият пен Дәуіттің оқиғасын еске салады.
Ғолият өзінің күшіне сенім артты.
Мысалы, өзінің ұзын бойына, қалқанына, семсеріне, сауыт-сайманына сенім артты.
Саул патша үшін де бұл нәрселер маңызды болды.
Ол 1 айдан астам уақыт бойы өзінің мыңдаған әскерімен філістірлік Ғолияттан қорқып отырды.
Ақыр соңында Дәуітке Ғолиятпен соғысуға рұқсат бергенде,
оған Ғолияттікіне ұқсайтын өзінің сауыт-сайманын берді.
Демек, Саул патша да
Ғолият сенім артқан нәрселерге сенді.
Мысалы, күшіне, қару-жарағына, сауыт-сайманына.
Былайша айтқанда, олар адам күшіне сенім артты.
2,5 метрден асатын айбынды сарбаз үшін тәжірибесіз сарбазды,
мейлі, ол қандай қару-жарақпен жабдықтанса да
оны ойсырата жеңу түк те емес.
Дәуіт філістірлік Ғолият қорыққан нәрседен де,
Саул патша қорыққан нәрседен де қорыққан жоқ.
Ол Саулдың сауыт-сайманын пайдаланудан бас тартты.
Өйткені Дәуіт күш-қуат Ехобадан келетінін жақсы түсінді.
Ол адам күшінен асқан күшке сенім артты
және біз де солай етуіміз керек.
jw.org сайтында тұтқынға алынған Виталий Ильиных бауырласымыздың сөзі келтірілді.
Ол былай деді: “Өмірде қиындық көбейген сайын Ехобаға одан сайын жақындай түсесін.
Ехоба — біздің Құмырашымыз.
Егер Ехоба өмірімде өрттің орын алуына жол берсе,
демек, Ехоба бұған шыдауға да көмектеседі.
Әрі Құмырашы ретінде сол қиындық арқылы мені қалыптастырады.
Қиындық мен көтере алмастай ауыр болса, Ехобадан адам күшінен асқан күш сұраймын.
Қудалаушылар Ехобаның бізге көмектесуіне,
батасын беруіне қанша тырысса да кедергі жасай алмайды.
Егер біз Ехобаға адал болсақ,
ол біздің абыройымызды асқақтатып,
жеңіс сыйлайды әрі мәңгілік өмір береді.
Сондықтан біз сенімі жоқ адамдар қорқатын нәрселерден қорықпаймыз.
Әнімізде шырқалатындай “біздің сеніміміз бар үрейді жеңетін”.
Бұл бізді Петірдің 1-хаты 4:14-тегі сөздер жайлы ойлануға талпындырады.
Былай делінеді: “Егер Мәсіхтің есімі үшін қорлық сөздер естіп жүрсеңдер, бақыттысыңдар,
өйткені бұл сендерде ұлылық рухының, яғни Құдай рухының, бар екенін көрсетеді”.
Исаның есімі үшін қудалану бізде Ехобаның киелі рухы бар екенін көрсетеді.
Ал қиындықтарға төзе беру үшін
бізге Құдайдың рухы ауадай қажет.
Антон Остапенко деген бауырласымыз былай деп жазды:
“Түрмеде Ехоба маған қандай Құдай екенін көрсетті.
Айтпайын десем, көкірегімді тесіп бара жатыр.
Ол мен үшін тек құдіреті күшті Құдай ғана емес, сүюші Әке де болды.
Ол менің жағдайымды түсінді, көмегін аямады, қолдады.
Әрі ол мұны дәл өз уақытында және мен күтпеген жолмен істеді”.
Иә, әнімізде шырқалатынындай,
“күш беріп маған дәйім Ехоба Құдайым,
ешқашан жалғыз тастамайды”.
Оның үстіне, Петірдің 1-хаты 5:9—14 дейінгі тармақтарда айтылатынындай,
бізде адал бауырластарымыз бар.
Анатолий Вилиткевич бауырласымыз
түрмеде отырғанда Киелі кітаптан қудалауға ұшыраған адамдардың оқиғаларын жазып алған еді.
Ол былай деп бөлісті: “Бір түсінгенім,
Ехоба өзінің қызметшілерін қиындықтан толықтай азат етпеген.
Десе де оларды ешқашан тастамаған.
Бұл менің бойыма күш дарытты”.
Жұбайының жазған хаттары да оған күш берген.
Ол тағы былай деді: “Бір хатында әйелім Алена достарымызбен,
жақындарымызбен түскен бірнеше суретті салып жіберді.
Мен күнде кешке сол суреттерге қарайтынмын.
Сөйтіп, суреттегі әрбір адаммен болған оқиғаны еске алатынмын.
Осының арқасында олар бір тура жанымда отырғандай болатын!”
Иә, ол Ехобаның бұрынғы және қазіргі қызметшілерінен күш алды.
Біз — бірлігі жарасқан бір халықпыз.
Рас, біз барлығымыз да
қуғын-сүргінге кезігуіміз мүмкін.
Осындайда қалай әрекет етуіміз керектігін Дмитрий Голик бауырласымыз жақсы айтты.
“Қуғын-сүргінге дайын болудың, әрине, пайдасы бар.
Бірақ ең маңыздысы, рухани дайындық екен.
Қуғын-сүргін кезде сенің қаншалықты ақылды екенін,
қудалаушылардан қалай шебер жасырынатынын аса маңызды емес.
Қайта, ең бастысы — Құдайға деген адалдығың.
Иса да жауларынан шебер жасырына алар еді.
Бірақ бұл оның мақсаты емес еді.
Оның шәкірттері ретінде біздің де мақсатымыз қиындықтардан қашу емес.
Қайта, соларға еңсемізді тік ұстап, абыроймен төтеп беру”.
Ендеше, біздер қуғын-сүргінге қалай дайындала аламыз?
Қуғын-сүргін көріп жүрген бауырластарымыздың
оқиғаларын оқып отырғанымыз жақсы.
Олар Ехобаға жай әдет болғандықтан ғана ғибадат етпейді.
Қайта, олар Ехобаға мүмкіндігінше жақындай түсуге тырысады.
Оқып-білгендері жайлы ой жүгіртеді,
қолданады, оларды жоғары бағалайды.
Сондықтан олар сенімі жоқ адамдар қорқатын нәрселерден қорықпайды.
Олар кезіккен әрбір жағдайда Ехобаның киелі рухын сұрап,
оның күшіне сенім артады.
Сондай-ақ олар өздерінің бір сенімдегі бауырластарының үлгілеріне еліктеп,
оларды қатты бағалауға тырысады.
Егер біз де осы нәрселерді істесек, сонда дайын бола аламыз.
Алда болатын қуғын-сүргінге сақадай сай боламыз!

Дейвид Шейфер. Қуғын-сүргінге дайынсыз ба? (Тім. 2-х. 3:12)