JW subtitle extractor

Ҳурмат, ишонч, севги.
Худойимиз Яҳовага
ибодат қилганимизда,
ушбу туйғуларни кўрсатамиз.
Бу Отамиз Яҳованинг
бизга берган
бебаҳо ҳадяси эканини унутманг.
Лекин бугунги бизнинг мавзуимиз:
«Қандай ибодат қилишимиз лозим?»
Бу саволнинг жавобини биламиз,
чунки аксариятимиз бир неча, ҳатто
ўнлаб йиллардан бери ибодат қиламиз.
Исо ҳам ушбу муҳим мавзуни
шогирдлари билан бирга
муҳокама қилган.
Келинг, бирга Луқо 11-бобни очамиз.
Милодий 32 йил, Яҳудия яқини.
Исо Масиҳнинг ер юзидаги
хизмати якун топишига
6 ойдан кўпроқ вақт қолганди.
Шогирдлари Исодан бир муҳим
мавзу борасида сўрашган.
Келинг, нима бўлганини кўрамиз.
Луқо 11:1.
«Ибодатини тугатгач,
шогирдларидан бири:
“Ҳазрат, Яҳё ўз шогирдларига
ўргатганидай,
бизга ҳам ибодат қилишни
ўргатинг”,— деб сўради».
«Ибодат қилишни ўргатинг».
Бу илтимос эди.
Шогирдларнинг келиб чиқишини, улар
яҳудий эканини инобатга олсак,
бу камтарона илтимос бўлган.
Ибодат улар учун топинишнинг,
ҳаётнинг ажралмас қисми эди.
Ўша пайтда ибодатхоналарда
Ибронийча Ёзувларнинг
нусхаси бор бўлиб,
ҳар Шаббат одамлар уларни
ўқиш учун келишарди.
Катта эҳтимол билан ўша шогирд
Ханнанинг илтижоси билан
яхши таниш бўлган.
Шунингдек, у Дониёр пайғамбарнинг
Яҳовага қилган илтижоси тўғрисида
ўқиган бўлиши мумкин.
Дониёр 21 кундан кейин
ибодатига жавоб олган.
Юнуснинг ҳам балиқ ичида қилган
ибодатини унутмаслигимиз керак.
Бу, эҳтимол у билган бир нечта мисол.
Бундан ташқари, яҳудийлар
ҳар куни муайян вақтда
тахминан эрталаб 9 ва
тушликдан кейин 3 да
маъбадда куйдириладиган қурбонлик
келтирилганида ибодат қилишарди.
Агар яҳудий Қуддусдаги
маъбадга бора олмаганида
ёки яшаган жойининг яқинида
ибодатхона бўлмаганида, у якка ўзи
ибодат қила оларди.
Демак, кўряпмизки, ибодат
улар учун муҳим бўлган.
Исодан савол сўраган шогирд ҳам
ибодатга жиддий ёндашган.
«Ибодат қилишни бизга ўргатинг»,
деганда у нима демоқчи бўлган?
У ёдлаб олинган ибодатларни
назарда тутмаган.
Аксинча, самовий Отажонимиз
Яҳовага қай йўсин
янада мазмунлироқ ибодат қилиш
тўғрисида кўпроқ билмоқчи бўлган.
У тўғри одамга мурожаат қилган,
яъни Худонинг энг биринчи ижодига,
бу масалада яхши билимга
эга бўлган Исога.
Исодай Яҳовани ҳеч ким яхши билмасди.
Шубҳасизки, ушбу савол Исонинг ва
Яҳованинг қалбини қувонтирган.
Исми номаълум шогирдда бўлганидай,
ибодат биз учун жуда муҳим.
Эрталабки топинишларни мисол
тариқасида оладиган бўлсак,
дастурнинг бошида ва охирида
ибодат қиламиз.
Жамоат учрашувларида ва
оқсоқоллар биргаликда йиғилиб,
учрашув ўтказганида ҳам
ибодат қилинади.
Хизматга чиққанда,
оилавий топиниш ёки тадқиқ
бошлаётганда ҳам ибодат қиламиз.
Ҳа, ибодат топинишимизнинг
муҳим қисми.
Исми номаълум шогирд сингари
биз нима хоҳлаймиз?
Мақсадимиз қандай?
Масиҳнинг фикрлаш тарзига
тақлид қилиш,
Яҳовага бўлган севгимиз
бутун бўлиши учун жон куйдириш.
Ҳар биримизда ажойиб имконият бор:
Отажонимиз Яҳовага
абадият давомида ҳар куни
ибодатда яқинлашиш.
Ҳар бир ибодат бизни Унга
яқинлаштиради.
Келинг, энди Исо ушбу шогирдга
қандай жавоб бергани ҳақида ўқиймиз.
Луқо 11:2.
«Ибодат қилаётганингизда
шундай деб айтинглар:
“Эй Отамиз, исминг муқаддас бўлсин.
Шоҳлигинг келсин.
Эҳтиёжимизга яраша ризқ-рўзимизни бер.
Гуноҳларимизни кечир, чунки биз ҳам
ўзимизга қарши
гуноҳ қилганларни кечиряпмиз.
Васвасага берилиб кетишимизга
йўл қўйма”».
Исо қандай жавоб берганига
эътибор бердингизми?
Унинг жавоби оддий бўлган.
Кўришимиз мумкинки,
у тахминан 18 ой олдин
Тоғдаги ваъзида
айтган сўзларидан иқтибос келтирган.
Исо биринчи бўлиб, Худонинг
исмига эътибор қаратган.
Кейин эса Унинг ниятига ўтган.
Сўнг эса ичимиздаги туйғулар
ва эҳтиёжларимиз ҳақида
ибодат қилишга ундаган.
Демак, Яҳованинг истаги
биринчи ўринда,
бизники эса иккинчи ўринда.
Содда, амалий ва чуқур.
Исонинг бу сўзларидан биз ҳам
фойда олишимиз мумкин.
У бугунги кунда ҳам камтарларга
Худога янада яқинлашишга
ёрдам беряпти.
Охирги йилларда ташкилотимиз берган
тавсияларга эътибор берайлик.
Биринчиси:
тинч жойни топинг.
Марк 1:35 га кўра, Исо саҳарда туриб
хилват жойга кетган ва ўша ерда
ибодат қилган.
«Хилват жойингиз» борми?
Яҳовага эрталаб ёки кечқурун
ҳеч ким халақит бермайдиган пайтда
ва жойда ибодат қилсак яхши бўлади.
Жулия исмли синглимиз шундай деди:
«Ҳар куни хиёбонда сайр қиламан,
у ерда Яҳовага бемалол
ибодат қилишим мумкин».
Иккинчи маслаҳат:
шошмасдан ибодат қилинг.
Исо ҳаворийларини танлашдан олдин
туни билан ибодат қилган.
Луқо 6:12.
Шунинг учун ибодатда фикрларимизни
рўйхат бўйича айтмай,
балки шошилмасдан алоҳида вақт
ажратиб гапиришимиз муҳим.
Эрталаб, режалари бўлишига қарамай,
иккита яқин дўст туни билан
гаплашиб чиқиши мумкин.
Улар суҳбатдан маза қилади.
Ибодатга ҳам биз шундай муносабатни
ривожлантиришимиз лозим.
Учинчи маслаҳат:
муайян пайт эмас, балки
турли хил вақтларда
имкониятдан фойдаланиб,
ибодат қилсак бўлади.
Иккита яқин дўст кун давомида
бир-бирига СМС ёзади, қўнғироқ
қилади ҳол-аҳвол сўрайди,
чунки улар бир-бири ҳақида ўйлайди.
Худди шундай Яҳова ҳақида
кун давомида ўйлашимиз
ва рамзий маънода Унга
қўнғироқ қилиб туришимиз муҳим.
Исо айнан шундай қилган.
Шогирдлари хизматдан хурсанд бўлиб
қайтишганида, у шундай деган:
«Эй Ота, еру осмоннинг Рабби,
ҳамманинг олдида Сени улуғлайман.
Чунки Сен буларни доною зукколардан
яшириб, болаларга очиб бердинг».
Энди эса тўртинчи маслаҳатга ўтамиз.
Ибодатда қайсидир фикрларни
такрорлайверганмисиз?
Эҳтимол, ибодатларимиз олдингидай
мазмунли эмасдай туюлар.
Агар шундай бўлса,
Яҳовага ибодат қилишдан
олдин бироз тўхтаб,
нима дейишимиз ҳақида
ўйлаб кўрсак бўлади.
Исо намунали ибодатида айтган
нарсалар ҳақида ўйлаб кўринг.
Қай йўсин Худонинг иродасини ва
Байтилдаги муҳим вазифамни
яхшироқ бажара оламан.
Қандай қилиб самарали
ваъз қила оламан
тадқиқлар бошлай оламан?
Хатоларим ҳақида нима деса бўлади?
Бошқаларни кечириш
мен учун қийинми?
Бу саволлар устида
мулоҳаза юритиб, ибодатда
улар ҳақида айтсак бўлади.
Бешинчи маслаҳат: ибодатларимиз
юзаки бўлмаслиги лозим.
Яхши муносабатлар
очиқ мулоқотни талаб қилади.
Шунга ичимиздагиларни
тўкиб солиш муҳим.
Забур санолари бунда бизга
яхши ёрдамчи.
Забур 13:1, 2 га қаранг.
«Эй Яҳова, қачонгача мени
эсга олмайсан? Абадийми?
Қачонгача мендан юзингни яширасан?
Токайгача... ташвишланиб, ҳар куни
қалбимда қайғу-алам чекиб юраман?»
Қаранг, сано бастакори
ташвишларини Яҳовага
бемалол айта оляпти.
Ҳа, биз ҳам Яҳова билан шундай яқин
муносабатга эга бўлишни истаймиз.
Ибодатни кўприк билан
солиштирса бўлади.
Уни ҳар йили кўрикдан ўтказиш,
таъмирлаш ва сифатини
яхшилаш муҳим.
Ибодатларимиз билан айнан
шундай қиладиган бўлсак,
амин бўлишимиз мумкинки,
Отамиз Яҳова билан
яқин дўстликка эга бўламиз.

Майкл Бенкс. Қандай ибодат қилишимиз керак? (Луқо 11:1–4)